क्रूर ग्रह दे सकते हैं नेत्र विकार

krur grah de sakte hain netra vikar  

Ank ke aur Lekh | Sambandhit Lekh | Views : 1772 |  
krur grah de sakte hain netra vikar shiv prasad gupta kisi vyakti ki janmakun¬dli grahon ke un prabhavon ka chitrankan hai jinke sath vah paida hua hai. surya prakash ka srot hai aur chandra kirnen uska paravartan. islie surya evan chandra netron ki jyoti ka pratinidhitva karne vale grah hain. netron ki kriyashilta men majjatantu evan snayu ka bhi mahatvapurn yogdan hai jinhen niyantrit karne vale grah budh evan shukra hain. janmakundli men lagn (prathm) bhav samagra sharir ka, dvitiya bhav dain ankh ka evan dvadash bhav bain ankh ka dyotak mana gaya hai. surya ki svarashi sinh tatha chandra ki svarashi kark bhi netron ke pariperakshya men vicharadhin ho jati hai. janmakundli men mitra (6, 8, 12) bhav dusht sthan mane gae hain. chatha sthan rog, kshay, shatru, chot adi ka, athvan mrityu, nash, klesh adi ka tatha barhvan bhav vyay, hani, dand, pap adi ka hai. mangal aur shani mul rup se krur (papi) prakriti ke grah hain. shani andhkar ka pratinidhitva karta hai to mangal agni jaisi bhayankar pira ka. rahu, ketu ki upasthiti, drishti ya prabhav grahon ke prabhav ko utprerak ke rup men barhata hai. janmakundli men uparyukt bhavon, rashiyon aur grahon ki varnit mul prakriti ko dhyan men rakhte hue yah spasht rup se nishkarsh nikala ja sakta hai ki trik (6, 8, 12) bhavon men netron evan unke sanchalan ka pratinidhitva karne vale grahon (surya, chandra, budh, shukra) par krur (papi) grahon ka pap prabhav netra vikar utpann karega. dvitiya, dva adash, lagn bhavon tatha sinh aur kark rashiyon par bhi pap prabhav netra vikar de sakta hai. netra vikar sadharan drishti dosh se netra nash tak ho sakta hai. netra vikar kis sima tak hoga, yah is bat par nirbhar karega ki pap prabhav ki sthiti aur prablta kis prakar ki aur kitni hai. netra vikar kam hone par use chikitsa dvara thik kiya ja sakta hai, kintu uski prakhrta bahut adhik hone par upchar bhi sanbhav nahin ho pata. varnit bhavon, rashiyon aur grahon par pap prabhav ke sath yadi shubh prabhav bhi ho to pap prabhav ka shaman shubh prabhav ki sima tak ho jata hai aur netra vikar ki sanbhavna kshin ya naganya ho jati hai. varnit bhavon, rashiyon aur grahon par shubh prabhavon ki prablta, netron ki vishalta, manohrta aur tivra drishti deti hai. astu netra vikar ke sanbandh men faladesh karne ke purva varnit bhavon, rashiyane aur grahon ki sthiti aur un par shubh-ashubh prabhavon ka sahi akalan kar lena chahie. upar varnit bhavon, rashiyon aur grahon ki paraspar sthiti ko dhyan men rakhte hue janm kundli men nimnalikhit sthitiyan netra vikar utpann kar sakti hain. lagnesh, dvitiyesh, dvadshesh surya ya shukra ke sath trik bhav (6, 8, 12) men hona. shukra aur surya ka lagnesh ke sath trik bhav men hona. shani, mangal aur chandrama ki yuti trik bhav men hona . chandra, mangal, shukra aur guru ki yuti trik bhav men hona. dvitiya bhav men shukra aur chandrama ka papi grah ke sath hona. dvitiyesh ka shani aur mangal ke sath ashtam bhav men hona (tinon ka purn drishti se dvitiya bhav ko dekhna). dvitiya bhav men budh aur chandrama ki yuti ka pap prabhav men hona . dvitiya bhav men lagnesh aur dvi tiyesh ka surya ke sath hona. lagn men chandrama aur dvitiyesh ka hona. surya aur chandrama ka saman anshon par dvadash bhav men hona. papi grahon ke sath surya ya chandra ka dvadash bhav men hona. shukra ka shashthesh aur panchmesh ke sath lagn men hona. dvadash bhav men dvitiyesh ke sath mangal ya shani ki yuti . lagn sthit mangal aur chandra par shukra ya guru ki drishti hona. sinh rashi ke chandrama par mangal ki drishti hona. kundli sankhya 1 ek aise vyakti ki hai jo janm se hi andha hai. yahan surya, budh, shukra aur chandrama shashth (trik) bhav men hain aur us par ketu ki navam drishti sanchalan ke lie uttaradayi grah surya, chandra, budh, shukra, dvitiyesh (chandra), dva adshesh (shukra), dvitiya aur dvadash bhav sabhi pap prabhav men hain. shukra snayu ko niyantrit karta hai islie janm lagn men dvitiyesh ke sath shukra aur chandra ki yuti rataundhi de sakti hai. chandra aur shukra ki trik bhav men sthiti bhi rataundhi utpann kar sakti hai. papi grah ke sath shukra ke dvadash bhav men hone par netra chote hote hain. kshin chandra par shukra evan shani ki drishti se bhi netra chote hote hain. svarup ko virup karne ka karya rahu-ketu karte hain. mangal vakrata pradan karta hai. astu netron ka prati¬nidhitva aur un par niyantran karne vale grah ya bhav par mangal ke sath rahu-ketu ka prabhav bhengapan paida karta hai. kundli sankhya 2 ek aise vyakti ki hai jiski ankhon men janm se bhengapan hai. dvitiya bhav kark rashi (chandra ki svarashi) men nich ka mangal virajman hai. dvadash bhav par rahu ki navam drishti hai. is prakar netron evan unke hai. yahan netra karak grah chandrama par mangal ki chaturth, shani ki dasham tatha ketu ki navam drishti hai. surya, budh aur shukra bhi rahu-ketu ke prabhav men hain. chandra jal tatva hai aur mangal agni tatva. chandra aur mangal ki saman anshon par yuti ankhon men dhabba, fuli, chala adi paida karti hai. chandra mangal ki trik bhavon men sthiti bij dravya ksharan ke karan andhatva paida kar sakti hai. kundli sankhya 3 iska ek udaharan hai. yahan chandra aur mangal ashtam men hanai naur dvitiya sthan men sthit budh aur shukra par purn drishti dal rahe hain. shani ki dasham drishti bhi budh aur shukra par par rahi hai. ashtamesh shani par rahu ka prabhav hai. surya par ketu ki pancham drishti bhi hai. falasvarup is vyakti ko netrabij dravya ksharan ke karan apni jyoti khoni pari. dasham bhav shasak (rajya) ka hai. agar dashmesh, shashthesh aur dvitiyesh (arthat rajya, chot aur netra) ka sanyog lagn (tanu) men ho jae to yah rajya ke dand (atyachar) se netra haran ko ingit karta hai. kundli sankhya 4 ek aise vyakti ki hai jise pulis ke julm ke chalte apni ankh ganvani pari. yahan surya ki svarashi sinh lagn men shani (shashthesh), budh (dvitiyesh) tatha shukra (dashmesh) hai.
Kya aapko lekh pasand aaya? Subscribe

Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  June 2006

nirjala ekadshi vrat atithi satkar sevavrat varsha ka purvanuman : jyotishiya drishti se pramod mahajan alvida

Subscribe

Apne vichar vyakt karein

blog comments powered by Disqus
.