अष्टम भावस्थ शनि और शिक्षा

ashtam bhavasth shani aur shiksha  

Ank ke aur Lekh | Sambandhit Lekh | Views : 1677 |  
jivan men shiksha ka sthan mahatvapurn hai, visheshakar adhunik samay men kyonki yah shiksha hi jivan ke adhar-vyavsay ka nirnay karti hai. samay parivartan se is sansar ka parivesh badla, naye marg khule tatha naye-naye vyavsayon ka nirman hua. iske sath hi naye-naye vishyon ka adhyayan praranbh hua. mata-pita ki ichcha apni santan ko achchi se achchi shiksha dene ki hoti hai aur iske lie ve har sanbhav prayas bhi karte hain. parantu shiksha purva janmon ke sanchit karmon ke anusar hi mil pati hai jise ham vyakti ki janm kundli se jan sakte hain. kisi bhi jatak ki kundli men uske purva janmon ke karmon ke anusar bhinna-bhinn bhavon men grahon ki sthiti uski shiksha, shiksha men ruchi, shiksha ka sanbhavit kshetra aur uski buddhi ki karya kshamata ko darshati hai. maharshi parashar ke anusar vidya, buddhi, granth rachna, yantra, mantra adi ko pancham bhav se dekhna chahie. uttar kalamrit men kavi kalidas ka bhi aisa hi mat hai. dhanudhiraj ne jatkabharanam men likha hai ki buddhi, granth rachna, mantra, vidya adi ka vichar pancham bhav se kiya jana chahie. mansagri ke rachyita ne bhi aisa hi likha hai. faldipika men mantreshvar ne vidya v dhan ka dvitiya bhav se vichar karne ka mat diya hai. maharshi jaimini ke matanusar jyotish men vidya ka pramukh sthan pancham bhav hi hai. parantu unhonne karkansh lagn ko mahatva diya hai. dakshin bhartiya jyotish men chaturth bhav ko shiksha ka bhav mana gaya hai. aisa mana ja sakta hai ki shishu kal ki shiksha ko dvitiya bhav se, dasvin kaksha tak ki shiksha ko chaturth bhav se tatha vishvavidyalay evan vyavsayik shiksha ko pancham bhav se dekhna chahie. in bhavon ke sath hi shiksha ke karkon ka bhi dhyan rakhna chahie. brihaspati mukhya karak hai, budh sahyogi hai aur lagnesh evan lagn to sab baton ke lie karak hain hi. prachin daivagyaon ne ek mat se budh evan bririhaspati ko vidya, buddhi, vidvatta adi ka karak mana hai. nakshatron ke adhyayan kabhi-kabhi bahut achche sanket dete hain. dashakram se shiksha men hone vale parivartan, asfltaen, dave tatha upalabdhiyon ka akalan kiya ja sakta hai. shiksha ke antargat shiksha kitni aur kis star ki hogi, shiksha ke mul vishay kya honge, shiksha men nirvah kaisa hoga, kya shiksha men koi vyavdhan hoga, kya shiksha men vishay parivartan hoga, kya shiksha ghar se bahar jakar hogi athva videsh men hogi, kya shiksha niji rup se hogi athva vidyalay men hogi, kya koi manpsand karya shiksha ka adhar banega aur bad men vahi vyavsay ka bhi adhar hoga, kya koi atirikt karya shiksha ke sath chalega aur jivan men mahatva rakhega adi baten jan sakte hain. adhyayan ke adhar hain - pancham bhav tatha panchmesh, dvitiya tatha chaturth bhav, karak grah budh tatha brihaspati, janm samay dasha aur dashakram, nakshatra, gochar adi. kuch kundliyon ka adhyayan inhin adharon par yahan prastut hai. udaharan 1ah jatak ka janm lagn mesh hai jiska svami mangal hai. lagn tatha lagnesh donon agni tatva hain. lagn par sinh rashi (agni) sthit pancham bhav se brihaspati ki drishti hai. lagnesh mangal par ashtam bhav sthit shani ki vrishchik rashi (svami mangl) se drishti hai. lagn evan lagnesh bali hain. surya tatha chandra nakshatra parivartan yog men hain. brihaspati tatha shukra ki paraspar drishti hai tatha nakshatra parivartan