कब बनता है कालसर्प योग?

kab banta hai kalasarp yog?  

Ank ke aur Lekh | Sambandhit Lekh | Views : 3542 |  
kab banta hai kalasarp yog? dae. bhagvan sahay shrivastav janm kundli men sabhi grah jab rahu aur ketu ke bich men a jate hain to is grah sthiti ko kalasarp yog kahte hain. rahu ko sarp ka munh tatha ketu ko uski punch kahte hain. kal ka arth mrityu hai. yadi anya grah yog balvan n hon, to kalasarp yog se prabhavit jatak ki mrityu shighra ho jati hai ya fir jivit rahne ki avastha men use mrityutulya kasht hota hai. iske atirikt yah yog apyshkarak evan santannashak hota hai. yah dosh nahin yog hai kalasarp yog ke bare men vartaman men anek manyataen hain. kya keval sabhi grahon ke rahu aur ketu ke madhya ane se hi yah yog banta hai? ya kisi ek grah ke bahar rahne par bhi banta hai? ketu bhraman ki disha men rahu aur ketu ke madhya sabhi grahon ke ane par kalasarp yog adhik dushprabhavi hota hai. iske falasvarup jatak ke jivan men atmanirbharata aur sthirta ki kami rahti hai aur use jivanaparyant sankton ka samna karna parta hai. yah avashyak nahin ki kalasarp yog hamesha ashubh hi ho. kalasarp yog yukt kundli vale anekanek jatak saflta ke shirsh par pahunche hain. sarp ka sanbandh: bhartiya sanskriti men sarp ko mahatvapurn sthan prapt hai. katha hai ki ek bar maharshi sushrut ne bhagvan dhanvantari se pucha-‘bhagvn! sarpon ki sankhya aur unke bhed bataen.’ vaidyapravar dhanvantari ne kaha vasuki jinmen shreshth hai, aise takshakadi sarp asankhya hain. ye sarp antriksh evan patal lok ke vasi hain, parantu prithvi par pae jane vale namdhari sarp assi prakar ke hain. bhartiya vanghmay men sarpon ki puja ka ullekh hai. hindu manyataon ke anusar sarp ko marna uchit nahin hai. inhin manyataon ke anusar yatra-tatra unke mandir banae jate hain. jyotish men nagpanchmi ke din aur bhadrakrishn ashtami tatha bhadrashukla navmi ko sarpon ki vishesh puja ka vidhan hai. puranon men sheshnag ka ullekh hai jis par vishnu bhagvan shayan karte hain. sarpon ko dev yoni ka prani mana jata hai. nae bhavan ke nirman ke samay ninv men sarp ki puja kar chandi ka sarp sthapit kiya jata hai. ved ke anek mantra sarp se sanbandhit hain. shaunak rishi ke anusar jis manushya ki dhan par atyadhik asakti hoti hai, vah mrityu ke bad nag banakar us dhan par ja baithta hai. sarp kul ke nag shreshth hote hain. nag hatya ka pap janma-janmantar tak picha nahin chorta. nagavadh ka shap santan sukh men badhak hota hai. shap se mukti ke lie nag ka vidhivat pujan karke uska dahan kiya jata hai tatha uski bhasm ke tulya svarn ka dan kiya jata hai. shastron men sarp ko kal ka paryay bhi kaha gaya hai. manushya ka jivan aur maran kal ke adhin hai. kal sarvatha gatishil hai, yah kabhi kisi ke lie nahin rukta. kal praniyon ko mrityu ke pas le jata hai aur sarp bhi. kalasarp yog sanbhvtah samay ki gati se jura hua aisa hi yog hai jo manushya ko pareshan karta hai tatha uske jivan ko sangharshamay bana deta hai. rahu aur ketu ka sanbandh: pauranik mat ke anusar rahu namak rakshas mastak kat kar gir jane par bhi jivit hai aur ketu usi rakshas ka dhar hai. rahu aur ketu ek hi sharir ke do ang hain jo surya aur chandra ko grahan ke samay gras kar srishti men bhay failate hain. vikram ki 16vin shatabdi men mansagar namak ek vidvan hue jinhonne falit jyotish ke purvacharyon ke shlonko ko sanklit kar ‘man sagri’ namak sundar granth ki rachna ki. unhonne granth ke adhyay 4, shlok 10 men arisht yogon par charcha karte hue likha hai- lagnochch saptam sthane shani-rahu sanyutau. sarpen badha tasyokta shayyayan svapitopi ch.. arthat saptam sthan men shani, surya v rahu ki yuti ho, to palang (shayya) par sote hue vyakti ko bhi sanp kat jata hai. falit jyotish par nirantar adhyayan anusandhan karne vale acharyon ne dekha ki sarp ke mukh aur puchch arthat rahu aur ketu ke madhya anya sare grah