बहुविवाह
Ank ke aur Lekh | Sambandhit Lekh | Views : 1181 |  
manav apni janm kundli parmatma ke ghar se hi ankit karvakar lata hai. janm janmantar ki karni-bharni ka lekha jokha hastarekhaon men ankit hota hai. vartaman kartavya karmon ke anusar rekhaen parivartit hoti rahti hain. rekhaon ka uday ast hathon men pratyaksh dekha gaya hai. usi ke anusar ghatnaen ghatit hoti bhi dekhi jati hain. hastarekhavid vyakti ke hath ki rekhaen dekhakar uska bhavishya kathan kar dete hain. usi prakar janm kundli ko dekhakar vigya jyotirvid kundli ka faladesh parh dete hain. isi ko jyotirvigyan kaha gaya hai. brahmand ki jyoti men chamkne vale nakshatron tatha nav grahon ka prithvi ke pratyek prani par achcha bura prabhav parta hai. usi ke anusar prithvi par ghatna-durghatana ka pradurbhav hota rahta hai. yah sab brahmand ke grahon ke paribhraman ke anusar svatah ghatit hota hai. janm kundli men bahuvivah tatha vaidh ya avaidh sanbandh kin grahon ke prabhav se vyakti vishesh ke jivan men ghatit hote hain is par prakash dala jata hai. iske vishay men nivedan hai ki prakritik rup men pratyek prani men kam, krodh, lobh, moh, matsar, yog, viyog, niyog adi gun-avgun svabhavik rup men vidyaman hote hain. manav samast jivon ka pradhan hai islie usmen inka prabhav vishisht rup men dekhne ko milta hai. kam ka vishay manvta ki achar sanhita men sabhyata tatha shil-sanyam ke rum men anushasit hai. is achar sanhita ki sima ka ulanghan ek vicharniya prashn hai. tabhi yah jigyasa svatah utpann hoti hai ki aisa kis grah ke prabhav ke karan hua ya hoga. brahmand men vicharan karne vali barah rashiyon ko dvadash ankon ke chakra men pratipadit kar liya gaya hai. uske anusar tan, man, sahaj, sukh, sut, ripu, jaya, mrityu, dharm, karm, labh, vyay. in dvadash bhavon ka nirupan kiya ja sakta hai. in sthanon par navagrahon ka kya prabhav par raha hai, ye kya kar sakte hain, karenge ka akalan inke svabhav, svamitva, mitra-shatruta ki yuti tatha drishti se kiya jata hai kam tatha kamukta ka saptam bhav dampatya sukh ka pratipadan karta hai. iska yogdan lagn, dvitiya, chaturth, ekadash bhav bhi karte hain. shukra, budh, shani, surya, rahu, ketu vishesh rup se kamukta ko prabhavit karte hain. chandrama to svayan bahupatniyon ka pati hai. islie vah ati kamuk bhi hai. chandra in sabhi grahon rashiyon ko apne prabhav se kamukta ki or agrasar karta hai. guru brahaspati sanymi hain kintu anya grahon ke prabhav ke karan sukhopyog ka vatavaran utpann karke vishy-bhogon ka pratipadan karta hai. dharm karm men vishesh ruchi rakhne vale vyaktitva bhi bhog vilason ke adi ho jate hain.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2007

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.