लग्न कुंडली देखें या चलित कुंडली

lagn kundli dekhen ya chalit kundli  

Ank ke aur Lekh | Sambandhit Lekh | Views : 7520 |  
prashna: lagn kundli aur chalit kundli men kya antar hai? lagn kundli ka shodhan chalit kundli hai, antar sirf itna hai ki lagna kundli yah darshati hai ki janm ke samay kya lagn hai aur sabhi grah kis rashi men vicharan kar rahe hain aur chalit se yah spasht hota hai ki janma samay kis bhav men kaun si rashi ka prabhav hai aur kis bhav par kaun sa grah prabhav dal raha hai. prashna: chalit kundli ka nirman kaise karte hain ? uttara: jab ham janm kundli ka saiddhantik tarike se nirman karte hain to sabse pahle lagn spasht karte hain, arthat bhav sandhi aur bhav madhya ke uprant grah spasht kar pahle lagn kundli aur uske bad chalit kundli banate hain. lagn kundli men jo lagn spasht arthat jo rashi pratham bhav madhya men spashta hoti hai use pratham bhav men ankit kar kram se age ke bhavon men anya rashiyan ankit kar dete hain aur grah spasht anusar jo grah jis rashi men spasht hota hai, use us rashi ke sath ankit kar dete hain. is tarah yah lagn kundli taiyar ho jati hai. chalit kundli banate samay is bat ka dhyan rakha jata hai ki kis bhav men kaun si rashi bhav madhya par spashta hui arthat pratham bhav men jo rashi spasht hui use pratham bhav men aur dvitiya bhav men jo rashi spasht hui use dvitiya bhav men ankit karte hain. isi prakar sabhi dvadash bhavon mane jo rashi jis bhav madhya par spasht hui use us bhav men ankit karte hain n ki kram se ankit karte hain. isi tarah jab grah ko man men ankit karne ki bat ati hai to yah dekha jata hai ki bhav kis rashi ke kitne anshon se praranbh aur kitne anshon par samapt hua. yadi grah spasht bhav praranbh aur bhav samapti ke madhya hai to grah ko usi bhav men ankit karte hain. yadi grah spasht bhav praranbh se pahle ke anshon par hai to use us bhav se pahle vale bhav men ankit karte hain aur yadi grah spasht bhav samapti ke bad ke anshon par hai to us grah ko us bhav ke agle bhav men ankit kiya jata hai. udaharan ke dvara yah thik se spashta hoga. man lijie bhav spasht aur grah spasht is prakar hain: bhav spasht aur grah spasht se chalit kundli ka nirman karte samay sab se pahle har bhav men rashi ankit karte hain. udaharan svarup prastut chalit kundli men pratham bhav madhya men mithun rashi spasht hui hai. islie pratham bhav men mithun rashi ankit hogi. dvitiya bhav men bhavamadhya par kark rashi spashta hai, dvitiya bhav men kark rashi ankit hogi. tritiya bhav madhya par bhi karka rashi spasht hai. islie tritiya bhav men bhi kark rashi ankit ki jaegi. chaturth bhav men sinh rashi spasht hai islie chaturth bhav men sinh rashi ankit hogi. isi prakar yadi udaharan kundli men dekhen to pancham bhav men kanya, shashth men vrishchik, saptam men dhanu, ashtam men makar, navam men fir makar, dasham men kunbh, ekadash men min aur dvadash men vrish rashi spasht hone ke karan ye rashiyan in bhavon men ankit ki jaengi. lekin lagn kundli men ek se dvadash bhavon men kram se rashiyan ankit ki jati hain. rashiyan ankit karne ke pashchat bhavon men grah ankit karte hain. lagn kundli men jo grah jis bhav men ankit hai, chalit men use ankit karne ke lie bhav ka vistar dekha jata hai arthat bhav ka praranbh aur samapti spasht. udaharan lagn kundli men tritiya bhav men guru aur chandra ankit hain par chalit kundli men chandra chaturth bhav men ankit hai kyonki jab tritiya bhav ka vistar dekhakar ankit karenge to aisa hoga. tritiya bhav kark rashi ke 150 32‘49’’ se praranbh hokar sinh rashi ke 120 21‘07’’ par samapt hota hai. guru aur chandra spasht kramshah sinh rashi ke 080 02‘12’’ aur 220 55‘22‘‘ par hain. yahan yadi dekhen to guru ke spasht ansh sinh 080 02‘12’’, tritiya bhav praranbh karka 150 32‘49’’ aur bhav samapt sinh 210 21‘07’’ ke madhya hain, islie guru tritiya bhav men ankit hoga. chandra spasht ansh sinh 220 55‘22’’ bhav madhya se bahar age ki or hai, islie chandra ko chaturth bhav men ankit karenge. isi tarah sabhi grahon ko bhav ke vistar ke anusar ankit karenge. udahrn kundli men surya, budh evan rahu ke spashta ansh bhi shashth bhav ke vistar se bahr age ki or hain, islie inhen agra bhav saptam men ankit kiya gaya hai. prashna: chalit kundli men grahon ke sath-sath rashiyan bhi bhavon men badal jati hanai, kahin do bhavon men ek hi rashi ho to isse falit men kya antar ata hai? uttara: har bhav men grahon ke sath-sath rashi ka bhi mahatva hai. chalit kundli ka mahatva islie barh jata hai kyonki hamen bhavon ke svamitva ka bhali-bhanti gyan hota hai. lagn kundli to lagbhg do ghante tak ek si hogi lekin samay ke anusar parivartan to chalit kundli hi batlati hai. jaise hi rashi bhavon men badlegi bhav ka svami bhi badal jaega. svami ke badlte hi kundli men bahut parivartan a jata hai. kabhi yogkarak grah ki yogkarkta samapt ho jati hai to kahin akark aur ashubh grah bhi shubh ho jata hai. grah ki shubhta-ashubhta bhavon ke svamitva par nirbhar karti hai. islie falit men vishesh antar a jata hai. udaharan lagn kundli men ek se dvadsh bhavon ke svami kramshah