ग्रह स्थिति एवं व्यापार

grah sthiti evan vyapar  

Ank ke aur Lekh | Sambandhit Lekh | Views : 516 |  
jun mas men gochar grah parivartanah is mas men grahon ka rashi parivartana is prakar hoga. surya grah 15 jun ko pratah 9 bajakar 45 minat par mithun rashi men pravesh karega. budh grah 20 jun ko sham 5 bajakar 35 minat par karka rashi men pravesh karega. shukra grah 19 jun ko pratah 3 bajakar 29 minat par vrish rashi men pravesh karega. yurenas grah 19 jun ko sham ke 5 bajakar 55 minat par vakri gati men a jaega. shesh grah mangal, guru shani, rahu, ketu, pluto aur nepchyun ki sthiti purvavt hi rahegi. gochar fal vichar: masaranbh vale din arthat 1 jun ko guruvar hai aur is mas men panch guruvar aenge. falasvarup jansadharan varg ko anek prakar ki samasyaon ka samna karna parega. pashchimi deshon aur pradeshon men iske anisht fal adhik hone se jan manas ke lie bhay aur kashtadayk rahega. yatra mase panchvara jayante cha brihaspatiah. vigrah pashchime desh khadga yuddh ch jayante..’’ sath hi is mas men panch shukravar ka bhi ana sukh aur shanti ke sadhnon men samriddhidayak hai. yah yog jansadharan ko vilasmy jivan ki taraf akarshit karta hai arthat janmanas men adhik furtilapn lata hai. yah yog stri varg ke prabhutva ko aur bhi barhaega. ‘‘shukrasya panchvaraah syayuyatra pravartate. praja vriddhi subhigyan cha sukh tatra pravartate..’’ masaranbh men hi mangal, shani ka kark rashi men sanyog bane rahna prakritik apdaon ke adhik hone ka sanket karta hai, kahin agnikand v adhik andhi, tufan se jan mans ko pira deta hai. mausam men adhik tapman barhne se janta men trahi-trahi karvata hai tatha bharat ke parausi deshon men rajnaitik uthl-puthal se bhi sthiti ko bigarega. masaranbh men hi guru, shukra ka samasaptamak yog men hona utr-pashchim pranton evan deshon men rog aur shok adhik darshata hai. 15 jun ko surya ka mithun rashi men pravesh hokr mangal, shani se triekadash yog men a jana prakritik prakop adhik lata hai. ishan prantane evan deshon men prakritik prakopon se jan-dhan ki hani ki tarf sanket karta hai. 19 jun ko yurens ka vakri gati men ana simaon par punah ashanti ka vatavaran banaega. yah yog kahin rajnaitik parivartan ka bhi banata hai. 20 jun ko budh ka kark rashi men mangal, shani se sanbandh banana kahi adhik varsha ityadi prakritik apdaon se hani tatha kahin sukhe se khari faslon ka nuksan karta hai. sona aur chandi: masaranbh men 2 jun ko guru ka vakri gati ki chal chalte hue svati nakshatra ke tisre charan men punah pravesh karna sone v chandi men mande ka rukh dikhata hai. 3 jun ko shani ka pushya nakshatra ke chaithe charan men pravesh hona bajar men mande ke vatavaran ko age barhata hai. 4 jun ko budh ka adrra nakshatra men pravesh kar purvasharh nakshatra ko vedh men lena bhi sone men chal rahe mande ko aur barhava deta hai. isidin shukra ka bharni nakshatra men pravesh kar magha nakshatra ko vedhna chandi men bhi mande ki tarf sanket karta hai. 8 jun ko rahu ka ubha. nakshatra ke pratham charan men ana, yah yog chandi men utar-charhav banae rakhega. isidin surya ka mrigshira nakshatra men pravesh karna sone men utar-charhav ke sath-sath bajar men manda hi banaega. 12 jun ko budh ka punarvasu nakshatra men pravesh kar sarvatobhadra chakra men mul nakshatra ko vedhna tatha is par guru ki bhi drishti ka hona yah yog bajar men purva ban rahe mande ke rujhan ko aur barhava deta hai. 15 jun ko surya ka mithun rashi men pravesh kar budh ke sath rashi sanbandh banana tatha is par guru ki drishti ka ana sone v chandi ke bajar men badlav arthat teji ke vatavaran men le jane vala yog hai. 16 jun ko shukra ka krittika nakshatra men pravesh kar shravan nakshatra ko vedh men lena chandi men teji ka hi yog chalaega. 19 jun ko shukra ka vrish rashi men pravesh karna bhi sone ke bajar ki teji ko barkrar rakhta hai, surya se dvadash hone par chandi men kuch mande ka hi yog chalaega. yah apna prabhav sone men bhi kuch mande ki taraf chorega. 