हथेली में पाए जाने वाले चिन्ह और उनका प्रभाव

hatheli men pae jane vale chinh aur unka prabhav  

Ank ke aur Lekh | Sambandhit Lekh | Views : 176433 |  

kya apne kabhi jivan men har karya ko karne ke lie age barhne vale apne ha¬thon ki hatheliyon ko dhyan se dekha! inmen bane hue tribhuj, varg, vritt adi chihnon men bhavishya ki tasvir ankit hoti hai, bas jarurat hai in chihnon ke mahatva ko pahchanne ki, is alekh men inhin ke falon ka vistrit varnan kiya gaya hai...

hastarekha vigyan me rekhaon, parvaton, ungliyon, anguthon, nakhunon adi ke sath-sath chihnon ka bhi apna alag mahatva hai. matra hasta-chihn dekh kar kisi vyakti ke vyaktitva, bhagya ya svasthya sanbandhi anek baten malum ho sakti hain. bha¬artiya mat ke anusar hast chihnon se svabhav aur saubhagya ka pata chalta hai. kintu pashchatya matanusar inse svasthya sanbandhi baten malum hoti hain. hatheli men aise chihn mukhyatah ath hote hain.

1-tribhuj, 2. kras, 3. bindu, 4 vritt, 5. dvip, 6. varg, 7. jal, 8. nakshatra.

tribhuj: hatheli men kisi sthan par tin taraf se akar rekhaen paraspar milti hon to tribhuj ka akar banta hai. yah tribhuj chota ya bara ho sakta hai. ye tribhuj alg-alag sthanon par dekhe ja sakte hain.

yahan alg-alag sthanon par pae jane vale tribhujon ke prabhav ka ullekh kiya ja raha hai.

  • bara tribhuj vyakti ke vishal hriday ka parichayak hai.
  • yadi tribhuj ka chihn svasthya rekha par ho to vyakti ka svasthya uttam hota hai.
  • bhagya rekha par tribhuj ka chihn ho to vah bhagyahin tatha asafal hota hai.
  • yadi chandra rekha par tribhuj ka chihn ho, to vah kai bar videsh yatraen karta hai tatha saflta prapt karta hai.
  • mastishk rekha par tribhuj ka chihn ho to vyakti tivrabuddhi tatha uchch shiksha prapt karne vala hota hai.
  • yadi kisi ke shukra parvat par tribhuj ho to vah saral aur madhur svabhav, rasik mijaj, shan-shaukat se rahne vala tatha unche star ka vyakti hota hai.
  • sankirn aur aspasht tribhuj vyakti ki sankirn manovritti ko spasht karta hai.
  • yadi hriday rekha par tribhuj ka chihn ho to vyakti ka bhagyoday burhape men hota hai.
  • yadi ayu rekha par tribhuj ka chihn dikhai de to vyakti dirghayu hota hai.

kros: kros chihn keval guru parvat par hi shubh mana gaya hai. shesh sthan par hanikarak mana gaya hai.

  • guru kshetra par kros ka chihn ho to vyakti ka jivan sukhamay hota hai aur vah karya soch-samajh kar karne vala hota hai.
  • yadi jivan rekha par kros ka chihn ho to ayu ke us bhag men vah mrityu-tulya kasht uthata hai.
  • yadi bhagya rekha par kros ho to vyakti ki unnati men barabar badhaen bani rahti hain.
  • yadi hriday rekha par kros ho to vah hridyaghat ka marij hota hai tatha barabar kamjor bana rahta hai.
  • yadi vivah rekha par kros ka chihn dikhai de to vivah ya to nahin hota ya hota hai to uska grihasth jivan atyant dukhamay hota hai.
  • santan rekha par kraes ka chihn santan ke abhav ka suchak hota hai.
  • yadi mastishk rekha par kraes ka chihn ho to vah jivan bhar mansik bimariyon se pareshan rahta hai tatha ant men pagal ho jata hai.
  • yatra rekha par yadi kraes ka chihn dikhai de to yatra men uski akasmik mrityu ho sakti hai.
  • ketu parvat par kraes ka chihn is bat ka suchak hai ki vah vyakti dukh men bara hua hai tatha uski shiksha bhali prakar se nahin ho saki hai.
  • yadi rahu parvat par kraes ka chihn dikhai de to uski yuvavastha dukhamay vyatit hoti hai tatha vah chechak ke rog se pirit rahta hai.

