घरेलू टोटके

gharelu totke  

Ank ke aur Lekh | Sambandhit Lekh | Views : 6046 |  
dhan labh khushhali hetu - yadi vishesh dhan prapti ki ichcha ho to chaidhmukhi rudraksh svarn men jarvakr manglvar ko subah ke samay kisi shuddh patra men lal pushpon ke asan par sthapit karke dudh, dahi, ghi, madhu, shakkar se bari-bari se ganga jal ya shuddh taje jal se snan karakar dhup, dip se pujan karke sone ki chen ya lal dhage men gale men dharan karen tatha nimn mantra ka 42 din tak ek mala nitya jap karen. mantra: ¬ hrin namah mam grihe dhanan kuru kuru svaha. - sthir lakshmi tatha yash prapti ke lie sanpurn shri yantra ko apne ghar men gandh, akshat, dhup, dip se pujan karke ghar ki uttar disha men sthapit karen tatha yantra ke sammukh baithakar nimn mantra ka 49 din tak ek mala nitya jap karen. yah prayog shukravar, sarvarth siddhi yog guru pushya yog men praranbh karne se nishchit rup se labh hota hai. mantra: ¬ shrin hrin shrin mahalakshmyai namah - aksar sunne men ata hai ki ghar men kamai to bahut hai, magar paisa tikta nahin. to yah prayog karen. jab ap gehun pisvane jaen, to usmen pahle tulsi ke gyarah aur kesar ke do patte dal kar thore se gehun ko mandir men rat ko rakh den. subah us gehun ko sare gehun men mila den tatha pisva len. ghar men barakat hogi. - shanivar sham ko mah ki dal ke do sabut danen le kar us par dahi (thora sa) dal kar sindur dal dane tatha pipal ke niche rakh den. use palt kar n dekhen. is kriya ko sat shanivar lagatar karen, dhan labh hoga tatha ghar men khushhali rahegi. - lakh prayatn karne par bhi yadi svayan ka makan ya dukan n ban rahi ho, to yah upay shukravar se shuru karen. shukravar ko kisi garib ko khana khilana shuru karen tatha ravivar ko gay ko gur khilaen. yah upay lagatar karte rahen. jaldi hi achal sanpatti barh jaegi. - ap ay ka ek sthayi srot chahte hain, prayatn karne par bhi kinhin karnon se sthayi srot nahin mil pata aur pareshan rahte hain to nimn totke se ise sanbhav kar sakte hain. lakri ke bajot par pila reshmi vastra bicha kar panach lal fulon ko sthapit karen. pratyek ful par ek kamal bij ko sthapit karen. inka dhup, dip, naivedya se sankshipt pujan karen. ek pile kagaj par kumkum se ¬ shivay shrin ¬ mantra ikkis bar likh len. usi kagaj men kamal bijon tatha fulon ko lapet kar shukla paksh ke budhvar ko ratri ke samay kisi tirahe par dal den. piche n dekhen, n apko koi toke. man men sthayi srot ki prarthana karen. - arthik sanpannata prapti hetu kagaj, bhoj patra, tanbe, chandi, sone ya sfatik par bane shri yantra ka upyog apni samathrya ke anusar karen. dipavli ki rat ko iska vishesh mahatva hai. snan adi se nivritt ho kar, sthanadi ki shuddhi kar ke purvabhimukh ho kar, uni asan par baithen. apne samne shri yantra sthapit kar jal, panchamrit, roli, chavl aur pushp se uska vidhivat pujan karen tatha mata mahalakshmi ka dhyan karte hue¬ mahalakshmyai ch vidmahe vishnu patnyai ch dhimhi tanno lakshmiah prachodyat. mantra ka jap tatha shri sukt ka path dipavli ki rat karen. uske bad yathashakti uparyukt mantra ke jap niyamit karte rahne chahie. shri yantra ko ghar men tatha vyavsayik sthan par puja sthal par sthapit kar den. sfatik shri yantra ati prabhavshali hota hai tatha is par matra ek gulab ka ful niyamit charhane se hi lakshmi ki prasannata ka anubhav sadhak ko hone lagta hai. - pipal ke vriksh ki chaya men khare rah kar lohe ke baratan men jal, chini, ghi evan dudh mila kar uski jar men dalne se ghar men lanbe samay tak sukh-samriddhi rahti hai aur lakshmi ka vas hota hai. - lal rang ka riban, tanbe ke sikke ke sath, mukhya dvar men bandhne se ghar men sukh-shanti aur dhan ki vriddhi hoti hai. - sarva pratham ghar ke mukhya dvar par baithe hue ganpti ki do murtiyan is prakar lagaen ki donon ki pith ek dusre se sat jaen. isse ghar men riddhi-siddhi ka vas hoga. - ghar men vastu dosh ho to barakat nahin hoti. bimari, larai-jhagre adi men dhan ka nash hota hai. isse bachne ke lie dhakkan samet chandi ki ek lutiya len. usmen gangajal dalakar uski gardan par kalave men munga (ched vala) pirokar bandh den. fir dhakkan laga den aur ise ghar ki uttara-purva disha men sthapit karen. - sfatik ka kachua uttar disha men is prakar rakhen ki uska munh ghar ke andar ki or ho. galle aur tijori men bhi sfatik ka kachua, sone-chandi ke sikke aur chaval rakhne se lakshmi ati hai. - satyanarayan ki puja, vrat aur path karvaen. ‘¬ namo bhagvte vasudevay’ ka path karen, lakshmi ka sthayi nivas hoga. karj se mukti aur dhan vapsi - shuddh tamrapatra par bane kankdhara yantra ko manglvar ko lal kapre ke upr ghar ke puja sthal par panchopchar puja karke sthapit karen tatha 21 athva 51 din tak yantra ke sammukh dipak jalakr kankdhara stotra ka nitya path karen. isse karj se mukti milti hai evan diya hua dhan bhi vapas a jata hai. - lal rang ka chaikor kapra len. use dev ji ke chitra/murti ke samne chaiki (pata) par bicha len. usmen lal chandn ka tukra, lal gulab ke sabut pushp, roli tatha 58 sikke (chavanni, athanni, rupya, do rupye, panch rupye ke sikke, parantu sabhi saman mulya ke ) rakhen. fir