वर्ष 2006 में खिलाड़ी, नेता और अभिनेता

varsh 2006 men khilari, neta aur abhineta  

Ank ke aur Lekh | Sambandhit Lekh | Views : 667 |  
khel n 2006 men sharad pavar ji ke adhin rahul dravir ki kaptani men kafi utar-charhav dekhne ko milenge. vartaman samay men ganguli ka bhi samy thik nahin chal raha hai. rahul dravir ki shukra ki mahadsha men mangal ki antardasha 2.6.2006 tak chalegi jo unke anukul hogi. jun, 2006 se sitanbr 2006 tak ka samay kharab rahega. sitanbar 2006 se disanbar 2006 tak ka samay utar charhav se bhara rahega. shri sharad pavar ji ki shani ki dasha men budh ki antardasha 15.2.2006 tak thik nahin rahegi. parantu uske bad 24. 3.2007 tak unke bhagya se bhartiya khilariyon ko labh prapt hoga. dalmiya aur sharad pavar ki rajniti men khilari fans jaenge. greg chaipl ki koching men dravir ko labh to mil raha hai, parantu sab ko malum hai, greg chaipal aur ganguli ke bich men sangharsha chal raha hai. khilari rajniti men fans kar khel ko bigarenge. naye-naye khilariyon ka chunav hoga. purane aur naye khilariyon ke bich men sangharsha jari rahega. dravir ki kundli men rah janm rashi ke upar gochar men ashubh chal raha hai. isi karan unhen bar-bar kaptani se hataya ja sakta hai. sharad pavar ki janmakundli men ketu lagn se pancham bhav men sthit hai. yah gochar men lagn se ekadash bhav men aur rashi se chathe bhav men shubh sthiti men hai, atah vah rajniti ka bharpur labh uthaenge. 24.3.2007 ke pashchat shani ki mahadsha men shukra ki antardasha 2007 se 2010 tak adhik kharab rahegi aur pratyek karya men asflta prapt hogi. rajneta pradhanmantri manmohan sinh bharat ke pradhanmantri sardar manmohn sinh ki rahu ki mahadsha aur budh ki antardasha 19.7.2004 se chal rahi hai jo 25.2.2008 tak rahegi. tab tak nishchit rup se ve apne pad par asin rahenge. farvri, 2007 se farvri, 2008 tak ka samay kafi utar-charhav ke sath bitega. tatpashchat ve hat jaenge. san 2006 mane bahut kuch ghatit hoga, fir bhi ve apne pad par bane rahenge. janm rashi ke upar shani ke chalan aur sitanbar, 2006 se agast, 2008 tak rahu ke janma rashi se athven men chalan ke dauran unki pareshani barhti rahegi. rahu ki mahadsha men shukra ki antardasha ke karn farvri 2008 ke pashchat vah kisi bhi dasha men apne pad par nahin rahenge. 7 farvri, 2007 se 21.2.2008 tak, unki kursi bar-bar hilti rahegi. us samay aisa pratit hoga mano ‘‘ab gae, tab gae’’ fir bhi unka manobl uncha rahega kyonki lagnesh guru lagna ko dekh raha hai. navmesh-dashmesh balvan hokar dasham bhav men baithe hain. navansh men surya aur rahu bhi uchch ka hai, isilie 2006 men unka koi kuch nahin bigar sakega. bharat ka bhavishya bharat ki janm patri men vartaman samy men shukra ki mahadsha men budh ki antardasha sitanbar, 2005 se chal rahi hai jo julai, 2008 tak chalegi. is avdhi men satta ka hastantaran hona svabhavik hai, kyonki bhagyesh, karmesh shani gochar men janm rashi ke upar chalan kar raha hai, aur budh grah ke upar 2007 men chalega. sinh rashi se shani vakri hokar jab kark men aega tab 6 disanbar, 2006 se 10 janvri, 2007 tak loksbha men anhoni ghatnaen dekhne ko milengi. bharat ke lagn se chaturth bhav, jo janta ka sthan hai, men shani rahega, tab ashanti barhegi, aur sarkar girne ki kagar par hogi. 2007 men nishchit rup se sarkar giregi, parantu 2006 men sthir rahegi. soniya gandhi kangres ki adhyaksh shrimti soniya gandhi ji ki budh ki mahadsha men rahu ki antardasha 8.9.2007 tak chalegi. tab tak vah kangres parti ki adhyaksh nishchit rup se bani rahengi. unke bharat ke pradhanmantri banne men pareshani hogi. shani ki sarhesati ke karan vah virodhi dal ki neta rahin. vartaman samay men sarkar par unka prabhav hai. mera niji mat yah hai ki itli men janmi mahila bharat men raj isilie kar rahi hai kyonki saptamesh shani vakri hokar lagna men aur janm rashi se dvitiya men hai. isi karan apne desh se bahar unhen sarhesati ka kuprabhav nahin mila aur shani saptamesh hone ke karan pati ke desh men pati ke adhikar ko prapta karte hue samman prapt kar rahi hain. shri arjun sinh kafi bulandi ke sath rajya karne vale shri arjun sinh, isi kangres sarkar men sammanit pad par virajman hain. 6 jun, 2006 tak unki sthiti sudrirh rahegi, parantu 6 jun, 2006 se 6.5.2007 tak guru ki mahadsha men mangal ki antardasha ke dauran unka patan hoga ya svasthya men giravat aegi athva jis pad par baithe hain, vahan se hatakr kahin aur bhej diya ja sakta hai. farvri, 2006 tak unki rashi ke upar mangal ke bhraman aur gochar men janm rashi par shani ki drishti ke karn unka kuch nuksan bhi ho sakta hai. 10 janvri, 2006 se 13 farvri, 2006 ke madhya unka sthanantaran hone ki bhi sanbhavna hai. pranav mukharji shri pranav mukharji ki vartaman samay men, 24.3.2005 se shani ki mahadsha men shani ki antardasha chal rahi hai jo 27. 3.2008 tak chalegi. yah samy parivartan ka samay hai. janm rashi se shani ashtam chal raha hai, islie san 2006 men unke vibhag men nishchit rup se parivartan hoga. unki guru ki mahadsha jis prakar chali, shani ki mahadsha us tarah nahin chalegi, bar-bar parivartan hota rahega. ambika soni shrimti ambika soni shrimti soniya gandhi ke kafi karib mani jati hain. sinh lagn, sinh rashi men janmi ambika tejatarrar hain. vah rajniti men bhi kushl hain. aranbh se hi yuva kangres ki neta rahin, fir bhi jivan men kafi utar-charhav dekhe. vartaman samay men 28.2.2006 se 19.3.2007 tak rahu ki mahadsha men mangal ki antardasha ke dauran kuch anhoni ghatna ghat sakti hai. ashtam ke mangal ke upar gochar men rahu ka bhraman hanikarak siddh hoga. isi karan 2006 unke lie achcha nahin rahega. yadi sarkar men koi sthan mila to shighra hi chin bhi jaega. amir khan amir khan ko san 2006 men rahu ki mahadsha, shani ki antardasha prasiddhi dilaegi. chunki dasham bhav men chandra ke sath sthit rahu sitanbar, 2006 ke bad janm rashi se tisre bhav men janm gochr karega, islie jo bhi film banaenge, unhen saflta prapt hogi. uchch ka guru lagn men panch mahapurush yog banae hue hai. islie 2006-2007 men filmi duniya men koi uchch pad ya rajya sabha ki sadasyata prapt ho sakti hai. parantu ashtam bhav men surya, shukra aur budh ke hone se dampatya jivan kashtamay rah sakta hai. karina kapur vartaman samay men karina ki shukra ki mahadsha men mangal ki antardasha 6.4. 