दशाफल का विचित्र नियम

dashafal ka vichitra niyam  

Ank ke aur Lekh | Sambandhit Lekh | Views : 4793 |  
dashafal ka vichitra niyam shukra men shani, shani men shukra abha bansal kavi kalidas krit uttar kalamrit ke anusar shukra tatha shani yadi donon uchch, svakshetri, vargottam adi men yogkarak balvan hokar sthit hon aur ek dusre ki dasha tatha antardasha ho to aise samay men koi kuber saman raja hi kyon n ho, bhiksha mangakar jivan nirvah karne vala (arthat nirdhan tatha duahkhi) ho jata hai. lekin yadi unmen se ek balvan tatha dusra balhin ho to balvan grah apne yog ka fal deta hai. yah sarvavidit hai ki shukra v shani donon mitra hain. yadi do mitra grah uttam sthiti men hon to apni-apni dasha v antardasha men bahut achcha fal dete hain. yah bat yuktisangat hai, kintu uttar kalamrit ke anusar yadi donon grah uchchasth, vargottam, svakshetri adi hon to kuber ko bhi bhikh mangni parti hai. yah siddhant dekhne, sunne men atpta lagta hai kintu vyavhar men kafi khara utrta hai. inki dasha v antardasha men kisi ek ke nirbal hone par hi bali grah apna shubh fal deta hai. shani aur shukra yadi bal rahit hon, lagn se dvadash, ashtam, athva shashth sthan men sthit hon athva in trik bhavon ke svami hon ya in trik bhavon ke svamiyon se yukt hon to dasha antardasha men shubh fal, sukh aur bhog dene vale hote hain. yadi unmen se ek shubh bhav ka svami ho aur dusra ashubh bhav ka, to bhi achche yog ka fal dete hain aur yadi donon mahan ashubh hon to aur bhi mahan sukh pradan karte hain. yahan in sabhi niyamon ki pushti ke lie kuch kundliyon ka vishleshan prastut hai. kundli san. 1 men vyakti ko shukra ki dasha men shani ki antardasha men bhayanak rup se taifaid hua aur sarhe sat mah tak vah rogagrast raha jiske karan use sharirik kasht ke sath arthik kasht bhi bhogna para. is kundli men shani trikon bhav men sthit hokar apni ashubhta ko kho chuka hai. shukra dvadash sthan men yogkarak ban raha hai. shani shukra ki uchch rashi men brihaspati se drisht hai. atah donon bali hain aur unhonne apni dasha antardasha men jatak ko arthik v sharirik rup se kasht diya. kundli san.2 purva pradhan mantri shrimti indira gandhi ki hai. disanbar 1976 men un par shani ki mahadsha men shukra ki antardasha shuru hui. shani kendra men bali hokar sthit hai. shukra shashth sthan men chandrama se dvadash v lagn se shashth hone ke karan lagnadhi yog v anfadi yog karak hai. iski dasha antardasha men indira ji ki chunavon men jabaradast har, padachyuti, badnami adhikar hani, sansad se nishkasan, mansik yatna, giraftari v shah kamishan ka sankat adi ka samna karna para. yahan chunki shukra chandra se barhven sthan men hai aur shukra aur guru ke rashi parivartan yog se shukra bali ho gaya hai atah bal ka taratamya adhik hone ke karan adhik ashubh fal prapt hue. kundli san. 3 ke jatak ki shukra ki mahadsha tatha shani ki antardasha navanbar 1974 se aranbh hokar disanbar 1971 tak chali. is kundli men shani aur shukra ek dusre se shadashtak hain. shani karak hokar ashtam bhav men ashubh sthiti men hai aur shukra shashthesh aur ekadshesh hokar kendra men sthit hai. donon hi grahon ki sthiti akarak hai par is dasha men jatak janta dvara nirvachit hokar pratham bar lok sabha ke sadasya bane arthat shani aur shukra donon ke balhin hone par bhi shubh parinam mile. kundli san. 4 men bhagyesh shukra dvitiya bhav men apni uchch rashi men sthit hai aur surya dvara ast bhi nahin hai arthat bali hai. lagnesh shani guru ke sath guru ki rashi men yuti bana raha hai. is jatak ko shukra ki mahadsha men shani ki antardasha men vishesh rup se kashton ka samna karna para vishesh rup se isi antardasha men patni ne sath chor diya. kundli san. 5 men lagnesh shani karak hokar shashth bhav men prakritik pap grah hone ke karan bali hokar baitha hai. shukra chaturthesh evan bhagyesh hokar pancham trikon sthan men surya ke sath atyant shubh sthiti men hai. shukra ki mahadsha evan shani ki antardasha men jatka ka talak ho gaya arthat donon grahon ki shubh sthiti ne viprit fal diya. kundli san. 6 men shukra shashthesh hokar apne ghar men balvan hokar baitha hai aur