कन्याकुमारी के समुद्र तट से

kanyakumari ke samudra tat se  

Ank ke aur Lekh | Sambandhit Lekh | Views : 4565 |  
kanyakumari ke samudra tat se... dae. bhagvan sahay shrivastav dakshin bharat ka kanyakumari dham ek mahan pavan sthal hai. desh ki sabhi nadiyon ki pavitra jal rashiyon ko apne men samahit karne vale samudra tat par avasthit yah sthal logon ke akarshan ka kendra hai. kanyakumari ka nam ate hi bharat ke ek mahan sant ka nam smaran ho ata hai, jinhonne apne desh ki gaurav garima ki pataka samast bhuamandal par fahrate hue use vishva ke dharmaguru ki upadhi se vibhushit karaya. vah sant the vivekanand log shraddha se jinhen svami kahte hain. pauranik prasang: devi parvati ke anek avtar mane gae hain. himalay kanya ke rup men jab ve avtrit huin tab kanyakumari kahlain. parvat tanya ne apne aradhya dev shiv shankar ko prapt karne hetu jis sthan par tapasya ki thi, vahin sthit hai kanyakumari ka prachin pavan mandir jiska ullekh vibhinn pauranik granthon men milta hai. mandir men shodshi devi kumari ki hath û dae. bhagvan sahay shrivastav men jaymal lie pashanyugin pratima sthapit hai. yah bhi ek sanyog hi hai ki desh ke sudur uÿar mane prahri ke rup men sthit kailash parvat par bhagvan shivshankar ka vas hai aur desh ke sudur dakshin men unhin bhagvan maheshvar ki sadh lie kanyakumari dhyan sadhna men lin hain. dakshin aur uÿar ke parthakya ko mitakar desh ko ekatmata aur akhandta ki anubhuti karane vala yah pavan sthal ati prernadayi hai. trivendram se kanyakumari tak ka rasta vastav men svarg jaisa pratit hota hai. raste men hare-bhare ghane jangal hain. sarak ke donon or paharon ki lanbi-lanbi kataren hain. kahin-kahin samatal maidan bhi najar ate hain. sarak dhalan ke rup men hai jis par jagh-jagah lanbe-lanbe pul hain. paharon par hare-bhare vatavaran men nariyal ke lanbe ghane vriksh hain jinke bojh ke karan ye pahar jhuke hue pratit hote hain. halki-halki bunda-bandi men yahan ka vatavaran paryatkon aur bhakton ka man moh leta hai. jab badlon ka ghana samuh surya dev ko apne men chupa leta hai tab vatavaran aur bhi akarshak ho uthta hai. kanyakumari men samudra ke kinare pani men kuch chattanen hain, jinse takrakar samudra ki tivra tufani lahren kuch shithil par jati hain. yah sthan snan ke lie upyukt hai jahan jvar bhate ka adhik khatra nahin hai. iske ek or stimar aur jahaj dur-dur tak tairte najar ate hain aur dusri or pani ke andar ek bari chattan par svami vivekanand ji ka smarak hai. isi chattan par kanyakumari ka vishal mandir sthit hai, jahan kanyakumari ke ek charan par sthir murti virajman hai. isi sthan par ek charan par khari hokar tap karne par bhagvti ko bhagvan shiv se vardan mila tha. yahi vah sthan hai jahan hind mahasagar ka pavitra jal bharat ke antim chor kanyakumari ke charnon ko pakhar raha hai. chattan ke madhya men svami vivekanand ji ka bhavya smarak sthapit hai, jahan unhonne bhartvasiyon ko jine ke lie sangharsh karne ka sandesh diya tha. kamjor ichchashakti ke logon ke lie yahan koi sthan nahin hai. mandir ke madhya svami vivekanand ke smarak par mote aksharon men likha hai - bharat varsh ka punrutthan hoga, sharirik shakti