सफल रहेगा अभिषेक और ऐश्वर्य का विवाह

safal rahega abhishek aur aishvarya ka vivah  

Ank ke aur Lekh | Sambandhit Lekh | Views : 545 |  
abhishek ki shukra ki mahadsha men shani ki antardasha chal rahi hai. gochar lagn men guru shighra vivah karane men sahayak hoga aur film jagat ki ek charchit abhinetri hi inki jivn sangini banegi aur filmi duniya men inhen bahut saflta milegi kyonki karm sthan men shani yog karak ho kar baitha hai aur gochar men bhi vahin par vicharan kar raha hai. islie ajkl filmon men saflta milna svabhavik hai. pita ka ashirvad bhi unke filmi kairiyar men sahayak ban raha hai. abhishek ki shukra-shani ki dasha janvri 2007 tak chalegi jo unke karya kshetra men shikhar par pahunchne men badha utpann kar sakta hai. atah janvri 2007 ke pashchat shukra-budh ki dasha ke dauran unka bhagyoday hoga aur varsh 2007 abhishek ke lie ek mahatvapurn varsh hoga, jab vah apne kshetra men unchaiyon ko chu paenge. pita ke sthan men shani par guru ki drishti hone ke karan pita ke svasthya men sudhar hua. ajakal film jagat ki charchit abhinetri aishvarya ke sath unke vivah sutra men bandhne ki sanbhavna vyakt ki ja rahi hai. jyotish ke hisab se donon ki kundli milan ke anusar unhen 36 gunon men 32.5 gun mil rahe hain. abhishek ki janm rashi min hai aur aishvarya ki janm rashi dhanu. donon ka rashi svami guru hai aur donon ke lagna ke svami bhi mitra hanai. lagn se ashtama bhav men mangal hone ke karan abhishek mangli hain aur aishvarya bhi chaturth bhav men mangal hone ke karan mangli hain. parantu aishvarya ke chathe bhav ka shani abhishek ke ashtam bhav ke mangal dosh ko kat raha hai aur chunki donon ki kundliyon men 32.5 gun mil rahe hain atah gun bahulyata ke karan bhi mangal dosh ka parihar ho jata hai. abhishek ka karishma kapur se vivah sanbandh tutna bhi unke ashtam mangal ke dosh ko kshin karta hai. vartaman samay men aishvarya ray ki rahu ki mahadsha men guru ki antardasha agast 2006 tak chalegi. uske pashchat jun 2009 tak shani ki antardasha chalegi jo bahut shubh hai. islie is dauran filmi jivn men saflta to milegi hi, vivah bandhan ma badhne ke lie bhi yah samay anukul hai. prakritik shubh grah guru lagn se saptama bhav ko dekh raha hai aur gochar men guru ka chalan bhi shubh sthiti men hai. isi tarh abhishek ke lagn men bhi guru gochar men saptama bhav ko dekh raha hai. yog karak grah shani gochar men kark rashi se mesh rashi saptam bhav ko bhi dekh raha hai. yah bhi shubh hai. mere vichar men inka vivah agasta 2006 ke bad sanbhav hai. yadi inka vivah hota hai to sanbandh sauhardapurna rahega aur samanjasya bana rahega. amitabh bachchana: kuch din pahle unhen kuch sharirik kasht hua, parantu ve us sankat se bahar a gae. iska mukhya karan hai chaturth bhav men lagnesh shani ki sthiti. chaturth bhav se janta ka vichar kiya jata hai. jab-jab unke sath koi ghatna hoti hai, janta unke lie puja-path kar unki dirghayu ki kamna karti hai. iska karan hai ki shani vrish rashi se sukh sthan men baith kar lagn bhav ko dashm drishti se dekh raha hai aur ayu men vriddhi kar raha hai. vartaman samay men budh ki mahadsha men shani ki antardasha 2.03.05 se prabhavi hai jo 10.11.2007 tak chalegi. ajakal gochar men shani kark rashi arthat unke rog sthan men bhraman kar raha hai, islie unhen sharirik kashta evan pet men taklif hui. shani unke lagn ke lie shubh hone ke karan inhen bar-bar kasht se nikal leta hai. 2007 ke pashchat ketu ki mahadsha men fir se sharirik kasht hone ki sanbhavna hai. lekin ishvar ki kripa se amitabh ko dirghayu prapt hai. shukra ki mahadsha men shukra ki antardasha 2014 se 2017 ke madhya unhen apne sharir ka dhyan rakhna chahie.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  March 2006

totke dhan agaman men rukavat kyon apke vichar mandir ke pas ghar ka nishedh kyon mahakaleshvar: vishva men anokhi hai mahakal ki arti

Subscribe

Apne vichar vyakt karein

blog comments powered by Disqus
.