पितृ दोष: क्या हो निदान?

pitri dosh: kya ho nidan?  

Ank ke aur Lekh | Sambandhit Lekh | Views : 875 |  
kal sarp dosh ki tarah jyotish jagat men ‘pitridosh’ bhi sadaiv charcha ka vishay raha hai. jis prakar jyotish premiyon ka ek varg kalasarpa dosh ko kuch hi varshon purva pande pujariyon dvara khara kiya gaya ek ‘havva’ manta hai usi prakar samuh ya varg vishesh is dosh (pitridosh) avdharna se purn rupen sahamat nahin hai. in donon doshon men ek anya samanta aur bhi hai vah yah ki is dosh se pirit jatak ka bhi jivan bhar kamovesh vaisi hi sthitiyon ka samna karte rahna jaisi sthitiyon ka samna kalasarp dosh se pirit jatak ko karna parta hai. jaise kalasarp dosh men bhi rahu hi mukhya bhumika nibhata hai usi prakar ismen bhi rahu hi mukhya ya karak grah hota hai. han, ismen shani bhi ek ati mahatvapurn bhumika nibhata hai. aiye jyotish ke pariperakshya men janne ka prayas karen ki ve kaun si sthitiyan hain jo kisi kundli men pitridosh ke hone arthat kisi jatak ke pitridosh se pirit hone ki satyata ko siddha karti hain. jis kundli men surya rahu se yut ho tatha us par shani ki drishti bhi par rahi ho to yah sthiti pitridosh ki hai. iske piche karan yah hai ki surya hi atma ka karak hai tatha surya hi pitrikarak bhi hai. yadi surya pancham bhav men rahu ke sath baitha ho aur sath men shani bhi ho ya shani ki drishti par rahi ho to avashya hi pitridosh janen. isi prakar surya shani se yut aur rahu se drisht ho (panchm bhav men) to avashya hi pitridosh hoga. iske atirikt kuch vidvanon ke anusar yah sthiti dasham ya navam bhav men ho to bhi pitridosh avashya hi hoga. samanyatya dasham bhav pita ka ghar mana jata hai. parantu dakshin men tatha kuch vidvanon ke anusar navam bhav hi vastav men pita ka ghar hai. karan yah hai ki pancham bhav jatak ke putra ka (lagn se pancham hone se) hai aur navm bhav pancham se pancham hai kyonki navam se pancham fir apna bhav arthat lagna (pratham bhav) hota hai. navam bhav apne putra ke putra yani prapautra ke lie bhi dekha jata hai. atah in vidvanon ke mat se uprokt prakar se navam ke pirit hone se nishchit hi pitridosh hota hai. yahi sthitiyan chandra ke sang banen to matridosh matamhi, pitamhi se sanbandhit ) hota hai aur donon ke sang ek sath hi banen arthat surya aur chandra ki yuti to ho hi sath men ye donon grah rahu se grast aur shani se drisht bhi hon to yah ek ati vichitra (nakaratmaka) sthiti banti hai. yah koi mamuli pitridosh nahin apitu ek mahapitridosh hai jismen purvajon ki durgati sanbandhi vishleshan men jaen to usmen ek hi purush matra nahin apitu do ya tin purush purvajon ke sath-sath mahila purvaj bhi avashya hi udyogti ko prapta hongi aur us jatak ko shayad hi kisi prakar ka sukh, chain, shanti ya samriddhi jivan men mile. dhyatavya hai ki surya aur chandra ki yuti matra amavasya ko hi hoti hai aur ganit jyotish athva khagol vigyan ke anusar yahi vah samay ya sthiti hoti hai jismen surya, chandra ka anshatmak man shunya ank (00 ) hota hai. jab surya aur chandra ki anshatmak duri 1800 hoti hai to purnima hoti hai. yah bhi ek ati vishishta sthiti hoti hai. surya ke sath hone se chandra yon hi kamjor (asta) ho jata hai aur sath men rahu use aur adhik kamjor bana deta hai. is par vayu karak ya vayu tatva shani ki drishti ise aur trasdayak bana deti hai. iske atirikt amavasya tithi bhi pitron ki hi mani jati hai. amavasya ke din janme ya nirbal chandrama vale jatak (amavasya se shukla panchmi ke bich utpann jatk) jivan bhar sangharsharata dekhe gae hain. halanki kalasarp pirit jatkon ki tarah sangharsh ke bad ye bhi ‘kanudn’ banke niklte hain. lekin amavasya ke janm ke sath-sath rahu ki yuti aur shani ki drishti atyadhik matra men pitridosh ko darshati hai aur jatak ke jivan men sabhi badhaon, rogon aur kunthaon ka karan banti hai. is sthiti men kisi vidvan acharya se pitridosh nivaran karvaye bagair iski pira se ubar pana sanbhav nahin hai. bhartiya sanskriti men pitron ko sadaiv mahan gaurav prapt raha hai. yahan kevl jivit mata-pita ko hi ‘matri devo bhav’ ya ‘pitri devo bhav’ kahke devtulya samman nahin diya gaya apitu unki mritya ke bad bhi unhen sadaiv samman pradan karne hetu advitiya vyavastha hamare adi rishiyon ne ki hai. vah pravdhan ya vyavastha hai shraddh. is punit karya ko bhalibhanti karne hetu ek pura paksh (pakhvara) hi sunishchit kiya gaya hai jise ‘shraddha paksha’ kahte hain. ise hi ‘pitripaksha’ bhi kaha jata hai. halanki shabdik artha ki bat karen to ‘pitri’ ka arth ‘pita’ hota hai parantu yahan pitri paksh y ‘pitri’ shabd ‘mata-pita’ donon ka hi dyotk hai kyonki is samay ya is paksh men mata-pita (divangt) donon ka hi shraddhakarm kiya jata hai. upar varnit pitridosh koi samanya pitridosh ki sthiti nahin hai. iska vidvan acharyon dvara vishesh nivaran karaya jana chahie. aiye, ek drishti is par bhi dalen ki kisi bhi jatak ya jatka ke pitri dosh grast hone se use kya kasht hota hai ya iske kya lakshan hain. - aisa jatak har karya men asflta ka samna karta hai, chahe vah vyavsay ho, naukri ho ya fir kuch aur. - aisa jatak har sthan par bhi asflta hi pata hai, chahe vah apna sthan parivartan hi kyon n kar le. - aise jatak ke ghar men kabhi bhi barakat nahin hoti, sadaiv abhav bana rahta hai jo klesh ka karan banta hai. - kisi-kisi jatak ko vivah ke kai-kai varshoprant bhi santan prapti nahin hoti. aise mamlon men daektari janch men sab samanya paya jata hai. - aise jatak ko sadaiv koi n koi rog ghere rahta hai. vishesh kar use sharir men bharipan ya jakaran si mahsus hoti hai. koi bhi davai ya upchar sthayi rup se prabhavi nahin hota aur is mamle men bhi daektari janch men sabhi kuch samanya paya jata hai. ghar men manglik prasang a hi nahin pate hain. jaise santanon ki shadi nahin hona ya fir unki shadi ke bad unke santan n hona. aise mamlon men yah niyam samanyatya jatak ke vivahit putra par jyada lagu hota hai. jatak ki putri ko vivahoprant santan ho sakti hai. pitri dosh se pirit jatak ka parivar ke sadasyon ke sath matbhed sadaiv bana rahta hai. iske atirikt jatak dvara kie gae kisi bhi karya ka suprinam samy par nahin milta. achchi khasi kamai ke bavjud ghar men bachat nahin hoti. kisi bhi sukarya ke pura hone men bar-bar rukavat ati hai. upar varnit yog-sthitiyon ke alava bhi pitri dosh karak sthitiyan ho sakti hain. yah ek purn satya hai ki pitridosh hota hai aur bahut prabhavi bhi hota hai. ab jara is mahakashtadayak dosh ke kuch anubhut upayon ki bhi charcha kar len. pratyek amavasya ko pitrignon ke nimitt yathashakti ann aur vastra adi dan karen. yah shraddhapurvak karen, labh avashya hoga. surya dev ki vidhipurvak niyamit aradhna karen (aghrya adi den). pratyek amavasya ko tarpan karen ya karaen. shraddhapaksh men apne pitrignon ki niyat tithi par shuddh satvik chitt vale brahman ko bhojan karaen aur vastradi ke sath dakshina dekar shraddhapurvak unka ashirvad len. baki bhojan (ghar men bache bhojn) ko pitron ka prasad mankr shraddhapurvak grahan karen. labh avashya hoga. shraddhapaksh pure uttar bharat ke atirikt shesh bharat men bhi ashvin krishn paksh men ata hai, keval gujrat aur maharashtra men ‘bhadrapd’ men ata hai. ‘‘sarvebhyo pitribhyo svadhayaimyo svadha namah’’ ka uchcharan karte hue snan karte samay surya ki or mukh karke unhen niyamit jalmatra dene se ve tript hote hain. apne mata-pita ka niyamit ashirvad len. itne upayon men se kuch upay bhi yadi shraddhapurvak kie jaen to pitridosh grasta jatak isse mukti pa sakta hai. uparyukt paristhiti men kisi vidvan ka margadarshan len.
Kya aapko lekh pasand aaya? Subscribe
Kya aapko lekh pasand aaya? Subscribe


