संतान प्राप्ति के योग

santan prapti ke yog  

Ank ke aur Lekh | Sambandhit Lekh | Views : 838 |  
santan ka vichar janmakundli men pancham sthan aur janmastha chandrama ke pancham sthan se hota hai. guru santankarak grah hai. santan sukh ka yog grahon ki sthiti par nirbhar hai. yahan santan prapti ke pramukh yogon ka ullekh kiya ja raha hai. - pancham bhav, panchmadhipti aur guru ke shubh grah dvara drisht athva yut rahne se santan yog hota hai. - lagnesh panchven bhav men ho aur guru balvan ho to santan yog hota hai. - balvan guru par lagnesh ki drishti ho to prabal santan yog hota hai. - santan sthan par mangal aur shukra ki ek pad, dvipad ya tripad drishti avashyak hai. - kendra trikonadhipti shubh grah hon aur unmen se pancham men koi grah avashya ho tatha panchmesh chathe, athven ya barhven bhav men n ho, pap yukt, ast evan shatru rashigat n ho to santan sukh hota hai. - pancham sthan men budh aur kark ya tula rashi ho, pancham men shukra ya chandrama sthit ho athva unki drishti pancham par ho to bahuputra yog hota hai. - lagnesh, panchmesh shubh grah ke sath hokar kendragat hon athva donon svagrihi, mitragrihi ya uchch ke hon to santan yog hota hai. - panchmesh ke navansh ka svami shubh grah se yut aur drisht ho to santan yog hota hai. lagnesh aur panchmesh pahle, chaithe, satven ya 10 ven sthan men shubhagrah se yut ya drisht hon to santan yog hota hai. - panchmesh dhan men athva athven bhav men gaya ho to kanyaen adhik hoti hain. - pancham bhav men mesh, vrish ya karka rashi men ketu gaya ho to to santan ki prapti hoti hai. santan pratibandhak yog kuch aise yog bhi hain jinke karn santan nahin hoti. inmen kuch pramukh is prakar hain. û tritiyesh aur chandrama pahle, chaithe, panchven, naunve ya 10 ven sthan men hon to santan nahin hoti. - sinh rashigat shani, mangal panchm bhav men sthit hon aur panchmesh chathe bhav men ho to santan nahin hoti. - budh aur lagnesh donon lagn ko chor anya kendra sthanon men hon to santan ka abhav hota hai. - panchven bhav men chandrama tatha athven ya barhven bhav men sabhi pap grah sthit hon, satven bhav men budh aur shukra, chaturtha men pap grah aur pancham bhav men guru sthit ho to santan pratibandhak yog hota hai. - lagn men pap grah, chaturth men chandrama aur pancham men lagnesh sthit ho aur panchmesh alp bali ho to vansh vichchedak yog hota hai. vilanb se santan prapti yog - dasham bhav men sabhi shubh grah aur pancham bhav men sabhi pap grah hon to vilanb se santan hoti hai. - pap grah athva guru chaturth ya panchm bhav men ho aur ashtam bhav men chandrama ho to tis varsh ki ayu men santan hoti hai. - panchmesh aur guru pahle, chaithe, satven ya 10ven sthan men hon to 36 varsh ki ayu me santan hoti hai. - pancham men guru ho aur panchmesh shukra se yukt ho to 32 ya 33 varsh ki ayu men putra hota hai. - panchmesh nich rashi men ho, navmesh lagn men aur budh aur ketu pancham bhav men hon to kasht se putra ki prapti hoti hai. santan sankhya vichar - pancham men jitne grah hon aur us par jitne grahon ki drishti ho utni sankhya santan ki samjhni chahie. purush grahon ke yog aur drishti se putra aur stri grahon ke yog aur drishti se kanya ki sankhya ka anuman karna chahie. - tula ya vrish rashi ka chandrama panchve ya nauven bhavo men gaya ho to ek putra hota hai. pancham men rahu ya ketu ho to ek putra hota hai. - pancham men surya shubh grah se drisht ho to tin putra hote hain. pancham men visham rashi ka chandra shukra ke varg men ho ya chandra shukra se yut ho to bahut putra hote hain. - panchven bhav men guru ho, ravi svakshetri ho, panchmesh pancham men ho to panch bachche hote hain. alp santan yog - yadi panchmesh chaithe ghar men uchch ka aur mitra kshetri ho to aise jatak kam santan vale hote hain. û panchmesh ashtam men ho to kam bachche hote hanai. garbhapat ke yog - yadi mangal aur shani chaithe ya chathe bhav men ho to aisi nari ka garbhapat jarur hota hai. - yadi ashtamesh athven bhavan men virajit ho to aisi stri ka garbhapat ho jata hai. - yadi shashthesh ke sath shani chathe men evan chandrama saptam bhav men ho to garbhapat hota hai. - panchven bhav men jo navansh ho, us rashi par papagrah ki drishti ho to aisi nari ka bhi garbhapat ho jata hai. - yadi panchven bhav men shani, rahu adi pap grah hon ya pap grahon ki drishti ho to garbhapat jarur hota hai. û yadi lagn men surya sthit ho, satven men shani ho athva satven sthan men surya aur shani ki yuti ho aur dasham bhav par guru ki drishti ho to garbhapat jarur hota hai. dattak putra yog - yadi panchmesh aur lagnesh duahsthan (chathe, athven ya 12ven men shubh grah se drisht hon to jatak dusron ki santan god leta hai. - yadi lagnesh pancham bhav men aur panchmesh lagn men paraspar parivartan karke sthit ho to jatak bhaiyon ke putra ko god leta hai. - yadi panchmesh athven bhav men papagrast, shatrukshetri ya nich ka ho to jatak ko apna putra nahin hota atah kisi na kisi ke putra ko god lena parta hain. anapatyata yog - yadi lagnesh, guru, panchmesh aur saptamesh nirbal hon to jatak ko bina upay kie santan nahin ho sakti. - yadi santanadhipti pap grah (surya, mangal ya shani) ho, tatha vah panchven, chathe ya 12ven bhav men ho aur panchvane bhav par shubh grahon ki drishti n ho to aise jatak ko bhi putra utpann nahin hota.
Kya aapko lekh pasand aaya? Subscribe
Kya aapko lekh pasand aaya? Subscribe


