ग्रह स्थिति एवं व्यापार

grah sthiti evan vyapar  

Ank ke aur Lekh | Sambandhit Lekh | Views : 2111 |  
gochar grah sthiti: masaranbh men surya makar men, chandra kark men, mangal dhanu men, budh kunbh men, brihaspati vrishchik men, shukra kunbh men, shani kark men, rahu kunbh men, ketu sinh men, nepchyun makar men aur yurenas kunbh rashi men honge. gochar grah parivartana: is mas grahon ka rashi parivartan is prakar hoga. surya 13 farvri ko pratah 7 bajakar 5 minat par kunbh rashi men pravesh karega. mangal 18 farvri ko pratah 7 baje makar rashi men pravesh karega. budh 14 farvri ko pratah 10 bajakar 6 minat par vakri gati men aega aur 16 farvri ko pratah 6 bajakar 5 minat par ast hoga. shukra 16 farvri ko sham 4 bajakar 20 minat par min rashi men pravesh karega. yurenas 21 farvri ko 4 bajakar 41 minat par purva bhadrapad nakshatra men pravesh karega. shesh grahon brihaspati, shani, rahu, ketu aur nepchyun ki sthiti purvavat hi rahegi. gochar fal vichar: masaranbh vale din arthat 1 farvri ko guruvar hai aur is mas men char guruvar ke sath-sath sabhi var char-char hi aenge. falasvarup fal shreshth najar nahin ata. prakritik prakopon aur bhu-skhalan ityadi ghatnaon ke karan janmanas ke lie yah mas pirakarak rahega. dainik upyog ki vastuon men mahangai ke atyadhik barhne ke asar hain. is par ankush lagane ke lie shaskon ko anek mahatvapurn kadam bhi uthane par sakte hain. masaranbh men hi shani ka vakri gati men rahte hue mangal ke sath shadashtak yog men bane rahne ke karan pashchimi aur muslim rashtron ke lie sthiti bhayanak rahegi. raktamay kranti ke karan kahin-kahin ashanti ka vatavaran paida ho sakta hai. uttara-purva pranton men satta parivartan v rajnaitik uthal puthal bhi a sakti hai. surya v shani ke samasaptak yog ke karan bhartiya simaon par ashanti ka vatavaran paida hone ki sanbhavna hai. yah yog shasak varg ke lie agni pariksha aur sujh-bujh se karya karne vala hoga. 13 farvri ko surya ka kunbh rashi men akar rahu ke sath rashi sanbandh banane tatha shani se shadashtak yog men a jane ke karan prakritik prakop ho sakte hain. dhan-jan ki hani ki sanbhavna hai. yah yog simaon par punah yuddh ka vatavaran paida kar sakta hai. falasvarup paida kar sakta hai. brihaspati ke kendra men rahne ke karan varishth vyaktiyon ke hastakshep se punah shanti ka vatavaran ban sakta hai. 16 farvri ko shukra ka min rashi men akar shani se navpancham yog banana bharat ki arthik sthiti men sudhar laega. 18 farvri ko mangal ka makar rashi men akar shani se samasaptak yog banane se kahin-kahin vayu durghatanaon ityadi ki bhari sanbhavna hai, jisse bhari hani ho sakti hai. yah yog agnikand, bhu-skhalan aur prakritik prakopon se hani ka yog banaega. is yog men atankvad ko barhava mil sakta hai. sona chandi: masaranbh men 2 farvri ko budh ka shatbhisha nakshatra men akar svati nakshatra ko vedhne lagna sone v chandi men mande ka sanket deta hai. 6 farvri ko surya ka dhanishtha nakshatra men pravesh kar ashlesha, vishakha v shravan nakshatron ko vedhne lagna bajar men badlav lakar teji ke rukh men le jaega. 8 farvri ko shukra ka purva bhadrapad nakshatra par akar chitra nakshatra ko vedhne lagna sone ke bajar ko to purvavat rakhega kintu chandi ko teji ki or le jaega. 13 farvri ko surya ka kunbh rashi men akar rahu, budh aur shukra ke sath rashi sanbandh bana lena bhi bajaron ki teji ko barkrar rakhega. isi din mangal ka uttarasharha nakshatra men akar mrigshira nakshatra ko vedhne lagna sone men chal rahi teji par ankush laga sakta hai. 14 farvri ko budh ka vakri gati men ana bajar men mande ke asar paida karega. 15 farvri ko budh ka ast hona bajar ke mande ko aur barha sakta hai. 16 farvri ko shukra ka min rashi men pravesh tatha brihaspati ki pancham drishti se purn drishti hone se chandi men mande ki lahar aur adhik barhegi. 