अष्टम भाव का राजयोग

ashtam bhav ka rajyog  

Ank ke aur Lekh | Sambandhit Lekh | Views : 6397 |  
vartaman samay men hamare bharat ke pradhanmantri ke lagn se ashtam bhav men chandra, shukra v mangal ka hona yah suchit karta hai ki ashtam bhav men sthit grahon ka shubh fal bhi milta hai. pradhanmantri banne se pahle manmohan sinh ji rijarva baink men garvanar pad par asin the aur uske bad narsinh rav ji ke mantrimandal men vitt mantri bane. pradhanmantri banne ke lie navam aur dasham bhav ka balvan hona avashyak hai aur ve shri sinh ki kundli men balvan hain. parantu dhan sthan men shani svagrihi, ashtam men shashthesh shukra, ashtam men ashtamesh chandra ekadash bhav ka svami ashtam men aur tritiya bhav men pap grah rahu par guru ki drishti in sare grah yogon ne unhen rahu ki mahadsha men bharat ka pradhanmantri banaya. parantu trik sthan men shukra, chandra v mangal ne unhen vitt mantri ke rup men adhik prasiddhi dilai. isi tarah kuch aur bare netaon ko bhi unki kundli ke ashtam bhav se rajyog mila. bhutpurva pradhanmantri devgaura ji ka lagnesh chandra ashtam bhav men hai aur rahu ke sath shashthesh guru ki drishti aur dvitiya bhav men mangal, guru v ketu ashtam bhav ko drishti de rahe hain. ashtam bhav se rahu, chandra dvitiya bhav ko dekh rahe hain. karnatak men mukhyamantri rahe, vitt vibhag men raha aur bharat ke pradhanmantri bhi bane. tatparya yah ki dvitiya aur ashtam bhav yadi balvan ho to vitt vibhag avashya milta hai. devgaura ji ko shukra ki mahadsha men rahu ki antardasha men pradhanmantri ka pad mila jabki rahu chandrama ke sath ashtam bhav men baitha hai. shukra ekadash bhav men ast hai. pradhanmantri banne ka saubhagya islie mila ki navmesh, dashmesh guru evan mangal dvitiya bhav men baithakar ashtam bhav ko dekh rahe hain. prakritik pap grah ketu bhi dhan sthan men baitha hai. isi tarah aur bhi netaon ko ashtam bhav se rajyog mila hai. shri pranav mukharji par mangal ki mahadsha 24.3.1971 tak prabhavi rahi. vah indira gandhi ji ke mantrimandal men vitt mantri rahe. 1971 se 1989 tak rahu ki mahadsha men mantri pad par rahe. 1984 men indira ji ke dehant ke pashchat 1989 tak kangres parti se bahar ho gae. fir guru ki mahadsha men 2005 tak bharat ke mantrimandal men kai vibhagon men rahe- kabhi grih mantri, kabhi raksha mantri to kabhi videsh mantri ke rup men. isi prakar ashtam bhav ke shani, shukra v budh ne unhen mantriprishad men saflta dilai. kark lagn ke lie tritiyesh evan dvadshesh budh ashtam bhav men, chaturth v ekadash ke svami shukra ashtam bhav men aur saptamesh, ashtamesh shani ashtam bhav men hain. ye tinon grah akarak hokar ashtam bhav se dvitiya bhav ko dekh rahe hain. isilie unhen vitt mantri ke rup men prasiddhi mili. shri sharad pavar ji ki kundli men chathe aur barhven bhav men grah balvan hain. chathe aur barhven bhavon men sthit grahon ko ek dusre ki drishti kai bar jatak ko uchch pad ke sath-sath dharashayi bhi karti hai. fir bhi vah alg-alag vibhagon men mantri rahe lekin pradhanmantri bante-bante rah gae. vah kai bar apne prant maharashtra ke mukhyamantri bane. kendra men kai bar mantri rahe aur aj bhi hain. is tarah spasht hai ki chathe, athven v barhven bhav se bhi rajyog milta hai. svargiya morarji desai pahle maharashtra ke mukhyamantri rahe. fir kendra sarkar men nehru ji ke jamane se indira ji ke mantrimandal tak bharat ke vitt mantri rahe aur anttah bharat ke pradhanmantri bane. unki kundli ke ashtam bhav men shashthesh mangal, lagnesh budh aur dvadash ke svami shukra dhan sthan evan brihaspati ko dekh rahe hain. dhan karak brihaspati ne uchch rashi men vakri hokar nich fal diya. fir bhi ashtam bhav par brihaspati ki drishti ke karan unhen mantri ka pad mila. is tarah ashtam bhav ke grah dhan sthan ko prabhavit kar rahe hain. sva. desai ke jivan men utar charhav avashya ate rahe, parantu vitt mantri ke rup men unhen man-samman mila.
Kya aapko lekh pasand aaya? Subscribe
Kya aapko lekh pasand aaya? Subscribe


  October 2007

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.