विभिन्न लग्नों में रत्न चयन

vibhinn lagnon men ratn chayn  

Ank ke aur Lekh | Sambandhit Lekh | Views : 745 |  
lagn vyaktitva ka dyotak hai. meshadi barah lagnon men alg-alag ratn chayan ya dharan karne ka mahatva hai. dasha-antardasha athva gochar men kuch samay ke lie ratn dharn kar sakte hain, lekin mukhyatya lagnesh, panchmesh evan bhagyesh ke ratn dharan karne se jivan men ane vali badhaon se mukti mil sakti hai. vibhinn lagnon ke sandarbh men iska vivaran niche diya ja raha hai. mesh: mesh lagn ke lie manikya, moti, munga, pukhraj dharan karna shubh rahega. shiksha men saflta aur santan sukh ke lie manikya dharan karna shubh hai. mesh lagn men surya panchmesh bhi hai. mansik pareshaniyon se mukti evan sukh ke lie chaturthesh chandrama ka ratna moti upyukt rahega. vyaktitva prabhavshali banane, man-pratishtha evan svasthya sanbandhi anukulta hetu mesh lagna valon ko munga dharan karna chahie. utsah vardhan v sakriyata hetu bhi munga upyogi hai. mesh lagn ke jatkon ke lie uchch stariya saflta evan bhagya vriddhi hetu bhagyesh guru ka ratn pukhraj pahnna shreyaskar rahega. mesh lagn valon ko panna, hira evan nilam pahnne se bachna chahie, arthat in ratnon ko ajivan dharan nahin karen. dasha-antardasha athva gochar ke anusar dharan kar sakte hain. vrish: vrish lagn valon ka lagnesh evan shashthesh shukra ka ratn hira pahnne se vyaktitva prabhavshali hoga v svasthya bhi achcha rahega. bhumi se jure vivad, parivarik kasht adi pratikul paristhitiyon men jatak ko manikya dharan karna chahie. arthik mamlon, vidya, santan, mansik ekagrata ke lie panchmesh v dhanesh budh ka ratna panna pahnna chahie. vrish lagn ke lie shani bhagya v dasham ka svami hokar prabal yogkarak ho jata hai. atah shani ka ratn nilam pahne se bhagya ki prablta, rajya ki anukanpa bani rahegi tatha jivan men uchch stariya saflta milegi. vrishabh lagn valon ko moti, munga aur pukhraj pahnne se bachna chahie. mithun: mithun lagn ke jatkon ko lagnesh budh ka ratn panna dharan karna shreyashkar hai budh lagnesh v chaturthesh bhi hai atah parivarik evan svasthya sanbandhi samasyaon, vahn-bhumi adi ki prapti ke lie panna dharan karna shubh rahega. santan sukh evan vidya men saflta ke lie shukra ka ratn hira pahnna shubh rahega. mithun lagn valon ko munga, pukhraj, nilam nahin pahnne chahie. arthik saflta ke lie moti pahnna shreshth rahega. karka: kark lagn valon ko lagnesh chandrama ka ratn moti ajivan dharn karna chahie. manikya pahnne se arthik saflta to milegi lekin vriddh vyaktiyon ko manikya nahine pahnna chahie kyonki surya markesh bhi hota hai. kark lagn ke jatkon ko munga bhi pahnna chahie kyonki mangal pancham va dasham bhav ka svami hokar prabl yogkarak grah ban jata hai. munga pahnne se shiksha, santan, rajya adi se anukulta prapt hoti hai. kark lagna valon ko hira, nilam ya panna nahin pahnna chahie. pukhraj kuch samy ke lie pahna ja sakta hai. sinh: sinh lagn ke jatkon ko manikya ajivan pahnna chahie kyonki lagnesh ka ratn pahnne se arogya aur atmabal men vriddhi hoti hai evan saflta milti hai. munga pahnne se bhumi-sanpatti mamlon, parivarik mamlon evan bhagya men saflta milegi. pukhraj pahnne se santan sukh aur prem-prasang men anukulta prapt hogi. sinh lagn ke jatkon ko nilam, hira panna nahin pahnna chahie. kanya: lagnesh budh ka ratn panna pahnne se arogya rajya paksh se pratishtha aur vyaparik karyon men saflta milti hai. moti