bindu ya til

  • hatheli men binduon ka prabhav bhi mahatvapurn dekha gaya hai. safed bindu hamesha unnatikarak mane jate hain. lal rang ke bindu vyakti ki bimariyon ke suchak hote hain. pile rang ke bindu sharir men raktalpata ke dyotak hote hain. yadi bindu kale rang ke hane to lakshmidayak hote hain.
  • yadi surya parvat par kala til ho to vyakti pratishthit nahin hota hai tatha samaj men nindniya karya karne ko badhya hota hai.
  • yadi chandra kshetra par kala til ho to vyakti ka vivah vilanb se hota hai. jivan men use ek se adhik bar jalaghat se bhi pirit hona parta hai.
  • yadi yatra rekha par til ho to yatra men hi us vyakti ki mrityu hoti hai.
  • yadi madhyama par til ho to uske bhagya men barabar badha bani rahti hai tatha unnati ke lie use barabar bhatkna parta hai.
  • yadi til hatheli men ho tatha mutthi band karne par mutthi men rahta ho to vyakti ke pas dhan ki kami nahin rahti.
  • mastishk rekha par kala til ho to sir par ganbhir chot lagti hai tatha mastishk se sanbandhit rog barabar bane rahte hain.
  • ketu kshetra par kala til vyakti ke bachapan ko dukhamay banata hai.
  • jivan rekha par yadi kala til ho to vyakti lanbe samay tak ti. bi. rog se grast rahta hai.

vritta: hatheli men jo chote-chote gol ghere pae jate hain, unhen vritt ya surya ya kanduk kahte hain.

  • yadi jivan rekha par vritt ka chihn ho to ankhane kamjor hoti hain.
  • vivah rekha par dvip ka chihn ho to mrityutulya sankat ka samna karna parta hai.
  • bhagya rekha par vritt ka chihn vyakti ko bhagyahin banata hai. vah jivan bhar garib rahta hai.
  • yadi shani parvat par vritt ka chihn ho to vyakti ko anayas dhan prapt hota hai.
  • budh parvat par vritt ka chihn vyakti ko karobar men bhari saflta pradan karta hai. aise vyakti ka jivan aishvaryapurn hota hai.
  • yadi hatheli men guru parvat par vritt ka chihn ho to vyakti prabhavshali hota hai tatha apne jivan men bhari saflta prapt karta hai.
  • yadi chandra parvat par vritt ka chihn ho to svasthya kamjor rahta hai.

dvip: hatheli men jis sthan par ho use kamjor karta hai.

  • svasthya rekha par dvip ka chihn ho, to kai prakar ki bimariyon ka samna karna parta hai.
  • mastishk rekha par dvip ho, to vyakti mansik rogon se pirit rahta hai.
  • shukra parvat par dvip ka chihn parvarik jivan men ghatak mana gaya hai. vyakti ko jivan bhar nirasha ka samna karna parta hai.
  • hriday rekha par yadi dvip ka chihn ho to vyakti hridyaghat se pirit hota hai.
  • chandra parvat par dvip ka chihn vyakti ke dimag ko kund bana deta hai.

varga: char bhujaon se ghire hue sthan ya kshetra ko varg kahte hain.

