brihat_report No Thanks Get this offer
fututrepoint
futurepoint_offer Get Offer
अध्ययनरत बच्चों के लिए उपाय

adhyayanarat bachchon ke lie upay  

Ank ke aur Lekh | Sambandhit Lekh | Views : 4042 |  
adhyayan karne vale bachche hamesha purvamukhi hokr hi adhyayan karen. pariksha ke samay uttaramukhi hokar adhyayn kar sakte hain. isse unki smarana shakti uttam hone ke sath hi sath vishay bhali-bhanti yad rahta hai. - yadi koi bachcha bar-bar kisi pariksha men asafal ho raha ho, to vah shri sarasvati jayanti par bhojapatra par ashtagandh men gangajal milakr nimn mantra ko likhakar apne samne man sarasvati ki tasvir rakhakar 108 bar nimn mantra ka jap karen. fir bhojapatra ko chandi ke tabij men bandh kar apne dahine hath men athva gale men bandh len. ab jab bhi adhyayn aranbh karen to is mantra ka ek bar mansik jap avashya karen. kuch hi dinon men chamatkar pratyaksh hoga. mantra hai: un sarasvati vagvadini kashmirvasini hansvahini bahu buddhi dayini yam jihvagre sthir bhav svahaah. - ravivar ko jal men roli, shakkara v gulab ka pushp dalakar surya dev ko arpit karen tatha kisi lal vastu ka dan karen. mandir men machis ka jora arpit karne ke sath namk rahit bhojan karen. yah karya ravivar ko hi karen. guruvar: guruvar ko suryast se thik pahle kisi done men panch alg-alag mithai tatha hari ilachyi ka jora pipal ke vriksh ke niche arpit karen. aisa lagatar tin guruvar ko karen. - pratah suryoday ke samay bal gile kar surya ke samaksh hath failakar 21 gayatri mantra ka jap karen. mantra ke bad tin bar ‘un’ ka uchcharan karen, fir 11 bar punah gayatri mantra ka uchcharan kar hatheliyon ko paraspara ragar kar apne mukh par firayen. is prayog se bachche ki smaran shakti men vriddhi hogi. yadi bachcha niyamit rup se yah prayog karta hai to use pariksha men safal hone men sugmta hogi. - pariksha se sava mahina purva ane vale shukla paksh ke pratham guruvar ko pratah snan kar ghar ke puja-sthala par athva kisi bhi devalay men shri ganesh ki murti ke samne 14 besn ke laddu ka bhog lagakar, hare hakik ki mala se ninm mantra ka 11 mala jap kar apni pariksha men saflta ke lie prarthana karne se bhi labh prapt hota hai. ismen ap yah bat spasht samajh len ki ishvar bhi parishrami logon ki sahayta karta hai. mantra hai: vakratund mahakay suryakoti samprabh. nirvighn kuru me dev sarva karyeshu sarvada. ekadanto mahabuddhiye, sarvashe gannaykah. sarvasiddhi karo deva gauri putra vinaykah.. - pariksha se kam se kam 11 manglvar pahle vale shukt paksh ke prathm manglvar ko kisi bhi hanuman ke mandir men prabhu ki murti ke samaksh gur v chane ka bhog arpit kar pariksha men saflta ke lie prarthana kar nimna mantra ki ek mala ka jap karen. 11ven manglvar ko unke bayen pair ke sindur se tilak karen. pariksha men prashna-patra ane par nimna mantra ka 5 bar smaran karne se apekshit parinam ata hai. parinam achcha hone ke bad ap prabhu ko dhanyavad ke sath chola bhi arpit karen. mantra hai: buddhihin tanu janike sumirau pavn kumar. bal, buddhi vidya dehu mohi, harhu klesh vikar. - adhyayan karte samay kabhi bhi vayavya kon (uttara-pashchim kona) men n baithen. is kon men adhyayn karne vale bachchon ko kabhi bhi dirgha samay tak smaran nahin rahta hai kyonki yah kshetra vayu ka hai aur adhyayan karne vala vishay vayu ki bhanti ur jata hai. - vidyarthi apne adhyayan kaksh men man sarasvati ki tasvir avashya lagayen tatha niyamit adhyayan se purva tasvir par 3 agarabatti arpit karen aur jo vidyarthi puja-path men vishvas rakhte hon, unhen niyamit rup se nimn mantra ka jap bhi sarasvati ke tasvir ke samne avashya karna chahie. is upay se buddhi men tikshnata ke sath pariksha fal bhi shubh hota hai. mantra sankhya bachche apne samay ke anusar nishchit kar len parantu ek bar jitna mantra jap karen, usse kam ya adhik fir kabhi n karen. mantra hai: ‘un hriin ain hriin un sarasvatyai namah.’ jin bachchon ki smaran shakti kamjor ho unko niyamit rup se 11 tulsi ke patton ka ras mishri ke sath dene se smaran shakti men vriddhi hoti hai. - shuklapaksh men pratham ravivar ko imli ke 22 patte lakar unmen se 11 patte suryadev ko arpit kar, shesh bache patte apni kisi bhi pustak ke andar rakhne se parhai men adhik man lagta hai. - jo bachche parhte samay shighra hi sone lagte hain athva man bhatkne ke karan parh nahin pate hain to unke adhyayan kaksh men hare rang ke parde lagvayen tatha jab bhi adhyayan ke lie baithe tab vah sarasvati ka dhyan 21 bar ‘un ain sarasvatyai namah’ ka jap karke karen.
Kya aapko lekh pasand aaya? Subscribe
Kya aapko lekh pasand aaya? Subscribe

vidya badha nivaran visheshank  February 2016

fyuchar samachar ka yah visheshank purn rupen shiksha ko samarpit hai. ham jante hain ki shiksha kisi vyakti ke jivan ka sabse mahatvapurn avayav hai tatha shiksha hi us vyakti ke jivan men saflta ke anupat ka nirdharan karta hai. kintu shiksha athva adhyayan kisi tapasya se kam nahin hai. adhikansh chatra lagatar shiksha par dhyan kendrit karne men pareshani ka anubhav karte hain. prayah bachchon ke mata-pita bachchon ki parhai par thik se dhyan n de pane ke karan mata-pita manovaigyanik athva jyotishi se sampark karte hain taki koi unhen hal bata de taki unka bachcha parhai men dhyan kendrit kar paye tatha pariksha men achche ank arjit kar sake. fyuchar samachar ke is visheshank men isi vishay se sambandhit anek mahatvapurn lekhon ko samavisht kiya gaya hai kyonki jyotish hi ek matra madhyam hai jismen ki is samasya ka samadhan hai. is visheeshank ke ativishisht lekhon men shamil hainah janmakundali dvara vidya prapti, jyotish se karen shiksha kshetra ka chunav, shiksha vishay chayan men jyotish ki bhumika, shiksha ka mahatva evan uchch shiksha, vidya prapti hetu prarthana, mata sarasvati ko prasann karen basant panchmi parva par adi. inke atirikt kuch sthayi stambh jaise satya katha, hailth kaipsul, vichar goshthi, masik bhavishyafal adi bhi samavisht kiye gaye hain.

Subscribe

.