kapre men sara saman lapet kar uski potli bana kar apne galle athva almari ya sanduk, jo bhi apke hisab se upyukt sthan ho, men rakh den. 6 mah bad punah nav ratri ki ashtami ko is prakriya ko dohraen. - pratidin suryadev ko jal ka aghrya den. jal men lal mirch ke gyarah bij dal kar arpan karen. sath hi ¬ adityay namah kahte rahen tatha ruke hue dhan ki prapti hetu prarthana karen. shayan kaksh ghar ke pashchim men rakhen. tin ratti ka oneks chandi ki anguthi men jarva kar shubh muhurt men kanishtha men budhvar ko dharan karen. - yadi nirantar karj men uljhte ja rahe hon, to shmashan ke kuen ka jal la kar kisi pipal ke vriksh par charhaen. yah totka niyamit rup se yadi 6 shanivar ko kiya jae, to ashcharyajnk parinam prapt hote hain. yah prayog kisi shubh muhurt men karna chahie. holi aur dipavli bhi dhan se sanbandhit totke ke lie siddh muhurt hain. - sote samay purva ki taraf sirhana rakha karen. 3 ( ratti ki chandramni tatha 3 ( ratti vajan ka kataila chandi men jarva kar kramshah anamika aur bich ki ungliyon men dharan karen. aisa shukla paksh ke somvar tatha shanivar ko karen. vishesh upay: gehun pisvate hon, to hamesha guruvar ya manglvar ko hi chunen. yadi pisa-pisaya ata late hon, to bhi uparyukt divas ko hi laen, atyant labh hoga. sath hi thora sa ata evan shakkar mila kar ghar ke charon konon men dal den. iske lie shraddha ka hona param avashyak hai. - yadi koi vyakti dhan nahin lauta raha ho, to karpur ke sukhe kajal se uska nam bhoj patra par likh kar kisi bhari vastu ke niche daba kar rakhna chahie. is totke ke falasvarup vah vyakti apne ap hi paisa lauta dega. yah prayog shukla paksh ke kisi siddha muhurt men karane. - jin logon ko nirantar karj ghere rahte hain, unhen pratidin rinmochak mangl stotra ka path karna chahie. aisa karne se unhen rin se mukti prapta hogi. isse hanuman ji prasann hote hain aur, apne vachnanusar, shani dev hanuman ji ki sharan men gae hue vyaktiyon ko pirit nahin karte. yah path shukla paksh ke pratham manglvar se shuru karna chahie. yadi pratidin kisi karan na kar saken, to pratyek manglvar ko avashya karen. - donon mutthiyon men kali rai lane. chairahe par purva disha ki or munh rakhen tatha dahine hath ki rai ko bayin aur bayen hath ki rai ko dahini disha men fenk den. rai ko ek sath fenkna chahie. rai fenkne ke pashchat chairahe par sarson ke tel ka domukhi dipak jala dena chahie. diya mitti ka hona chahie. yah prayog shukla paksh ke pratham shanivar ko sandhya ke samay karen. shraddha se kiya gaya yah upay karj se mukti avashya dilata hai. ek bar saflta prapt n ho, to fir karna chahie. jis chairahe par totka kiya ja chuka ho, us par us din totka nahin karna chahie. yadi amavasya ho aur shanivar ho, to yah totka vishesh faldayi hota hai. - lakshmi-ganesh ki murti mandir men rakhen. ganga jal men lakshmi ganesh ka chitra aur chandi ka ek sikka dal den. shukla paksh ke pratham shukravar se prayog shuru karen. dhup-dip jala len. khir ka bhog rakhen. ek mala ú shri ganptye namah ka jap karen. iske atirikta kankdhara stotra ka path bhi pratidin karen. dhire-dhire sthiti anukul hoti jaegi aur ek din karj se mukti prapt hogi. bhagvan se din ho kar prarthana karen ki karj se mukti mil jae. shraddha avashyak hai. - shukla paksh ke pratham manglvar ko naha-dho kar pratah shivalay jaen aur shiv ling par masur ki dal (lal) nimn mantra japte hue charhaen: mantra: ¬ rin mukteshvar mahadevay namah aisa pratyek manglvar ko karen. dhire-dhire sara rin utar jaega. mantra jap ke pashchat prarthana avashya karen. - kartik purnima ke din pratah snan kar shuddh vastra dharan karen. lakri ki chaiki par lal reshmi vastra bicha kar dakshinavarti shankh sthapit karen. kunkum se shankh par svastik ka chihn ankit kar len. ab dayen hath se akshat ka ek-ek dana shankh par arpit karte jaen. pratyek akshat ke sath nimn mantra ka uchcharan karte rahen. ek ghante tak is mantra ka jap karen aur ek-ek akshat ko shankh men arpit karte rahen. is prayog men din ki koi nirdharit avdhi nahin hoti. jab tak mantrapurit akshat se shankh bhar n jae, tab tak is prayog ko karte rahen. jis din shankh pura bhar jae, us din mantra ka prayog band kar den. chaval ke danon ke sath shankh ko usi reshmi lal vastra men bandh kar apne ghar men puja sthan, karkhane ya vyaparik sthan par sthapit kar den. mantra is prakar hai: ¬ shrin hrin daridrya vinashini dhandhanya samri(in dehi dehi dakshanavart shankhay namah yah shankh bahut saubhagyashali hota hai. yah jab tak jahan rahega, jivan men nirantar arthik unnati hoti rahegi. yadi kisi par koi rin hai, to shraddhapurvak yah prayog karne par nishchaya hi, utar jata hai. - ap ne jise paisa diya ho vah vapis karne men anakani kare to shraddha se yah upay karen. chandi ke gilas men pani pien. pine ke bad gilas ulta rakh den. kisi bhi kutte ko pandrah din lagatar dudh pine ko den. unhin pandrah dinon men kisi mandir men dudh dan den. sath hi prarthana karen ki gaya paisa laut ae. mansik tanav dur karne ke lie - somvar ko gayatri yantra tatha gita yantra ko apne ghar men sthapit karen tatha