20 jun ko budh ka kark rashi men pravesh kar shani v mangal ke sath rashi sanbandh banana bajar men apna prabhav utar-charhav ke sath teji ke hi vatavaran men rakhega. 21 jun ko mangl ka ashlesha nakshatra men akar anuradha nakshatra ko vedhna chandi men punah mande ki lahar bana dega. 22 jun ko surya ka adrra nakshatra men pravesh kar jana bajar men apna prabhav mande ki taraf hi banata dikh raha hai. 24 jun ko budh ka pushya nakshatra men pravesh hona aur shani ka pahle se hi is nakshatra par rahna tatha jyeshtha ko vedhna sone v chandi men mande ke rujhan ko age chalaega. 27 jun ko shukra ka rohini nakshatra men akr abhijit nakshatra ko vedhna, isidin chandra darshan 30 muhurti hona sone v chandi men mande ki lahar ko aur barhava deta dikh raha hai. gur aur khand: masaranbh men 2 jun ko guru ka vakri gati se svati nakshatra ke tisre charan par pravesh karna khand men mande ka hi karak hai. guru par shani ki drishti men mangal ka samavesh gur ke bajar men teji hi banaega. 3 jun ko shani ka pushya nakshatra ke chaithe charn men ana tatha isidin budh ka adrra nakshatra men pravesh kar purvasharh nakshatra ko sarvatobhadra chakra men vedhna bhi khand men mande ka vatavaran banae rakhta hai. yah yog gur men bhi mande ka suchak hai. 4 jun ko shukra ka bharni men pravesh kar magha ko vedhna tatha is par guru va shani ki drishti ka bane rahna khand ke bajar men kuch badlav laega arthat teji ke rukh men le jaega. 8 jun ko surya ka mrigshira nakshatra men pravesh hokr chitra, utrasharh v revti nakshatron ko ek sath vedhna khand ke bajar men purvavat ban rahi teji ko aur barhava deta hai. isidin rahu ka utrabhadrapd nakshatra ke pratham charan men a jana bhi bajar men utar-charhav adhik banata hai. 12 jun ko budh grah punarvasu nakshatra men pravesh kar mul ko vedhega jo bajar ko asthirta ke sath-sath teji ke vatavaran men hi rakhega. 15 jun ko surya mithun rashi men pravesh kar budh ke sath rashi sanbandh banaega aur is par guru ki purn drishti bhi hogi. yah yog gur v khand men teji ka karak hai. 16 jun ko shukra ka krittika nakshatra men pravesh kar shravan nakshatra ko vedhna khand men kuch manda lane ki sanbhavna banata hai. 19 jun ko shukra ka vrish rashi men pravesh karna gur men tejidayak hai, sath hi khand ko purvavat teji men hi chalaega. 20 jun ko budh ka karka rashi men pravesh kar shani v mangal ke sath rashi sanbandh banana, yah yog bajar ko utar-charhav ke sath mande ki lahar men le jane vala hai. 21 jun ko mangal ka ashlesha nakshatra men akr anuradha ko vedhna khand men manda hi darsha raha hai. 24 jun ko budh pushya nakshatra par aega. isi nakshatra par shani pahle se hi jyeshtha nakshatra ko vedh men le raha hai. yah yog khand ko purvavat mande ke rukh men rakhega. 27 jun ko shukra ka rohini nakshatra men akar abhijit ko vedhna gur v khand men purvavat mande ka hi karak hai. anaj aur dalvan: masaranbh men 2 jun ko vakri gati ki chal chalte hue guru grah ka svati nakshatra ke tisre charan men pravesh karna anaj v dalvan men mande ka hi karak hai. 3 jun ko shani ka pushya nakshatra ke chaithe charan men pravesh gehun, jau chana, jvar ityadi anajon men chal rahe mande ko aur age barhata hai. isidin budh ka adrra nakshatra men pravesh hokar purvasharh nakshatra ko vedhna mung, mauth, urad, arahar ityadi dalon men mande ka rukh banaega. 4 jun ko shukra ka bharni nakshatra men pravesh hokr mul nakshatra ko vedhna bhi dalvan men mande ko age barhata hai. 8 jun ko surya ka mrigshira men pravesh hona tatha chitra, uttarasharh v revti nakshatron ko ek sath vedh men lena anajon men badlav arthat gehun ityadi anajon ko teji ke rujhan men le jaega. 12 jun ko budh ka punarvasu nakshatra men akar mul nakshatra ko vedhna gehun, jau, chana, jvar ityadi anajon men punah mande ka yog banaega. yah yog dalvan men bhi utar-charhav adhik karega. 