  • yadi surya parvat par varg ka chihn ho, to vyakti uchch saflta prapt karta rahta hai tatha dhan, man, yash, pad, pratishtha ki drishti se atyant uchch stariya jivan vyatit karta hai.
  • yadi shani parvat par varg ka chihn ho, to vyakti bar-bar mrityu ke munh se ashcharyajanak rup se bach jata hai.
  • yadi bhagya rekha par varg ka chihn ho, to vyakti ka bhagyoday choti avastha men hi ho jata hai.
  • yadi jivan rekha par varg ka chihn ho, to vyakti dirghayu hota hai.
  • yadi hriday rekha par varg ka chihn ho, to uska grihasth jivan sukhamay hota hai tatha vah hriday se paropkari evan dayalu hota hai.
  • yatra rekha par varg ka chihn ho to vyakti jivan men bahut yatraen karta hai tatha yatraon men vishesh dhan prapt karta hai.
  • yadi svasthya rekha par varg ho to vyakti ka vyaktitva akarshak aur jivan bhar svasthya anukul bana rahta hai.

not: varg ka chihn hatheli men kahin par bhi ho, purnatah shubh mana jata hai.

jal: khari rekhaon par ari rekhaen hone se ek tarah ka jal sa ban jata hai. jal ka nishan hanikarak mana jata hai.

  • yadi manibandh rekha par jal ka chihn ho to vyakti ka patan hota hai.
  • yadi mangal parvat par jal ho to vah jivan bhar mansik drishti se ashant rahta hai.
  • yadi rahu parvat par jal ka chihn ho to vyakti durbhagyapurn jivan vyatit karne ke lie badhya hota hai.
  • yadi ketu parvat par jal ho to vah jivan bhar bimariyon se grast rahta hai.
  • yadi shani parvat par jal ka nishan ho to vyakti alsi hota hai. tatha uske jivan men daridrata bani rahti hai.
  • yadi guru kshetra par jal ka chihn ho to vyakti krur, nirdayi, svarthi tatha ghamandi hota hai.
  • nakshatra ya tara: hatheli men sukshmatapurvak dekhne se tare ya nakshatra dikhai dete hain.

    • tarjani par nakshatra ka chihn sabhi prakar se shubh mana gaya hai.
    • yadi mangal rekha par nakshatra ka chihn ho, to vyakti ki hatya hoti hai.
    • yadi surya rekha par nakshatra ka chihn ho, to vyakti ko vyapar men saflta milti hai.
    • yadi rahu parvat par nakshatra ka chihn ho, to bhagya hamesha sath deta hai tatha jivan men purn yash aur samman milta hai.
    • yadi shani parvat par nakshatra ya tare ka chihn ho to vyakti ka bhagyoday shighra hi hota hai. vah apne lakshya ki or agrasar rahta hai tatha use man-samman milta hai.
    • yatra rekha par nakshatra ka chihn hone se vyakti ki mrityu ghar se dur tirth sthan par hoti hai.
    • yadi anguthe par nakshatra ka chihn ho to vyakti parishrami, sahnshil tatha safal vyaktitva ka dhani hota hai.
    Kya aapko lekh pasand aaya? Subscribe
    Kya aapko lekh pasand aaya? Subscribe


    paravidyaon ko samarpit sarvashreshth masik jyotish patrika  August 2006

    bhavishyakathan ke vibhinn pahlu sabhyata ke prarambhik kal se hi prachlit rahe hain. vartaman paridrishya men jyotish, ankshastra, hastarekha shastra evan mukhakriti vigyan sarvadhik lokapriya hain. pratyek vyakti ko apne jivan ki agami ghatnaon ki jankari prapt karne ki ichcha hoti hai. iske lie vah in vidhaon ke vidvanon ke pas jakar sampark karta hai. fyuchar samachar ke is visheshank men mukhyatah hastarekha shastra evan mukhakriti vigyan par prakash dala gaya hai. in vishyon se sambandhit anek ullekhniya alekhon men shamil hain - hatheli men pae jane vale chihn aur unka prabhav, panch minat men parhie hath ki rekhaen, vivah rekha evan uske fal, santan paksh par vichar karne vali rekhaen, shani grah se hi nahin hai bhagya rekha ka sanbandh, jaen abraham aur shahrukh khan ki hastarekhaon ka adhyayan, kaise karen var-kanya ka hastamilan, upayon se badli ja sakti hai hastarekhaen, chehre se janie svabhav adi. inke atirikt sthayi stambhon ke anya mahatvapurn alekh bhi shamil hain.

    Subscribe

    Apne vichar vyakt karein

    blog comments powered by Disqus
    .