nitya shraddha-bhakti purvak yantron ke darshana karen. moti ki mala gale men dharan karen aur nimn mantra ka ek mala jap nitya karen. mantra: ¬ namo bhagvte vasudevay - ghar ke sabhi sadasyon ko ratri men sote samay purva ya dakshin ki tarf sirhana rakhna chahie. shayan kaksh men sone se pahle kapur ka diya ya uska ek chota sa tukra jalaen. - pratidin hanuman ji ka pujan aur smaran karen. pratyek shanivar ko shani ko tel charhaen. apni pahni hui ek jori chappal kisi garib ko, shanivar ke din, dan kar den. panch ratti ka moti dharan karen, labh prapt hoga. - pratidin hanuman ji ki puja aur unka smaran karen. hanuman chalisa ka path karen. shukla paksh ke prathm manglvar se upay shuru karen. sote vakt ek chota sa chaku sirhane ke niche rakhen. jis kamre men sote hon, usmen kapur ka diya jalaen. samasya ka samadhan hoga, purva janm ke pap nasht honge, sthitiyan anukul hongi tatha mansik ashanti dur hogi. - yadi parivar men koi bhi sadasya mansik tanav se grast ho, to use palang par mrig charm bicha kar sona chahie. dhire-dhire tanav dur hone lagega. sath hi ratri men bure svapna ate hon, to ek bartan men pani sirhane rakh kar sona chahie. subah us pani ko gulab, ya kisi anya kante vale paudhe men dal den. man hi man 11 bar madhv-madhav ka jap karen. duahsvapna nishfal ho jaega. - pratah uth kar, surya ki or dekhte hue, apne donon hath upar utha kar nimn mantra ka gyarah bar jap karen: ¬ ghriniah suryay namah isse pure din tanav mukt rahenge. sath hi rog dur bhag jaenge. - dipavli ki sandhya ko ashok vriksha ke niche dipak jalaen. uski shraddha se puja karen. fir usi vriksh ki 3 komal pattiyan ghar le aen. dho kar, saf kar, unhen pratah kal chaba le,n har prakar ki chinta dur hogi. - kachcha dudh chini milakar jamun ke vriksh ki jar men arpit karen. yah prayog shukla paksh ke shanivar se shuaru karen. chandi ke gilas men jal piya karen. sath hi har amavasya ki sham ko mandir men mithi khir arpit karen. shighra hi labh prapt hoga. - sote samay purva ki taraf sirhana rakhen. sava panch ratti ka panna chandi ki anguthi men jarva kar shubh muhurt men anamika men dharan karen. apne kam-kaj ki jagah par do kilo fitkiri kisi chini mitti ki plet men khuli rakhen. vishesh upay ke taur par tin kilo namak ek lal matki men achchi tarah sahej kar apne shayanakaksha men rakhen. sabhi samasyaon se mukti milegi. - agar apne bhavishya ke lie chinta men hain, to ek pyala dudh apne nahane vali balti men dal kar nahaen. pariksha men safl hone ke lie - jo balak gunge hain, haklate hain, bar-bar pariksha men fel ho jate hain, jinka man parhai men nahin lagta, unhen ravivar se nimnalikhit mantra se 21 bar abhimantrit kar jal pilaen . jo balk jap kar sakte hon, ve is mantra ka pratidin ek mala jap karen. yah bahut hi chamatkarik upay hai. mantra: ¬ ain vanyai svaha. - ratri ko sote samay purva disha ki taraf sirhana rakhen. shubh muhurt men 5( ratti ka moti tatha 5( ratti ka pukhraj kramshah anamika aur tarjani men dharan karen. moti chandi tatha pukhraj sone ki anguthi men dharan karen. shri hanuman ji ka bajrang ban pratidin path karen. pariksha men jane se purva bhi bhagvan hanuman ji ka pujan, smarana aur bajrang ban ka path kar ke jaen. saflta nishchit hai. - shukla paksh ke pratham manglvar ko hanuman ji ke mandir men ek jhanda charhaen. usapar roli ya kumkum se likhen: bal buddhi vidya dehu mohi, harhu kales vikar. hanuman chalisa ka path niyamit karen. ek katori jal men 5-7 danen kishmish ke dal len. ¬ hanumte namah ka ek mala jap roj karen. aisa 20 din karen. jap ke bad jal pi len aur kishmish kha len. labh prapt hone lagega. jo bachcha parhai se ji churata ho, use 5( ratti ka oneks, chandi men, dayen hath ki anamika men, shukla paksh men pahnaen. bayen hath ki anamika men bhi tanbe ka ek challa pahnaen. purva ki taraf sirhana rakhvaen. 10-15 din men ek bar use thore se gau mutra mile jal se nahlaen. - sarasvati yantra ka shuddh jal se abhishek karke gandh, pushp, dhup, dip se pujan karke shukla paksh men brihaspativar athva panchmi, dashmi ya purnima ko apne ghar men subah ke samay sthapit karen tatha 41 din tak nimn mantra ka nitya ek mala jap karen. mantra: ¬ ain mahasarasvatyai namah - jab parikshaen ho rahi hon, to bachchon ko niyamit dahi diya karen. kevl uske samay men parivartan karne chahie. ismen dhyan keval itna rakhna hai ki agar ek din subah 8 baje dahi diya jae to uske agle din 9 baje den, uske agle din 10 baje den. is kriya ko dohrate rahen tatha har roj ek ghanta barhate rahen, to parmatma har hal men sahayta karega. yadi ho sake, to dahi mitha den. - bajar se bhang ki patti kharid kar laen. use pis kar pani men chan len. us ghol men thori chini milaen tatha pariksha dene jane se pahle shiv ji ke mandir men ja kar is ghol ko shiv ji par charhaen. aisa niyamit tab tak karen, jab tak sari parikshaen khatm nahin ho jatin. savdhani: bhang men kali mirch nahin honi chahie tatha bhang charhane ke bad svayan shiv ji par jal nahin charhaen. niyam nahin tute iske lie vidyarthiyon ke mata-pita, bhai-bahan bhang charha sakte hain. shighra