अग्नि तत्व राशि चतुर्थ भाव में सूर्य का फल

agni tatva rashi chaturth bhav men surya ka fal  

Ank ke aur Lekh | Sambandhit Lekh | Views : 6732 |  
agni tatva rashi chaturth bhav men surya ka fal acharya kishor chaturth bhav se sadharntah ghar, mata, vidya, vahan, sukh evan bhugarbh adi ka vichar kiya jata hai. kuch logon ke anusar chaturth bhav se purush jatak ki mata aur stri jatak ke pita ke bare men vichar kiya jana chahie. kal purush ki kundli men chaturth bhav se hriday ka vichar kiya jata hai. parantu pashchatya paddhati men sinh rashi ko kal purush ka hriday mana jata hai. pashchatya vidvan kark rashi ko udar aur hriday ki dharakan mante hain. is prakar pashchatya log pancham bhav se hriday aur chaturth bhav se udar ka vichar karte hain. atah pathkon ko apne gyan ke anusar vichar karna chahie. kuch shastron men dvitiya, chaturth aur pancham bhav se vidya ka vichar kiya jata hai. vidya se tatparya skul kalej men milne vali shiksha se hai. pariksha men uchch sthan prapt karne ke bavjud bahut se chatra men sahi gyan ka abhav rahta hai. vidya ke lie kundli men chaturth arthat pandit ke bhav (budh, shukra, brihaspati) ka balvan hona avashyak hai. balvan chaturth bhav ka prabhav vishesh rup se dekha gaya hai. parantu bahut se shastron ke anusar chaturth ke sath-sath pancham bhav se buddhi ka vishleshan karna chahie. isilie buddhi arthat mastishk ke bal, smaran shakti ityadi ka vichar chaturth evan pancham donon bhavon se kiya jata hai. chaturth bhav kendra ka sthan hai. kanedra men sabse pahle dasham, fir saptam, uske bad chaturth aur fir lagn ko mana gaya hai. lagn ko aur trikon bhi kaha gaya hai. svabhav evan charitra adi ka vichar lagn kendra se kiya jata hai. uske bad chaturth, saptam, dasham ko balvan kendra kaha gaya hai. yadi surya chaturth bhav men mesh rashi men ho to jatak achche ghar, vishal bhu-sanpÿia, vahan adi ka svami hota hai. vah adanbarapriya hota hai aur use apne vansh tatha maryada par ghamand hota hai. vah apne parivar tatha samaj men neta ki tarah rahta hai. apne parivar ya samaj men koi apriya ghatna use bardasht nahin hoti. surya, chandra aur mangal ka yadi sanbandh ho to jatak men garva ki bhavna rahti hai. use raja ya sarkar se satat labh prapt hota rahta hai. shubh grah ka sanbandh hone se sukh (vastavik sukh, uÿam vidya ka labh) milta hai. use dusranen se apni tarif sunna achcha lagta hai. use uchch pad par asin logon se madad milti hai. yadi surya balhin ho, to in sab ki hani hoti hai. yadi shani ya rahu ka sanbandh surya, chandra ya mangal se ho to jatak kanjus aur nishthur hota hai. is yog ke falasvarup jivan ki kisi vishesh avastha men uske kisi vivad ya vipÿia men fansne ki sanbhavna rahti hai. iske sath-sath sharirik evan mansik shakti ki kami ho sakti hai. jatak ki kshamata surya ke bal par nirbhar karti hai. yadi surya kamjor ho to jatak men ichchashakti ki kami hoti hai aur use jivan men bar-bar dukh aur apman ka samna karna parta hai. yadi surya durbal ho ya pap drishti men ho, to jatak ko svayan hriday rog aur uske pita ko kasht ki sanbhavna rahti hai. sath hi use mata ka paryapt sukh nahin mil pata. yadi mesh rashi men uchch ka surya chaturth bhav men ho, to jatak ghamandi, ahankari pratapi evan karyakushal hota ho aur videsh pravas karta hai ya apni anya ko chor deta hai. uske mata-pita ka jivan vishesh sukhamay nahin hota aur antim avastha achchi nahin bitti. surya ke makar lagn men chaturth bhav men agni tatva rashi men hone se jatak ke gupt ang ya maladvar men pira hoti hai. surya ka mangal ke sath sanbandh hone se shakti milti hai. yadi surya ka guru ya kisi anya shubh grah se sanbandh ho, to jatak khel aur vyayam men daksh hota hai. yadi surya ka shani ya rahu ke sath sanbandh ho to use dukhon ka samna karna parta hai. kundli san. 1 ek ai. si. esadhikari ki kundli hai. makar lagn ki is kundli men lagn men mangal uchchasth