रोगों का विचार कैसे करें

rogon ka vichar kaise karen  

Ank ke aur Lekh | Sambandhit Lekh | Views : 1587 |  
jyotish men rog vichar ke lie shashth sthan ki vivechna ki jati hai. rog vichar ki drishti se grahon, rashiyon, nakshatron evan bhavon ka vishleshan avashyak hai. drishti se bhavon ka atyadhik mahatva hai, kyonki lagn, shashth, ashtam evan dvadash bhavon ka rog se pratyaksh sanbandh hai tatha dvitiya evan saptam bhav marak hone ke nate svasthya se sanbaddh hote hain. is prakar ye chah bhav rog ke vichar men aham bhumika nibhate hain. pratham bhav ya lagna: yah bhav manushya ke sanpurn sharir evan svasthya ka pratinidhitva karta hai. is bhav ke dvara sharirik kasht, sharir ki banavat, kad, rang, svabhav evan svasthya ka vichar kiya jata hai. shashth bhav: shashth bhav ki sangya ‘ripu’ hai. yah jatak ke shatruon ka pratinidhitva karta hai. chunki manushya ke svasthya ke lie rog prabalatam shatru hote hain atah is bhav se rin, shatru, mukdma adi ke sath sath rogon ka vichar kiya jata hai. shashth bhav ka karak mangal hai kintu kuch jyotirvidon ne kal purush ki shashth bhav sthit rashi kanya ke svami budh ko bhi is sthan ka karak mana hai. ashtam bhav: ashtam bhav ‘ayu’ ya ‘mrityu’ sangyak hai. ayu evan mrityu ek-dusre se sanbandhit hote hain arthat ayu ka pura hona hi mrityu hai. mrityu kisi rog, durghatana ya kisi anya karan se hoti hai. is prakar mrityudayak rog, mrityu ke karak rog ke sadhya ya asadhya hone adi ki jankari ashtam bhav se hi prapt ki jati hai. ashtam sthan ka karak grah shani ko mana gaya hai. vahin kal purush ke ashtam bhav (vrishchik) ke svami mangal ko bhi ashtam sthan ka karak mana gaya hai. dvadash bhav: dvadash bhav ko ‘vyay’ bhav kahte hain. pratyek rog sharirik athva jivni shakti ki hani karne vala hota hai. sath hi dvadash bhav rogon ka upchar sthal bhi hota hai. rog ka upchar kis prakar ho paega iski jankari dvadash bhav se ki ja sakti hai. man ki vyatha, shatru se bhay, bandhan, rin, dard adi ka vichar dvadash bhav se kiya jata hai. kundli men ashtam tatha ashtam se ashtam arthat tritiya bhav se ayu ka vichar kiya jata hai aur inke dvadash bhav saptam evan dvitiya donon ayu ke vyaysuchak hote hain. in donon bhavon ko ‘marak bhav’ ki sangya di gai hai. in bhavon se mrityu ya mrityu tulya kashton ka vichar kiya jata hai. pirit angon ka anuman: kuch prachin evan anubhut siddhant û shashth, ashtam evan dvadash bhav ke svami jis bhav men sthit hon usse sanbaddh ang men pira hoti hai. û jis bhav ka svami chathe, athven ya 12ven men sthit ho unse sanbaddh angon men pira hoti hai. udaharan ke lie yadi kisi kundli ka chaturthesh shashth sthan men ho, to chaturth sthan se sanbaddh ang chati men pira ho sakti hai. isi prakar yadi kisi ka lagnesh chathe, athven ya 12ven bhav men baitha ho, to lagn se sanbaddh ang sir men pira hoti hai. chaturthesh ki sthiti: mesh lagn ki kundli men chandra chaturthesh hokar chathe bhav kanya, athven bhav vrishchik ya barhven bhav men sthit ho, to chati men pira ki sanbhavna rahti hai. lagnesh ki sthiti: mesh lagn ki kundli men lagnesh mangal ke chathe ya 12ven bhav men sthit hone par sir ki pira ho sakti hai. û chathe, athven ya 12ven bhav ka svami jis sthan men ho aur us bhav ka svami chathe, athven ya 12ven men ho, to usse sanbaddh ang men pira hoti hai. udaharan ke lie kisi ka ashtamesh chaturth bhav men aur chaturthesh chathe, athven ya 12ven bhav men sthit ho, to chaturth sthan se sanbaddh ang fefron aur vaksh sthal men pira hoti hai. sinh lagn ki kundli men brihaspati ashtamesh hokar chaturth sthan men ho aur chaturth sthan ka svami mangal, makar, min ya kark rashi men chathe, nauven ya 12ven bhav men ho, to chaturth sthan se sanbaddh vakshasthal ya fefron men pira hoti hai. û