vivah ke lie - yadi kanya ke vivah men badhaen a rahi hon, kahin bhi rishta tay n ho raha ho to somvar ke 21 vrat karen. katyayni yantra ki panchopchar puja karke use ghar men sthapit karen. nitya yantra ke darshan karen tatha uske sammukh baithakar nimn mantra ka ek mala jap karen. mantra: katyayni mahamaye mahayoginya dhishvari. nand gop sutan devan patin me kurute namah - yadi kisi kanya ke vivah men vilanb ho raha ho, to use tulsikrit ramayan ke sundar kand ka ek path, pratidin ke kram se, ikkis din karna chahie. bhagvan mahavir ka chitra ya jab hanuman ne sita ji ko ramchandra ji ki mudrika di thi us samay ka chitra lagaen. pahle bhagvan shri ram ko pranam karen, fir hanuman ji ko pranam kar apna manorath suna den aur unse agya le kar nimn chaipai ka path karen. path karne ke bad hath jor kar kshama yachna bhi karen, taki path karte hue koi galti hui ho to uske lie kshama mil jae. sanput laga kar shraddha se path karen. saflta nishchit hai. ‘‘jab janak pai vashishth aysu byah saj sanvrike,. mandvi shrutkirit urmila kunvri lai hankari ke’’.. sundar kand ke dohe, ya chaipai (pratyek) ke pahle aur bad men is chaipai ko parhen. shukla paksh ke achche muhurt men shukravar se yah prayog praranbh karna chahie. - prati somvar ko kanya, naha-dho kar, mandir men shiv ling par jal men dudh mila kar ‘¬ someshvaray namah’ ka jap karte hue charhae. sath hi pratidin rudraksh ki mala se is mantra ka ek mala jap kare. uske vivah ki sanbhavna banegi. iske lie shraddha ka hona avashyak hai. - vivah ke abhilashi larke ya larki ko tab tak pila vastra dharan karna chahie, jab tak kahin rishta n ho. ek pila reshmi rumal bhi sath men hamesha rakhna chahie. is prayog se vivah ki sanbhavnaen shighra banne lagti hain. - kunvare vyakti ke shayan kaksh men sone ki sthiti par avashya dhyan dena chahie. shayan kaksh ke darvaje ke samne sir ya panv nahin hona chahie tatha achche var ya kanya ko akarshit karne ke lie, sir ke samne sundar kristala bael aur akarshak jhumar avashya laga hona chahie. isse vivah shighra hone ki sanbhavnaen banne lagti hain. - purana khula tala, sat bar pure sharir ke, ghari ki ulti disha men, ghuma kar andhere men chupchap chairahe paran rakh aen. piche mur kar n dekhen. yah upay shukla paksh ke brihaspativar ko karen. kanya ka vivah shighra ho jaega. - yadi vivah ke achche prastav nahin a rahe hon, to var ke kaksh men purvottara disha men pani ka favvara rakhen. varta ke lie ghar ane vale mehmanon ko draing rum men is prakar baithana chahie ki unka munh ghar ke andar ki or rahe, unhen dvar dikhai n de. - vivah ki kamna karne vali kanya ko somvar ko shiv mandir men jakr man parvati ka shringar karna chahie tatha shiv parvati ke madhya kalave se gathjor bandhna chahie. aisa solh somvar tak karna chahie. shukla paksha ke pratham somvar se yah totka shuru karen. koi toke nahin yah avashya dhyan rakhen. - samay par vivah hone ke lie shukla paksh ke kisi guruvar ko, pratahkal uth kar, sir se snan karen. pile vastra pahan len. deshi ghi men besan senk kar bura mila kar, uske 108 laddu banaen. pile rang ki plastik ki tokri men pile rang ka kapra bicha kar us par un ladduon ko rakh den. ichchanusar kuch dakshina rakh den. yah sara saman shiv mandir men ja kar, ganesh, parvati aur shiv ji ka pujan kar, manovanchit var ki prapti ki kamna kar kisi brahman ko dan den. is prayog se shighra vivah ki sanbhavna banegi. - yadi kahin larki ki shadi ho rahi ho, to shagun ke paise ko larke, ya larki ka hath jarur lagvaen. shagun usko den, jo janta nahin, ya bahr kisi vyakti ko shagun de kar kahen: larki valon ko shagun de do. mujhe kahin jaruri jana hai. isse bhi shadi ki rukavat dur ho jaegi. - larki ya larka 43 din tak pipal par lagatar jal charhae, to shadi ki rukavat dur ho jati hai. itvar ko ya masik dharm ke samy jal nahin charhana chahie. - virvar ko vishnu-lakshmi ji ke mandir men ja kar vishnu ji ko kalgi (jo sehre ke upar lagi hoti hai) charhaen. sath men besan ke 5 laddu charhaen. shadi jaldi ho jaegi santan prapti ke lie - santan prapti men yadi badhaen a rahi hon athva ichchit santan ki kamna ho to santan gopal yantra ko apne ghar men puja sthan par panchopchar pujn karke sthapit karen tatha das mukhi rudraksh gale men dharan karen. nimn mantra ka ek mala nitya jap karen. mantra: devki sut govind vasudev jagatpate. dehi me tanyan krishn tvahan sharnan gatah.. - nau sal se kam ki kanyaon ke charan chune se santan jaldi prapt ho jati hai. is kriya ko 43 din karen. 