ज्योतिषीय आधार पर - कर्म एवं भाग्य की व्याख्या

jyotishiya adhar par - karm evan bhagya ki vyakhya  

Ank ke aur Lekh | Sambandhit Lekh | Views : 1577 |  
jyotish karm evan bhagya ki sahi vyakhya karta hai. pratyek vyakti apne karmon ke adhin rahta hai islie use karm avashya karna hai aur jivan ka sar yahi hai. pratyek karm ka pratifal hota hai- yah ek sarvamanya satya hai. vaidik vichardhara yah batati hai ki karm aur uska pratifal ek sath karya nahin karte. hamen akasar kisi karm ka fal bahut adhik samay ke bad falit hota dikhai deta hai. karm aur karmafal ko janna ek gupt rahasya hai. ise keval jyotish ke adhar par jana ja sakta hai. pratyek vyakti ko apni ichchaon ka mel apni yogyataon se karna chahie. 1. punarjanma 2. karma: manushya karm karne se bach nahin sakta, yah sanbhav hi nahin ki manushya karm n kare. 3. karm pratifal ke antargat achche ya bure karmon ka bhog yahi karm chakra hai. smriti men kaha gaya hai: avashyamnu bhoktavyan kritan karm shubhashubham. na bhuktan kshiyate karm katap koti shatairpi.. arthat pratyek manushya apne karmon ka achcha ya bura fal avashya bhogta hai. punarjanm ke vishay hindu vaidik jyotish ki astha hai. tabhi to bhagavat gita men bhagvan ne kaha hai ‘‘jatasyahi dhruvo mrityu rdhuvan janm mritasya ch. tasmadpriharye n tvan shochiturmahasi..’’ arthat jiska janm hua hai uski mrityu nishchit hai. usi prakar jo mar gae hain unka janm nishchit hai. karmane ke siddhant ka arth is prakar se ho sakta hai- ek vichar ko bona kisi karya ko katna, kisi karya ko bona kisi adat ko katna, kisi adat ko bona kisi charitra ko katna aur kisi charitra ko bokar apne bhagya ka nirman karna, kundli men dasham ka vyay sthan bhagya sthan hota hai. bhagyarupi bij se jo vriksh taiyar hota hai vah karm hai. prakrantar se karm vriksh ka bij bhagya hai. is bij ko prarabdh kaha gaya hai. bij tin prakar ke hote hain. 1. vriksh se laga apakva bij (kriyaman karma) 2. vriksh se laga supakva bij jo bone ke lie rakha hai (sanchit karma) 3. kshetra men boya gaya bij jo ki ankurit hokar vistar prapt kar raha hai (prarabdh karma) isse spasht hai ki karm hi bhagya hai. jo karm kiya ja raha hai aur pura nahin ho paya hai vah kriyaman karm hai. jo karm kiya ja chuka hai kintu falit nahin hua hai vah sanchit karm hai. yahi jo sanchit ho chuka hai, jab fal dene lagta hai, to prarabdh kahlata hai. yah dikhai nahin deta kyonki yah purva karmon ka achcha ya bura fal hai. yah adrisht hai, yahi bhagya hai. karm ke atirikt aur kuch bhi nahin hai. yah dasham bhav ‘kshetra’ men boya jata hai, barhta aur failta hai aur pak kar purn hota hai. tab yah navam bhav men akar purnarup se sanrakshit hota hai. kalantar men parinamshil hokar bhagya nam se jana jata hai. samyak prakar se kiya gaya karm kabhi vyarth nahin jata, uska fal milna nishchit hai. atah sankalpapurvak karm karna chahie. yahi karan hai ki dharmik karmakandon men sankalp purva men parha jata hai. yah sankalp karm vyakti ka picha karta rahta hai. jab tak karta nahin mil jata tab tak vah use dhanudhta rahta hai, bhale hi ismen pura yug hi kyon n lag jae. saikron janmon tak karta ko apne karm fal ka bhog karte rahna parta hai, isse pind nahin chutta. shastra men kaha gaya hai: yatha dhenusahasreshu vatso vindati mataram. tatha purva kritan karm kartaram anugachchati.. arthat jis prakar hajaron gauon ke jhund men bachra apni mata ka thik thak pata laga leta hai, usi prakar purva men kiya gaya karm apne karta ko dhundh leta hai. janm kundli men dasham bhav karm sthan hai, karm ka parakram janm kundli ka vyay bhav hota hai. karm ka vyay shubh ya ashubh, dasham bhav ka vyay navam bhagya ya dharm ke rup men janm samay se hi adrisht rup se chipa rahta hai. dasham bhav ka sukh bhav ya chaturth se jaya ka sanbandh hai aur vyay arthat 12van bhav, jo karm ka parakram hai, chaturth bhav se putrakarak sanbandh rakhta hai, atah jaisa karm kiya jaega vaisa hi fal ka bhog kiya jaega. kyonki janm kundli ka ashtam bhav, jo ki karm bhav se ekadash hai, randhra hai. ek atyant ganbhir vicharshil bhav hai dasham bhav se satvan bhav chaturth aur chaturth ya jaya karak se panchvan bhav janm kundli ka ashtam bhav jo chaturth ka garbh sthan hai aur shreshth garbh achchi santan ko janm deta hai, jo ki janm kundli ka dvitiya bhav ya vanikarak dasham bhav ka santan karak bhav hota hai achchi vani hi achche sanskar ka darpan hai. dvitiya bhav se pancham bhav janm kundli ka chatha bhav, pancham bhav se pancham shatru rog buddhi ka dhan adi ke rup men jana jata hai. isi karan vyakti ke jivan men dusre, chathe aur dasven bhavon ka pramukh sthan hai. lekin mul men to keval dasham bhav hi hota jo garbharupi ashtam bhav men chipe rahte hain. garbh men bhi nau mas ka samay lagta hai. uparyukt vatavaran ane par hi fal ki prapti hoti hai. is tarah janm kundli ke ashtam bhav men anek rahasya chipe rahte hain, yah parikshan sthan hai. yadi ashtam bhav se vyay par dhyan den janm kundli saptam bhav aur navam bhav ya bhagya sthan jo ashtam ka khara sona rupi dharm hai yahi to bhagya hai. is karan dasham bhav se dasham saptam bhav bhavat bhavam karm banta hai. dasham bhav ka vyay bhav aur ashtam ka surakshit dhan bhagya hota hai, is karan ashtam bhav men rahasya hai. chunki bhagya bhav se pancham bhav stham lagn kanudli hoti hai kyonki bhagya ki santan vyakti ya jatak hota hai, is karan karmon ka fal jatak sharir prapti ke bad bhogta hai, tabhi to gosvami tulsidas ne likha hai- jo vidhina ne likh diya chathi ratri ke ank. rai ghatai n til barhai rah re jiv nishank..
Kya aapko lekh pasand aaya? Subscribe
Kya aapko lekh pasand aaya? Subscribe


  January 2007

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.