ग्रह स्थिति एवं व्यापार

grah sthiti evan vyapar  

Ank ke aur Lekh | Sambandhit Lekh | Views : 522 |  
gochar grah parivartana: is mas men grahon ka rashi parivartan is prakar hoga. surya 17 agast ko pratah 5 baje sinh rashi men pravesh karega. mangal grah 29 agast ko ratri 11 bajakar 50 minat par kanya rashi men pravesh karega tatha 31 agast ko pratah 00 bajakar 42 minat par asta hoga. budh grah 5 agast ko sham ke 4 bajakar 45 minat par kark rashi men pravesh karega tatha 19 agast ko pratah 9 bajakar 50 minat par ast hoga aur 25 agast ko 00 bajakar 10 minat par sinh rashi men pravesh karega. shukra 8 agast ko pratah 2 bajkr 45 minat par kark rashi men pravesh karega. shani 25 agast ko sham ke 5 baje udit hoga. shesh grah guru, rahu, ketu, pluto, nepchyun aur yurenas ki sthiti purvavat hi rahegi. gochar fal vichar: masaranbh vale din arthat 1 agast ko manglvar hai agasta-2006 jun-2006 aur is mas men panch manglvar aenge. ashanti ki suchak hai. yah yog kahi hinsak ghatnaon, upadravon ki or sanket karta hai tatha kahin agnikand jaisi ghatnaon se bhi jan-dhan ki hani karata hai. vahin kahin rajnaitik parivartan jaisi ghatnaen bhi karvata hai. ‘‘yantra mase mahisuno japte panchvasraah. rakten purita prithvi chatra bhangastaksh bhavet..’’ kintu is mas men panch budhvaron ka bhi ana uparyukta sabhi falon men nyunta lata hai. yah yog bauddhik vikas ke karyon men pragti ka suchak hai aur buddhijiviyon ke lie shubhta ka pratik hai ‘‘budhasya panchvarashchejjapte ch nirantaram. prajanan sukhamatyantan subhiksh ch prajayte.’’ sath hi is mas men pachan guruvaron ka ana pashchimi deshon ke lie nesht faldayk hai. falasvarup pashchimi rashtron men yuddha adi ke bhay se log pirit ho sakte hanai. ‘yatra mase panchvara: jayante cha brihaspatiah. vigrah pashchime desh khadga yuddhan ch jayte..’ masaranbh men 5 agast ko budh ka aur 7 agast ko shukra ka kark rashi men pravesh kar surya v shani ke sath rashi sanbandh banana hinsak evan visfotk ghatnaon ka suchak hai. is yog ke falasvarup kahin bhari varsha ya barh aur kahin bhayankar sukhe se khari faslon ko nuksan pahunch sakta hai. 16 agasta ko surya ka sinh rashi men pravesh kar mangal ke sath yuti banana agnikand, tufan ityadi prakritik prakopon ka suchak hai. yah yog pashchimi deshon men grih yuddh aur jan manas men ashanti utpann kar sakta hai. 22 agast ko budh sinh rashi men pravesh karega tatha 25 agast ko shani ka uday hoga. donon grahon ki is sthiti ke falasvarup mahangai atyadhik barhegi jisse janta men rosh utpann ho sakta aur vah satta ke viruddh bagavat kar sakti hai. 29 agast ko kanya rashi men mangl aur ketu ka yog desh ki simaon par yuddh ki sthiti utpann kar sakta hai. sona v chandi: masaranbh vale din manglvar ka hona sone chandi men teji darshata hai. 3 agast ko surya ka ashlesha nakshatra men pravesh kar magha nakshatra sthit mangal tatha anuradha v dhanishtha nakshatron ko vedhna bhi sone men chal rahi teji ko barhaega. isi din mangl ka pu.fa. nakshatra men pravesh chandi ke bajar men teji ka sanket deta hai. 5 agast ko budh ka kark rashi men pravesh kar surya v shani ke sath rashi sanbandh bajar men kuch mande ka rukh banaega. 7 agast ko shukra ka bhi kark rashi men pravesh sone men mande ka sanket deta hai. chandi men kuch teji a sakti hai. 8 agast ko budh ka pushya nakshatra men pravesh kar jyeshtha nakshatra ko vedhna tatha isi din guru grah ka bhi svati nakshatra ke chaithe pad men a jana sone v chandi ke bajar men badlav dekar mande ki or le jaega. 