11 larkiyon ke charnon ko jarur chuna chahie. sath hi gopiyon se man men kahen: krishn bhagvan ya kanha ko meri ichcha prapti ke lie manaen. -shukravar ko ate men panir dal kar gay ko khilaen. aisa 43 din lagatar karen. - jel men kaidiyon ko bhojan karane se bhi santan ki prapti jaldi ho jati hai. yah ajmaya hua upay hai. jel men kaidiyon ko khana khilane se pahle krishn bhagvan ji ke mandir men shish jhuka kar jaen. is kriya ko 43 din karen. dhyan rahe yah kram tute nahin. avashya labh milega. - sachchi lagan se shiv aradhna karen tatha shanivar ko pratah kal pipal ke vriksh ke pas til ke tel ka dipk jalaen. sath hi pratyek shanivar ko roti par tel laga kar kale kutton ko khilaen. yah divya prayog hai. labh avashya hoga. santan prapti dev aradhna se hoti hai. yadi budh aur shukra badhak hon, to shiv bhagvan ka rudrabhishek karna chahie. yadi chandrama badhak ho, to bhi rudrabhishek karen. yadi brihaspati santan prapti men badhak ho, to yantra, mantra jap aur aushdhiyon ka upyog karna chahie. shani, mangal aur surya badhak hon, to durga devi ki aradhna karni chahie. yadi rahu-ketu badhak hon, to vidhipurvak kul devta ki puja karni chahie. nav grah shanti path bhi karana chahie. - santan prapti ke jab sabhi upay asafal ho jaen, to tatkal fal dene vali yah sadhna avashya karen, labh jarur hoga. vaishno devi jaen aur ardhakunvari gufa ke andar baith kar rudraksha ki mala se nimn mantra ka jap karen. ¬ ene hrin klin chamundayai vichchai man ko pranam karen aur sachche hriday se kamna prakat karen. man ke darbar men nariyal, prasad aur chunni charhaen. kunjika stotra ka path karna n bhulen. bhairon ke darshan bhi avashya karen. is sadhna men shraddha ati avashyak hai. -jis kisi ke bachche jivit n rahte hon, ho hokar gujar jate hon, use bachche ke janm hone par mithai nahin bantni chahie. aise men namkin chij banten- ashcharyajanak labh prapt hoga. santan ki ayu lanbi hogi. - santan sukh ki prapti ke lie jatak ko ravivar ka vrat karna chahie. surya devta ko jal men lal ful ya roli tatha gulab jal ki kuch bunden dal kar pratah ¬ suryay namah kahte hue aghrya dena chahie. sath hi aditya hriday stotra ka path shraddhapurvak karna chahie. dampatya jivn men kalah rokne men kalah rokne men kalah rokne ke lie - grihasth jivan men pati-patni ke madhya paraspar sukh, sahyog bana rahe iske lie man bhagvti matangi yantra ko shukravar ke din ratri ke samay apne ghar men sthapit karen tatha nitya uske darshana karte rahen. donon men se koi bhi gauri shankar rudraksh gale men dharan kare tatha 41 din tak nimn mantra ka ek mala nitya jap kare. mantra: un hrin klin hun matad.gyai pafatsvaha. - yadi apke parivar ka mahaul tanavpurn hai, ghar men klesh se ap pareshan hain, to bajar se ata n la kar ghar men gehun tatha chane kharid kar rakh len. gehun chakki par pisane jane se pahle usmen thore se chane mila den tatha kevl somvar evan shanivar ko hi pis kar kam men lane. kuch hi mahinon men parivar janon ke madhya klesh samapt hoga aur apsi sanbandhon men madhurta aegi. - shri ganesh ji aur shakti ki upasna karen. sote samay purva ki or sirhana hona chahie. chintiyon ko shakkar dalna chahie. ek chote se kagaj par lal kalam se pati ka nam likh kar use shahad men dubo kar, achchi prakar se shishi men band kar ke, ghar ke kisi kone men rakh den. dhire-dhire kalhpurna vatavaran dur hoga aur sthiti anukul hogi. - sada pan le aen. ganga jal men lal chandan ko ghis kar usse, anar ki kalam se, pan par jis vyakti ke karan tanav aya ho uska nam likhane. fir pan ko pate par rakh kar us par gulab ke ful ki kuch pattiyan rakh den. apne isht ka dhyan kar ke punah sanbandhon ki madhurta hetu prarthana karen. pan ko gulab ki pattiyon ke sath pis len. vyakti ke nam men jitne akshar hain, uski utni hi goliyan bana len. ek goli roj us vyakti ke ghar ke darvaje par fenkte rahen. thore hi dinon men duriyan khatm hongi tatha punah sanbandhon men atmiyata a jaegi. - pradosh ke din gur ka shiv ling bana kar vidhipurvak puja karen aur yadi pratidin nimn mantra ka ek mala jap karen, to nissandeh dampatya jivan madhur bana rahega. mantra: sarvamangal managalye shive sarvarthasadhike. sharanye tryanbke gauri narayni namostute. - kartik purnima ke din do sipiyon par niche die gae mantra ka ikkis bar jap karen. fir donon sipiyon ko nadi men pravahit kar den. isse grihasth sukh ka labh milta hai. mantra: ¬ shrin hrin purn grihasth sukh si(ye hrin shrin ¬ namah mesh lagn ki kundli men dampatya sukh ka grah shukra hota hai. yadi kundli men shukra ashubh sthiti men arthat apni nich rashi men sthit ho, ashubh grahon se yut evan drishtit ho to dampatya jivn men sukh ki kami hoti hai. aise men gay evan pakshiyon ko chaval khilaen. pratyek somvar ko gangajal mishrit jal se shiv ka abhishek karen aur ¬ namah shivay ka ek mala jap nitya karen. dampatya jivan men madhurta aegi. achche svasthya ke lie - achcha svasthya bana rahe, ghar men duahkh ya bimariyan n aen iske lie kisi shubh muhurt athva shukla paksh men somvar ko mahamrityunjay yantra pratahkal ghar men sthapit karke nitya uske pujan darshana karte rahen tatha gale men 12 mukhi rudraksha dharan karen aur nimn mantron men se kisi ek ka ek mala jap nitya karen. ¬ haun jun sah ¬ namah shivay - yadi bachcha jyada bimar ho, davai asar n karti ho, to uska hath laga kar ek mudra mrit vyakti ke upr dal den, bachcha thik ho jaega. - ek rupye ka sikka rat ko sirhane rakh kar so jaen . pratah ise shmashan ki sima men fenk aen . sharir svasth rahega. - gadhe ka dant agar kisi ke sirhane rakh diya jae, to uska anidra rog dur ho jata hai . - kisi rogi par davai ka asar nahin hota ho, to gulab ka ek ful