15 jun ko surya ka mithun rashi men akar budh ke sath rashi sanbandh banana, is par guru ki purn drishti ka hona anajon tatha dalvan ke bajar men teji ki lahar paida karta hai. 16 jun ko shukra ka krittika nakshatra men akr shravan nakshatra ko vedhna bajar ki purva teji ko age lekar jata hai. 19 jun ko shukra ka vrish rashi men pravesh hona anaj ke bajar men punah mande ka yog banaega lekin dalvan ko purvavt sthiti men rakhta hai. 20 jun ko budh grah kark rashi men pravesh kar mangal va shani ke sath rashi sanbandh bana raha hai. yah yog anajon ke bajar men sthirta bana dega. 21 jun ko mangal ka ashlesha nakshatra men akar anuradha nakshatra ko vedhna, yah yog bhi anajon men kuch teji banaega. lal rang ki dalon men teji ka vatavaran v anya men kuch mande ki taraf badlav dega. 22 jun ko surya ka adrra nakshatra men pravesh hona anajon men teji ko aur barhava deta hai. 24 jun ko budh ka pushya nakshatra men pravesh tatha is nakshatra par purva se hi shani ka sthir hona anajvan ke bajar men fir se badlav laega arthat mande ka yog chalaega. 27 jun ko shukra ka rohini nakshatra men akr abhijit nakshatra ko vedhna bhi anajvan ke bajar men mande ka hi karak hai. ghi aur telvan: masaranbh men 2 jun ko vakri gati ki chal chalte hue guru grah ka svati nakshatra ke tisre charan men pravesh hona telvan v ghi ke bajar men teji ka hi suchak hai. 3 jun ko pushya nakshatra ke chaithe charan men shani ka a jana telvan v ghi ke bajar men purva chal rahi teji ko aur age barhaega. isidin budh ka adrra nakshatra men pravesh kar purvasharh ko vedhna ghi men bhi teji ka mahaul banaega. 4 jun ko shukra ka bharni nakshatra men pravesh kar magha nakshatra ko vedh men lena telvan v ghi men badlav laega arthat bajar ko mande ke mahaul men le jaega. 8 jun ko surya ka mrigshira nakshatra men pravesh hona tatha chitra, utrasharh v revti nakshatron ko vedhna ghi ke bajar men punah teji bana dega. isidin rahu ka utrabhadrapad nakshatra par charan badlna telon ko asthirta ke sath-sath teji ke rukh men rakhega. 12 jun ko budh punarvasu nakshatra men pravesh hokar mul nakshatra ko vedh raha hai. yah yog telvan ke bajar men chal rahe rukh ko badlav dega arthat mande ke mahaul men le jaega. 15 jun ko surya mithun rashi men pravesh kar budh ke sath rashi sanbandh banaega aur bajar men kuch teji ka vatavrn banaega. 16 jun ko shukra ka krittika nakshatra men pravesh kar shravan nakshatra ko vedhna telon v ghi men manda hi banata hai. 19 jun ko shukra ka vrish rashi men ana v guru se samasaptak yog ko tyagna bajar men halka sa badlav de sakta hai. 20 jun ko budh ka kark rashi men shani ke sath apna sanbandh banana tel, telvan ke bajar men utar-charhav to karta hai lekin bajar ko mande ke hi mahaul men rakhta hai. 21 jun ko mangal ka ashlesha nakshatra men pravesh hona tatha anuradha ko vedhna ghi ko aur bhi mande men le jaega. 24 jun ko pushya nakshatra par budh ka ana tatha shani ka pahle se hi pushya nakshatra par rahna tel, telvan v ghi men mande ko aur barhava deta hai. 27 jun ko shukra ka rohini nakshatra men pravesh hona tatha abhijit nakshatra ko vedhna bhi telon tatha ghi men purva chal rahe mande ke vatavaran ko aur age barhata hai. uparyukt faladesh puri tarah grah sthiti par adharit hai. pathkon ka behatar margadarshan hi iska mukhya uddeshya hai. koi nirnay lene se pahle niveshak ko un anya sanbhavit karnon par bhi dhyan dena chahie, jo bajar ko prabhavit karte hain. kripya yad rakhen ki vyapari ki satte ki pravritti aur nirnay lene ki shakti men kami tatha bhagyahinta ke karan hone vale nuksan ke lie lekhak, sanpadak evan prakashak jimmevar nahin hain.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  June 2006

nirjala ekadshi vrat atithi satkar sevavrat varsha ka purvanuman : jyotishiya drishti se pramod mahajan alvida

Subscribe

Apne vichar vyakt karein

blog comments powered by Disqus
.