रोगों के कारक ग्रह और उनके ज्योतिषीय उपाय

rogon ke karak grah aur unke jyotishiya upay  

Ank ke aur Lekh | Sambandhit Lekh | Views : 8367 |  
rog karak grah jab gochar men janmakalin sthiti men ate hain aur antr-pratyantar dasha men inka samay chalta hai to usi samay rog utpann hota hai. yadi shashthesh, ashtamesh evan dvadshesh tatha rog karak grah ashubh tara nakshatron men sthit hote hain to rog ki chikitsa nishfal rahti hai. yadi shashthesh char rashi men tatha char navansh men sthit hote hain to rog ki avdhi choti hoti hai. dvisvabhav men sthit hone par samanya avdhi hoti hai. sthir rashi men hone par rog dirghakalin hote hain. aie rogon ke grahon ke jyotishiya upcharon par ek drishti dalen. surya netra bhav men surya, chandra ya shukra akele ya yut ho to netra vikar utpann karta hai. shukra ki yuti chandra ya surya ke sath ho to vah sthayi netra vikar utpann karta hai jaise- varnandhta, nishandhta. surya aur shani ki yuti samlbai, surya aur rahu ki yuti ankhon men alsar utpann karti hai. shukra aur chandrama ki yuti se motiyabind hota hai. surya ya chandra ke sath nich ya vakri mangal netra bhav men sthit hone par netra ki hani karta hai. dahine aur bayen netra men rogkarak shukra ki sthiti yadi chandrama se drisht hai to mayopiya namak rog hota hai. upchar: û hriday rog se raksha hetu surya aur chandra ko aghrya den evan aditya stotra ka path 40 din tak karen. û netra rog se bachav hetu surya aur chandra ko aghrya den evan chakshushi vidya ka path 40 din tak karen. not: suryaghrya samagri - tanbe ka lota, roli, lal ful evan durva. chandraghrya samagri - chandi ka bartan, safed ful evan chaval. surya se sanbandhit sabhi rogon ke nivaran hetu tuladan - sharir ke bhar ke barabar gehun taulakar ravivar ko din ke 12 baje brahman ko dan karen. chandrama chandrama se shit prakop, snofiliya adi ho sakte hain. chandra aur budh ki yuti shashth ya dvitiya bhav men hone par najla ya nasur tatha rog pratirodhak kshamata men vikar utpann ho jata hai. yadi chandra chathe, satven aur athven bhav men shashthesh se drisht ho to prameh, madhumeh, atimutra adi rog utpann hote hain. upay: chandraghrya, rajtdan snofiliya, khansi men evan sharkara kunbh dan shugar men karen. bahumutra men ek litar (mausam ke anusar thanda ya garma) jal panch minat tak anavarat dhara men pyubik glaind aur jannang ke madhya sthan men giraen. isse shukra par niyantran tatha anek prakar ke jannangiya rog jaise lyukoriya, yurinri traik infekshan (yu. ti. ai.) dur honge. (yah prayog snan ke purva karen.) mangal uchch ka mangal chathe, athven aur barhven bhavon men uchch raktachap utpann karta hai. nich, ast evan shatrukshetri mangal nimn raktachap utpann karta hai. mangal rahu ki yuti chathe bhav men hone par lal kushth rog tatha chandra rahu ki yuti chathe bhav men hone par shvet kushth rog utpann hota hai. ketu ki shashthesh se yut hokar chathe bhav men sthiti ya chathe bhav par uski drishti ho to aparas aur ekjima rog utpann hote hain. yadi chaturth bhav ke pratham derashkan par drishti ho to daheri rog hota hai. upay: 1. bhojan ka pratham gras shvan bali ke lie nikalen. 2. chandra, rahu ki yuti mangal se hone par shvan ko dudh pilaen. 3. kushth rog hone par khair ki lakri se 40 din tak samidha havan karen. latjira evan tulsi ki pattiyan barabar matra men gangajal men pis kar palash ke patte par rakhen aur pirit sthan par lep karen. 