hai. shani mangal ki rashi men mangal se drisht hai aur svayan ke nakshatra men hai. dasham bhav men surya, budh tatha rahu ki yuti hai tatha in par ashtam bhav se shani ki drishti hai. jatak julai, 1920 men ra/sha/sh ki dasha men uchch shiksha ke lie inglaind gaya. uska panchmesh surya dasham bhav men rahu tatha budh ke sath makar rashi men hai jis par ashtam bhav se shani ki drishti hai. rahu, shani tatha surya prithktavadi grah hain. rahu tatha surya ki drishti chaturth bhav par hai. rahu aur surya donon chandra ke nakshatra men hain. atah use desh chorakar bahar jana para. panchmesh dasham bhav men hai, pancham bhav men brihaspati hai parantu pancham bhav tatha panchmesh donon hi shani se pirit hain. pancham bhav tatha brihaspati par mangal ki bhi drishti hai. is karan vah apni uchch shiksha se jure vyavsay men laga nahin raha. udaharan 2: jatak dhanu lagn men janma hai jis par pancham bhav se brihaspati v ketu ki drishti hai. saptam bhav se mithun rashi se surya aur shukra ki drishti hai. lagnesh brihaspati mesh rashi men pancham bhav men ketu se yut hai. budh saptamesh tatha dashmesh hai aur mangal ke nakshatra men hai. panch bhav par ashtamasth shani ki drishti hai. shani apne hi nakshatra men hai aur svagrihi chandra se yut hai. atah vigyan men uchch shiksha tatha chikitsa sanbandhi shiksha honi chahie. jatak ki praranbhik shiksha budh tatha ketu ki mahadsha men hui aur uska janm bhi bu/ke ki dasha men hua tha. budh saptamesh tatha dashmesh hokar shashth bhav men hai jo pratiyogita men saflta de raha hai. ketu pancham bhav men brihaspati ke sath hai jo uchch shiksha tatha anusandhan ki or sanket de rahe hain. jatak ka em.bi.bi.es. men chayan 1994 men shu/shu ki mahadsha men hua. shukra saptam bhav men surya ke sath mithun rashi (svami budh) men sthit hokar lagn ko dekh raha hai. shukra shashthesh tatha ekadshesh hai tatha shashth bhav men sthit budh se rashi parivartan yog kar raha hai. yah uchch saflta ki nishani hai. budh saptamesh aur dashmesh hokar karm bhav ko prabhavit kar raha hai. shukra par rahu ki drishti hai aur shukra rahu ke nakshatra men hai. jatak ka 1999 men shu/chan ki dasha men snatkottar pathyakram men chayan ho gaya. chandra svagrihi hokar ashtam bhav men shani se yut hai aur shani ki drishti karm bhav, dhan bhav tatha shiksha bhav par hai. chandra ke donon or surya tatha mangal hain. atah chandra pirit hai jo daektar ki parhai darshata hai. shu/man ki dasha men vishesh uchch yogyata tatha anusandhan ke lie amerikan vidyalay men chayan hua. mangal panchmesh v dvadshesh hokar navam bhav men sinh rashi men sthit hai jiska svami surya lagn par drishti dal raha hai. mangal ki drishti dvadash, tritiya tatha chaturth bhav par hai, atah ghar se dur rahakar parishram karna hoga. shu/ra ki dasha men jatak amerika chala gaya. rahu prithkkari hai aur uski shukra par drishti hai. shani ki drishti brihaspati par hai jo chaturthesh hai. mangal ki drishti bhi chaturth bhav par hai. gochar men shani saptam bhav men hai jo chaturth bhav ko prabhavit kar raha hai. udaharan 3: jatak ka janm lagn min hai jis par navam bhav sthit surya chandra se yut lagnesh brihaspati ki drishti hai. lagnesh brihaspati param shubh bhagya trikon navam bhav men surya chandra se yut hokar mitra mangal ki vrishchik rashi men sthit hai. brihaspati shani ke nakshatra men hai aur lagn, surya tatha chandra budh ke