sthit hon, to jatak ka jivan kashtamay rahta hai. kalasarp se jure kuch mahatvapurn tathya kendra traygtai: saumye papairva dal sangyakau. kamanya bhujangaravyau shubhashubh fal pradau. brihatparashar ke anusar sarp yog men janm lene vala vyakti kutil, krur, nirdhan, dukhi, din evan parabhakshi hota hai. vishyaah krura niahsvanityan dukhardita sudi nashch. parabhakshapan nirtaah sarvaprabhva bhavanti naraah.. maharshi badrayan, bhagvan garg, manitth adi ne bhi jalyog ke andar sarpayog ka ullekh kiya hai. brihajjatak namsanyog adhyay 12 prishth 148 ke anusar is yog ka ullekh varahmihir ne bhi apne granthon men kiya hai. age chalakar isa ki athvin shatabdi men acharyon ne sarp yog ki paribhasha men sanshodhan kiya. unhonne divya ganrath ‘saravli’ men spasht kiya ki prayah sarp ki sthiti purn vritt n hokar vakra hi rahti hai. atah tin kanedron tak men hi simit sarpayog ki vyakhya uchit pratit nahin hoti. unka manna tha ki charon kendra, kriya kanedra v trikonon se veshtit pap grah ki upasthiti bhi sarp yog ki pushti karti hai. ek pashchatya vidvan ne rahu aur ketu namak anglaganrath ke adhyay 13 prishth 114 par kalasarpayog ki navin vyakhya prastut ki hai. kuch anya vishesh gyatavya tathyah û kalasarp yog ke nirman men yurenas, nepchyun v pluto ka koi sthan nahin hai. û kai bar aisa hota hai ki rahu aur ketu ke madhya saton grah n akar ek ya ek se adhik grah unke ghere se bahar rahte hain. aise men us kundli par kalasarp yog ki chaya barkrar rahti hai, islie ise anshik kalasarp yog kahte hain. is yog ki shanti bhi anivarya hai. rahu ke sath mangal, budh, guru, shukra ya shani ki yuti anisht faldayi hoti hai. is yuti se grast kundli ashubh v shapit mani jati hai. chandra aur ketu ya rahu tatha surya aur ketu ke yutisanbandh kalasarp yog ki tivrata ko pusht karta hai tatha piradayi hote hain. vrish, mithun, kanya aur tula in lagnon ki kundliyon men kalasarp yog ho, to apekshakrit adhik piradayi hota hai. rahu ke ashtam men surya ho to anshik kalasarp yog banta hai. isi prakar chandra se rahu ya ketu ashtam sthan men hon, to anshik kalasarp yog banta hai. rahu kundli ke bhav 6, 8 ya 12 men ho, to anshik kalasarpayog banta hai. yadi kundli men kalasarp yog ho tatha shubh grah rahu se pirit hon athva rahu svayan pap grahon se pirit ho, to jatak ko rahu ki mahadsha men kashton ka samna karna parta hai. rahu mithun ya kanya ka ho, to jatak andha hota hai. yadi kalasarp yog mithun ya kanya rashi men rahu dvara grasit ho raha ho to adhik pira deta hai. kalasarp yog men janme vyakti ko rahu ya ketu ki dasha, antardasha athva gochar men rahu ka bhav 6, 8, ya 12 men bhraman vishesh kasht deta hai. sarpavadh ke karan jatak ko asadhya v jatil rog hote hain. isse mukti ke lie nagbli ka vidhan bataya gaya hai. rog ke lakshan v prabhav: kalasarp yog men janme vyakti ko prayah bure svapn ate hain, jinmen aksar sanp dikhai parte hain. iske atirikt sapne men vah khud ko ya dusron ko sanp ko marte aur tukre karte dekhta hai. use nadi, talab, kuen aur samudra ka pani dikhai deta hai. iske atirikt use makan, peron se fal adi girte dikhai dete hain. vah khud ko pani men girta aur usse bahar niklne ka prayas karta dekhta hai. vah khud ko ya anya logon ko jhagrte dekhta hai. sath hi use vidhva striyan dikhai deti hain. vah yadi santanhin ho, to use kisi stri ki god men mrit balak dikhai deta hai. use nind men sharir par sanp rengta mahsus hota hai jabki vastav men aisa kuch nahin hota. chote bachche bure svapn ke karan bistar gila kar dete hain. ye sabhi ashubh svapn kalasarp yog ke prabhavavash ate hain. kalasarp yog ke pratyaksh prabhav santan sukh men badha, vaivahik jivan men kalah, dhan prapti men badha evan mansik tanav v ashanti ke rup men prakat hote hain. kalasarp yog jatak ke jivan se juri anya baton ke alava purva janm ke papon ko bhi darshata hai. is