4. himoglobin men utar charhav, enimiya se raksha ke lie manglvar ko pratah lal kapra orhakar bahte jal (nadi) men masur ki dal pravahit karen. budh budh mukhya rup se maigren rog deta hai. budh yadi dvadash bhav ya lagn men surya se yuti kare ya surya se drishti sanbandh banae to mukhya rup se tivra maigren hota hai. upay: û kanse ke patra men ghi bhar kar uske upar sabut mung ki dal dhak kar budhvar ko sir ke charon or chah bar ghumakar brahman ko dan den. û maigren evan anton ke rog men pratyek budhvar ko jal men gangajal mila len aur usmen kusha dalakar ‘om budhay namah’ ka 108 bar jap karen. jap karte samay kusha ko hath se pakre rahen. jap ke bad usi jal ko pi len. isse maigren, tanav, anidra, bechaini, ghabrahat tatha mrityu bhay dur hote hanai. guru guru se sharir ka bhar, gurde, pitt tatha pindliyan aur donon kan niyantrit hote hain. yadi brihaspati aur shani paraspar chathe aur athven bhavon men sthit hon to sharir ka bhar adhik barh jata hai aur sharirik sfurti kshin ho jati hai. guru tisre aur ekadash bhav men sthit hokar kan ke rog utpann karta hai. rahu ke atirikt anya grahon se yuti hone par yah dosh nahin hoga. chaturthesh aur dashmesh ka sthan parivartan, chaturth ya dasham bhav men guru ki sthiti athva saptam ke pratham tatha antim dreshkan men guru ki sthiti gurde ke rog utpann karti hai. lagn men surya tatha dvadash men guru piliya rog deete hain. upay: û haldi ki mala par ‘¬ brihaspataye namah’’ ka ek mala jap nitya pratah kal karen. û vani dosh men grishm ritu men dudh men haldi milakar tatha shit ritu men kesar milakar ‘‘om chandray namah, om brihaspataye namah’’ mantra ka jap karke pan karen. û muk dosh aur kidni dosh se bachav ke liye haldi ki ganth aur svarn pile dhage men bandh kar gangajal mile jal men dubote hue chah bar ‘¬ brihaspataye namah’ ka jap karke vah jal pi len. aisa 41 din tak karen. û rog pratirodhak kshamata kam hone par (chandra evan guru ki sthiti arisht hone par) haldi ki ganth pile kapre men is prakar bandhen ki haldi ka sparsh sharir men hota rahe aur ‘¬ brihaspataye namah’ mantra se dhup dip adi se pujan karke guruvar ko pratah kal dahini bhuja men bandh len. (pratyek 27 din men ise badlte rahen). shukra dvitiya aur dvadash sthan men shukra chandra ya surya ke sath yuti karne par netra dosh utpann karta hai. rahu ke atirikt anya grahon se yuti hone par bhi dosh bana rahta hai. chathe, satven aur athven bhavon men shukra ki sthiti ya un par drishti hone par sharkara rog aur gupt rog utpann hote hain. chandrama aur shukra ki yuti inhin bhavon men ho to rog ki ganbhirta barh jati hai. shukra aur guru ki yuti se yah dosh bhang ho jata hai tatha yah sharkara rog aur netra rog men parivartit ho jata hai. upay: û yaun rog ke lie shukra ka samidha havan ratri men gular ki lakri se karen. û shugar ke liye sharkara kunbh dan karen. shani: dvitiya sthan men shani dant rog, chaturth sthan men vayu rog (gaistik, esiditi) chathe, satven, athven bhavon men ghutnon evan pindliyon men dard aur dasven sthan men tivra vayu rog (uchch gaistik) utpann karta hai. upay: û shanivar ki ratri men chaya dan 19 shanivar tak karen. û joron men dard se bachav ke lie shani ki lakri kale kapre men bandh kar ‘¬ shanaishcharay namah mantra se pujan karke dahini bhuja men bandhen. rahu rahu evan budh bari tatha choti ant tatha sharir men banne vale sabhi harmon niyantrit karte hain. sharir ke nakh tatha bal rog rahu ke ke dvara niyantrit hote hain aur inka poshan budh ke dvara hota hai. rahu aur budh ki arisht sthiti (labhesh se chaithe, chathe, athven aur barhven) se nakh tatha balon ke rog hote hain. is dosh men dahi ka prayog uttam rahta hai. chaithe, panchven ya chathe sthan men rahu ho to udar rog (antrashoth, yakrit vriddhi, bavasir, bhagandr) hote hain aur inhin sthanon par ketu ki sthiti se alsar utpann hota hai. saptam men rahu aur shukra ki yuti se shighrapatan ki bimari hoti hai. chaturth men krur grah ke sath rahu ki yuti bhi shighrapatan rog deti hai.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2006

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.