aur 7 batashe pan ke ek patte par rakh kar, uske sir ke upar se varen aur use chairahe par rakh den. vah thik hone lagega. - kabhi-kabhi khansie ji ka janjal ban jati hai. dava lene par bhi aram nahin milta. khansi se pareshani hone par manglvar ya shukravar ko loban ke paudhe ki jar gale men bandh lene se aram milta hai. - adhik dast lagne par sahdei ke paudhe ke, jar ke sath, barabar tukre karen tatha uski mala bana kar gale men pahnen. aram milega. - shanivar evan manglvar ko hanuman ji ke pairon par lage sindur ka tilk lagate rahne se sir dard ki shikayt khatm ho jati hai. - ankhon ki bimari se mukti ke lie pratahkal uth kar suryamukhi ka ful saghna chahi un e tatha shuddh gulab jal ankhon men dalna chahie. - nak se khun ane par ninbu ke ras ki kuch bunde n nak men tapkane se tatkal labh milta hai. - ajakal uchch raktachap se kafi log pareshan rahte hain. ek bar raktachap barh jae, to iska purn ilaj aushdh vigyan men nahi ho pata. dava lete rahne par yah keval niyantran men rahta hai. atah uchch raktachap se mukti ke lie rudraksh ki mala, kale dhage men piro kar, pahnen. kala ghaga lena jaruri hai. vishesh labh hetu tanbe ka kara pahnen tatha ¬ bhaumay namah mantra ka nitya jap karen. mantra jap jab tak karen, bhojan men namak ki matra kam rakhen. - yadi anton men pathri ki shikayt ho to 25 gram gajar tatha barabr matra men shalagam ke bij len. ek muli ko bich men se chir kar usmen ye bij bhar den. us muli ko ag par bhun len. muli bhun jane ke bad usmen se bij nikal len. unhen 5 gram subah, 5 gram sham pani ke sath, len. pani pine vale baratan ko ulat kar rakh den. yah kriya 5 din karen, labh hoga. - rog se mukti ke lie apne bhojn ka chaithai hissa gay ko aur chaithai kutte ko khilaen. - yadi parivar men koi vyakti bimar ho tatha lagatar aushdhi sevan ke pashchat bhi svasthya nahin ho raha ho, to, kisi bhi ravivar se aranbh kar ke, lagatar 3 din tak gehun ke ate ka pera tatha ek lota pani, vyakti ke sir ke upar se ubar kar jal ko paudhe men dal den tatha pera gay ko khila den. yadi totke ki avdhi men rogi thik ho jae to bhi 3 din tak lagatar is karya ko karen, bich men roken nahin. - yadi rog ganbhir aur lanba ho, to rogi ke vajan ke barabar sabhi khadya samagri, tel-ghi sahit, taul kar brahman ya garib grihasth ko den. tula dan karne se, bimari dur hoti hai. - kisi talab, kup ya samudra men, machliyon ko shukravar se shukravar tak ate ki goliyan, shakkar mila kar, den. pratidin lagabhag 125 gram goliyan honi chahie. rogi thik ho jaega. - yadi chota balak bimar ho, to uske vajan ke barabar bajra len. usmen se 7 mutthi bajra, roj balk par se 1 bar var kar, choti-choti chiriyon ko suryaeday se pahle dalen, aram milega. - mirgi ke rogi ko thik karne hetu gadhe ke nakhun ki anguthi banva kar pahnani chahie. isse mirgi ki bimari sada ke lie dur ho jati hai. - adhasisi ke dard se mukti ke lie pratah kal, surya niklne se pahle, dakshin disha ki or munh kar ke aur hath men purane gur ka ek tukra le kar use dant se kat kar usi samy samip ke kisi chairahe par dal aen tatha uski charcha kisi se n karen. dukh dur ho jaega. naukri/ vyapar badha nivarn - yadi karyon men adhik vighna-badhaen ati hon, bahut parishram karne par bhi vanchit fal n milta ho to shukla paksh men manglvar athva ganesh chaturthi ke din ghar men haridra ganpti ki murti ghar men sthapit karen tatha nimn mantra ka nitya ek mala jap karen. mantra: ekadantay vidmahe vakratunday dhimhi tanno danti prachodyat. - vyapar men yadi bar-bar ghata hota ho to sanpurn vyapar vriddhi yantra ko shukla paksh men budhvar ko panchopchar pujan karke vyavsay sthal athva ghar men uttar disha men sthapit karen tatha terah mukhi athva ek mukhi rudraksha gale men dharan karen aur nimn mantra ka 42 din tak ek mala jap nitya karen. mantra: ¬ shrin hrin shrin mam vyapar vri(in kuru kuru svaha. - kisi guru pushya yog aur shubh chandrama ke din pratah hare rang ke kapre ki choti thaili taiyar karen. shri ganesh ke chitra ke age sanktnashak ganesh stotra ke 11 path kar thaili men 7 mung, 10 gram sabut dhaniya, ek panchmukhi rudraksh, chandi ki ek chavanni ya rupya, ya 2 supari aur haldi ki 2 ganthane rakh kar, ganesh ji ko shuddh ghi ke modk ka bhog lagaen. yah thaili tijori, ya kaish baeks men rakh den. garibon aur brahmanon ko dan karte rahen. arthik sthiti shighra sudhar jaegi. ek sal bad nai thaili bana kar yah kriya fir karen. manokamna purn hogi. - kai bar aisa hota hai ki udyogpti purane udyog se ashatit saflta pa kar naya udyog lagane ke lie utsahit hota hai. parantu jab purana udyog yathavat chalta rahta hai, naya udyog ji ka janjal siddh ho jata hai, aisi sthiti men yah prayog karen: - shanivar ko purane karyalay se lohe ki koi bhi vastu naye sansthan men la kar rakh dane. rakhne se purva us sthan par thore se sabut kale urad dal den. yah dhyan rahe ki vah vastu bar-bar hatai n jae. purane udyog ke sath-sath naya udyog bhi chalne lagega. - lakh prayatn karne par bhi vyapar unnati nahin kar pa raha ho, to shyama tulsi ke charon or ug ai kharptvar ko kisi pile vastra men bandh kar vyapar