drishti se ek shapit kundli evan kalasarp yog ki kundli men samanta pai jati hai. janmang ke kisi bhav men rahu ke sath kisi anya grah ke hone par vah shapit hota hai. brihatparashar horashastra men 14 prakar ke shap batae gae hain jinmen sarpashap, matulshap, pitrishap, sahodar shap, brahmanashap, patnishap aur pretshap pramukh hain. bhrigusanhita men maharshi bhrigu ne bhi shapon ka ullekh kiya hai. in shapon se grast logon ki unnati nahin hoti aur unhen unke karm ka vanchit fal nahin milta. kisi kundli ke shapit hone men kal sarp yog ki bhumika aham hoti hai. jis prakar grahnon ka prabhav dharti ke sabhi jivon par parta hai, usi prakar kalasarp yog ka prabhav bhi usse prabhavit logon par parta hai. yadi janm kundli men kal sarpayog ho, to jatak ko rahu ki mahadsha ya antardasha men bure fal bhogne parte hain. gochar bhraman men jab bhi rahu ashubh sthiti men hota hai, tab uske ashubh parinam jatak ko bhogne parte hain. eû yadi janm kundli ke lagn ya saptam bhav men rahu ya ketu ho tatha saptam, navam, dasham, ekadash evan dvadash bhav men anya grah hon to prakashit kalasarp yog hota hai. rahu ya ketu ke dain ya bain or surya, chandra, mangal, budh, guru, shukra, shani grah hon to bhi kalasarp yog banta hai. rahu ka chunbkiya kshetra dakshin aur ketu ka uÿar disha men hai. yadi rahu aur ketu ke bich lagn evan anya grah hane athva sat grahon ki yuti men rahu aur ketu bhi vakra gati men ate hon, to kalasarp yog hota hai. yadi rahu se ashtam bhav men shani ho to kalasarp yog hota hai. yadi janm kundli men chandra se rahu ya ketu ashtam bhav men ho, to kalasarp yog banta hai. yadi rahu ya ketu kanedra (lagn, chaturth, saptam, dashm) ya trikon (lagn, pancham, navm) men ho, to kalasarp yog banta hai. rahu aur ketu ke mukh men jab sabhi grah a jate hain, tab kalasarp yog banta hai. yadi koi grah samrashi men ho aur vah nakshatra ya anshatmak drishti se rahu se dur bhi ho, to is sthiti men bhi kalasarp yog banta hai. kintu kalasarp yog ki kundli men chandra se kendra (pratham, chaturth, saptam, dasham bhav) men guru aur budh se kendra men shani ho, to jatak ko paryapt aishvarya aur dhan ki prapti hoti hai. vah dharmaparayan hota hai aur adhyatm men uski ruchi hoti hai. vah apne shatruon ko bhi sharan deta hai. uski ankhon men ek khas chamak hoti hai, jisse vah kisi ko bhi sahaj men hi akarshit kar leta hai. uski har kamna puri hoti hai, kintu vah sadaiv asantusht rahta hai. parivar ke sadasyon ke pratikul vyavhar ke karan vah dukhi aur pareshan rahta hai. is yog se prabhavit log yadi yogya pandit ke margadarshan men tantra-mantra ki sadhna karen, to doshon se mukti mil sakti hai. kalasarp yog ki kundli men shani aur surya ya shani aur mangal ki yuti ho tatha rahu ya ketu ka shani, mangal ya surya ke sath koi yog banta ho, to jatak ka jivan sangharshon se bhara rahta hai. use vidyarjan, naukri tatha vyavsay men kathinaiyon ka samna karna parta hai. use patni tatha santan ka paryapt sukh nahin mil pata. uske mitra tatha rishtedar uska sath nahin dete. nivarnarth sujhav kalasarp yog ke bure prabhav se bachne ke lie shiv upasna, shiv shakti kavach stotra ka path evan shiv ke mantron ka jap karna chahie. sath hi mahamrityanujay mantra ka jap, rudrabhishek, bhagvan ganpti ki puja evan ganpti stotra, hanuman kavach stotra aur bajrang ban ka path bhi karna chahie.
Kya aapko lekh pasand aaya? Subscribe

Kya aapko lekh pasand aaya? Subscribe


kal sarp visheshank  April 2009

kalasarp yog visheshank men kalasarp yog ke sabhi pahluon par prakash dala gaya hai. is visheshank men kalasarp yog kya hai, karyasarp nivaran ke vibhinn upay, kalasarp yog se prabhavit vishisht kundliyon ka vishleshan tatha kalasarp yog kise sarvadhik prabhavit karta hai. adi vishyon ka vishleshan kiya gaya hai.

Subscribe

Apne vichar vyakt karein

blog comments powered by Disqus
.