2006 tak chalegi. parantu shukra lagn se ashtam bhav men rahu ke sath 6.4.2006 se disanbar, 2006 tak rahega, is karn inhen apriya charcha sunne ko milegi. sinema jagat men koi prashansa prapta nahin hogi. kort kachhri ke mamlon men ulajh sakti hain. kul milakar samy anukul nahin hai. karishma kapur karishma ki mai 2006 men, rahu ki mahadsha men shani ki antardasha anukul nahin rahegi. mai, 2006 se age ka samay disanbar, 2006 tak bhi isi prakar rahega, kyonki janm rashi se ashtam ka shani shubh nahin hai. ritik roshn ritik roshan ki vartaman dasha shukra men shani julai, 2005 se agast, 2008 tak rahegi. gochar ke anusar shani ki sarhesati bhi chalti rahegi, kyonki janm rashi ke upar shani ka gochr chal raha hai. fir bhi yah samy vyavsay ke lie anukul rahne ki sanbhavna hai. unke jivan ka yah utthan ka samay rahega. 28 agast, 2008 tak jo bhi karya karenge, usmen saflta prapt ho sakti hai. rani mukharji rani mukharji ki surya ki mahadsha 20.8.2006 tak chalegi. tatpashchat chandra ki mahadsha ka samay jivan ka sabse adhik utkrisht samay sabit hoga. surya ashtam men hone ke karan vivah nahin ho paya hai, parantu agast, 2006 se disanbar, 2006 ke dauran vivah ki charcha hone lagegi. kisi n kisi se sanbandh jur sakta hai. sinema jagat ke mahatvapurn log unhen adar aur samman denge. unki har film unhane yash aur saflta dilaegi. aishvarya ray aishvarya ray ki janm kundli men shukra, chandra aur rahu ke donon taraf guru aur budh shubh kartari yog bana rahe hain. is karan rahu ki mahadsha men 2019 tak vah film jagat men chai rahengi. agasta 2006 tak utar-charhav rahega, fir bhi saflta prapt karengi. 3 agast, 2006 ke bad sarvashreshth abhinetri ke rup men ubhranegi, jis tarah julai 1994 se julai 2001 tak mangal ki mahadsha men svadesh aur videsh men chai rahin, isi prakar age bhi chai rahanegi. govinda govinda ka janm mesh lagn, kunbh rashi aur dhanishtha nakshatra men hua. janm ke samay mangal ki dasha 6 mah aur 26 din baki thi. janm se 18 varsh tak ki ayu ke dauran parhai-likhai men bhi nam kamaya hoga. khel, kud, nachne-kudne men bhi apna sthan bana kar rakha hoga. karak grah guru ki mahadsha men san 1998 tak filmi duniya men saflta prapt hui aur shani ki mahadsha men ketu ki antardasha 8.5. 2005 tak bhi achchi rahi. sansad men bhi vijay prapt hui, parantu kalidas ke likhe anusar shani men shukra athva shukra men shani ki antardasha patan ki or le jati hai. vartaman samay men 8.5.2005 se shani ki mahadsha men shukra ki antardasha chal rahi hai jo 8.7.2008 tak chalegi. yah samay inke lie patan ka kark ho sakta hai. manisha koirala manisha ka 7.6.2005 se 7.10.2006 tak aur 5 sitanbar 2007 tak ka samay anukul rahega. vrishabh lagn men chandrama shani ke sath hone se har tarf se saflta dilata hai. vartaman samy men guru ki mahadsha men chandra ki antardasha chal rahi hai. vah dobara chamkengi. film nirdeshan aur nirman ke karya men saflta prapt ho sakti hai. uchch ka mangal sitanbar, 2007 tak unhen yash dila sakta hai. 2006 ke ant tak vivah bandhan men bandh sakti hain. priti jinta tula lagn men janmi priti, sinh rashi ke chandrama tatha agni evan vayu tatvon se sanbandh rakhti hain. saptam bhav men mangl-shukra shani ki drishti men dampatya jivan ko bigarte hain. vartaman samy men chandra ki mahadsha men rahu ki antardasha 26.6.2007 tak chalegi. rashi se ashtama rahu gochar men vivah jivan men badha aur akaran apayash dilata rahega. shukra evan mangal ki yuti asanbhav kay ko bhi sanbhav kar deti hai, saflta milegi. kajol mukharji lagn men ketu saptam men rahu aur chandra ke sath shani ki drishti men hai. sanvle rang ki hoti hui bhi dil jitne vali kajol lakhon logon ko akarshit kar leti hain. inke bat karne ka dhang aur hansne ki ada ne logon ko inka divana bana rakha hai. 6.1.1990 se shani ki mahadsha chal rahi hai jo 3. 1.2006 tak chalegi. islie har kshetra men inhen saflta prapt hui hai. chandra lagn se shani ne dasham men raj yog dilaya, parantu san 2006 men budh ki mahadsha aur antardasha achchi nahin rahegi. filmi duniya men lautanegi, parantu unhen apekshit saflta prapt nahin hogi. budh aur guru ka parivartan yog unhen dhire-dhire yash dilaega. amitabh bachchana kunbh lagn men janme amitabh bachchan aise kalakar hain, jinhane har roj lakhon karoron chahne vale yad karte hain aur unke svasthya ke lie dua karte hain. vartaman samay men unki budh men shani ki antardasha aur budh ki pratyantardasha chal rahi hai. uchch budh ne vakri hokar ashtam bhav men mangal, surya aur shukra se sath hone ke karan unhen aspatal tatha apreshn ka kasht dilaya. yah sthiti 18.12. 2005 tak rahne ke bad svasthya thik rahega. varsh 2006 anukul rahega. vah purn ayu ka bhog karenge aur unhen 7.11.2007 tak saflta milti rahegi.
Kya aapko lekh pasand aaya? Subscribe
Kya aapko lekh pasand aaya? Subscribe


