शिशु जन्म समय निर्धारण कैसे करें

shishu janm samay nirdharan kaise karen  

Ank ke aur Lekh | Sambandhit Lekh | Views : 1628 |  
aj ke vaigyanik yug men yadi mashinikaran ho raha hai evan chikitsa shastra men unnati ho rahi hai to shishu janm prakriya men bhi anek antar ae hain. aj shishu ka janm shalya chikitsa dvara apne manchahe samay par karva sakte hain aur is prakar jyotish vidhan ke anusar uska bhavishya apne hathon nirmit kar sakte hain. kya yah sanbhav hai ya ek kalpana ki uran hai? jyotish shastra ke anusar ishvar ne hamen karma karne ke lie kuch avasar die hain aur in avsron ka sahi upyog kar ham apne bhavishya ko sudhar sakte hain. vedant men bhi apne bhavishya ko prayatnapurvak sudharne ke lie kaha gaya hai. kisi bhi shubh karm ke lie ham muhurt dekhte hain. iske mul men chipi bhavna yahi hai ki shubh samay men karya karenge to uska bhavishya bhi shubh hi hoga. isi prakar se ham var vadhu ka kundli milan karte hain. iske piche bhi hamari yahi dharna hai ki yadi do jatkon ke vichar ekmt honge to unka bhavishya sukhamay rah sakega. yadi ham muhurt ke dvara kisi karya ka bhavishya badal kar use shubh kar sakte hain ya milan dvara do vyaktiyon ka bhavishya shantimay evan anandmy bana sakte hain to janm samay nirdharan kar hone vale shishu ka bhavishya bhi avashya hi svasthyamay, sukhamay evan shantimay bana sakte hain. prathmtah vicharniya hai ki janm samay kise kahte hain - shishu ke bahar niklne ke samay ko, nal katne ke samay ko ya uske pahli sans lene ke samay ko? shishu ke pratham sans lene ka samay hi jyotish ke anusar uska janm samay hai. yahi samay uske sarvapratham rodan ka samay hota hai. adhikanshtah shishu ke janm samay nirdharan hetu hamen keval kuch dinon ka hi samay chayan ke lie milta hai aur usmen se hi sarvotkrisht samay ka nirdharan karna hota hai. is avdhi men chandra ko chor lagabhag sabhi grah usi rashi men rahte hain. unmen keval kuch ansh ya kala ka hi antr ata hai. lekin ek din men sabhi 12 lagn ghum jate hain, atah janm samay ka nirdharan nimna binduon ko dhyan men rakhakar kiya ja sakta hai: - sarvapratham char panch dinon men tithi ka chayan karne ke lie chandra ke nakshatra ko dekhen. chandra kahin mul nakshatra men to nahin hai? vishesh rup se mul ke ashubh pad men to nahin hai, kyonki mul ke ashubh pad men shishu ke janm hone se vah apne man-bap, bhai-bahan, nana-nani ya dada-dadi ke lie bhari ho sakta hai. - yadi janm samanya ho arthat shalya chikitsa avashyak nahin ho to aisa lagn nirdharan karen taki usse agla ya pichla lagn bhi shubh ho, kyonki kai bar samanya prasav men char se chah ghante ka samay hi lagta hai aur satik janm samay ka nirdharan daektar ke hath men nahin hota. - yadi shalya chikitsa dvara janm samay ka nirdharan hona ho to lagn ke sath navansh bhi nirdharit kiya ja sakta hai jiski avdhi keval das se pandrah minat hoti hai. aise men chalit kundli ka dhyan avashya rakhen. aisa n ho ki kuch grah chalit kundli men chathe, athven ya barhven bhav men ja rahe hon. - lagn ka chayan shishu ko ap apne ichchanusar banane ke lie bhi kar sakte hain. yadi apko gyanvan santti chahie to lagn aise chayan karen taki pancham bhav men adhik grah hon. yadi khyativan santti chahie to lagn men adhik grah chayan karen aur yadi bhagyashali chahie to navam men. karmashil ke lie dasham men evan dhanvan ya sanpattivan santti ke lie grahon ko dusre aur chaithe sthan men sthapit karen. akarshak vyaktitva ke lie balyukt chandra ko lagna men sthapit karen. - lagn nirdharan men grahon ko shubh sthan jaise kendra ya trikon men sthapit karna chahie evan ashubh sthan jaise chathe, athven ya barhven ko rikt rakhne ka prayas karna chahie. ashubh ya krur grahon ko tisre, chathe ya gyarhven bhav men bhi rakha ja sakta hai. - yadi sabhi grah kendra ya trikon men kisi bhi lagn men nahin a rahe hon to koshish karen ki chathe, athven ya barhven men koi grah n ho evan athvan ghar to avashya hi rikt ho. lagna men ya chaithe, panchven, nauven ya dasven bhav men grah uttam fal hi dete hain. - lagn chayan karne ke sath dasha ka bhi akalan kar len taki bhavishya men anevali dashaen shubh hi hon. yadi janm ashubh dasha se hi praranbh ho raha ho to janm samay ko ek din bad usi samay lene se vah dasha samapt ho jaegi evan agle nakshatra athva grah ki dasha shuru ho jaegi. vyavhar men aisa dekhne men aya hai ki uparyukt sutron ke anusar jin jatkon ka janm samy nirdharit hota hai ve atyant hi svasth, sanudar, gyanvan evan akarshak hote hain aur apna jivn sukh shantipurvak vyatit karte hain. jyotish shastra men to keval janm samay nirdharan ka hi nahin apitu janm avdhi nirdharan ka bhi pravdhan hai. prachin kal men to rajghranon men garbhadhan ka bhi samay nirdharit kiya jata tha. janm samay nirdharan ke adhar par jyotish dvara is sansar ko ek svasth evan gyanvan samaj dekar manav jati ka kalyan kiya ja sakta hai. nav varsh par patrika apke lie kai nae lekh lekar a rahi hai. mukhyatah jyotish ke vidyarthiyon ke lie jigyasa samadhan, prashnottari v gyan sarita, jyotishiyon ke lie adi shankracharya ji ki jivni evan unke dvara rachit stotradi v ‘kaise karen ratnon ki pahchan’ evan vyapariyon ke lie ‘vyapar evan sheyar samasya samadhan’ nae stanbh shuru kie ja rahe hain. asha hai apko avashya pasand aenge. fyuchar samachar ke sanpadak mandal ki or se sabhi pathkon ko nav varsh ki hardik shubh kamnaen shubh kamnaen shubh kamnaen!
Kya aapko lekh pasand aaya? Subscribe
Kya aapko lekh pasand aaya? Subscribe


Apne vichar vyakt karein

blog comments powered by Disqus
.