ज्योतिष की नजर में वर्षा

jyotish ki najar men varsha  

Ank ke aur Lekh | Sambandhit Lekh | Views : 5327 |  
jis prakar loktantrik rajyon ko chalane ke lie mantri parishad banae jate hain. usi prakar vishva chakra ko chalane ke lie prativarsh grahon ki akashiya kaunsil banai jati hai. jismen har vibhag ka mantri ek grah ko niyukt kiya jata hai. is lie varsha vibhag ka mantri jo meghesh kahlata hai. surya jis din adrra nakshatra men pravesh karta hai, us din jo var hota hai. us var ke svami ko meghesh mana jata hai. samvat 2066 men suryadev 21-6-2009 ko din ravivar ko adrra nakshatra men pravesh karenge. islie samvat 2066 (2009) mausam vibhag ka mantri pad suryadev ke pas rahega. suryadev ke meghesh hone se genhu, jau, chane, ikh, bajra chavlon adi ki paidavar achchi hoti hai. prithvi par sukh ke sadhnon ka prasar rahe. arthat is varsh achchi varsha hone ke asar hain. iske alava mausam vibhag par megho, nago, arda, rohini tatha stambhon ka fal bhi parta hai. varsha mausam ki puri jankari ke lie nimnilikhit binduon ka vichar kiya jata hai. 1. varsh ke raja tatha mahamantri pad ka svami 2. meghesh (mantri pad) 3. adrra pravesh ka samay, tithi, var, nakshatra aur yog 4. varsh ke megh 5. varsh ke nag 6. varsh ke stanbh 7. rohini vas 8. adrra kundli ka yogadi iske alava sukshm vichar ke lie trinadi chakra, saptanari chakra, varsha avrodhak chakra ka bhi vichar kiya jata hai. kisi vishesh sthan ke lie kurm chakra par bhi vichar kiya jata hai. ab kram se ek-ek bhav par vichar karte hain. 1. samvat 2066 san 2009 men, samvat guru ke din jo shukravar ata hai. islie varsh 2009 ka raja shukra hone se krishi aur mausmi faslon ki achchi paidavar honi hai. arthat is varsh varsha achchi hone ke asar hain. 2. samvat 2066, san 2009 ko mahamantri ka pad chandrama ko jata hai. chandrama jaliya grah hone ke nate is varsh adhik varsha ke asar bante hain. 3. meghesh surya hone se achchi paidavar ke lie achchi varsha ke asar hain. 4. samvat 2006, san 2009 ke surya adrra nakshatra men 22-6-2009 ko asharh krishn paksha tithi- chaturdashi din - ravivar nakshatra - mrigshira yog - gand samay - 22 ki pratah 3 ghante 51 mint lagn - vrish anusar pravesh karega. is samay ki surya adrra pravesh ki kundli is prakar hogi. adrra pravesh kundli ke yogadi surya dev ka adrra pravesh prithvi tatva pradhan (50 pratishat jal tatva) lagn evan rashi vrish men hua hai. lagn men jaliya grah chandra sath men budh (jal gun) grah ke sath virajman hai. lagnesh tathya jal tatva pradhan grah shukra dvadash (vyay) bhav men mangal ke sath hai. lagn par shani grah (shushk grah) ki dasvin drishti hai. jal tatva pradhan guru dasham jal tatva (50 pratisht) rashi kunbh men baithakar lagn ko prabhavit kar raha hai. rahu ki bhi lagn par drishti hai. lagabhag baki sabhi grah agni tatha vayu tatva rashiyon ke maujud hai. is varsh jal stanbh madhyam se adhik 63 pratishat hai. falasvarup sanpurn desh men ek sath varsha ke asar nahin hai. kahin pradeshon men adhik varsha se barh, andhi men jan-dhan aur krishi ki hani hogi. kai bhagon men upyogi aur anukul varsha ke asar hain. kai bhagon men thik samay par upyogi ya anukul varsha n hone ke karan krishi utpadan kam hone ke asar hain. kul milakar krishi utpadan men kuch kami rahne ke karan sanpurn dhanya, vastra tatha anya dainik upyogi vastuen ki kimton men vriddhi hogi. rajasthan men bhi varsha hone ke asar hain. tithi: adrra pravesh ki tithi chaturdashi hone se anaj aur vastra mahange honge. nakshatra: adrra pravesh ka nakshatra mrigshira hone se anaj ki paidavar adhik hogi. yog: adrra pravesh ka yog gand hone se mangalamay ananddayak hogi. 5. megh ka fal: is varsh men navmeghon men dron namak megh ka fal hoga. dhan, dhanya ki paidavar uttam ho arthat varsha adhik hogi aur dhan ka prasar bhi adhik rahega. 6. nag ka fal: san 2009 ke lie jal stambh - 63 pratishat rahega arthat varsha madhyam se adhik trin stambh - 80 pratishat hoga arthat jari butiyon ki fasal barhegi. vayu stanbh - 0 pratishat. sanpark ka abhav hai arthat chintajanak paristhitiyan banegi. kuch kshetron men apurva, vayuvedh, bhukanp adi se hani, kahin par garmi. kyonki vayu asta-vyast sanchalan se kahin vyapak varsha, kahin kam varsha aur kahin sukha rahega. anya stanbh: 20 pratishat hai. gehun, chane, makki, chaval, dalon ki fasal thik rahegi. 