रोगों से बचाए सूर्य

rogon se bachae surya  

Ank ke aur Lekh | Sambandhit Lekh | Views : 1428 |  
prithvi ke prraniyon ke lie surya ka bahut jyada mahatva hai. samast dhara par nivas kar rahe prani jagat hetu surya jivan pradata hai. surya vah pind ya grah hai jisse hamen urja prapt hoti hai. surya se prapt urja hi hai jo is sansar ko chalayman banae hue hai. surya ko bhagvan vishnu ke bad is prani jagat ka palak mana gaya hai. jyotish shastra men surya ko sabhi grahon ka raja mana gaya hai. ise saur mandal ka pramukh grah kaha gaya hai. surya itna vishalkay aur urjavan grah hai jisse hamari prithvi urjavan aur ushmavan hoti hai. jyotish men surya ko kuch karyon ke karak ki sangya di gai hai jaise, aushdhi aur parivarik sanbandhon men pita ka karak surya hai. sharir men haddi ka karak surya hai. svadhyay, urja, chikitsak aur adhikari varg, samast prashasnik vichar, sarkari tantra, dayan netra, din, sir, pet, mastishk, hriday, rakt chap, jvar, pittaj rog, kshay rog adi surya ke adhin hain. surya ko vigyan mana gaya hai kyonki yah urja, ushma, prakash, aushdhi ka karak hai. jyotish shastra purn rupen vaigyanik tathyon par adharit hai. ise videshi vidvanon ne bhi svikar kiya hai. surya ke kshetra ko vistar se vidvanon ne samjha hai. surya ki gati ke falasvarup hi din rat bante hain. surya purva disha se udit hokar pashchim men ast ho jata hai. surya men aushdhiya gun paya jata hai. vastu shastra ka gahan adhyayan kiya jae to vastu men niyam hai ki ishan kon men puja kaksh banaya jae aur nairritya kon men jyada se jyada bhari nirman kiya jae arthat bari-bari divaren hon, unchai adhik ho, khirki darvaje n banae jaen. iske siddhant ke tah men jaen to malum parega ki yah tathya kitna vyavharik aur svasthya karak hai. prachin kal men subah shauch adi karyon hetu ghar se dur jaya jata tha. vah bhi andhere men aur jab vapas lautte the tab tak suryoday ho jata tha aur surya se niklne vali kirnen, jinmen vitamin ki prachur matra pai jati hai, prapt hoti thin. medikal sains bachchon men hone vale sukha rog par koi dava nahin bana paya hai. iska ek matra ilaj hai ki bachche ko kapre utar kar lal tel se malish kar ugte surya ki kirnon men bitha diya jae. surya ki kirnon men pratah kalin vitamin di aur protin yukt ushma prapt hoti hai. isilie puja kaksh ishan men banaya jata hai taki logon ko jyada se jyada surya ki kirnon se prapt urja ka labh ho, aur log svasth rahen. ishan men jyada khulapan hona chahie. rasoi ghar dakshini purvi kon par banaya jae taki surya ki urjavan kirnen hamare bhojya padarthon ko kiron, jantuon aur baiktiriya se mukt rakhen. sandhyakalin surya se infrared kirnen niklti hain jo eksare nikalne men prayog ki jati hain. yah manav sharir hetu hanikarak kirnen hain. surya ast pashchim men hota hai. nairritya kon (dakshin-pashchim ka bhag) men uncha nirman, moti divaren, bare-bare per hone ki vajah se surya ki hanikarak kirnen hamare pas nahin atin. sandhya kal men arti karne ke piche bhi yahi uddeshya hai ki ap surya ast ki disha se dur purvi kshetra men rahen taki surya ki hanikarak kirnen ap ko aghat n pahuncha saken. is tarah surya rogon se hamari raksha karta hai. surya se prapt kirnon se hamen bal prapt hota hai. pranabal surya se hi prapt hota hai. jab varsha ritu men 2-3 dinon tak surya badlon men chupa rahta hai tab ham susti, thakan, bharipan mahsus karte hain, kuch karya karne ki ichcha nahin hoti. yah sab kya hai, yah surya ka hi to kamal hai ki vah uday ho kar hamen apni urja pradan karta hai. subah jaldi uthakar sair karne ki salah daktaron dvara di jati hai. yah sab surya ki khasiyat hi hai ki der se uthne valon ki apeksha jaldi uthakar sair adi par jane vale jyada sfurtivan aur svasth mahsus karte hain. atah surya hamare lie sirf din lane vala hi nahin apitu jivndayak aur rogon se mukt rakhne vala urja dene vala aur roganuon se larne ki kshamata viksit karne vala grah hai.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2006

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.