shashthasth, ashtamasth athva dvadashasth grah yadi svagrihi ho arthat kisi sthan ka svami shashth, ashtam ya dvadash bhav men svagrihi ho, to us bhav se sanbandhit pira nahin hogi. vrish lagn ki kundli men shashthesh shukra shashth bhav tula men svagrihi ho, to lagn evan shashth sthan janit pira nahin hogi. ashtamesh brihaspati ashtam bhav dhanu rashi men ho, to ashtam evan ekadash sthan janit pira nahin hogi. usi prakar dvadshesh mangal mesh rashi men ho, to saptam evan dvadash sthan janit pira nahin hogi. û yadi chathe, athven ya 12ven ka svami chathe, athven ya 12ven men n ho kintu kundli men kisi bhi bhav men svagrihi ho, to bhi rog nahin hota. jaise kisi ka ashtamesh mangal chathe, athven ya 12ven men n hokar mesh ya vrishchik rashi men kahin bhi ho, arthat svagrihi ho, to kashtadayak nahin rahta. abhipray yah hai ki duahsthan ke svami svagrihi hon, to doshmukt ho jate hain. mithun lagn ki kundli men shashthesh mangal ekadash sthan men svagrihi ho, ashtamesh shani bhagya bhav men tatha dvadshesh shukra pancham bhav men svagrihi ho, to ukt bhavon se sanbandhit pira nahin hogi. û yadi chathe, athven ya 12ven ka svami chathe, athven ya 12ven bhav men n hokar, jaisa ki siddhant 4 men bataya gaya hai, kisi anya rashi men ho aur svakshetri bhi n ho par jis sthan men shashth, ashtam ya dvadash ka svami baitha ho, us sthan ka svami yadi svakshetri ho, to bhi sthayi pira nahin hoti parantu kabhi-kabhi kuch samay ke lie usse sanbaddh ang men kasht hota hai. kisi jatak ka lagn dhanu ho aur chathe sthan vrish ka svami chathe, athven ya 12ven men n hokar mithun ya kanya rashi men ho, to shukra svagrihi nahin hoga, jaisa ki siddhant 5 men tha. parantu mithun ya kanya rashi ka svami svagrihi ho, to saptam sthan se sanbaddh ang men, jis sthan men shashthesh shukra baitha hai, pira nahin hogi. isi prakar shashthesh shukra ke dasham bhav men sthit hone aur dashmesh budh ke saptam ya dasham bhav men svagrihi hone par saptam sthan se sanbaddh ang kamar ya kandhon men kuch samay tak pira ho sakti hai. û yadi chathe, athven ya 12ven ka svami chathe, athven ya 12ven men n hokar anya kisi rashi men ho aur us rashi ka svami svagrihi bhi n ho, jaisa ki siddhant 6 men bataya gaya hai, kintu us rashi ka svami chathe, athven ya 12ven men n hokar apni rashi par drishti dalta ho, to bhi sthayi pira nahin hoti. jaise dhanu lagn vala shashthesh shukra saptam sthan arthat mithun rashigat ho aur us saptamesh ka svami budh mithun ya kanya rashi men n hokar lagnasth ho ya shukra dashamasth kanya rashi men dasham bhav men ho aur min rashi ka budh chaturth sthan men hokar apni rashi ko dekhta ho, to is sthiti men bhi sthayi pira nahin hoti. û uparyukt siddhanton ke atirikt ek sadharan siddhant yah bhi hai ki jis rashi ka svami ast ho athva vishesh durbal ho, us rashi se sanbaddh ang men bhi pira hoti hai. û yadi shashthesh athva saptamesh dvadshesh ke sath ho aur shani se drisht ho to mutra krichch evan pramehadi rog hote hain. û yadi kshin chandrama ashtam sthan men ho aur us par shani ki drishti ho, to chir far athva netra rog ya bhagandar se mrityu hoti hai. û yadi kshin chandrama mangal se drisht ho aur shani ashtamasth ho ya ashtam par drishti nikshep kar raha ho, to bavasir, bhagandar, antra rog, krimirog ya kisi dahak padarth tejab ityadi se mrityu hoti hai. û yadi shashthesh kisi papi grah ke sath lagnasth ho, to jatak ko vran se pira hoti hai. shashthesh pancham men baitha ho, to putra ko athva svayan jatak ko vran hota hai. û muk yog: yadi janm samay men budh surya ke sath ast hota hua jalrashi gat (4, 8, 12) ho tatha chandrama se drisht ho to jatak ki vani/jihva men dosh hota hai. siddhanton ke adhar par kundli vivechn: udaharan kundli: ray bahadur bankim chandra chatarji