ग्रह स्थिति एवं व्यापार

grah sthiti evan vyapar  

Ank ke aur Lekh | Sambandhit Lekh | Views : 698 |  
farvri mas men gochar grah parivartanah is mas men grahon ka rashi parivartana is prakar hoga. surya 13 farvri ko 0 bajakar 56 minat par kunbh rashi men pravesh karega. mangal 5 farvri ko pratah 10 baj kar 58 minat par vrish rashi men pravesh karega. budh 5 farvri ko ratri 9 baj kar 55 minat par kunbh rashi men pravesh karega aur 24 farvri ko ratri 9 bajakar 15 minat par min rashi men pravesh kar jaega. shukra 3 farvri ko 2 baj kar 50 minat par margi gati men aega aur 25 farvri ko pratah 6 baj kar 20 minat par makar rashi men pravesh karega. shesh grah guru, shani, rahu, ketu, pluto, nepchyun aur yurenas ki sthiti purvavat hi rahegi. gochar fal vichar: masaranbh vale din arthat 1 farvri ko budhvar hai aur is mas men char budhvaron ke sath-sath sabhi var char-2 hi aenge. falasvarup fal madhyam hi dikhta hai. bauddhik karyon ki vriddhi ke sath-sath nae-nae avishkaron ki shuruat karega tatha purva chal rahe karyon ko gatishil banae rakhega lekin dainik upyogi vastuon ki atyadhik mahangai ko lekar am janta men virodh ki bhavna paida hogi. prakritik prakopon se khari faslon ke lie grahyog hanikarak hai. diggaj netaon aur uchchastariya shaskon ke lie yah mas agni pariksha ka tatha nai-nai uljhnon men dalne vala siddh hoga. 5 farvri ko mangal ka vrish rashi men pravesh kar guru aur shukra dono se shadashtak yog men ana gharelu upyogi vastuon tatha khadya padarthon par atyadhik mahangai karta hai. shani se triekadash yog men mangal ka ana kahin vayuyan ityadi ki durghatanaon se janadhan ki hani ki taraf sanket karta hai. 13 farvri ko surya ka kanubh rashi men pravesh kar budh ke sath rashi sanbandh banana tatha isi din budh ka bhi uday hona bhuskhalana ityadi prakritik prakopon ko adhik lata hai. yah yog uchchastariya shask vargon ke lie bhi haniprad hai. kahin rajnaitik parivartan bhi lata hai evan shaskon ko vishamay paristhitiyon men dhakelta hai. 24 farvri ko budh ka min rashi men akar rahu ke sath sanbandh banana tatha isi din shukra ka surya ke sath sanbandh banana ye donon yog chaipaye pashuon ko koi nae rog se pirit karte hain. puratan dharmik unmadon ke punah jagrit hone se janmanas ke hridy men fir se bhay evan paraspar virodhabhas ki paristhitiyan punah jagrit karte hain. is tanav ko lekar sainya bal ko simaon par satark evan gatishil rahna chahie. sona v chandi: masaranbh men 2 farvri ko budh ka dhanishtha nakshatra par pravesh hokar vishakha nakshatra sthit guru ko vedhna sone ke bajar men manda hi darshata hai lekin yah yog chandi ko kuch teji ke vatavaran men rakhega. 3 farvri ko shukra ka margi gati men ana sone aur chandi men punah teji ka rukh bana dega. 5 farvri ko mangal vrish rashi men akr shukra aur guru donon se shadashtak yog banaega. yah yog bajar ki teji ko aur barhava dene vala dikhai deta hai. 6 farvri ko surya ka dhanishtha nakshatra men pravesh kar ashvini, shravan, vishakha nakshatra sthit guru ko vedh men lena sone men chal rahi teji ki lahr ko aur barhava deta hai. 9 farvri ko budh ka shatbhisha nakshatra men akar svati nakshatra ko vedh men lena bajar ke rukh men badlav la sakta hai arthat sone aur chandi ke bajar ko utar-charhav ke sath punah mande ke rujhan men le jaega aur bajar men asthirta banae rakhega. 13 farvri ko surya ka kunbh rashi men akar budh ke sath rashi sanbandh banana tatha falgun mas ki sankranti ka 15 muhurti hona yah yog bajar men asthirta arthat utar-charhav adhik rakhta hai, atah vyapari varg bajar ki vartaman sthiti ko vishesh dhyan men rakhen. 