budh, chandra, surya, budh, shukra, mangal, guru, shani, shani, guru, mangal aur shukra aur chalit men ek se dvadash bhavon ke svami kramshah budh, chandra, chandra, surya, budh, mangal, guru, shani, shani, shani, guru aur shukra hain. is tarah se dekhane to lagn kundli men mangal akarak hai lekin chalit men vah akarak nahin raha. surya lagn men tritiya bhav ka svami hokar ashubh hai lekin chalit men chaturth ka svami hokar shubh faldayak ho gaya hai. shukra, jo shubh hai, sirf dvadash ka svami hokar ashubh fal dene vala ho gaya hai. islie bhavon ke svamitva aur shubhta-ashubhta ke lie bhi chalit kundli falit men mahatvapurn bhumika nibhati hai. prashna: chalit men grah jab bhav badal leta hai to kya ham yah manen ki grah rashi bhi badal gai? uttara: grah sirf bhav badlta hai, rashi nahin. grah jis rashi men janm ke samay spasht hota hai usi rashi men rahta hai. grah us bhav ka fal dega jis bhav men chalit kundli men vah sthit hota hai. jaise ki udahrn lagn kundli men surya, budh, rahu vrishchik rashi mane spasht hue lekin chalit men grah saptam bhav men hain to iska yah matlb nahin ki ve dhanu rashi ke honge. ye grah vrishchik rashi men rahte hue saptam bhav ka fal denge. prashna: kya chalit men grahon ki drishti men bhi parivartan ata hai? uttara: grahon ki drishti kon ke anusar hoti hai. atah lagnanusar drishti ka vichar karna chahie. lekin jo grah chalit men bhav badal lete hain unki drishti lagnanusar karna thik nahin hai aur n hi chalit kundli ke anusar. atah drishti ke lie grahon ke anshadi ka vichar karna hi uttam hai. prashna: nirayan bhav chalit aur chalit kundli men kya antar hai? uttara: chalit kundli men bhav ka vistar bhav praranbh se bhav samapti tak hai aur bhavamadhya bhav ka spashta mana jata hai. lekin nirayan bhav men lagn ko hi bhav ka praranbh mana jata hai arthat jo bhav chalit kundli men bhav madhya hai, nirayan bhav chalit men vah bhav praranbh ya bhav sandhi hai. is prakar ek bhav ka vistar bhav praranbh se dusre bhav ke praranbh tak mana jata hai. vaidik jyotish mane chalit ko hi mahatva diya gaya hai. krishnamurti paddhati men nirayan bhav ko mahatva diya gaya hai. prashna: janmapatri lagn kundli se dekhni chahie ya chalit kundli se? uttara: janmapatri chalit kundli se dekhni chahie kyonki chalit men grahon aur bhav rashiyon ki spasht sthiti di jati hai. prashna: kya bhav sandhi par grah fal dene men asamarth hain? uttara: koi grah usi bhav ka fal deta hai jis bhav men vah rahta hai. jo grah bhav sandhi men a jate hain ve lagn ke anusar bhav ke fal n dekar chalit ke anusar bhav fal dete hain, lekin ve fal kam dete hain aisa nahin hai. ve chalit bhav ke pure fal dete hain. prashna: chalit kundli men do bhavon men ek rashi kaise a jati hai? uttara: han, aisa ho sakta hai. yadi donon bhavon men bhav madhya par ek hi rashi spasht ho jaise dvitiya bhav men kark 20 08‘40’’ par hai aur tritiya bhav men kark 280 56‘58’’ par spasht hui to donon bhavon, dvitiya aur tritiya men karka rashi hi ankit ki jaegi. prashna: yadi chalit kundli men grah us bhav men vicharan kar jae jahan par uski uchch rashi hai to kya use uchch ka man lena chahie? uttara: nahin. grah uchch rashi men najr ata hai. vastav men grah ne bhav badla hai, rashi nahin. islie vah grah uchcha nahin mana ja sakta hai. prashna: chalit kundli ko banane men kya antar hai ? uttara: chalit kundli do prakar se banai jati hai - ek, jismen bhav ki rashiyon ko darshit kar grahon ko bhavanusar rakh dete hain. dusre, do bhavon ke madhya men bhav sandhi bana di jati hai evan jo grah bhav badlte hain unhen bhav sandhi men rakh diya jata hai. udahrnartha nimn kundli di gai hai. prashna: yadi mangal lagn kundli men shashth bhav men hai aur chalit men saptam bhav men to kya kundli mangli ho jati hai? uttara: chalit kundli men grah kis bhav men hai iska mahatva hai aur mangli kundli bhi mangal ki bhav sthiti ke anusar hi mangli kahi jati hai. islie yadi chalit men mangal saptam men hai to kundli mangli mani jaegi. prashna: yadi mangal saptam bhav men lagn kundli men aur chalit kundli men ashtam bhav men ho to kya kundli ko mangli manen? uttara: mangal ki saptam aur ashtama donon sthitiyon se kundli mangli mani jati hai, islie aisi sthiti men mangl dosh bhang nahin hota. prashna: grah kis sthiti men chalayman hota hai? uttara: yadi grah ke spasht ansh bhav ke vistar se bahar hain to grah chalayman ho jata hai. prashna: kin sthitiyon men chalit men grah aur rashi badlti hai? uttara: yadi lagn spasht praranbhik ya samapti anshon par ho to chalit men grah ka bhav badlne ki sanbhavnaen adhik ho jati hain kyonki kisi bhi bhav ke madhya rashi ke ek chor par hone ke karan yah do rashiyon ke upar fail jata hai. atah dusri rashi men sthit grah pahli rashi men drishyaman hote hain. prashna: grah chalit men kis sthiti men lagn jaise rahte hain? uttara: yadi lagn spasht rashi ke madhya men ho aur grah bhi apni rashi ke madhya men arthat 5 se 25 ansh ke bhitar hon to aisi sthiti men lagn aur chalit ek se hi rahte hain.
Kya aapko lekh pasand aaya? Subscribe
Kya aapko lekh pasand aaya? Subscribe