hai. chaturth bhav men uchchasth surya aur prakritik shubh grah budh evan shukra par mangal evan guru ki drishti hai. janmakundli men svanvansh men uchchasth surya, navansh kundli men uchch ke guru aur lagn kundli men panchmesh dashmesh shukra bhagyesh budh ke sath brihat rajyog bana rahe hain. parantu yahan shukra ast aur navansh kundli men shatru surya ke ghar men hone ke karan pirit hai. lagn kundli men surya par uchchasth mangal evan guru ki drishti ne jatak ko bhagyavan banaya. is yog ke falasvarup jatak ko uchch pad tatha lokapriyata ki prapti hui aur unhonne vansh ki maryada ko banae rakha. uchchasth surya ke chaturth bhav men hone ke karan khel men unki gahri abhiruchi thi aur vah chahte to is kshetra men bhi nam kama sakte the. parantu khel vidya ke kaushal men kami islie hui kyonki shukra ast hai. chaturth bhav men baithakar dasham bhav par tin grahon ki drishti se jatak ko uchch pad mila. us pad par rahakar unhen apar lokapriyata mili. unhen uchch pad chandra ki dasha men prapt hua. jivan antim dinon men mutra rog se pirit hokar rahu ki mahadsha men unhonne pran tyag die. kundli san. 2 bhutpurva kendriya mantrai ar kumar mangalam ki hai. is kanudli men agni tatva rashi mesh men chaturth bhav men surya ke sath budh, shukra aur guru par mangal ki drishti hai. chaturth bhav ka svami mangal dasham kanedra sthan men vakra hokar balvan hai. navansh men mangal uchch ka hai. lagnesh shani aur ashtamesh surya ek dusre se shadashtak yog men sthit hain. islie jatak ko purn ayu nahin mili. unke pita bhi bharat sarkar men uchch pad par asin the. ek durghatana men pita ki mrityu ke bad vah bharat sarkar men kendriya mantri bane kyonki dashmesh shukra evan navmesh budh ne chaturth bhav men uchchasth ashtamesh surya ke sath rajyog ko bhang kiya. sukh bhav ke svami mangal ne dasham bhav men balvan hokar jatak ko uchch pad dilaya. tatparya yah hai ki akarak grah surya ka agni tatva rashi men balvan hona aur akarak grah mangal ki drishti parna ye donon yog jatak ko atyant shighra upar uthate hain. kintu jatak ka ant jaldi ho gaya kyonki dasham bhav ka svami shukra ast evan navansh men nichasth hai. kundli san. 3 ke jatak ke janm ke samay guru ki mahadsha 10 varsh 2 mas 0 din shesh thi. vartaman samay men budh ki mahadsha aur shani ki antardasha julai 2009 tak chalegi. kundli men agni tatva surya agni tatva rashi chaturth bhav men aur purn chandra surya ke samne dasham kendra men sthit hai. is kundli men sabse mahatvapurn bat yah hai ki char rashi ka lagn hai aur charon kendra men char grah sthit hai. ashtamesh surya ka balvan hona jitna achcha hai utna kharab bhi hona chahie parantu yahan islie kharab nahin hua kyonki surya prakritik shubh grahon guru, shukra aur budh ke madhya shubh kartari men shubh fal de raha hai. islie jatak ek garib parivar men janm lene ke bavjud saflta ki unchai tak pahuncha. itni kam umra men mukhya abhiyanta banna asan nahin hota. pancham trikon sthan men navmesh vakri brihaspati aur dashmesh uchchasth shukra ek dusre se tritiya ekadash men baithe hain aur lagnesh shani ki dashmesh shukra par drishti hai. brihaspati ki apne uchch sthan aur mangal par drishti hai jiske falasvarup jatak ko uchch pad prapt hua. charon kendron ka labh jatak ko islie mil raha hai kyonki pap grah surya par chandra ki drishti hai aur surya shubh kartari men hai. navansh men chandra ke uchch ka hone ke karan jatak ko lagatar tarakki mili. chandra lagn, surya lagn, aur lagn se kendra men grah arthat har taraf se grah shubh fal de rahe hain. uchchasth ketu ki drishti ne surya ko adhik bal diya. chandrama par uchch ke rahu evan shani ki drishti hai. dampatya jivan kuch kashtamay raha kyaneki saptam bhav men nichasth mangal par shani ki drishti hai parantu nich bhang hua hai. tatparya yah hai ki ashtamesh hone ke bavjud yadi surya balvan hokar shubh grahon ke prabhav men