17 farvri ko mangal ka makar rashi men pravesh aur shani se samasaptak yog men hone bajaron men punah badlav a sakta hai arthat sone v chandi men mande ki jagah teji a sakti hai. yah teji guru ki shani par purn drishti ke karan bhi a sakti hai. 19 farvri somvar ko chandra darshan bajar men manda hi darshata hai. isi din shukra ka uttara bhadrapad nakshatra men pravesh kar hast nakshatra ko vedhna chandi men mandi darshata hai tatha isi din surya ka shatbhisha nakshatra men pravesh hona aur pushya, svati v abhijit nakshatron ko vedhna sone men teji ka yog banae rakhega. 23 farvri ko vakri gati ke shani ka ashlesha nakshatra ke tisre charan men ana sone men teji ke sanket deta hai. 24 farvri ko guru ka jyeshtha nakshatra ke tisre charan men ana sone ki teji ko aur barha sakta hai. 26 farvri ko budh ka vakri gati ki chal chalte hue dhanishtha nakshatra men akar vishakha nakshatra ko vedhna bajaron men mande ki lahar banaega. gur v khand: masaranbh men 2 farvri ko budh ka shatbhisha nakshatra men akar svati nakshatra ko vedhne lagna gur men teji ka suchak hai. 6 farvri ko surya ka dhanishtha nakshatra men akar ashlesha, vishakha v shravan nakshatron ko vedhna khand ke bajar men badlav arthat mande ka suchak hai. 13 farvri ko surya kunbh rashi men akar budh, shukra v rahu ke sath apna rashi sanbandh banaega. yah yog bajaron men mande ki lahar ko aur age barha sakta hai. lekin isi din mangal ka uttarasharha nakshatra men akar mrigshira nakshatra ko vedhna gur men manda lane ke bad fir teji ki taraf le jaega. 14 farvri ko budh ka vakri hona gur ki teji ko aur barha sakta hai. isi din rahu ka bhi purvasharha nakshatra ke pratham pad men pravesh khand men bhi teji ka vatavaran banaega. 15 farvri ko budh ka ast hona bajaron men thahrav ki sthiti banaega. 16 farvri ko shukra ka min rashi men akar guru ki pancham purn drishti men ana gur v khand men punah mande ka vatavaran paida karega. 17 farvri ko mangal ka makar rashi men akar shani se purn drishtit hona bajar ko punah teji ki taraf le ja sakta hai. shani grah brihaspati se drishtit hai. atah khand men bhi teji aegi. 19 farvri ko shukra ka uttarasharha nakshatra men akar hast nakshatra ko vedhne lagna khand men mande ke sanket deta hai. isi din surya ka shatbhisha nakshatra men akar svati ko vedhna gur men bhi mande ka hi vatavaran paida karega. 23 farvri ko guru grah ka jyeshtha nakshatra men tisre pad par ana bajar men mande ka hi suchak hai. 24 farvri ko vakri gati ke shani ka ashlesha nakshatra ke tisre charan men ana bajar men kuch badlav la sakta hai. 26 farvri ko dhanishtha nakshatra men budh ka pravesh kar vishakha nakshatra ko vedhna bajaron men mande ka rujhan banaega. anaj tatha dalvan: masaranbh men 2 farvri ko budh ka shatbhisha nakshatra men akar svati nakshatra ka vedh karna anaj v dalvan men teji ka suchak hai. 6 farvri ko surya ka dhanishtha nakshatra men akar ashlesha, vishakha v shravan nakshatron ko vedhna gehun, jau, chana ityadi anajon men chal rahi teji ko aur barha sakta hai. dalvan men bhi yah yog teji hi rakhega. 8 farvri ko shukra ka purva bhadrapad nakshatra men akar chitra nakshatra ko vedhne lagna gehun ityadi anajon men badlav la sakta hai arthat bajar ko mande ki taraf le jaega. shukra ka kunbh rashi men budh v rahu ke sath rashi sanbandh mung, mauth ityadi dalon men bhi manda hi rakhega. lekin urad evan arahar men teji ke hi sanket deta hai. 13 farvri ko surya ka kunbh rashi men pravesh kar budh, shukra aur rahu ke sath rashi sanbandh banana anajon men punah teji ki lahar paida karega. isi din mangal ka uttarasharha nakshatra men akar mrigshira nakshatra ko vedhne lagna gehun, chana, jau ityadi anajon men teji ka suchak hai. yah yog mung, mauth, masur ityadi dalvan men bhi teji laega. 