pahnne se ay men vriddhi hogi. hira pahnne se paitrik dhan-sanpatti aur bhagya ki anukulta prapt hoti hai. kanya lagn valon ko manikya, munga, pukhraj ya nilam nahin pahnna chahie. tula: lagnesh shukra ka ratn hira ajivan pahnna chahie. moti pahnne se rajya paksh se labh evan khyati milti hai. nilam pahnne se vahan, sanpatti aur santan sukh se jure vishyon men saflta milegi. panna pahnne se bhagya sanbandhi badhaen dur hongi. tula lagna valon ko munga ya pukhraj nahin pahnna chahie. manikya dasha-antardasha men pahan sakte hain. vrishchik: lagnesh mangal ka ratn munga ajivan pahan sakte hain. bhagyesh chandra ka ratn moti pahnna bhagyavardhak sabit hoga. manikya pahnne se man-pratishtha, uchchadhikariyon se labh hoga. pukhraj pahnne se arthik kshetra, santan sukh aur adhyayan kshetra men kshetra men saflta prapt hogi. vrishchik lagna valon ko panna, hira v nilam nahin pahnna chahie. dhanu: lagnesh v chaturthesh guru ka ratna pukhraj ajivan dharan kar sakte hain. isse jivan men utsah, man-pratishtha aur bhumi-sanpatti ke mamlon se labh milega. bhagyesh surya ka ratn manikya pahnne se bhagya ki prablta rahegi. panchmesh mangal ka ratna munga pahnne se santan sukh v adhyayn men saflta milegi. dhanu lagn valon ko moti, panna, hira ya nilam nahin pahnna chahie. makr: lagnesh v dhanesh shani ka ratna nilam pahnne se vyaktitva men nikhar aega v arthik kshetra men saflta milegi. nilam ajivan dharan kar sakte hain. uchch shiksha v bhagya ki prablta ke lie panna dharan karna thik rahega. hira pahnne se santan, adhyayan v prem prasang men anukulta prapt hogi. makar lagn valon ko manikya pukhraj dharan nahin karna chahie. moti v munga dasha-antardasha men dharan kar sakte hain. kunbh: lagnesh shani ka ratn nilm pahnne se jivan men uchchadhikar, man-pratishtha v sthirta ki prapti hoti hai. hira pahnne se sanpatti, vahan va bhagya ki prablta bani rahegi. dasha-antardasha men pukhraj v munga pahn sakte hain, lekin manikya v moti kabhi n pahnen. min: lagnesh v rajyesh guru ka ratna pukhraj pahnne se arogya aur man-pratishtha barhegi. yah ratn ajivn pahnen. panchmesh chandrama ka ratn moti shiksha, santan aur prem-prasang men upyogi hoga. dhanesh v bhagyesh ka ratn munga pahnne se arthik kshetra men saflta milegi v bhagya bhi sath dega. manikya hira nahin pahnna chahie. dasha, antardasha ya gochar men nilam v panna dharan kar sakte hain.
Kya aapko lekh pasand aaya? Subscribe
Kya aapko lekh pasand aaya? Subscribe


ratn visheshank  February 2006

hamare rishi maharshiyon ne mukhyatya tin prakar ke upayon ki anushansa ki hai yatha tantra, mantra evan yantra. in tinon men se tisra upay sarvadhik ullekhniya evan karne men sahaj hai. isi men se ek upay hai ratn dharan karna. aisa mana jata hai ki koi n koi ratn har grah se sambandhit hai tatha yadi koi vyakti vah ratn dharan karta hai to us grah ke dvara srijit ashubhatva men kafi kami ati hai. fyuchar samachar ke is visheshank men anek mahatvapurn alekhon ko samavisht kiya gaya hai jismen se pramukh hain- chairasi ratn evan unka prabhav, vibhinn lagnon men ratn chayan, jyotish ke chah mahadosh evan ratn chayan, rog bhagaen ratn, ratnon ka shuddhikaran evan pran-pratishtha, kitne din men asar dikhate hain ratn, lajavart mani-ek nam anek kam ityadi. iske atirikt sthayi stambhon ke bhi mahatvapurn alekh vidyaman hain.

Subscribe

Apne vichar vyakt karein

blog comments powered by Disqus
.