shani tritiyesh aur dvi tiyesh hokar kendra men vakri hokar sthit hai arthat dono grah ek dusre se trikon men hain aur atyant shubh sthiti men hanai. shukra ki mahadsha v shani ki antardasha men jabaradast durghatana men jatak viklang jaisi sthiti ban gai. kundli san. 7 men men navam, dasham aur ekadash bhav atyant balvan hain. guru aur shani ka navam ekadash ka parivartan yog hai jisse shani ati balvan ho gaya hai. shukra lagnesh aur shashthesh hokar dasham kendra men suya ke sath bali hain. shani aur shukra ki antardasha men jatka ko bhayankar lakva ho gaya aur vah marnasann avastha men pahunch gai. kundli san. 8 men shukra tritiyesh evan dashmesh aur kendradhipti dosh se grast hokar tritiya bhav men sthit hai. shani shashthesh, saptamesh aur akarak hokar chaturth bhav men surya v rahu ke sath sthit hai. donon grah ashubh sthiti bana rahe hain. parantu shukra ki mahadsha aur shani ki antardasha men jatak ko shubh fal prapt hue aur apne kshetra men pragti ki. kundli san. 9 men shukra panchmesh evan dvadesh hokar lagn men atyant balvan hokar shubh sthiti men hai. shani pancham bhav men apni uchch rashi men hai arthat donane grah atyant shubh sthiti men hain aur guru dvara drisht hone ke karan aur balvan ho gae hain. is jatak ko shukra ki dasha evan shani ki antardasha men viprit fal prapt hua. apne mantralay se jahan ek or padachyut hue vahin kendriya janch byuro ke chape ke karan apayash ke bhagi bhi hue. kintu ek anya jyotishi radha agraval ke anusar shani men shukra ki pratyantardasha ne bali hone par bhi apekshakrit achche parin aam die. nishkarsha: in sabhi janmapatriyon se ham yah nishkarsh nikal sakte hain ki uttar kalamrit ka yah siddhant in par purn rup se lagu ho raha hai. lekin fir bhi yah shodh ka vishay hai ki hamen is siddhant ko jas ka tas lagu kar dena chahie ya nahin? vishleshan hamesha hi avashyak hota hai. jyotish apne gaurav ko tabhi prapt karega jab jyotishi apne drishtikon men vaigyanik adhar ko apnaenge. kisi bhi siddhant ko shat pratishat sahi khara man lene ki apeksha shodh karya bhi chalna chahie. tabhi ham pure siddhanton men jaruri sanshodhan kar sakenge. is siddhant ke sandarbh men bhi ham varishth jyotishi radha agraval dvara di gai kundli san. 10 par vichar karenge. kundli san. 10 ke jatak julai 2007 men sevanivritt hua. uski seva ki avdhi tin varsh ke lie barhai ja sakti thi lekin shani v shukra dasha ke karan yah sandehaspad bhi lag raha tha. shani is kundli men yogkarak hokar bhagya sthan men bali hokar baitha hai. lagnesh shukra bhi saptam bhav men bhagyesh budh ke sath baithakar lagnesh bhagyesh ka rajyog bana raha hai. gochar ke anusar brihaspati shubh sthan par sthit tha aur vyavsay bhav ko purn drishti se dekh raha tha aur shani bhi vyavsay bhav men hi sthit tha. donon grahon ki sthiti atyant bali hone ke karan sthiti kafi davandol lag rahi thi parantu march 2007 men sarkar dvara kendriya vishvavidyalyon ke pradhyapkon ki sevanivritti ki ayu 65 varsh kar di gai aur jatak ko tin varsh ki seva avdhi ke vistar ka labh mil gaya. unke anusar yahan par uttar kalamrit ka siddhant lagu nahin ho saka parantu is kes men shani shukra ki dasha aranbh hi hui hai jo agle tin varsh tak chalegi. islie iska nishkarsh hamen puri dasha bitne ke bad hi dena chahie. iske atirikt yah us vyakti ka vyaktigat bhagya nahin tha jiske karan use seva avdhi ke vistar ka labh mila balki yah sarkar ka nirnay tha aur iska labh sabhi ko mila. ant men yahi kahna chahungi ki uttar kalamrit ka yah vichitra siddhant anek janm patriyane par khara utrta hai aur shukra aur shani ki sthiti (arthat shubh athva ashubh) viprit parinam dene men saksham hoti hai.
Kya aapko lekh pasand aaya? Subscribe

Kya aapko lekh pasand aaya? Subscribe


ratn rahasya visheshank  October 2007

ratn kaise pahchane? kahan se ate hai ratna? kaise prabhav dalte hai ratna? kis ratn ke sath kaun sa ratn n pahnen, ratnon se chamatkar, ratnon se upchar, bharat amerika parmanu samjhauta, bhakton ko akarshit karta vaishnodevi mandir ka vastu, prem vivah ke kuch yog

Subscribe

Apne vichar vyakt karein

blog comments powered by Disqus
.