8. rohini ka vas: is varsh rohini ka vas samudra hai. arthat rohini ka vas samudra men hone se adhik varsha hone ke sanket hain. jis karan barh bhi a sakti hai. pradesh sahit varsha ka vivrn 1. pratham bhav: adrra pravesh kundli men pratham bhav men vrish rashi prithvi tatva 50 pratishat jaliya ansh hai. lagnesh jaliya grah shukra, mangal ke sath dvadash bhav men hai. vrish rashi men purn jaliya grah chandra tatha jal yukt budh virajman hai. vrish rashi par jaliya grah guru tatha shushk grah shani tatha rahu ka bhi prabhav hai. parinamasvarup is mas men adhik matra men varsha hone ke yog bante hain. jisse barh ane ka bhi andesha hai. rahu ka prabhav hone se varsha aniyamit rah sakti hai. is bhav men madhya bihar, pashchimi bangal, asam, tripura, bhutan, urisa, meghalay, nagalaind, jablpur, manipur ke kshetron men adhik matra men varsha hogi aur kahin-kahin barh ane ke bhi asar hai. 2. dvitiya bhav: is bhav men ismen mithun rashi vayu 0 pratishat hai. dvitiya bhav men meghesh surya virajman hai aur us par jaliya grah guru ki pancham drishti hai. is bhav men parne vale pradeshon men purvi uttar pradesh, kashi, ilahabad, uttar bihar, sikkam, bhutan ka uttari pashchimi bhag, uttari bangal, madhya pradesh ka purvi bhag, tibbat, purvi nepal kshetron men paryapt matra men achchi aur upyogi varsha hogi. 3. tritiya bhav: is bhav men kark rashi jal tatva 100 pratishat hai. tritiya bhav rahu/ketu ke prabhav men hai aur mangal (agni grah) ki bhi drishti hai. islie is bhav men sthit uttar pradesh ke uttari bhag (kanpur, agra) pashchimi nepal kshetron men anishchit varsha hogi. asamay par hone se faslon ko prabhavit karegi. 4. chaturth bhav: is bhav men sinh rashi agni tatva 0 pratishat jaliya ansh vali hai. chaturth bhav men meghesh ki rashi sinh men shani (yog kark) virajman hai. parantu jaliya grah guru ki purn drishti hai. chandra budh jaliya grah dvara kendriya prabhav men hai. islie is bhav adhin paide pashchimottar uttar pradesh, panjab, himachal pradesh, jammu kashmir aur pakistan ke uttari simant pradesh adi kshetron men paryapt matra men upyogi varsha hogi. varsha samyanukul hogi. 5. pancham bhav: is bhav men kanya rashi prithvi tatva aur 0 pratishat jal tatva ansh vali rashi hai. iska svami budh (jal gun vala) purn jaliya grah chandra ke sath kendra men hai. jis par guru ka kendriya prabhav hai. parantu is rashi men rahu ki bhi drishti hai. islie is bhav adhin paide dakshini panjab, uttari rajasthan, hariyana men paryapt matra men kam varsha hogi. 6. shashtam bhav: is bhav men tula rashi vayu tatva vali 25 pratishat jaliya ansh vali rashi hai. is par lagnesh jaliya grah shukra tatha agni tatva grah mangal aur guru ki purn drishti hai. yogkarak grah shani ki bhi drishti hai. islie is bhav adhin bikaner, rajasthan ke madhya panjab ka pashchimi bhag dilli adi kshetron men upyogi samyanukul paryapt varsha hogi. 7. saptam bhav: is bhav men vrishchik rashi jal tatva 50 pratishat hai. jis par jaliya grah chandra, jal gun vale grah budh ki drishti hai. islie is bhavadhin paide ajmer, jodhpur, udypur, ahmdabad, rajkot adi kshetron men paryapt varsha hogi. 8. ashtam bhav: is bhav men dhanu rashi 25 pratishat evan agni tatva rashi hai. jis par meghesh surya ki drishti hai. islie is bhav adhin paide surat, indaur, bhopal, madhya pradesh ke madhya bhagon men paryapt matra men samyanukul varsha hogi. 9. navam bhav: is bhav men makar rashi (prithvi tatva vali purn jaliya rashi makar hain 100 pratisht) hai, jis par rahu ketu ka prabhav hai. islie ek bhav adhin paide kshetra jaise dakshini pashchimi madhya pradesh, pashchimottar maharashtra, munbai adi kshetron men varsha ka kram avyavasthit hoga tatha kahin barh aur kahin sukhe ki sthiti banegi. 10. dasham bhav: is bhav men 50 pratishat vayu tatva vali rashi kunbh hai. jismen guru jaliya grah virajman hain. is par yog karak shani ki drishti hai. islie is bhav adhin paide kshetra jaise maisur ke dakshini purvi bhag, madras, keral adi kshetron men varsha samanya aur samyanukul hogi. 11. ekadash bhav: is bhav men 100 pratishat jal tatva vali min rashi hai. jis par sthit jal rashi kark men ketu ki drishti hai. is bhav ke adhin parne vale madras ke purvi dakshini bhag, andhra pradesh ka dakshini hissa, maisur ka pashchimi bhag adi kshetron men varsha ka kram avyavasthit rahega. kahin barh kahin sukhe ki sanbhavna bani rahegi. 12. dvadash bhav: is bhav men 25 pratishat jaliya ansh evan agni rashi mesh hai. ismen agni grah mangal sath men lagnesh jaliya grah shukra virajman hai. islie is bhav adhin parne vale kshetra vijyvara, urisa ka pashchimi bhag, andman nikobabar, bangal ki khari adi kshetron mane paryapt matra men achchi varsha rahegi.
Kya aapko lekh pasand aaya? Subscribe
Kya aapko lekh pasand aaya? Subscribe


  April 2009

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.