14 farvri ko budh ka vakri gati men ana anaj v dalvan men chal rahe rujhan men badlav laega. kintu isi din rahu ka uttarabhadrapad nakshatra men akar chitra ko vedh men lene ke karan bajar men teji barkrar rahegi. 15 farvri ko budh ast hoga. yah yog bhi anajvan men teji hi rakhega. 16 farvri ko shukra ka min rashi men akar brihaspati se purn drishtit hona anajon men mande ka karak hai. 17 farvri ko mangal ka makar rashi men akar shani ke sath samasaptak yog banana bhi anajon men manda hi rakhega. 19 farvri ko shukra ka uttarabhadapad nakshatra men akar hast nakshatra ko vedhna bhi anajon men mande ke hi sanket deta hai. isi din surya ka bhi shatbhisha nakshatra men pravesh kar svati nakshatra ko vedhna mung, mauth, arahar ityadi men mande ka yog banaega. 23 farvri ko brihaspati ka jyeshtha nakshatra ke tisre charan men pravesh hona bhi anajon ke bajar men mande ka rukh banae rakhega. 24 farvri ko shani ka ashlesha ke tisre charan men ana dalvan ko teji ke vatavaran men le jaega. 26 farvri ko budh ka dhanishtha nakshatra men akar vishakha nakshatra ko vedhne lagna anajon v dalvan men punah teji ka vatavaran paida karega. telvan v ghi: masaranbh men 2 farvri ko budh ka shatbhisha nakshatra men akar svati nakshatra ko vedhne lagna telon men teji ka suchak hai. 6 farvri ke surya ka dhanishtha nakshatra men pravesh kar ashlesha, vishakha v shravan nakshatron ko vedhne lagna telon men teji ko aur age le ja sakta hai. kintu ghi ko mande ke rukh men hi rakhega. 8 farvri ko shukra ka purvabhadrapad nakshatra men akar chitra ko vedhne lagna ghi men badlav lakar teji ki taraf le jaega. shukra ka kunbh rashi men budh v rahu ke sath sanbandh banana telon ko teji ki taraf le jaega. 13 farvri ko surya ka kunbh rashi men pravesh kar budh, shukra v rahu ke sath rashi sanbandh banakar chartugrahi yog banana telvan v ghi ke bajar men chal rahi teji ko barkrar rakhega. isi din mangal ka uttarasharha nakshatra men akar mrigshira nakshatra ko vedhne lagna ghi ki teji ko aur age le ja sakta hai. 14 farvri ko budh ka vakri hona bhi ghi ke bajar ki teji ko aur barha sakta hai. yah yog telvan ke bajar men bhi teji hi darsha raha hai. 15 farvri ko budh ka ast hona ghi ke bajar men thahrav paida karega. 16 farvri ko shukra ka min rashi men akar brihaspati se purn drishtit hona ghi men mande ka vatavaran banaega. brihaspati shani ko bhi purn drishti se dekh raha hai jo telvan men bhi mande ke hi sanket deta hai. 17 farvri ko mangal ka makar rashi men pravesh kar shani se samasaptak yog men a jana bajar men badlav laega. arthat telvan v ghi men teji ka vatavaran paida karega. 19 farvri ko shukra ka uttarabhadrapad nakshatra men akar hast nakshatra ko vedhne lagna ghi men punah mande ka vatavaran paida karega. isi din surya ka bhi shatbhisha nakshatra men akar svati nakshatra ko vedhna telon men bhi mande ke sanket deta hai. 23 farvri ko brihaspati ka jyeshtha nakshatra ke tisre charan men pravesh hona bajar men utar-charhav adhik deta hua mande ka vatavaran paida karega. 24 farvri ko shani ka ashlesha nakshatra ke tisre charan men punah a jana telon men mande ka suchak hai. 26 farvri ko budh ka dhanishtha men pravesh kar vishakha nakshatra ko vedhna telon men teji lekin ghi men mande ka vatavaran utpann karega.
Kya aapko lekh pasand aaya? Subscribe
Kya aapko lekh pasand aaya? Subscribe


rudraksh evan adhyatmik vastu visheshank  February 2007

prakriti ke kosh se hamen kai jivanoparyant vastuen prapt hoti hai. aisi hi vastuon men ek hai rudraksh. rudraksh ka adhyatmik aur aushdhiya mahattva bahut hai. shuddh rudraksh ki pahchan kaise ki jae? rudraksh ka sambandh bhagvan shiv se kaise juda hua hain? rudraksh dharn

Subscribe

Apne vichar vyakt karein

blog comments powered by Disqus
.