ग्रह स्थिति एवं व्यापार

grah sthiti evan vyapar  

Ank ke aur Lekh | Sambandhit Lekh | Views : 3268 |  
gochar grah parivartana: is mas grahon ka rashi parivartan is prakar hoga. surya 14 janvri ko sham ke 6 bajakar 06 minat par makar rashi men pravesh karega. mangal 8 janvri ki rat ko 8 bajakar 10 minat par dhanu rashi men pravesh karega. budh 11 janvri ko pratah 00 bajakar 02 minat par makar rashi men pravesh karega aur 27 janvri ko pratah 1 bajakar 54 minat par udit hoga. 29 janvri ko sham ke 6 bajakar 13 minat par kunbh rashi men pravesh kar jaega. shukra 23 janvri ko dopahar 12 bajakar 44 minat par kunbh rashi men pravesh karega. shani 10 janvri ko sham 6 baj kar 10 minat par vakri gati se chalta hua punah kark rashi men pravesh kar jaega. shesh grah rahu, ketu, nepchyun aur pluto ki sthiti purvavat hi rahegi. gochar fal vichar: masaranbh vale din arthat 1 janvri ko somvar hai aur is mas men panch somvar aenge. yah sthiti ati uttam hai. desh men dhan dhanya ki vriddhi hogi aur charon taraf sukh-shanti tatha samriddhi ka vatavaran rahega. tatha rajnetaon tatha janta men apas men sahyog ki utpann hogi. navin unnati karak aur samriddhidayak yojnaon ko gati milegi. ‘‘somasya panchvara yatra mase bhavtihi. dhan-dhanya samriddhi syat sukhan bhavti sada.’’ lekin sath hi panch manglvaron ka bhi ana uparyukt falon men kuch kami la sakta hai. 8 janvri ko mangal ke dhanu men tatha 10 janvri ko shani ke kark men ane par, mangal v shani ka shadashtak yog banega jisse rajnetaon men chal raha vivadon ko aur barhenge. 14 janvri ko surya, budh v shukra se shani ka samasaptak yog hai jo dharmik evan sanpradayik tanavpurn muddon ko aur adhik uchalega. desh ke shaskon ko inse niptne ke lie bari hoshiyari evan sujhbujh se kam lena hoga. kahin yan durghatana adi se bhi jan-dhan ki hani ho sakti hai. shani grah ke vakri gati men rahne tatha mangal se shadashtak yog men bane rahne ke falasvarup parosi deshon se chal rahe shantimay prayason ko thes pahunchegi. 23 janvri ko shukra se shani ka bhi shadashtak yog banega. yah yog kisi abhineta ke lie hanikarak ho sakta hai. sona chandi: masaranbh men 1 janvri ko budh ka purvasharha nakshatra men akar adrra nakshatra ko vedh men lena sone v chandi men mande ka karak hai. 7 janvri ko shukra ka shravan nakshatra men pravesh kar krittika nakshatra ko vedhna bhi bajar men chal rahi mande ki lahar ko aur age barha sakta hai. 8 janvri ko mangal ka mula nakshatra men punarvasu nakshatra ko vedhne lagna aur shani se navpancham yog banana bajar ke rukh men kuch badlav lakar teji ka mahaul banaega. lekin 9 janvri ko budh ka uttarasharha nakshatra men akar mrigshira nakshatra ko vedhna chandi men punah mande ka suchak hai. 10 janvri ko shani vakri gati se ashlesha nakshatra men pravesh kar dhanishtha nakshatra aur guru grah ko vedhega aur mangal se shadashtak yog men bhi aega. yah yog bajar men chal rahe mande ke mahaul ko punah teji ki lahar men le ja sakta hai. 11 janvri ko budh makar rashi men pravesh kar shukra ke sath rashi sanbandh banaega jo chandi men teji ka hi karak hai. isi din surya uttarasharha nakshatra men akar mrigshira nakshatra ko vedhega. iske falasvarup sone men kuch teji a sakti hai. 13 janvri ko guru jyeshtha nakshatra men pravesh kar pushya nakshatra ko vedhega. isse sone v chandi men mande ka vatavaran utpann hoga. 14 janvri ko surya ka makar rashi men pravesh kar budh v shukra se rashi sanbandh banana bajar men mande ki lahar ko age le ja sakta hai. 17 janvri ko budh ka shravan nakshatra men akar krittika nakshatra ko vedhna bhi sone men mande ka suchak hai. isi din shukra ka dhanishtha nakshatra men pravesh kar vishakha nakshatra ko vedhna chandi men mande ka sanket deta hai. 20 janvri shanivar ko chandra darshan bajar men teji ka suchak hai. 23 janvri ko shukra kunbh rashi men pravesh kar rahu ke sath rashi sanbandh banaega. yah yog chandi ko teji ki or le jaega. 