gharelu totke visheshank  January 2006

manushya ka janm svatantra hua hai kintu vah har jagah shrinkhla men abaddh hai. manushya apne har janm men apne karmon ke anurup nakaratmakata athva sakaratmakata ke karan vartaman jivan men achche ya bure din dekhta hai. pira ki matra inhin karmon ke sanchay ke adhar par alg-alag hoti hai. inka prakatya janm ke samay kundali men hota hai jab nau grah uske karmon ke anurup alg-alag bhavon men sthan grahan karte hain. iske alava dashaon ke kram bhi bhavi jivan ki adharshila rakhte hain. yadi dashaon ka kram achcha hota hai to jatak ko jivan men sukh evan samriddhi ki prapti hoti hai anyatha vah dukh jhelne ko badhya hota hai. jyotish men vibhinn prakar ki pira se mukti hetu anek upayon ki charcha ki gai hai. inhin upayon men se ek mahatvapurn upay hai totka. fyuchar samachar ke is mahatvapurn visheshank men vibhinn prakar ki samasyaon se mukti pane hetu samanya, saral evan gharelu totkon se sambandhit mahatvapurn alekh samavisht hain. in mahatvapurn totke ke alekhon men se dhan labh evan khushhali hetu, karj se mukti aur dhan vapsi, mansik tanav dur karne ke lie, pariksha men safal hone ke lie, shighra vivah ke lie, santan prapti ke lie totke adi lekh sammilit hain.

Subscribe

Apne vichar vyakt karein

blog comments powered by Disqus
.