sthal par rakh den. yah kriya guruvar ko hi karen. - manglvar ko sidhi danthal vali 7 sabut hari mirch aur ek ninbu laen. unhen kale dore men piro len aur karyaly sthal ke bahar tang den. aisa har manglvar ko karen. aisa karne se vyapar barhega. yah prayog shanivar ke din bhi kiya ja sakta hai. - jin vyapariyon ko lagatar hani ho rahi ho, ve gayatri mantra ke dvara havan karvaen. vyapar sthal ke havn ki vibhuti ko kisi safed rang ke kapre men dal kar ghar men tatha vyapar sthal par rakhen. hani honi band ho jaegi. vyapar achcha chal jaega. pareshani hone par ya sehat kharab hone par is havan ki kuch vibhuti ka tilak karen tatha jibh se bhi chatane, sharirik kasht dur hoga tatha bimari thik ho jaegi. - vyapar men vighna-badhaen ane par roj subah snan ke pashchat surya dev ko jal arpit karen. gayatri aur surya ka mantra bolane evan mahalakshmi, mahasarasvati aur mahakali ka dhyan karen. pushpa charhaen evan shuddh ghi ke dipak mahalakshmi ko dikhaen. tulsi men ek lota pani charhaen. mahalakshmi ki arti karen aur ghi, shakkar ka bhog lagaen. aisa sava mah niyamit karne par vyapar men unnati hogi. - yadi anek prayatnon ke uprant bhi bikri nahin barh rahi, to kisi bhi mahine ke shukla paksh ke pratham guruvar se yah prayog karen. vyapar sthal ke mukhya dvar ke ek kone ko ganga jal se dho kar svachcha-shuddh kar len. iske pashchat haldi se svastik bana len aur us par chane ki thori si dal aur gur rakh den. iske bad svastik ko bar-bar n dekhen. is upay ko kam se kam 11 guruvar avashya karen. pahle charhae hue gur aur dal ko mandir men charha den. - bhagvan shiv ka pujan karen. somvar ko shiv mandir ja kar ¬ someshvaray namah ka jap karte hue dudh-jal shiv ling par charhaen tatha rudraksh mala se is mantra ka ek mala jap karen. purnamasi ko jal men thora dudh mila kar chandrama ko aghrya den aur apne vyavsay ki unnati ke lie prarthana karen. - shukravar ki rat ko sava kilo chane (kale) bhigo den. unhen sarson ke tel men bana len. pahla hissa shanivar ko ghore ya bhainse ko khila den. dusra hissa kushth rogi ko den. tisra bhag apne upar se ghari ki sui se ulte dhang se var kar chairahe par rakh den. yah prayog chalis din karen, karobar men vriddhi hogi. najar utarne najar utarne najar utarne ke lie - indra jal ko shanivar athva manglvar ko ratri ke samay ghar men sthapit karen tatha nitya uske darshana karte rahen. sath hi durga bisa laeket evan 9 mukhi rudraksh gale men dharan karen tatha 21 din tak nimn mantra ka ek mala jap karen. mantra: un dun durgayai namah -bachchon ko nazar shighra lagti hai. nazar lagne ki dasha men bachcha lagatar rota rahta hai. aisi sthiti men bachche ko rai ki dhuni deni chahie. sat sabut lal mirch bachche par se ubar kar jala den. nau ninbuon par tel laga kar un par sindur lagaen. ab unhane bachche par se 7 bar ubar kar, kisi chairahe par le ja kar, 4 bhag kar ke charon dishaon men fenk aen. - kai bar bachche khana-pina bilkul band kar dete hain. dudh to chute hi nahin. aisi dasha men nimn prayog karen: ghar men jo bhi khana bana ho, bachche ki khurak ke anurup thali men paros len. fir bachche ke munh par laga kar use jutha kar len. yadi use bachche ko khila bhi diya jae, to achcha ho. punah usi thali ko vapas paros len (yadi bachche ne khaya ho to). ab us thali ko, un hrin annapurne sada purne svaha bolte hue, 29 bar bachche par ubaren. ubarne ke pashchat sara khana gay ko khila den. bachcha khana khane lagega. aisa hi prayog dudh par bhi kiya ja sakta hai. ismen mantra ú somay svaha bolen. dudh billi ya kutte ke pille ko pilaen. bachcha dudh pine lagega. - najar lagne par bachche athva vyakti ke lie 40 din tak pratidin hanuman chalisa ka path karen. - juta lekar najar lage vyakti par 7 bar ghumakar jute ko jamin par jor se maren. fir ¬ namah shivay mantra ka man hi man jap karen. - manglvar aur shanivar ko mandir men jakar 3 ya 7 bar pipal ki parikrama karen aur tel ka diya prajvalit karen. - bachchon ko najar se bachane ke lie kajal ka tika lagana chahie. - gale men rahu ka laeket pahnen. - apni dukan ya vyavsay ko najr se bachane ke lie vastu dosh nivark yantra lagaen. - makan ko najar se bachane ke lie makan ke mukhya dvar par vastu dosh nivarak yantra, kavach aur ganesh ji ki pratishtha karen. - najar se pirit vyakti ko gale men tin mukhi ya panch mukhi rudraksh pahnna chahie. - chote bachchon ko gale men kale dhage ke sath bhagvan ke laeket pahnaen. - balak ke palne men ek sabut lal mirch, sindur, lohe ki ek kil aur sabut urad ke sat danen safed suti kapre men potli bandh kar, latka den. kisi ki bhi buri najar nahin lagegi. - bachche ke atyadhik rone tatha nind na ane se kisi bhi brihaspativar ko, 1 fitkri ka tukra, safed rang ke kapre men bandh kar, safed dhage se bachche ke gale men bandh den, to bachcha sukhpurvak soega. vashikrn - panch prakar ke falon ke ras se tilak karne se sab log mohit ho jate hain . vyapar men sajhedar ko apne anukul banae rakhne ke lie: ravivar ko ullu ke pankh laen . lal chandan se pankh par apne sajhedar ka nam likhen tatha use kisi tarh sajhedar ke sharir se