ग्रह स्थिति एवं व्यापार

grah sthiti evan vyapar  

Ank ke aur Lekh | Sambandhit Lekh | Views : 644 |  
gochar grah parivartana: is mas grahon ka rashi parivartan is prakar hoga. surya 16 disanbar ko pratah 7 bajakar 24 minat par dhanu rashi men pravesh karega. mangal 7 disanbar ko ratri men 10 bajakar 26 minat par udit hoga. budh 4 disanbar ko pratah 6 bajakar 40 minat par vrishchik rashi men pravesh karega, 19 disanbar ko pratah 6 bajakar 11 minat par ast hoga aur 24 disanbar ko pratah 5 bajkr 24 minat par dhanu rashi men pravesh karega. guru 2 disanbar ko ratri 1 bajakar 1 minat par udit hoga. shukra 6 disanbr ko sham 15 bajakar 28 minat par dhanu rashi men tatha 30 disanbar ko dopahar 1 bajakar 16 minat par makr rashi men pravesh karega. shani 6 disanbr ko pratah 9 bajakar 37 minat par vakri gati men aega. rahu v ketu 14 disanbar ko apna nakshatra charan badlenge. shesh grah nepchyun aur yurenas ki sthiti purvavat hi rahegi. gochar fal vichar: masaranbh vale din shukravar hai aur is mas panch shukravar aenge. yah yog sukh, shanti aur samriddhidayak hai. janmanas men vilasita barhegi. nari jati ka samman hoga. ‘‘shukrasyapanchvaraah syuyatra pravartate. praja vriddhi subhikshan ch sukhan tatra pravartate.’’ is mas panch shanivar bhi aenge. yah yog atyadhik mahangai ka sanket deta hai. faltah janta men bechaini tatha rosh utpann ho sakta hai. upadrav, hartalon, agnikand ityadi ki ghatnaen adhik hone tatha shasak varg men fut barhne ki sanbhavna hai. adhikatar purvottar deshon ya rajyon men yah yog adhik kashtakari hoga. kahin satta men parivartan ki sthiti bhi paida hogi. ‘‘shanivaraydapanch patale kampayate faniah. ishan desh bhangashcha vahni daho maharghata.’’ is mas panch ravivaron ka ana bhi rajnitik matbhedon v vaimanasya ke sanket deta hai tatha kahin rajasatta bhang bhi ho sakti hai. yah yog uchchadhikari varg ke lie bhi kashtaprad hoga. ‘‘yatra mase ravivaraah jayante panchasatatam. durbhikshan chatrabhangashch vahni daho maharghata.’’ 2 disanbar ko guru ka uday hona prakritik prakopon ka suchak hai. bhuskhalan adi se janmanas ki hani ho sakti hai. 6 disanbar ko shani ka vakri gati men ana tatha mangal ka kendra arthat chaturdash yog men rahna shaskon men rajnitik bhedbhav ko aur adhik barha sakta hai. ye log ek dusre ke upar adhik kichr uchalne ki koshish men lag jaenge. isi din shukra ka bhi dhanu rashi men pravesh kar shani se navpancham men ana am janta ko bhog vilas ki tarf le jaega. is yog ke karn vyabhichar ki ghatnaen adhik hongi. 16 disanbar ko surya ka dhanu rashi men pravesh kar shukra ke sath sanbandh banana vayu durghatanaon men vriddhi ka kark hai. yah yog deshon ke bich chal rahe shanti vartalapon ke prayason ko thes pahunchaega. 11 disanbar se 27 disanbr tak kalasarp yog bhi bana rahega. yah yog desh ki pragti ke chal rahe karyon men badhak to hoga hi, antarrashtriya vyapar men bhi in dinon parivartan ki sthiti utpann karega. arthat antarrashtriya vyaparon men bhi badha utpanna karega. sona evan chandi: masaranbh men mangl ka 2 disanbar ko anuradha nakshatra men pravesh kar ashlesha nakshatra ko vedhna chandi ke bajar men utar-charhav arthat asthirta paida karega, fir bhi bajar ko mande men hi le jaega. lekin isi din surya ka jyeshtha nakshatra men akar ashvini, pushya aur svati nakshatron ko vedhna sone men teji ka suchak hai. 4 disanbar ko budh ka vrishchik rashi men pravesh kar surya, guru, mangal