10 agast ko shukra ka pushya nakshatra men pravesh kar jyeshtha nakshatra ko vedhna tatha budh grah ka pahle se hi isi nakshatra men hona bajar men mande ka sanket deta hai. 16 agast ko surya ka sinh rashi men pravesh kar mangal ke sath rashi sanbandh banana aur bhadrapad ki sankranti ka 45 muhurti hona adi bajar men punah teji ka rujhan banaenge. 17 agasta ko budh ka ashlesha nakshatra men pravesh kar anuradha nakshatra ko vedhna sone men teji ka sanket hai. 19 agast ko budh grah ast hoga jo bajar men thahrav paida karega. 21 agast ko shukra ashlesha men pravesh kar anuradha nakshatra ko vedhega. budh purva se hi is nakshatra ko vedh raha hai. ye donon grah chandi men mande ka hi yog darshate hain. 24 agasta ko budh ka magha nakshatra tatha sinh rashi men pravesh kar surya v mangal ke sath rashi sanbandh banana tatha shravan nakshatra ko vedhna adi sone v chandi men punah teji ka sanket dete hanai. isi din mangal bhi u.fa. nakshatra men pravesh kar revti nakshatra ko vedhega jo teji ka hi dyotak hai. 25 agast ko shani grah ka udy hoga. isi din chandra darshan bhi hai jo bajar men adhik utar-charhav batata hai. 29 agast ko mangal ka kanya rashi men pravesh kar ketu ke sath sanbandh banana chandi men teji ka sanket deta hai. 30 agast ko surya ka pu.fanakshatra men pravesh kar ashvini v pushya nakshatron ko vedhna bajar men mandi ka vatavaran paida kar dega. gur v khand: masaranbh vale din manglvar ka ana gur v khand ke bajar men teji ka suchak hai. 3 agasta ko surya ka ashlesha nakshatra men pravesh kar magha, anuradha v dhanishtha nakshatron ko ek sath vedhna tatha isi din mangl ka purvafalguni nakshatra men akar ashvini nakshatra ko vedhna gur v khanr ke bajar men teji darshata hai. 5 agast ko budh ka kark rashi men pravesh kar surya va shani ke sath rashi sanbandh banana bajar ki chal rahi teji ko badlav ki taraf le jaega. 7 agast ko shukra ka kark rashi men pravesh hokar surya, budh v shani ke sath milakar chaturgrahi yog banana gur, khand v rasakar men punah teji ka rujhan banaega. 8 agasta ko budh ka pushya nakshatra men pravesh kar purvafalguni nakshatra ko vedh men lena (vahan mangal grah bhi sthit hai) gur men mande ka mahaul banaega. isi din guru grah ka bhi svati nakshatra ke chaithe charan men ana khand men kuch manda laega. 10 agast ko shukra pushya nakshatra men pravesh kar jyeshtha nakshatra ko tatha rahu grah purvabhadrapad nakshatra men pravesh kar punarvasu, chitra v uttarasharha nakshatra ko vedhega. yah yog gur v khand ke bajar men mande ka vatavaran banaega. 16 agasta ko surya sinh rashi men pravesh kar mangl ke sath rashi sanbandh banaega. isi din bhadrapad mas ki sankranti bhi 45 muhurti hai. yah yog bajar men teji ki suchak hai. 17 agast ko budh grah ashlesha nakshatra men pravesh kar magha nakshatra ko vedhega. yah bhi bajar men mande ke mahaul ka hi suchak hai. 19 agast ko budh grah ast hoga jisse bajar men utar-charhav bana rahega. 