sparsh kara kar jala dalen. uski rakh ko sanbhal kar ikatthi karen tatha sajhedar ke badn ya sir par savdhani se dal den. isse apka sajhedar sada apke hit men karya karega. yah ek sahj kriya hai, jismen koi bhi ahit nahin hoga. - yadi kisi ko vash men karna chahte hon, to ‘hamjad’ ke upar asht gandh se us vyakti ka nam likhen. fir ‘hamjad’ ke samaksh 41 bar nimnalikhit mantra ka jap karen: ‘un sammohay vashmanay shan un fat.’ mantra jap samapt hone ke pashchat ‘hamjad’ ko ratri ke samay tel ka dipak jala kar chairahe par chor aen. piche mur kar n dekhen. kisi par bhi parkhne ke makasad se prayog n karen. yah prayog shukravar ko karna chahie. shraddha nitant avashyak hai. - shatru ko mitravat banana ho, adhikari se manonukul karya karvana ho, pati-patni men matbhed ho ya kisi ko niyantran men karna ho, to ravivar (shukla paksh prathm) ko pratah snan kar, chandi ki ek thali men moti shankh ko ganga jal se dho kar rakh den. fir is par kumkum laga den. ghi ka dipak jalaen. sfatik mala se nimn mantra ka ek mala jap karen. yah prayog ek mahina niyamit rup se karen. shighra hi manovanchit saflta prapt hogi. yah bahut hi balshali prayog hai. magar purna shraddha honi chahie. mantra: ¬ frin vanchitan men vashmanay svaha. - chandi ki thali men thore se sabut chaval rakh kar moti shankh sthapit karen. chaval ke danen khandit n hon. ek mahine pashchat moti shankh, chaval samet, kisi safed kapre men bandh kar surakshit sthan par rakh den. aisa karne se purush ya stri vash men rahegi. - prem ke divane ke lie lohe ke ek tukre ko ag men garm kar ke use pani se bujhaen. isi prakar 3 bar garma kar ke kramshah pani men bujhaen aur pratyek bar bujhate samay yah kahte jaen ki jis prakar yah garm loha pani men shital hota hai, usi prakar amuk larke ka prem amuk larki se shital ho jae. fir us pani se prem men pagal rogi ka munh dhulaen aur thora pani uske vakshasthal par bhi chirak den. 3 din tak yah kriya karne se vah apni premika ko bhul jaega. - jin striyon ke pati bat-bebat men jhagrte hon ya kisi galat stri ya vyakti ke changul men fans gaye hane, to virvar ya shukravar ki rat 12 baje pati ki choti ke sthan se kuch bal chupchap kat len. unhen apne pas rakh len. pati ki buddhi sudhar jaegi aur vah vash men ho jaenge. in balon ko jala kar bahar fenk den tatha pairon se ragar den. is prakar karne se sab thik ho jaega. is prayog ka sabko vash men karne ke lie upyog kar sakte hain. agar yah kriya striyan masik dharm ke samay karen, to adhik labh hoga. - virvar ko pyaj ka ras nikal kar roti par yadi likh den ki mere vash men ho jao ya mere ho jao aur us roti ko jise vash men karna ho use khila diya jae, to vah vash men ho jaega. - shanivar ki rat ko 7 laung len. usapar 21 bar, jis vyakti ko vash men karna ho, uska nam le kar fanuk maren. fir ravivar ko laung ko ag men jala dalen. yah upay 7 ravivar karen. is kriya ko masik dharm ke madhya men n karen, anyatha hani ho sakti hai . - agar pati kisi galat sangat men ho, ya kisi dusri aurat ke chakkar men ho, to ravivar ko ghar men guggul ki dhuni den. guggul ko jalane se pahle us stri ya vyakti ka nam le kar guggul jalaen. vah us stri ya vyakti ka sath chor dega. û mata apni bhari hui mang ka tika larke ke mathe par lagae, to larka kahna manne lagega tatha vash mane rahega. - chandan tatha baragad ki jar ko sam matra men shuddh pani men pis kar usmen barabar matra men bhasm (vibhuti) milakr nitya tilak karne se dekhne vale vashibhut hote hain. - chandan, gorochan, roli tatha kapur sam matra men le kar, ghot kar, tilak karne se dekhne vala vashibhut hota hai. - pushya nakshatra men chameli ki jar ko tabij men dharan karne se shatru bhi vash men ho jata hai.
Kya aapko lekh pasand aaya? Subscribe
Kya aapko lekh pasand aaya? Subscribe


gharelu totke visheshank  January 2006

manushya ka janm svatantra hua hai kintu vah har jagah shrinkhla men abaddh hai. manushya apne har janm men apne karmon ke anurup nakaratmakata athva sakaratmakata ke karan vartaman jivan men achche ya bure din dekhta hai. pira ki matra inhin karmon ke sanchay ke adhar par alg-alag hoti hai. inka prakatya janm ke samay kundali men hota hai jab nau grah uske karmon ke anurup alg-alag bhavon men sthan grahan karte hain. iske alava dashaon ke kram bhi bhavi jivan ki adharshila rakhte hain. yadi dashaon ka kram achcha hota hai to jatak ko jivan men sukh evan samriddhi ki prapti hoti hai anyatha vah dukh jhelne ko badhya hota hai. jyotish men vibhinn prakar ki pira se mukti hetu anek upayon ki charcha ki gai hai. inhin upayon men se ek mahatvapurn upay hai totka. fyuchar samachar ke is mahatvapurn visheshank men vibhinn prakar ki samasyaon se mukti pane hetu samanya, saral evan gharelu totkon se sambandhit mahatvapurn alekh samavisht hain. in mahatvapurn totke ke alekhon men se dhan labh evan khushhali hetu, karj se mukti aur dhan vapsi, mansik tanav dur karne ke lie, pariksha men safal hone ke lie, shighra vivah ke lie, santan prapti ke lie totke adi lekh sammilit hain.

Subscribe

Apne vichar vyakt karein

blog comments powered by Disqus
.