24 janvri ko surya ka shravan nakshatra men pravesh kar krittika, magha v dhanishtha nakshatron ko vedhna bajar men teji ka suchak hai. 25 janvri ko budh ka dhanishtha nakshatra men pravesh kar vishakha ko vedhna bajar men mande ka mahaul banaega. 26 janvri ko mangal ka purvasharha nakshatra men akar adrra ko vedhne lagna bajar men teji ka yog banaega. 28 janvri ko shukra ka shatbhisha men pravesh kar svati nakshatra ko vedhna bhi teji hi darshata hai. 29 janvri ko budh ka kunbh rashi men pravesh kar shukra v rahu ke sath sanbandh banana bhi bajar men teji ka hi suchak hai. gur v khand: masaranbh men budh ka purvasharha nakshatra men akar adrra nakshatra ko vedhne lagega. yah yog khand men manda hi darshata hai. 7 janvri ko shukra ka shravan nakshatra men akar krittika nakshatra ko vedhna khand men mande ki lahar ko age barhata hai. 8 janvri ko mangal ka surya aur budh ke sath dhanu rashi men sanbandh banana gur men mande ka suchak hai. 9 janvri ko budh ka uttarasharha nakshatra men pravesh kar mrigshira nakshatra ko vedhna bhi khand men mande ka suchak hai. 10 janvri ko vakri gati se shani ka punah ashlesha nakshatra men pravesh kar dhanishtha nakshatra ko vedhna gur men kuch teji ka yog banaega. shani par guru ki drishti khand ko purvavat hi rakhegi. 11 janvri ko budh ka makar rashi men akar shukra ke sath rashi sanbandh banana gur men teji ka suchak hai. isi din surya ka uttarasharha nakshatra men akar mrigshira nakshatra ko vedhne lagna bhi khand men teji banae rakhega. 13 janvri ko guru ka jyeshtha nakshatra men akar pushya nakshatra ko vedhna bajaron men teji ka suchak hai. 14 janvri ko surya makar rashi men pravesh kar budh v shukra ke sath rashi sanbandh banaega. yah yog bajar men teji hi darshata hai. 17 janvri ko budh ka shravan nakshatra men pravesh kar krittika nakshatra ko vedhna gur men teji ka tatha isi din shukra ka dhanishtha nakshatra men akar vishakha nakshatra ko vedhna khand men bhi teji ka suchak hai. 20 janvri shanivar ko chandra darshan bajar men teji ka suchak hai. 23 janvri ko shukra ka kunbh rashi men akar rahu ke sath rashi sanbandh banana khand men teji ki lahar ko age barhaega. 24 janvri ko surya ka shravan nakshatra men akar magha, krittika v dhanishtha nakshatra ko vedhna bhi gur v khand men teji hi banae rakhega. 25 janvri ko budh ka dhanishtha men pravesh kar vishakha nakshatra ko vedhna khand ko mande men rakhega. 26 janvri ko budh ka uday hona tatha isi din mangal ka purvasharha nakshatra men akar adrra nakshatra ko vedhna bajaron men teji hi darshata hai. 28 janvri ko shukra ka shatbhisha men akar svati ko vedhna bhi bajar ki teji ko banae rakhega. 29 janvri ko budh ka kunbh rashi men pravesh kar shukra v rahu ke sath rashi sanbandh banana bajar ki teji ki lahar ko aur age le jaega. anaj tatha dalvan: masaranbh men 1 janvri ko budh ka purvasharha nakshatra men pravesh kar adrra nakshatra ko vedhna gehun, jau, chana ityadi anajon ke bajar men mande ka vatavaran banae rakhega. 7 janvri ko shukra ka shravan nakshatra men pravesh kar krittika nakshatra ko vedhne lagna mung mauth, urad, arahar ityadi dalvan tatha gehun, jau chana ityadi anajon men mande ka suchak hai. 8 janvri ko mangal ka mula nakshatra men pravesh kar punarvasu nakshatra ko vedhna bajaron men apna teji laega. surya v budh ke sath rashi sanbandh banana bhi teji ka hi suchak hai. 9 janvri ko budh ka uttarasharha nakshatra men akar mrigshira nakshatra ko vedhna mung, mauth ityadi dalon men mande ka suchak hai. 10 janvri ko vakri gati ke shani ka punah ashlesha nakshatra men pravesh kar anuradha nakshatra ko vedhna bajaron men badlav la sakta hai. 11 janvri ko surya ka uttarasharha nakshatra men akar mrigshira nakshatra ko vedhna bajaron men teji ka sanket deta hai. isi din budh ka makar rashi men akar surya ke sath rashi sanbandh bhi bajaron men teji ka suchak hai. 13 janvri ko guru grah ka jyeshtha nakshatra men pravesh kar pushya nakshatra ko vedhna dalvan men mande ka mahaul utpann karega. 