21 agasta ko shukra ka ashlesha nakshatra men pravesh kar anuradha nakshatra ko vedhna bajar men badlav de sakta hai. 24 agast ko mangal ka uttarafalguni nakshatra men pravesh hokar revti nakshatra ko vedhna tatha isi din budh ka bhi sinh rashi men pravesh karna donon bajar men teji ke suchk hai. 25 agast ko shani ka uday hona bhi bajar ki teji men vriddhikarak hai. 26 agast ko shani grah ashlesha nakshatra men apna pad badlega. yah yog bajar men kuch badlav la sakta hai. 29 agast ko mangal ka kanya rashi mane pravesh kar ketu ke sath rashi sanbandh banana bajar men teji hi chalaega. 30 agast ko surya ka purvafalguni nakshatra men akar pushya v ashvini ka vedh men lena bajar ki teji ko purvavt banae rakhega. anaj v dalvan: manglvar ko masaranbh hona anajon men teji ka karak hai. 3 agast ko surya ka ashlesha nakshatra men akar anuradha, magha v dhanishtha ko vedhna gehun, jau, chana, jvar, chavl ityadi anajon men teji laega. dalvan ke bajar men kuch teji ka vatavaran chorega. 5 agast ko budh ka kark men akar surya v shani ke sath rashi sanbandh banana anajon men kuch mande ka mahaul utpann karega. dalvan men yah yog teji ki lahar banae rakhega. 7 agast ko shukra kark rashi men akr surya, budh v shani ke sath chatugrrahi yog banaega. yah yog anajon men tatha mung, moth, masur, arahar ityadi dalvanon men teji ka rujhan hi rakhega. 8 agasta ko budh ka pushya nakshatra men ana tatha purvafalgun nakshatra ko vedhna yah yog jau, jvar, chana ityadi anajon men badlav dekar mande ki lahar men le jaega. isi din guru ka svati nakshatra ke chaithe pad par ana mung, moth, urad ityadi dalvanon ko teji ki taraf le jane vala yog hai. 10 agasta ko shukra grah pushya nakshatra men akr jyeshtha nakshatra ko vedh men lega jo anajon men mande ka karak hai. 16 agast ko surya sinh rashi men pravesh kar mangal ke sath rashi sanbandh banaega tatha bharni, ashlesha aur shravan nakshatron ko bhi vedhega. isi din bhadrapad mas ki sankranti 45 muhurti hai. ye sabhi yog anajon va dalvan men punah teji ka vatavrn banaenge. 17 agast ko budh ka ashlesha nakshatra men akar magha nakshatra ko vedhna bajar ki purva teji ko aur barhaega. 19 agast ko budh grah ast hoga. jo bajar ke rukh men badlav laega. 21 agast ko shukra ashlesha nakshatra men pravesh kar anuradha nakshatra ko vedhega. yah yog gehun, jau, jvar, chaval ityadi anajon men manda lata hai. 24 agasta ko budh sinh rashi men pravesh kar surya va mangal ke sath rashi sanbandh banaega. isi din mangal bhi uttarafalguni nakshatra men pravesh kar revti ko vedhne lagega. yah yog anajon men teji ka suchk hai. 25 agast ko shani grah uday ho raha hai aur isidin chandra darshan bhi hai jo mande ka karak hai. 29 agast ko mangal grah kanya rashi men pravesh kar ketu ke sath sanbandh banaega tatha shani se purn drishtit hoga jo bajaron ko punah teji ki lahar men le jaega. 30 agast ko surya ka purvafalgun nakshatra men akar pushya v ashvini nakshatra ko vedhna gehun, jau ityadi anajon tatha mung, mauth, urad, ityadi dalvan men teji ka karak hai. ghi v telvan: masaranbh men 3 agasta ko surya ka ashlesha nakshatra men pravesh tatha mangal ka purvafalgun nakshatra men pravesh kar ashvini nakshatra ko vedhna ye donon yog telon, telvanon tatha ghi ke bajar men teji ka suchak hai. 5 agast ko budh ka kark rashi men akr surya v shani ke sath rashi sanbandh sthapit karna telon ko mande ke vatavaran ki taraf le jaega. 