17 farvri ko budh ka purvabhadrapd nakshatra men pravesh tatha punarvasu nakshatra ko vedh men lena bajar men manda hi darshata hai tatha bajar ki sthiti ko sthir bana deta hai. 19 farvri ko surya ka shatbhisha nakshatra men ana aur pushya nakshatra sthit shani ko vedhna sone aur chandi ke bajar ko punah harakat men lata hua teji ki taraf le jaega. isi din shukra ka bhi u. sha. nakshatra men pravesh chandi ke bajar men adhik badlav lata hai. 24 farvri ko budh ka min rashi men pravesh kar rahu ke sath sanbandh banana bhi teji ka yog hi banata hai. 25 farvri ko shukra ka makar rashi men pravesh kar shani ki drishti men ana chandi men teji ka mahaul bana dega. isi din mangal ka rohini nakshatra men akr svati nakshatra ko vedhna sone men bhi teji ka hi rukh banae rakhega. gur evan khand: masaranbh men 2 farvri ko budh ka dhanishtha nakshatra men akr vishakha nakshatra sthit guru ko vedhna gur aur khand men teji hi darshata hai. 3 farvri ko shukra ka margi gati men ana khand ke bajar men mande ka rukh apnaega. 5 farvri ko mangal ka vrish rashi men akar guru aur shukra se shadashtak yog men a jana gur ke bajar ko teji ke rujhan men le jaega. isi din budh ka kunbh rashi men ana tatha dhanishtha nakshatra men baithakar ashlesha nakshatra ko vedhna, yah yog khand ko mande ke vatavaran men hi rakhega. 6 farvri ko surya ka dhanishtha nakshatra men akar vishakha nakshatra sthit guru ko aur ashlesha nakshatra ko bhi vedh men lena yah yog gur ki chal rahi teji ko aur barhava dega. khand ke bajar ko purvavat sthiti men rakhega. 9 farvri ko budh ka shatbhisha nakshatra men akar svati nakshatra ko vedh men lena bajar men utar-charhav adhik banaega, asthirta ke sath-sath gur ki teji ko banae rakhega. 13 farvri ko surya ka kunbh rashi men akar budh ke sath rashi sanbandh banana tatha falgun mas ki sankranti ka 15 muhurti ana, yah yog khand men teji ko aur barhava deta hai. isi din budh ka bhi uday ho jana bajar men chal rahe rukh men aur barhava dega. 17 farvri ko budh ka pu. bhadrapad nakshatra men pravesh kar punarvasu nakshatra ko vedh men lena, yah yog bhi bajar ke rukh ko teji ke mahaul men rakhta hai. 19 farvri ko surya ka shatbhisha nakshatra men pravesh kar pushya nakshatra sthit shani aur svati nakshatra ko vedhna gur aur khand men teji banae rakhta hai. isi din shukra ka uttarasharh nakshatra men pravesh khand ki teji ko aur barhava deta hai. 24 farvri ko budh ka min rashi men pravesh kar rahu ke sath rashi sanbandh banana bhi bajar men asthirta banata hai. 25 farvri ko shukra ka makar rashi men pravesh hona tatha isi din mangal ka rohini nakshatra men pravesh hona aur svati nakshatra ko vedh men lena, yah yog bhi gur aur khand ke bajar ko teji ke vatavaran ki or barhava deta hai. anaj v dalvan: masaranbh men 2 farvri ko budh ka dhanishtha nakshatra men akar svati nakshatra sthit guru ko vedhna anaj aur dalvan ke bajar men teji hi darsha raha hai. 3 farvri ko shukra ka margi gati men ana gehun, jau chana, jvar, bajra ityadi anajon men mande ki lahar banaega. 4 farvri ko vakri gati ke shani ka pushya nakshatra ke tisre charan men punah a jana mung, mauth, urad, arahar ityadi dalvan men teji ka rujhan banaega. 5 farvri ko mangal ka vrish rashi men akar guru aur shukra donon se shadashtak yog men ana dalvan men chal rahi teji ko aur barhava dega. isi din budh ka kunbh rashi men ana anajon ke bajar ko kuch mande ke mahaul men hi rakhega. 6 farvri ko surya ka dhanishtha nakshatra men pravesh kar vishakha nakshatra sthit guru ko vedhna gehun, jau, chana ityadi anajon men teji hi darshata hai. isi din nepchyun grah ka bhi dhanishtha nakshatra men a jana urad ityadi dalvan ko teji ke rujhan men le jaega. 