se nahin varan atma ki shakti ke dvara. yah utthan vinash ki dhvaja se nahin varan shanti aur prem ki dhvaja se hoga. chattan par mandir ke charon or lanbi chairi gailri bani hui hai, jahan se dur-dur tak faile hind mahasagar ke nile jal aur usmen tairte jahajon ko dekha ja sakta hai. vartaman yug ki ek mahatvapurn ghatna to kanyakumari ke is pratikatmak mahatva ko aur bhi barha deti hai. devi kanyakumari ke pashchat svami vivekanand dusre divya vyakti hue jinhonne us sthal ko apni sadhna ke lie chuna tha usi sadhna samadhi men unhen apne jivan karya ka bodh hua aur ‘manav seva hi bhagavat puja ka shreshth rup hai’, is sanatan satya ko prasarit karne ki divya prerna lekar vah vahan se chal pare. san 1892 i. ki is ghatna ki smriti men yahan ek bhavya smarak sthapit hai jo rashtra v samaj ki ekatmata tatha samuhik ichchashakti ki anupam abhivyakti hai. yahan ek bara sangrahalay bhi hai, jahan desh-videsh ke mahan vicharkon ki pustakane v sahitya upalabdh hain. hamare desh ki dakshini sima kanyakumari men hi samapt hoti hai. isse age antarrashtriya jal marg aranbh ho jata hai. prabhat vela men ugte surya ki svarnim rashmiyan ise svarnaranjit kar deti hain. yahan akar logon ke man men apne desh, apne dharm aur apni jati ke prati garva ka bhav jagrat hota hai, atmagyan barhta hai aur vishvas tatha sankalp ki bhavna panpne lagti hai aur manushya bhaymukt ho jata hai kyonki is sthan par svami vivekanand ji dvara kahe gae ve shabd aj bhi spasht gunjte pratit hote hain - vir bhogya vasundhra. yah vachan sarvatha satya hai. sarvada kaho abhiah abhiah - main bhaymukt hun, main bhaymukt hun. dusron se bhi kaho, ‘bhay n karo, bhay n karo. bhay hi mrityu hai, bhay hi pap hai, bhay hi nark hai, bhay hi adharm tatha bhay hi vyabhichar hai.’ kaise jaen ? kanyakumari vayu, rel aur sarak tinon margon se desh ke sabhi pramukh bhagon se sanbaddh hai. iska najdiki havai adda 80 kimi dur trivendram men hai jahan se banglor, munbai, kochin, dilli, gova aur chennai ke lie niyamit sidhi havai sevaen hain. tiruanantpuram, dilli aur munbai se rel sevaen upalabdh hain. desh ke uttari bhag ke jammu, dilli jaise shahron se yahan tak ane ke lie suprfast trenon ki suvidha hai. yahan se lagabhag 80 kimi dur tirunelvelli iska ek aur najdiki relve jankshan hai. tiruanantpuram, nagrkoli, tirunelvelli, tiruchendur, tyutikorin, rameshvaram, kortallam, madurai, tekkadi, kodaiknal, palani, utkmand, kochin aur koyanbtur se kanyakumari tak pahunchne ke lie bason ki sevaen bhi upalabdh hain. sthaniya yatayat ke lie turist gariyon aur intrsiti trenon ki vyavastha bhi hai jo use prayah sabhi dakshini shahron se jorti hain.
Kya aapko lekh pasand aaya? Subscribe

Kya aapko lekh pasand aaya? Subscribe


kal sarp visheshank  April 2009

kalasarp yog visheshank men kalasarp yog ke sabhi pahluon par prakash dala gaya hai. is visheshank men kalasarp yog kya hai, karyasarp nivaran ke vibhinn upay, kalasarp yog se prabhavit vishisht kundliyon ka vishleshan tatha kalasarp yog kise sarvadhik prabhavit karta hai. adi vishyon ka vishleshan kiya gaya hai.

Subscribe

Apne vichar vyakt karein

blog comments powered by Disqus
.