कालसर्प योग की सार्थकता

kalasarp yog ki sarthakata  

Ank ke aur Lekh | Sambandhit Lekh | Views : 2654 |  
kalasarp yog rahu aur ketu ki dhuri ke ek or sabhi grahon ke a jane se banta hai. yadi rahu ke mukh men sabhi grah a rahe hain to use udit yog ki sangya di gai hai aur yadi dusri or hon to anudit yog kaha jata hai. kuch jyotirvidon ka manna hai ki is yog ka ullekh kisi prachin granth men nahin milta hai, atah yah yog keval kalpanik hai, lekin aisa nahin hai. sabhi grahon ke ek or ane se saurmandal men gurutvakarshan bal ka santulan bigad jata hai aur is karn- - samudra men jvar bhata adhik teji se ate hain. - prithvi par bhukanp ka veg badh jata hai. - manushyon men mansik tanav badh jate hain jisse ladai-jhagde ya manushya janit vardaten badh jati hain. - adhik bachche mansik rogi paida hote hain. jab chandrama chaturth ya dasham bhav men ata hai to samudra men jvar ate hain. chandrama ke lagn v saptam men hone par bhata hota hai, jab chandra aur surya ek sath ho jate hain arthat amavasya ke din jvar bhata ka prakop badh jata hai. isi prakar se jab sabhi grah chandrama ke sath ya chandrama ki or a jate hain to iska prakop aur adhik badh jata hai. isi prakar bhukanp bhi prithvi ki parat ke hilne se hota hai aur inke hilne ke mukhya karan anya grahon ka gurutvakarshan hi hai. atah jab bhi sabhi grahon ka khinchav ek or ho jata hai to parat ke upar adhik khnchanv padta hai aur prithvi hilne lagti hai jisse bhukanp ate hain. jab prithvi par itna asar padta hai to manushya bhi is aveg se kaise bach sakta hai? kalasarp yog ki sthiti men bhi gurutvakarshan bal men asantulan a jane ke karan bhautik, daihik, mansik evan samajik jivan nishchit rup se prabhavit hota hai. yahi karan hai ki kalasarp yog ko ek dosh ke rup men dekha jata hai aur is dosh ki shanti ka prayas kiya jata hai. lekin kalasarp yog yukt jatak kuch n kuch visheshta lie hi pae jate hain. kitne pratishat kundliyon men kalasarp yog hota hai, yah janne ke lie pahle ganna karte hain ki kul kitni kundliyan hoti hain- kisi bhi kundli men 12 lagn hote hain. surya, chandra, mangal, guru, shani v rahu 12 bhavon men svatantra rup se kahin bhi ho sakte hain. budh surya ke sath ya ek ghar age-piche hi ho sakta hai. shukra surya ke sath ya do ghar age-piche v ketu, rahu se sadaiv saptam hi ho sakta hai. is prakar budh svatantra rup se tin bhavon men, shukra panch bhavon men v ketu keval ek hi bhav men ho sakta hai. atah kul kundliyon ki sankhya = 12 (lagna) g 12 (surya) x 12 (chandra) x 12 (mangl) x 3(budh) x 12 (guru) x 5 (shukra) x 12 (shani) x 12 (rahu) x 1 (ketu) = 53,74,77,120 arthat keval 53 karod 74 lakh, 77 hajar, 120 kundliyan. yadi 700 karod ki abadi hai to har kundli ke lagabhag 14 vyakti honge. jyotish men keval kundli hi adhar nahin hoti. yadi ham nakshatron ko bhi adhar man len to har rashi men 3 nakshatra arthat 36 sanyog hote hain. yadi nakshatra charan ki bhi ganna kar len to pratyek rashi men 9 charan ya navansh hote hain. is prakar ki ganna ke anusar-lagn ke 108 navansh hote hain. surya, chandra, mangal, guru, shani v rahu bhi svatantra rup se 108 navanshon men sthit ho sakte hain. budh surya ke sath ya nau navansh age-piche ho sakta hai arthat svatantra rup se yah 19 navansh men ho sakta hai. isi prakar shukra surya ke sath ya 17 navansh age-piche ho sakta hai arthat 35 navanshon men ho sakta hai. ketu-rahu ke sammukh ek hi navansh men ho sakta hai. is prakar kul kundliyan 108 (lagna) x 108 (surya) x 108 (chandra) x 108 (mangl) x 19 (budh) x 108 (guru) x (35) shukra x 108 (shani) 108 (rahu) x 1 (ketu) = 11.3969313873 x 10 = 1139 karod karod kundliyan. yadi man len ki prithvi par jansankhya lagabhag 700 karod hai to lagabhag 1 karod patriyan prati vyakti. chunki ausat ayu lagabhag 70 varsh hai atah 10 karod bachche prati varsh janm lete hain. is gannanusar lagabhag 100 karod varshon tak kisi ki patri ki punravri nahin hogi. yadi aur adhik sukshmata men jakar shashtyansh kundli ya anya gannaon