gharelu totke visheshank  January 2006

manushya ka janm svatantra hua hai kintu vah har jagah shrinkhla men abaddh hai. manushya apne har janm men apne karmon ke anurup nakaratmakata athva sakaratmakata ke karan vartaman jivan men achche ya bure din dekhta hai. pira ki matra inhin karmon ke sanchay ke adhar par alg-alag hoti hai. inka prakatya janm ke samay kundali men hota hai jab nau grah uske karmon ke anurup alg-alag bhavon men sthan grahan karte hain. iske alava dashaon ke kram bhi bhavi jivan ki adharshila rakhte hain. yadi dashaon ka kram achcha hota hai to jatak ko jivan men sukh evan samriddhi ki prapti hoti hai anyatha vah dukh jhelne ko badhya hota hai. jyotish men vibhinn prakar ki pira se mukti hetu anek upayon ki charcha ki gai hai. inhin upayon men se ek mahatvapurn upay hai totka. fyuchar samachar ke is mahatvapurn visheshank men vibhinn prakar ki samasyaon se mukti pane hetu samanya, saral evan gharelu totkon se sambandhit mahatvapurn alekh samavisht hain. in mahatvapurn totke ke alekhon men se dhan labh evan khushhali hetu, karj se mukti aur dhan vapsi, mansik tanav dur karne ke lie, pariksha men safal hone ke lie, shighra vivah ke lie, santan prapti ke lie totke adi lekh sammilit hain.

Subscribe

Apne vichar vyakt karein

blog comments powered by Disqus
.