nakshatra men hain. budh dasham karm bhav men brihaspati ki dhanu rashi men shukra aur ketu ke sath sthit hai. budh shukra ke nakshatra men aur shukra ketu ke nakshatra men hai. shani, mangal, rahu aur ketu charon pap grah uchch ke hain. budh chaturthesh tatha saptamesh hai. budh tatha brihaspati ke prabhav se jatak ne barhvin kaksha vanijya ke sath pas ki. snatak bhi vanijya men kiya. 2002 men shu/ra/bu ki dasha men mainejment men pravesh liya. shukra tatha budh karm bhav men hain aur chaturth bhav se rahu se drisht hain. panchmesh chandra trikon navam bhav men surya tatha brihaspati se yut hai. karm bhav par shukra ki tula rashi ke ashtam bhav se dvadshesh shani ki drishti hai. ekadshesh bhi shani hai aur is bhav men navmesh tatha dvitiyesh mangal sthit hai. ye sab sthitiyan evan sanbandh shiksha hetu videsh jane ka sanket de rahe hain. chaturth bhav rahu-ketu aksh par hai; ghar se dur hone ka yog banta hai. jatak shu/ra/shu ki dasha men march, 2003 men landan chala gaya. udaharan 4: jatak ka janm lagn makar hai jis par shashth bhav se mangal, saptam bhav se svarashi chandra tatha bhagya bhav se rahu ki drishti hai. rahu navam bhav men budh ki kanya rashi men budh tatha surya se yut hai. mangal aur chandra ka nakshatresh brihaspati hai aur mangal brihaspati se yut hokar shashth bhav men hai. budh uchch hai aur chandra svakshetri hai. atah praranbhik shiksha thik hi rahi. lagnesh shani ashtam bhav men hai aur shukra se yut hokar apni rashi kunbh dvitiya bhav par drishti dal raha hai. shani ketu ke nakshatra men hai jo brihaspati ki rashi men tritiya bhav men sthit hai. ketu par bhagya bhav se budh, surya tatha rahu ki drishti hai. surya tatha rahu chandra ke nakshatra men hain. shukra panchmesh v dashmesh hai tatha yog karak hokar svayan ke nakshatra men hai. age ki shiksha ke lie chaturth bhav dekhte hain. jatak ne 1993 men sha/man./man. ki dasha men dasvin kaksha pas ki tatha 1995 men sha/ra/bri ki dasha men barhvin kaksha pas ki. shani yogkarak v panchmesh shukra se yut hokar ashtam bhav men hai aur dvitiya tatha pancham bhav ko prabhavit kar raha hai. shani ketu ke nakshatra men hai jo brihaspati ki rashi men hai aur uchch ke budh se drisht hai. mangal brihaspati ke nakshatra men hai tatha brihaspati se yut hokar budh ki rashi men shashth bhav men hai. rahu surya tatha uchch budh se yut hokar navam bhav men hai. jatak ne 1995 men sha/ra/sh ki dasha men bi.kaem tatha si.e. faundeshan kors men pravesh liya. shani par brihaspati v budh ka prabhav hai tatha uska rashish surya bhi budh ki rashi men uchch budh ke sath hai, atah kaemars parhna chaha. julai, 1997 men sha/ra/shu ki dasha si.e. men uttirn nahin ho paya. kyonki panchmesh shukra ashtam bhav men shani ke sath hai atah shiksha men vyavdhan aya. jatak ne isi dasha men mainejment men pravesh liya. shani ka prabhav pancham bhav tatha panchmesh shukra par hone se shiksha men badlav aya. sha/bri/ke ki dasha men 1998 men bi.kaem. v mainejment men uttirn hua. tinon dashanath budh v brihaspati ke prabhav men hain. 1999 men sha/bri/shu ki dasha men em.bi.e. ki taiyari karne ke lie ek varsh pariksha nahin di. aisa pratyantardashanath shukra panchmesh ka ashtam bhav men hone ke karan hai. sha/bri/ra ki dasha men em.bi.e. men pratiyogita ke adhar par chayan hua. brihaspati ke shashth bhav men mangal ke sath hone se parishram dvara tatha rahu ke bhagya bhav