par dhyan den to yah kah sakte hain ki prithvi par kabhi bhi do jatkon ki kundliyan ek saman nahin ho sakti. judvan bachchon men bhi sukshmata men kundliyon men kuch n kuch antar avashya hota hai. yadi rashi ko hi mukhya adhar manakar ganna karen to kalasarp yog ki nimnalikhit kundliyan banti hain: 12 rashiyon men se koi bhi lagn ho sakta hai. rahu bhi 12 bhavon men se svatantra rup se kahin bhi ho sakta hai. purn kalasarp yog ke lie surya, chandra, guru, shani v rahu se ketu ke madhya hi sthit ho sakte hain arthat kinhi bhi sat bhavon men ho sakte hain. yadi surya rahu ke sath ho to budh rahu ke sath ya ek ghar piche arthat do gharon men ho sakta hai. yadi budh ek ghar age hota hai to purn kalasarp yog bhang ho jayega. yadi surya rahu se ek ghar piche hota hai to budh surya ke sath ek ghar piche ya age bhi ho sakta hai. isi prakar surya panch bhavon men sthit hone par, budh tin-tin sthanon par arthat 15 sthanon par mukt rup se ho sakta hai. surya, rahu ya ketu ke sath hone par budh keval do sthanon par ho sakta hai. atah kul milakar kalasarp ki kundliyon men budh sat rashiyon men kul 19 mukt bhavon men ho sakta hai. isi prakar surya rahu ke sath ho to shukra tin mukt sthanon men ho sakta hai. yadi surya rahu se ek ghar piche ho to shukra char sthanon men ho sakta hai. yadi surya rahu se do, tin ya char ghar piche ho to shukra panch-panch sthanon men ho sakta hai. is prakar kul milakar sat rashiyon men shukra 29 mukt sthanon men hoga to kalasarp yog ghatit hoga. atah kul purn kalasarp yog kundliyan banti hain- 12 (lagna) x 12 (rahu) x 7 (surya) x 7 (chandra) x 7 (mangl) x 19/7 (budh) x (7) guru x 29/7 (shukra) x 7 (shani) = 2,72,14,992 arthat 2 karod 72 lakh, 14 hajar 992 kundliyan. keval kul 53 karod kundliyon men se 2 karod vyaktiyon men purn kalasarp dosh hota hai. arthat 19.75 kundliyo men se 1 kundli men kalasarp dosh hota hai. thik itni hi kundliyon men anudit kal sarp dosh hota hai. is prakar se prati 9.87 kundli arthat lagabhag 10 men se 1 kundli men udit ya anudit purn kalasarp dosh hota hai. uparyukt ganna men grah ke anshon ka vichar nahin liya gaya hai kyonki adhikanshtah rashi anusar hi kalasarp yog vidyaman hai ya nahin, ka nirnay liya jata hai. yadi sabhi grah rahu ketu ki or ho aur chandrama dusri or ho to yah anshik kalasarp yog kahlata hai. ismen chandrama keval panch hi rashiyon men ho sakta hai. atah udit anshik kalasarp yog ki kundliyan = 12 (lagna) x 12 (rahu) x 7 (surya) x 5 (chandra) x 7 (mangl) x 19/7 (budh) x (7) guru x 29/7 (shukra) x 7 (shani) = 1,94,39,280 kundliyan. arthat 27.65 kundliyon men se 1 men anshik udit aur itne men hi anshik anudit arthat 27.65/2 =13.82 kundliyon men se ek men anshik kalasarp dosh hota hai. kul milakar udit, anudit, purn ya anshik kalasarp dosh pratyek 5.75 patriyon men se 1 men kalasarp dosh hota hai. yadi manglik kundliyon ki ganna karen to 12 kundliyon men se 5 kundliyon men mangal dosh hota hai. arthat 2.4 kundliyon men ek men mangal dosh hota hai. is prakar dekhen to kalasapar, dosh, mangal dosh se 50: kundliyon se bhi kam kundliyon men paya jata hai. kalasarp dosh ke lie kya upay karne chahie- padhiye vistar se is ank men-
Kya aapko lekh pasand aaya? Subscribe
Kya aapko lekh pasand aaya? Subscribe


kalasarp yog evan rahu visheshank  March 2013

fyuchar samachar patrika ke kalasarp yog evan rahu visheshank men kalasarp yog ki sarthakata v pramanikta, dvadash bhavon ke anusar kalasarp dosh ke shanti ke upay, kalasarp yog se bhaybhit n hon, sarpadosh vichar, sarpadosh shaman ke upay, mahashivratri men kalasarp dosh ki shanti ke upay, rahu ka shubhashubh prabhav, kalasarpayog kashtadayak ya aishvaryadayak, lagnanusar kalasarpayog, hindu manyataon ka vaigyanik adhar, vastu paramarsh, vastu prashnotri, yantra samiksha/mantra gyan, holikotsav, gau mahatmya, pandit lekhraj sharma ji ki kundli ka vishleshan, vrat parva, kalasarp evan dvadash jyortiling adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.