ho to jatak ko shubh fal hi milta hai. surya bharni nakshatra men hai jiska svami shukra panchmesh aur dashmesh hokar uchch sthan men virajman hai islie jatak ko aur adhik bal mila. tatparya yah ki chaturth bhav ka surya kyonki sukh bhav men balvan hai islie jatak ko atyadhik shubh fal ki prapti hui. kundli san. 4 ek strai jatak ki hai. ismen surya sinh rashi men chaturth bhav men svagrihi hokar sthit hai. surya yadi sukh bhav men ho to jatak neta, pratapi tatha mahatvakankshi hota hai. sinh ke sthir rashi hone ke karan jatak dhimi gati se karya karne vala hota hai. uska vyaktitva vishal hota hai aur use pita, bhumi, vahan adi ka paryapt sukh milta hai. surya ke brihaspati ya budh ke sath sanbandh ho to jatak uchch shiksha prapt karta hai, kintu surya ke sath shukra ka sanbandh ho to vah vilasapriya hota hai. sinh rashi men surya ke chaturth bhav men ho to lagn vrish hota hai. aise men yadi surya ka sanbandh navam dasham shani se ho to dhan aur uchch pad ki prapti ho sakti hai parantu yah dhan ya uchch pad pap karm se prapt hota hai. jatak ke mata-pita ka svasthya thik nahin rahta. sinh rashi ke sthir rashi hone ke karan vah ek hi sthan par karya karne vala hota hai. kintu apne kshetra men apni pratibha ka sabut deta hai. use sharirik kasht ka samna to karna parta hai kintu bahut kam samay ke lie. uska jivan anandamay bitta hai, yadyapi mansik shanti nahin milti kyonki shani aur surya donon prakritik pap grah hone ke sath-sath shatru bhi hain. parantu is lagn ke lie surya chaturth kendra ka aur shani navam dasham trikon ka svami hai is kundli men agni tatva sinh rashi men surya ke sath shani bhagyesh aur karmesh hai jo kendra trikon ka svami hokar chaturth bhav men ast hai. islie vartaman samay men kark rashi men dvitiyesh panchmesh budh ke sath sthit uchch ke guru ne apni hi mahadsha men parmochch hokar uchch shiksha aur mata-pita ka paryapt sukh to diya kintu vaivahik jivan ko kashtamay banae rakha kyonki jatka kalasarp yog se pirit hai. saptamesh mangal ke pancham bhav men rahu evan nichasth shukra ke sath hone ke karan prem vivah hua, parantu safal nahin raha. chaturth bhav men surya ki mul trikon rashi hone ke bavjud navansh men bhi surya balvan hai aur shadabal men use purn bal mil raha hai. islie jatka ko janm se hi sundar bhavan, vahan adi ka sukh mila. navansh kundli ke dasham bhav men rahu ne apni dasha men uchch pad dilaya. varsh 2003 tak rahu ki mahadsha men jatka shiksha puri kar dusron ko salah dene ka karya karti rahi kyonki pancham bhav balvan hai. kahne ka tatparya yah hai ki yadi chaturth kendra men pap grah hota hai to jatak ko paryapt sukh-samriddhi ki prapti to hoti hai parantu pap karmon se. is kundli men chaturth bhav par koi shubh drishti nahin hai. jatka ek injiniyar hai, em. bi. e hai aur vakalat ki parhai bhi ki hai fir bhi chaturth bhav ke papi grah balvan hai. kundli san. 5 men surya agni tatva rashi sinh men chaturth bhav men guru ki drishti men balvan hokar sthit hai kintu jatak ke jivan men surya ki dasha nahin ai. janm chandra ki dasha men hua. janm ke samay chandra ki dasha 1 varsh 11 mahina 25 din baki thi. shani ki mahadsha men shani ki antardasha 12.9.2008 tak rahi. koi bhi grah apni dasha-anrtadasha men fal nahin deta. islie shani-shani men shubh fal nahin mila. vartaman samay men shani ki mahadsha men budh ki antardasha chal rahi hai aur shani gochar men chandra se ashtam men hone ke karan sitanbar 2009 tak shubh fal dene men asamarth hai kyonki chaturth bhav men surya par gocharasth shani ki ashubh drishti hai. navansh kundli men surya saptam bhav men rahu ke sath vrishchik rashi men aur shani navansh men nich rashi men hai. is kundli men surya, budh, shukra aur shani apne bhav men aur guru chaturth bhav men vakra hokar sthit hain. jatak ko abhi tak shubh fal n milne ka karan shani ki mahadsha hai jo bhagya aur karm ka svami