men uchch budh ke sath hone se aisa fal prapt hua. 2001 men bu/bu/ra ki dasha men em.bi.e. uttirn kiya. budh navam bhav men uchch ka hai aur uski yuti rahu ke sath hai. udaharan 5: jatak ka janm lagn kanya hai, jiska svami budh hai. lagn men navmesh tatha dvitiyesh nich ka shukra sthit hai. lagnesh budh dvadash bhav men sinh rashi men chandra tatha ketu ke sath sthit hai. budh tatha chandra donon ketu ke nakshatra men hain. chandra aur ketu ke sanbandh ke karan jatak ki mansikta adhik unnat nahin hai aur usmen asthirta hai. dvitiya bhav men do kendron chaturth tatha saptam bhavon ka adhipti brihaspati shatru shukra ki rashi tula men sthit hai aur dohre kendradhipti dosh se dushit hai. dvitiya tatha pancham bhav nich shani se drisht hain. atah praranbhik shiksha sadharan rahi. is par ketu ki drishti hai aur chaturthesh tatha vidya karak brihaspati chaturth se ekadash bhav men shatru shukra ki rashi men dvitiya bhav men sthit hai. brihaspati ashtam bhav men sthit nich shani se drisht hai aur mangal (ashtamesh v tritiyesh) ke nakshatra men hai. jatak ne dasvin kaksha 1985 men shu/bri ki dasha men pratham shreni se ek nanbar se pichar kar dvitiya shreni men uttirn ki. shukra bhagyesh v dvitiyesh hokar lagn men nichasth hai. donon guruon brihaspati v shukra ki dashavastha men bhi bhagya shiksha men durbal raha kyonki donon grah kam bali hain. jatak ne dvadash kaksha vigyan vishay men pratham shreni men 1987 men shu/sh ki dasha men pas ki. shu/sh ki dasha vishesh mahatva rakhti hai. shukra aur shani donon hi nichasth hain. shani ashtamasth hai aur brihaspati se drisht hai tatha panchmesh hai. atah vigyan ke adhyayan ke sanket deta hai. shani aur shukra donon surya ke nakshatra men hain aur surya ekadash bhav men hai atah parinam men uchchata hai. uchch shiksha ke lie pancham bhav ka adhyayan karen. pancham bhav par ekadash bhav se mitra rashi sthit surya tatha mangal ki drishti hai aur ye donon budh ke nakshatra men hain. pancham bhav par ashtam bhav se nich panchmesh shani ki drishti hai. pancham aur ashtam ka sanbandh achanak parivartan darshata hai- visheshakar panchmesh shani ke shashthesh hone par. shani tatha lagn surya ke nakshatra men hain jo uchch shiksha men parivartan, rukavat, sangharsh tatha parishram ka dyotak hai. mangal aur surya ka budh ke nakshatra men hona shiksha ka sanbandh patrakarita v kanun se hona batata hai. 1988 men shu/sh ki dasha men jatak ne bi.essi. ki pariksha chor di tatha shiksha men vyavdhan raha. 1990 men shu/bu ki dasha men bi.e. men pravesh lekar isi dasha men 1992 men bi.e. pas kiya. shukra lagn men budh ki rashi kanya men nichasth hai. isi varsh bi.ed. men pravesh lekar 1993 men su/su ki dasha men bi.ed. kiya. surya dvadshesh hokar ekadash bhav men sthit hokar pancham bhav par drishti dal raha hai. 1995 men su./bu. ki dasha men em.e. (itihas) pratham shreni men kiya. ekadshesh chandra hai jo ketu ke nakshatra men hai. surya, chandra aur ketu ka prabhav uchchata batata hai. jatak ne aktubar 2000 men chan/ra/bri ki dasha men pi.echdi. men panjikaran karaya. chandra se pancham bhav ka svami brihaspati hai, rahu se pancham bhav ka svami budh hai. brihaspati se pancham bhav men shani ki rashi men rahu sthit hai. brihaspati, budh, chandra aur rahu ka sanyog anveshan karya ke lie uchit hai. shani ki drishti pancham bhav par hai aur chandra tatha budh shani se pancham bhav men