7 agast ko shukra ka kark rashi men pravesh kar surya, budh v shani ke sath milakar chatugrrahi yog banana tel va telvanon ke bajar men mande sanket karta hai. ghi men bhi mande ki sanbhavna hai 8 agast ko budh ka pushya nakshatra men pravesh kar purvafalgun nakshatra ko vedh men lena telon men mande ka suchak hai. isi din guru ka svati nakshatra ke chaithe pad men pravesh hoga. yah yog mande ki tarf hi sanket karta hai. 10 agast ko shukra bhi pushya nakshatra men pravesh kar jaega tatha jyeshtha nakshatra ko vedhne lagega. isi din rahu bhi purvabhadrapad nakshatra men pravesh kar raha hai jo punarvasu, chitra va uttarasharha nakshatron ko vedhne lagega. ye yog telon v ghi men manda hi darshate hain. 16 agast ko surya ka sinh rashi men pravesh kar mangal ke sath rashi sanbandh banana tatha isi din bhadrapad mas ki sankrati ka 45 muhurti hona ye donon yog telon v ghi ke bajar men kuch teji lane vale hanai. 17 agasta ko budh grah ka ashlesha nakshatra men pravesh kar magha nakshatra ko vedhna bhi bajar men teji ke rukh ko barhae rakhega. lekin 19 agast ko budh ka ast hona ghi ki chal rahi teji ko kam kar mande ki taraf le jaega. 21 agast ko shukra ka ashlesha nakshatra men pravesh kar anuradha nakshatra ko vedhna bajar men punah mande ka sanket deta hai. ghi men mande ki lahar barkrar rahegi. 24 agast ko budh grah sinh rashi men pravesh kar surya v mangal ke sath sanbandh bana raha hai jo telon men punah teji ka suchak hai. lekin isi din mangal ka uttarafalgun nakshatra men pravesh kar revti nakshatra ko vedhna ghi men manda darshata hai. 25 agast ko shani ka uday hona tatha isi din chandra darshan hona ye donon telon ki chal rahi teji ko mande ke mahaul men le jaenge. ghi ka bajar purvavat manda hi rahega. 29 agast ki mangal ka kanya rashi men pravesh kar ketu ke sath rashi sanbandh banana v shani se purn drishtit hona telon ke bajar ke punah teji ka sanket deta hai. 30 agast ko surya ka purvafalgun men akar ashvini nakshatra ko vedhna bhi telon v ghi ke bajar men teji darshata hai. uparyukt faladesh puri tarah grah sthiti par adharit hai. pathkon ka behatar margadarshan hi iska mukhya uddeshya hai. koi nirnay lene se pahle niveshak ko un anya sanbhavit karnon par bhi dhyan dena chahie, jo bajar ko prabhavit karte hain. kripya yad rakhen ki vyapari ki satte ki pravritti aur nirnay lene ki shakti men kami tatha bhagyahinta ke karan hone vale nuksan ke lie lekhak, sanpadak evan prakashak jimmevar nahin hain.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  August 2006

bhavishyakathan ke vibhinn pahlu sabhyata ke prarambhik kal se hi prachlit rahe hain. vartaman paridrishya men jyotish, ankshastra, hastarekha shastra evan mukhakriti vigyan sarvadhik lokapriya hain. pratyek vyakti ko apne jivan ki agami ghatnaon ki jankari prapt karne ki ichcha hoti hai. iske lie vah in vidhaon ke vidvanon ke pas jakar sampark karta hai. fyuchar samachar ke is visheshank men mukhyatah hastarekha shastra evan mukhakriti vigyan par prakash dala gaya hai. in vishyon se sambandhit anek ullekhniya alekhon men shamil hain - hatheli men pae jane vale chihn aur unka prabhav, panch minat men parhie hath ki rekhaen, vivah rekha evan uske fal, santan paksh par vichar karne vali rekhaen, shani grah se hi nahin hai bhagya rekha ka sanbandh, jaen abraham aur shahrukh khan ki hastarekhaon ka adhyayan, kaise karen var-kanya ka hastamilan, upayon se badli ja sakti hai hastarekhaen, chehre se janie svabhav adi. inke atirikt sthayi stambhon ke anya mahatvapurn alekh bhi shamil hain.

Subscribe

Apne vichar vyakt karein

blog comments powered by Disqus
.