rashtriya git vandemataram ke rachyita the. inka janm 26 jun, 1838 asharh shukla 4 sanvat 1895 shake1760 men ratri 9.00 baje ke karib 24 pargna jila antargat kantal para namak gram men hua tha. siddhant 1 ke anusar shashthesh budh ke shashth men, ashtamesh surya ke shashth men aur dvadshesh brihaspati ke ashtam sthan men hone ke falasvarup shashth evan ashtam pirit hain. siddhant 2 ke anusar navmesh aur shashthesh budh ke shashth men, saptamesh chandra ke ashtam men aur dvadshesh evan tritiyesh brihaspati ke ashtam men hone ke karan navam, shashth, saptam, dvadash aur tritiya sthan se sanbaddh angon men pira ka sanket milta hai. siddhant 3 ke anusar ashtamesh surya hai aur shashthesh budh shashth men hai tatha dvadshesh brihaspati ashtam men hai. atah ukt siddhantanusar tisre, chathe, nauven tatha 12ven bhavon ke pirit hone ka sanket milta hai. kintu siddhant 4 ke anusar chathe evan nauven bhavon ka svami budh svagrihi hai aur mithun rashi men hai atah nauven aur chathe bhavon men rog ka sanket nahin hai. siddhant 7 ke anusar 12ven evan tisre bhav ka svami brihaspati ashtamasth hokar dvadash sthan ko purn drishti se dekh raha hai, atah 12ven bhav men bhi pira ka sanket nahin hai. sanbhvtah isi karan bhav 3 ki bhi raksha isi se hoti hai. atah rog ka sanket keval chathe evan athven bhav men milta hai. ashtam men rog ki prablta hoti hai. siddhant 5 evan 6 kundli men lagu nahin hain. saptam sthan se kamar evan gurda aur ashtam sthan se jannendriya ya jannendriya men pira ka vichar kiya jata hai. saptamesh chandra jal evan rudhir vikar se utpann mutrakrichch rog ka sanket deta hai. brihaspati mans evan charbi ka dyotak hai. sva. bankimchand chatarji mutrakrichch rog se pirit the. is tathya ki pushti shri ramji lal sharma dvara likhit tatha hindi pres, prayag se prakashit unki jivni se bhi ho jati hai. bankim babu ki kundli men saptamesh chandra dvadshesh brihaspati ke sath hai aur shani se drisht hai. atah siddhant 9 lagu hota hai. bankim babu ki kundli men chandra kshin hai. krishn paksh ki 10 se shukla paksh ki panchmi tak chandrama kshin hota hai. bankim babu ka janm shukla chaturthi ko hua tha jab chandrama kshin tha tatha ashtamasth hokar shani evan mangal se drisht tha. atah siddhant 10 evan 11 bhi lagu hote hain. udaharan kundli svami ramkrishn parmhans shri 1008 svami ramkrishn parmhans ka janm hugli jilantargat ‘kamar pukur’ gram men 20 farvri 1833 tadnusar falgun shukla pratipda sanvat 1889 shake 1754 ko pratahkal men hua tha. kundli vivechn: siddhant 1 ke anusar shashthesh chandra evan ashtamesh budh lagn men tatha dvadshesh shani ashtam men hai, falasvarup bhav ek evan dvadash pirit hain. siddhant 2 ke anusar lagnesh shani ashtamasth hai atah lagn pirit hua. tritiya siddhantanusar shashth evan ashtam ke svami chandra v budh ke lagnasth tatha lagnesh shani ke ashtamasth hone ke karan bhav 1 pirit tha. siddhant 5, 6, 7, 10 aur 11 kundli men lagu nahin hain. yah grah sthiti sir men rog ka dyotak hai. siddhant 12 ke anusar yadi shashthesh kisi papi grah ke sath ho, to jatak ko vran (ghav) hota hai. svami ramkrishn ji ki kundli men shashthesh chandra lagn men papi grah surya ke sath hai, atah vran (ghav) ka suchak hai. siddhant 13 ke anusar budh surya ke sath ast hota hua chandra se drisht nahin apitu uske sath hai, atah muk yog lagu hota hai. jihva ka karak budh hai aur budh ast hota hua shatru chandra ke sath sthit hai. sanbhav hai inhin yogon ke falasvarup unki jihva men fora hua ho. svami ji ka jivan charitra parhne se gyat hota hai ki mrityu ke samay unki jihva men ghav ho gaya tha aur shayad yahi karan tha ki unhen samadhi leni pari.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2007

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.