hanai. jatak 2001 men chan/ra/shu ki dasha men patrakarita vishay men pravesh lekar 2002 men chan/bri/bu ki dasha men uttirn hua. udaharan 6: jatak ka janm lagn kanya hai jis par shashth bhav se shani rashi sthit mangal ki drishti hai. mangal tritiyesh tatha ashtamesh hai aur ketu ke nakshatra men hai aur ra/ke aksh par hai. lagnesh budh dasham bhav ka svami hokar chaturth bhav men surya ke sath brihaspati ki rashi men budhaditya yog bana raha hai. budh brihaspati ke nakshatra men hai. shiksha ke uchch hone ke yog hain. brihaspati chaturthesh v saptamesh hokar dvitiya bhav men shatru shukra ki tula rashi men hai. budh par dvadash bhav se ketu ki drishti hai. brihaspati ketu ke nakshatra men hai aur ashtamasth nich tatha vakri shani se drisht hai. pancham bhav par shani ki drishti hai jo panchmesh hai. shani shashthesh bhi hai aur surya ke nakshatra men hai. yah shiksha men vyavdhan aur darshata hai- jatak ko parivartan parishram karna hoga. shani tatha mangal men shashth tatha ashtam men rashi parivartan hai. yah bhi vishay parivartan ko batata hai. jatak ne sangit se vishay parivartan kar hindi sahitya men shiksha age barhai. yah chan/sh ki dasha men 1990 men hua. dvadash bhav se ketu ki drishti chaturth bhav men dvadshesh surya par tatha budh hai jo ketu ke nakshatra men hai. chaturth bhav men budh tatha ketu ka nakshatresh shukra hai jo aichchik ruchiyon vale tritiya bhav men mangal ki rashi men hai jo rahu ke nakshatra men hai aur mangal tatha rahu donon shasht bhav men shani ki rashi men hain. atah sangit men ruchi v shiksha men vyavdhan hua. dvitiya bhav men shukra ki rashi men sthit brihaspati jatak ki shiksha men pravinta darshata hai. pancham bhav par ashtamasth shani ki svarashi par drishti, shani ka ketu ke nakshatra men hona, ashtamesh mangal ka nakshatresh rahu hona, gahan adhyayan tatha anveshan karya ki or jatak ki pravritti darshata hai. jatak ne 1992 men chan./bu. ki dasha men bi.e. kiya. chandra ekadshesh hai aur budh lagnesh hai jo chaturth bhav men surya ke sath budhaditya yog men hai. donon ka nakshatresh shukra hai jo sahitya men ruchi evan dikha raha hai. chan.shu. ki dasha men em.e. tatha em.fil. kiya (1994-95). man./bu. ki dasha men, 2000 men piech.di. kiya. mangal ashtamesh hai aur rahu ke sath shashth bhav men sthit hai. ashtam bhav men shani tatha chandra hain. mangal rahu ke nakshatra men hai aur ketu se drisht hai. atah anveshan karya sanpann hua. udaharan 7: jatak ka janm kunbh lagn men hua jis par saptam bhav se chandra, mangal aur rahu ki drishti hai. lagnesh shani ashtam bhav men kanya rashi men hai aur budh dasham bhav men vrishchik rashi men surya ke sath tap raha hai. brihaspati chandra, mangal aur rahu se yut hokar sinh rashi men saptam bhav men hai. dvitiya bhav par shani tatha mangal ki drishti hai. dvitiyesh brihaspati hai jo mangal aur rahu se pirit hai. chaturthesh shukra hai jo ekadash bhav men shatru ki rashi men sthit hai. chaturth bhav par surya aur budh ki dasham bhav se drishti hai. pancham bhav par shani tatha ketu ki drishti hai aur panchmesh budh surya se pirit hai. budh rahu ke nakshatra men aur shukra mangal ke nakshatra men hai. atah shiksha se sanbandhit sabhi karak shani, rahu aur surya se prabhavit hain jiske parinamasvarup shiksha men vyavdhan ate rahe. jatak ko chandra/shni ki dasha men grejueshan karte samay ruk ruk kar parhai karni pari aur