gharelu totke visheshank  January 2006

manushya ka janm svatantra hua hai kintu vah har jagah shrinkhla men abaddh hai. manushya apne har janm men apne karmon ke anurup nakaratmakata athva sakaratmakata ke karan vartaman jivan men achche ya bure din dekhta hai. pira ki matra inhin karmon ke sanchay ke adhar par alg-alag hoti hai. inka prakatya janm ke samay kundali men hota hai jab nau grah uske karmon ke anurup alg-alag bhavon men sthan grahan karte hain. iske alava dashaon ke kram bhi bhavi jivan ki adharshila rakhte hain. yadi dashaon ka kram achcha hota hai to jatak ko jivan men sukh evan samriddhi ki prapti hoti hai anyatha vah dukh jhelne ko badhya hota hai. jyotish men vibhinn prakar ki pira se mukti hetu anek upayon ki charcha ki gai hai. inhin upayon men se ek mahatvapurn upay hai totka. fyuchar samachar ke is mahatvapurn visheshank men vibhinn prakar ki samasyaon se mukti pane hetu samanya, saral evan gharelu totkon se sambandhit mahatvapurn alekh samavisht hain. in mahatvapurn totke ke alekhon men se dhan labh evan khushhali hetu, karj se mukti aur dhan vapsi, mansik tanav dur karne ke lie, pariksha men safal hone ke lie, shighra vivah ke lie, santan prapti ke lie totke adi lekh sammilit hain.

Subscribe

Apne vichar vyakt karein

blog comments powered by Disqus
.