rudraksh evan santan gopal visheshank  May 2006

aisa mana jata hai ki rudraksh ki utpatti bhagvan shiv ke ashru kanon se hui hai. jyotish men prachlit anek upayon men se rudraksh ka upyog grahon ki nakaratmakata evan inke doshon ko dur karne ke lie kiya jata hai taki pira ko kamatar kiya ja sake. anek prakar ke rudrakshon ko ya to gale men ya banh men dharan kiya jata hai. rudraksh anek prakar ke hote hain. inmen se adhikansh rudrakshon ka namakaran unke mukh ke adhar par kiya gaya hai jaise ek mukhi, do mukhi, tin mukhi ityadi. is visheshank men rudraksh ke atirikt santan par bhi charcha ki gai hai. is visheshank ke vishay donon hai. ismen rudraksh evan santan donon ke upar anek mahatvapurn alekhon ko sammilit kiya gaya hai jaise: rudraksh ki utpatti evan mahatva, anek rogon men karagar hai rudraksh, santan prapti ke yog, kaise janen ki santan kitni hongi, larka hoga ya larki janie svar sadhna se, santan badha nivaran ke jyotishiya upay, ichchit santan prapti ke sugam upay, santan prapti ke tantrik upay adi. in alekhon ke atirikt dusre bhi anek mahatvapurn alekh anya vishyon se sambandhit hain. iske atirikt purva ki bhanti sthayi stambh bhi sanlagn hain.

Subscribe

Apne vichar vyakt karein

blog comments powered by Disqus
.