char varshon men grejueshan kar paya. chandra shashthesh hai, shani dvadshesh hokar ashtam bhav men hai. udaharan 8: jatak ka janm lagn tula hai jis par navam bhav se ketu ki drishti hai. lagnesh shukra navam bhav men svarashi budh tatha ketu ke sath yuti men hai. budh tatha ketu rahu ke nakshatra men hain, shukra mangal ke nakshatra men hai. brihaspati tritiyesh tatha shashthesh hokar chaturth bhav men shani ki rashi men hai. brihaspati dasham bhav se chandra se drisht hai aur chandra ke nakshatra men hai. dvitiya bhav par surya aur shani ki drishti hai. dvitiyesh mangal pancham bhav men shani ki rashi men ketu tatha shani se drisht hai. shiksha ke lie balvan yog nahin hai. jatak ko bu/ke ki dasha men parhai men samasyaen ain v vyavdhan hua. ketu ke prabhav ke karan videshi bhasha ka adhyayan kiya. budh ketu se pirit hai aur budh aur ketu donon rahu ke nakshatra men hain. surya yut shani pancham bhav par vightnkari prabhav dal raha hai. pancham bhav men mangal hai jo lagnesh shukra ke nakshatra men hai parantu ketu se pirit hai. udaharan 9: jatak ka janm mesh lagn men hua jahan ketu sthit hai. us par tula rashi se brihaspati tatha rahu ki drishti hai. lagnesh mangal ashtam bhav men surya tatha shani ke sath hai. dvitiya bhav par mangal, surya aur shani ki drishti hai. dvitiyesh shukra dasham bhav men shani ki rashi tatha surya ke nakshatra men hai. chaturth bhav par dasham bhav se shukra ki drishti hai tatha chaturthesh chandra shashth bhav men kanya rashi men hai. pancham bhav par shani tatha ketu ki drishti hai, panchmesh surya shani tatha mangal ke sath ashtam bhav men hai. brihaspati saptam bhav men shatru rashi men rahu ke sath hai aur dvadshesh hai. budh tritiyesh tatha shashthesh hokar navam bhav men ketu se drisht hai. shiksha ke karkon par surya, shani, rahu adi ka vighnakari prabhav hai. jatak ne 1978 men man/su ki dasha men em.essi. pratham varsh men hi chorakar vyavsay shuru kar diya. panchmesh surya ashtam bhav men mangal tatha shani ke sath hai, pancham bhav par shani tatha ketu ki drishti hai. atah surya v shani ke algavvadi prabhav ke karan shiksha chorni pari. udaharan 10: jatak ka janm lagn kunbh hai jis par saptam bhav se chandra tatha budh ki drishti hai. chandra shashthesh hai, budh panchmesh tatha ashtamesh hai. budh ka nakshatresh surya hai jo saptamesh hokar ashtam bhav men shani tatha shukra ke sath hai. chandra ka nakshatresh shukra hai. lagnesh shani, surya aur shukra ke sath ashtam bhav men hai aur us par dvadash bhav se rahu ki drishti hai. lagn par dasham bhav se tritiyesh tatha dashmesh mangal ki drishti hai jo budh ke nakshatra men hai. panchmesh budh hai jo saptam bhav men chandra ke sath hai aur us par brihaspati ki drishti hai. pancham bhav par surya tatha mangal ki drishti hai. jatak ka chayan 1971 men chan/shu ki dasha men em.bi.bi.es. men hua. chandra shashthesh hokar saptam bhav men budh ke sath sthit hai. budh surya ke nakshatra men aur chandra shukra ke nakshatra men hai. shukra mangal ke nakshatra men hokar ashtam bhav men surya aur shani ke sath hai. mangal dashmesh hai aur savrashi men hai. shashth bhav, mangal, shani, surya aur chandra ke prabhav daktari shiksha ko batate hain. jatak chan/su ki dasha men 1973 men pratham profeshanal men fel hua. surya ashtam bhav men shani se yut hai. surya aur shani ke prabhav se asflta mili. jatak ne 1975 men man/bri ki