सम्पूर्ण कालसर्प यंत्र से अनुकूलता की प्राप्ति

sampurn kalasarp yantra se anukulta ki prapti  

Ank ke aur Lekh | Sambandhit Lekh | Views : 3722 |  
sanpurn kalasarp yantra se anukulta ki prapti pan. ramesh chandra shastri janm ke samay surya grahan, chandra grahan jaise doshon ke hone se jo prabhav jatak par hota hai, vahi prabhav kalasarp yog hone par hota hai. kundli men kalasarp hone se jatak ki apekshit pragti men archnen ati hain. aisa jatak sharirik, arthik evan mansik drishti se pareshan hota hai. puranon men shesh nag sahit anek nagon ki puja ka ullekh hai. nag jati ki ayu kai hajar varshon ki hoti hai. kuch nag ichchadhari bhi paye jate hain. kalasarp yog ke parihar ke lie anek upay batlae gaye hain. yadi kalasarp yog ka jatak iska samuchit upay kare, to vah avashya hi apne lakshya ko prapt karne men safal hota hai. upay: kalasarp yog men sarp ko devta man kar nagon ki puja-upasna ki jati hai. panchakshar mantra adi ke jap sarthak siddh hote hain, kyonki nag jati ke guru shiv hain. is karan shiv aradhna bhi ki jati hai. iski nivritti ke lie iski shanti nasik, tryanbkeshvar, prayag, kashi adi shiv sanbandhi samast tirthon men ki jati hai. yadi sanbhav ho, to kalasarp ki shanti ke lie surya evan chandra grahan ke din rudrabhishek karvana chahie. adhik shanti pane ke lie chandi ke nag-nagin ke jore ki puja adi kar ke use shuddh nadi men pravahit karne se bhi kalasarp ki shanti hoti hai. ganesh evan sarasvati ki upasna bhi labhkari mani jati hai. iski shanti kisi suyogya karmakandi brahman se karva sakte hain. kal sarp yog ke samast upayon men nag-nagin ko hi shreshth man kar puja ki jati hai. iski shanati chahe jab ki jae, parantu shanti karne ke samay kalasarp yantra ko hi adhar man kar nagon ki pujadi karna shreshth hai, kyonki is yantra ke prabhav se sanpurn jatak ko santushti evan labh milta hai, is karan iski mahatta adhik hai. kalasarp ke jatak ko rahu-ketu ki dasha-antardasha, evan gochar men svarashi par unke gochar ke dauran shanti adi se adhik labh milta hai. rahu-ketu tamoguni, vishaile evan rakshasi pravritti ke hone par bhi urja ke srot mane gae hain tatha navin taknik se jure videshi vyapar se bhi inka sanbandh hai. atah inki upasna jivan ko safal evan sabal banati hai. yadi koi jatak kalasarp yantra ko apne ghar men, vyavsayik sthal par, athva apne aspas kahin bhi sthapit kare, to jatak ko pushti milti hai tatha vah mansik, sharirik evan arthik vikas ki or agrasar hone lagta hai. yah yog kal ki tarah dirghakalik hai, jis karan, anya upayon ki apeksha, sanpurn kalasarp yog yantra sthapit karna adhik uchit evan labhkari hai. is yantra men anya kai yantron ko samahit kiya gaya hai, jo, rahu-ketu ki samast nakaratmak sthitiyon ko parivartit kar ke, sakaratmak parinam pradan karte hain. ek or anek prakar ke dan-tap, yagya, pujadi karte samay vighnon evan trutiyon ka bhay bana hota hai, to dusri or ve kharchile bhi hote hanai. aisi sthiti men is yantra ko sthapit karna ek prakar se samuchit vikalp mana gaya hai. shastron men kaha gaya hai: bhavo hi vidyate devastasmadbhavo hi karanam.. arthat, ishvar bhavna men hai. is adhar par prastut yantra ko shuddh bhavna se sthapit matra karne se anokha labh hota hai. bina kisi vastu ke, bina kisi mantra evan mala ke, matra shuddh bhavna se mansopchar puja evan jap karna hi samast vishva ka sarvottam yagya hai. atah yadi koi yah soche ki yantra ko ghar men sthapit karne se anek niyam-sanyam palan karne honge, to yah uska mithya bhram hai. atah is yantra ko koi bhi jatak sthapit kar ke labhanvit ho sakta hai. kalasarp yantra ki sthapna ke pashchat yadi jatak kisi mantra ka jap karna chahe, to nimn mantron men se kisi bhi mantra ka jap-path adi kar sakta hai. shiv panchakshar mantra: ˙ namah shivay. laghu mrityunjay mantra: ˙ haun jun sah. rahu mantra: ˙ bhran bhrin bhraun sah rahve namah. ketu mantra: ˙ sran srin sraun sah ketve namah. nav nag stuti: anantan vasukin sheshan padm nabhan ch kambalan. shankhpalan dhritrashtran takshakan kaliyan tatha.. etani nav namani naganan ch mahatmanan. sayan kale pathennityan pratah kale visheshtah.. tasya vishbhyan nasti sarvatra vijyi bhavet.. yantra sthapna vidhi: vaidik, tantrik, mansik, vachik, kayik, chal, achal kisi bhi paddhati dvara ise pratishthit kiya ja sakta hai. svayan ke dharmanusar jatak svatah athva karmakandi se ise sthapit karva sakta hai. kisi bhi mah shukla paksh, som, budh, guru, shukra, varon men sthapit kar ke, shraddha evan shuddh bhavna se yantra ke sammukh kisi bhi mantra ka jap-path, athva matra nitya sarson ke tel ka dipak jalane se bhi labh hota hai. yantra ashuddh ho jae, tut jae, athva chori ho jae to shanti path karna chahie athva gayatri mantra ka jap karna chahie. dipavli, dashhra, navratri, shivratri, surya grahan evan chandra grahan men yantra ko yathashakti pujnadi karne se adhik labh hota
Kya aapko lekh pasand aaya? Subscribe

Kya aapko lekh pasand aaya? Subscribe


kal sarp visheshank  April 2009

kalasarp yog visheshank men kalasarp yog ke sabhi pahluon par prakash dala gaya hai. is visheshank men kalasarp yog kya hai, karyasarp nivaran ke vibhinn upay, kalasarp yog se prabhavit vishisht kundliyon ka vishleshan tatha kalasarp yog kise sarvadhik prabhavit karta hai. adi vishyon ka vishleshan kiya gaya hai.

Subscribe

Apne vichar vyakt karein

blog comments powered by Disqus
.