hai aur bhagya sthan men sthit hai. shani men budh ki dasha ane par bhi shani gochar men rashi se ashtam bhav men chal raha hai. chaturth bhav men prakritik pap grah surya apni mul trikon rashi men chandra se ashtam men asthit hai islie jatak sukh se vanchit hai. sirf chaturth bhav men surya ka hona kafi nahin hai. surya par guru ki drishti hai. gochar men guru jab kunbh rashi men aega aur jab chaturth bhav par uski drishti hogi tabhi chaturth bhav ka fal jatak ko milega. prashn hai ki grah ke itne balvan hone par bhi shubh fal kyon nahin mila. yahan yah spasht kar dena uchit hai ki samay se pahle kuch nahin hota. varsh 2010 se age ka samay mahatvapurn sabit hoga. jatak ko 2010 men gochar men shani ke ashtam se age jane ke bad nilam dharan karna chahie kyonki navansh men shani nichasth hai. kundli san. 6 men surya dhanu rashi men chaturth bhav men sthit hai. aisi kundli ka jatak apni maryada par adhik dhyan deta hai, parantu use apekshit maryada nahin mil pati. dvadash bhav ka svami chaturth sukh sthan men purn rup se sukh nahin de sakta kyonki surya yahan akarak hai. islie surya ki is sthiti se prabhavit jatak dan, dharm, vidya adi ke prati kunthit hote hain. yadi surya par kisi shubh grah ka prabhav ho tabhi uttam fal mil sakta hai. chaturth bhav mata-pita ka bhav hai. parantu dvadash bhav ka svami surya jatak ko mata-pita se dur rakhta hai. mata-pita se uske vichar to nahin milte, kintu jamin jaydad ka labh avashya milta hai. jivan ki antim avastha men jatak ka adhyatm ki or jhukav ho jata hai, kyonki dhanu rashi guru ki rashi hai. is jatak par janm ke samay shani ki dasha chal rahi thi jiska samay 12 varsh 1 mahina 15 din baki thi. vartaman samay men chandra ki mahadsha chal rahi hai. kudan li m ne dvadash bhav ka svami saryu dhanu rashi men hai jis par dhanu rashi ke svami guru ki drishti ke sath-sath pap grah rahu ki drishti bhi hai. jatak baink mainejar the parantu ab padachyut ho chuke hain kyonki dasham bhav ka svami budh aur navam bhav ka svami shukra pancham trikon bhav men pap kartari men pirit hain, kintu bhagyesh shukra aur panchmesh shani ke parivartan yog ke karan adalat men kes karne ke bad unhen saflta mili, faisla unke hak men hua. dhan ka labh to mila, parantu pad nahin mila. guru ki drishti aur surya ke sukhesh hone ke karan mata-pita se ghar mila. kintu surya ki dasha men 1999 se 2005 tak adalat se jitne ke bavjud janta ke samne apratishthit hona para. shashth bhav men ketu par shani ki drishti ke karan jatak ke shatruon ki sankhya men vriddhi hui aur ashtam bhav v surya par rahu ki drishti hone ke karan janta se rishvat li, pakre gae aur naukri chali gai. fir bhi jatak ko kisi chij ki kami nahin thi. tatparya yah hai ki yadi dvadash bhav ke svami par akarak guru ki drishti nahin rahti tatha shukra aur shani ka parivartan yog nahin hota to jatak ko dukh milta. yadi sukh bhav men surya balvan nahin hota to us sthiti men bhi dukh hi milta. janta se beijjat hone ke bad bhi paryapt dhan hone ke karan jatak dukhi nahin hai. agni tatva grah agni tatva rashi men jatak ko galat rah par le gaya kintu guru ki drishti ke karan shatru kuch nahin bigar pae. saptam se saptam dasham bhav ko surya mangal ki drishti hai. islie viprit fal ko shubh men parivartit kar diya. purush jatak aur stri jatak men atyadhik antar hai. ek grihni hone ke karan pati ka e bhagya labh mila.
Kya aapko lekh pasand aaya? Subscribe

Kya aapko lekh pasand aaya? Subscribe


kal sarp visheshank  April 2009

kalasarp yog visheshank men kalasarp yog ke sabhi pahluon par prakash dala gaya hai. is visheshank men kalasarp yog kya hai, karyasarp nivaran ke vibhinn upay, kalasarp yog se prabhavit vishisht kundliyon ka vishleshan tatha kalasarp yog kise sarvadhik prabhavit karta hai. adi vishyon ka vishleshan kiya gaya hai.

Subscribe

Apne vichar vyakt karein

blog comments powered by Disqus
.