dasha men em.bi.bi.es. kiya. mangal svagrihi tatha dashmesh hai aur budh ke nakshatra men hai aur lagn par drishti dal raha hai. vakri brihaspati ko yadi ek grah piche manen to vah svarashi min se mangal tatha dasham bhav par drishti dal raha hai. shani ki drishti dasham bhav tatha dashmesh mangal par hai. udaharan 11: jatak ka janm kark lagn men hua. lagn par ashtamesh shani ki rashi se shukra ki drishti hai. pancham bhav vrishchik rashi se katu ki drishti hai. lagnesh chandra shashth bhav men sthit hai. chandra shukra ke nakshatra men aur chaturthesh shukra chandra ke nakshatra men hai. pancham bhav ra/ke aksh par hai tatha brihaspati se drisht hai. brihaspati shashthesh hai aur mangal ke nakshatra men hai. pancham bhav par ashtamesh shani ki ashtam bhav se drishti hai. shani brihaspati ke nakshatra men hai. pancham bhav men ketu sthit hai jo shani ke nakshatra men hai. shani, mangal tatha ketu ke prabhav se jatak ne 1985 men su./bu. ki dasha men gerajueshan vigyan men kiya. surya tatha budh donon bhagya bhav men brihaspati ki rashi men hain, parantu budh ast hai. in par pancham bhav se ketu ki drishti hai tatha pancham bhav par brihaspati ki drishti hai. jatak surya/ketu ki dasha men ai.ai.ti tatha sivil sarvis ki pravesh pariksha men asafal raha. dashaon ke svamiyon ka sanbandh shashth bhav se nahin hai tatha pancham bhavasth ketu shani se drisht hai. jatak ka 1990 men chan/bri/sh ki dasha men em.bi.e. men chayan hua. chandra lagnesh hokar shashth bhav men hai, brihaspati aur ashtamesh shani ki pancham bhav par drishti hai. vishay parivartan hua tatha saflta mili. chan/sh ki dasha men em.bi.e. pas kiya. udaharan 12: jatak ka lagn dhanu hai, jis par saptam bhav se chandra tatha navam bhav se brihaspati aur ketu ki drishti hai. lagn men mangal tatha budh sthit hain. lagnesh brihaspati pancham bhav men mangal ki rashi men ketu ke sath hai. mangal brihaspati rashi parivartan yog men hain aur donon surya ke nakshatra men hain. budh saptamesh tatha dashmesh hokar lagn men sthit hai aur shukra ke nakshatra men hai. jatak ka pravesh injiniyaring men 1992 men bri/bu ki dasha men hua. shani ashtam bhav men chandra ki rashi men sthit hai aur pancham bhav par drishti dal raha hai. shani budh ke nakshatra men hai. shani, mangal aur surya ke prabhav ne bri/su ki dasha men jatak ko injiniyar banaya. surya bhagyesh hai aur dvitiya bhav men shani ki rashi men hai aur shani se drisht hai. pancham men brihaspati aur ketu ki sthiti shiksha men uchchata tatha shani ki drishti parishram aur kathinai batati hai. brihaspati chaturthesh hai atah jatak ki parhai ke lie mata ko vishesh parishram karna para. uparyukt kundliyon ke adhyayan ke kuch nishkarsh nimn hainah û shukra ka budh aur brihaspati par shubh prabhav achchi shiksha deta haiai. û budh, surya, brihaspati aur ketu ka prabhav visheshrup se pancham bhav par uchch shiksha deta hai. û dashanathon par brihaspati v budh ka prabhav shiksha men saflta ka dyotak hai. û ashtam bhav, rahu aur ketu ke prabhav anveshan karya ki or ingit karte hain. û shashth bhav, ashtam bhav tatha shani ka sanbandh shiksha men parivartan ka sanket deta hai. û rahu, surya aur shani ka shiksha ke karkon par prabhav shiksha men vyavdhan ya ghar se bahar shiksha ka sanket deta hai.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2006

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.