9 farvri ko budh ka shatbhisha nakshatra men ana tatha pushya nakshatra sthit shani ko vedh men lena dalvan ke bajar men mande ki lahr chalaega. anajon men kuch badlav arthat asthirta rakhta hai. 13 farvri ko surya ka kunbh rashi men akar budh ke sath rashi sanbandh banana tatha falgun mas ki sankranti ka 15 muhurti men ana dalon men tejidayak hai. yah yog kariyane ke bajar ko bhi teji men le jaega. isi din budh ka udy hona anajon men bhi teji hi darsha raha h. 17 farvri ko budh ka pu. bhadra nakshatra men akar punarvasu nakshatra ko vedh men lena anaj aur dalvan men kuch mande ka karak hai. 19 farvri ko surya ka shatbhisha nakshatra men akar pushya nakshatra sthit shani aur svati nakshatra ko vedh pragti maidan men 28 janvri se 1 farvri 2006 tak hone vali nakshatra 2006 pradarshani men shri jagdanba prasad gaur ji upalabdha rahenge. yadi ap apni vyapar sanbandhi jigyasaon ka samadhan chahte hain to fyuchar paeint ke karyaly se sanpark kar agrim buking karva len. men lena gehun, jau, jvar, bajra ityadi ke bajar ko teji ki taraf dhakelta hai. isi din shukra ka u.sha. nakshatra men akar pu. bhadrapad nakshatra ko vedh men lena urad aur mung ke bajar ko punah mande ke vatavaran men le jaega. 24 farvri ko budh ka min rashi men akr rahu ke sath rashi sanbandh banana bajar men asthirta banata hai. 25 farvri ko shukra ka makar rashi men ana aur mangal ka rohini nakshatra men akar svati nakshatra ko vedh men lena, ye donon yog gehun, jau, chana, jvar ityadi anajon ke bajar ko teji men le jane vale hain. kariyane evan dalvan ke bajar ko mande ke rukh men hi rakhenge. ghi v tel: masaranbh men 2 farvri ko budh ka dhanishtha nakshatra men akar vishakha nakshatra sthit guru grah ko vedhna tel aur telvanon men teji hi darshata hai. 3 farvri ko shukra ka margi gati men ana ghi ke bajar men badlav dekr mande ki taraf le jaega. 5 farvri ko mangal ka vrish rashi men akar guru aur shukra donon se shadashtak yog men a jana tel aur telvan padarthon men purva chal rahi teji ko aur barhava deta hai. isi din budh ka kunbh rashi men pravesh hona ghi ke bajar ko mande ki tarf rakhta hai. 6 farvri ko surya ka dhanishtha nakshatra men pravesh kar vishakha nakshatra sthit guru ko vedh men lena telon ke bajar men aur teji banane vala yog hai. 9 farvri ko budh ka shatbhisha nakshatra men akar svati nakshatra aur pushya nakshatra sthit shani ko vedh men lena telon men mande ka karak hai. 13 farvri ko surya ka kunbh rashi men pravesh kar budh ke sath rashi sanbandh banana tatha falgun mas ki sankranti ka 15 muhurti men ana yah yog tel aur telvan ke bajar ko teji ke vatavaran men hi rakhega. isi din budh ka uday hona ghi ke bajar men aur manda bana sakta hai. 17 farvri ko budh ka pu. bhadra nakshatra men pravesh kar punarvasu nakshatra ko vedh men lena telon men teji ke rujhan ko banae rakhega. 19 farvri ko surya ka shatbhisha nakshatra men pravesh kar pushya nakshatra sthit shani ko vedhna telon men teji ka hi yog banaega. isi din shukra ka u.shanakshatra men akar pu. bhadrapad nakshatra ko vedh men lena ghi ke bajar men mande ka rukh apnaega. 24 farvri ko budh ka min rashi men akar rahu ke sath rashi sanbandh banana bajaron men asthirta paida karega. 25 farvri ko shukra ka makar rashi men ana tatha mangal ka rohini nakshatra men akar svati nakshatra ko vedhna, yah yog telon men to teji ka vatavaran banae rakhega lekin ghi ke bajar ko kuch mande ke rujhan men hi rakhta hai.
Kya aapko lekh pasand aaya? Subscribe
Kya aapko lekh pasand aaya? Subscribe


ratn visheshank  February 2006

hamare rishi maharshiyon ne mukhyatya tin prakar ke upayon ki anushansa ki hai yatha tantra, mantra evan yantra. in tinon men se tisra upay sarvadhik ullekhniya evan karne men sahaj hai. isi men se ek upay hai ratn dharan karna. aisa mana jata hai ki koi n koi ratn har grah se sambandhit hai tatha yadi koi vyakti vah ratn dharan karta hai to us grah ke dvara srijit ashubhatva men kafi kami ati hai. fyuchar samachar ke is visheshank men anek mahatvapurn alekhon ko samavisht kiya gaya hai jismen se pramukh hain- chairasi ratn evan unka prabhav, vibhinn lagnon men ratn chayan, jyotish ke chah mahadosh evan ratn chayan, rog bhagaen ratn, ratnon ka shuddhikaran evan pran-pratishtha, kitne din men asar dikhate hain ratn, lajavart mani-ek nam anek kam ityadi. iske atirikt sthayi stambhon ke bhi mahatvapurn alekh vidyaman hain.

Subscribe

Apne vichar vyakt karein

blog comments powered by Disqus
.