14 janvri ko surya ka makar rashi men pravesh kar budh v shukra ke sath rashi sanbandh banana bhi bajaron men mande ki lahar ko banae rakhega. 17 janvri ko budh ka shravan nakshatra men pravesh hona v krittika nakshatra ko vedhna dalvanon men punah mande ka yog banaega. isi din shukra ka dhanishtha men akar vishakha ko vedhna anajvan men teji darsha raha hai. 23 janvri ko shukra ka kunbh rashi men akar rahu ke sath sanbandh anajon ki teji ko barhaega. 24 janvri ko surya ka shravan nakshatra men akar krittika nakshatra ko vedhna bhi anajon ki teji men vriddhi karega. 26 janvri ko mangal ka purvasharha nakshatra men akar adrra ko vedhna anajon ko punah mande ki or le jaega. isi din budh ka uday hona bhi bajar men mande ka karak hai. 28 janvri ko shukra ka shatbhisha nakshatra men akar svati nakshatra ko vedhne lagna anajon men teji hi darshata hai. lekin dalvan men mande ka mahaul utpann kar sakta hai. 29 janvri ko budh ka kunbh rashi men pravesh kar shukra v rahu ke sath rashi sanbandh bajar men utar-charhav adhik rakhega. atah vyapari varg bajar ki vartaman sthiti ko vishesh rup se dhyan men rakhen. telvan v ghi: masaranbh men 1 janvri ko budh ka purvasharha nakshatra men pravesh kar adrra nakshatra ko vedhna telvan men teji ka suchak hai. 7 janvri ko shukra ka shravan nakshatra men pravesh kar krittika nakshatra ko vedhna ghi men mande ka rukh banaega. lekin telvan ko teji ki taraf hi le jaega. 8 janvri ko mangal ka mula nakshatra men pravesh kar punarvasu nakshatra ko vedhne lagna ghi men punah teji ka mahaul paida karega. tel ke bajar men bhi teji banae rakhega. 9 janvri ko budh ka uttarasharha nakshatra men akar mrigshira nakshatra ko vedhne lagna ghi ko punah mande ki or le jaega. 10 janvri ko shani ka vakri gati se ashlesha nakshatra men punah pravesh kar anuradha nakshatra ko vedhne lagna telon men teji ka suchak hai. 11 janvri ko surya ka uttarasharha nakshatra men pravesh kar mrigshira nakshatra ko vedhna telon ki teji ko aur barhaega. isi din budh ka makar rashi men pravesh kar shukra ke sath rashi sanbandh banana ghi men bhi teji ka karak banega. 13 janvri ko guru ka jyeshtha nakshatra men pravesh kar pushya nakshatra ko vedhna ghi men manda la sakta hai. 14 janvri ko surya ka makar rashi men pravesh kar budh v shukra ke sath rashi sanbandh banana telon ki teji ko aur barhaega. tatha ghi mane bhi teji banae rakhega. 17 janvri ko budh ka shravan nakshatra men pravesh kar krittika nakshatra ko vedhna telon ke teji ko barhaega. isi din shukra ka dhanishtha nakshatra men pravesh kar vishakha nakshatra ko vedhna ghi ko teji ki taraf le jaega. 23 janvri ko shukra ka kunbh rashi men pravesh kar rahu ke sath rashi sanbandh banana ghi men teji ka suchak hai. 24 janvri ko surya ka shravan nakshatra men pravesh kar krittika ko vedhne lagna bhi bajaron ke purva rukh ko banae rakhega. 25 janvri ko budh ka dhanishtha nakshatra men pravesh kar vishakha nakshatra ko vedhne lagna ghi men kuch manda laega. 26 janvri ko mangal ko purvasharha nakshatra men pravesh kar adrra nakshatra ko vedhna ghi v telon men teji ka hi karak hai. isi din budh ka uday hona bhi bajar men teji ka suchak hai. 29 janvri ko budh ka kunbh rashi men pravesh kar shukra v rahu ke sath rashi sanbandh banana ghi men mande ka kintu telon men teji ka karak hai.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2007

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.