v shukra ke sath rashi sanbandh banana chandi men kuch badlav lakar teji ke bajar men le jaega. isi din guru ka uday hona sone ko mande ki lahar men le ja sakta hai. 6 disanbar ko budh ka anuradha nakshatra men akar ashlesha nakshatra ko vedhna chandi ko punah mande ki lahar men le jaega. isi din shani ka vakri gati men ana bhi bajar men manda hi darshata hai. 13 disanbar ko ketu ka pu. fa. nakshatra ke chaithe charn men pravesh kar pushya nakshatra ko vedhna bajaron men chal rahe mande ke rukh ko barhaega. 14 disanbar ko budh asta hoga. isse sone men kuch badlav arthat teji ane ki sanbhavna hai. 15 disanbar ko budh jyeshtha men akar pushya nakshatra ko vedhega jise pahle se surya aur ketu bhi vedh rahe hain. yah yog bajar men bani teji ki lahar men kuch vriddhi karega. 16 disanbar ko shukra purvasharha nakshatra men akar adrra nakshatra ko vedhega. isse chandi ki teji men aur vriddhi ho sakti hai. isi din surya ka bhi mula nakshatra men akr punarvasu, chitra v revti nakshatron ko vedhna tatha paush ki sankranti ka 15 muhurti men ana sone men teji ka yog banae rakhega. 21 disanbar ko mangal jyeshtha nakshatra men akar pushya nakshatra ko vedhne lagega. yah chandi men bane teji ke rukh men fir badlav dega arthat bajar ko mande ki taraf le jaega. shukravar 22 disanbar ko chandra darshan hona bajar men teji ka karak hai. 23 disanbar ko budh dhanu rashi men pravesh kar surya ke sath sanbandh banaega aur mula nakshatra men akar punarvasu nakshatra ko vedhega. yah yog sone v chandi men utar charhav ke sath teji hi rakhega. 27 disanbr ko shukra ka uttarasharha nakshatra men akr mrigshira nakshatra ko vedhne lagna sone v chandi men punah mande ki lahar utpanna kar sakta hai. 29 disanbar ko surya ka uttarasharha nakshatra men pravesh kar adrra nakshatra ko vedhna chandi men teji laega. 30 disanbar ko shukra ka makr rashi men a jana chandi ke sath-sath sone ko bhi kuch teji men le jaega. gur v khand: masaranbh men 2 disanbr ko mangal ka anuradha nakshatra men pravesh kar ashlesha nakshatra ko vedhna gur men teji ka suchak hai. isi din surya ka bhi jyeshtha nakshatra men pravesh kar pushya nakshatra ko vedhna khand ke bajar ko bhi teji ki taraf le jane vala hai. 4 disanbar ko budh vrishchik rashi men pravesh kar surya, mangal, guru v shukra ke sath panchagrahi yog banaega. yah yog khand ko teji ke rujhan men hi le jane vala hai. isi din guru ka uday hona gur men kuch badlav arthat manda laega. 6 disanbar ko budh ka anuradha nakshatra men pravesh kar ashlesha nakshatra ko vedhna aur isi din shukra ka mula nakshatra men akar punarvasu nakshatra ko vedhna tatha shukra ka dhanu rashi men pravesh hona ye sare yog bajaron men teji hi darshate hain. lekin isi din shani ka sinh rashi men vakri gati men ana bajar ko do tarfa bhi le ja sakta hai. atah bajar ke vartaman rukh ko vishesh rup se dhyan men rakhen. 14 disanbar ko budh ka ast hona bajar men thora badlav jarur laega. 15 disanbar ko budh ka jyeshtha nakshatra men pravesh kar pushya nakshatra ko vedhne lagna punah bajar men teji laega. 16 disanbar ko surya ka dhanu rashi men pravesh ho raha hai aur isi din paush mas ki sankranti 15 muhurti hai. mangl ka bhi isi din uday ho raha hai. ye sare yog gur v khand ke bajar men badlav jarur laenge arthat gur ko mande ki taraf le jaenge. lekin isi din surya ka dhanu rashi men shukra ke sath rashi sanbandh khand men teji hi darsha raha hai. 21 disanbar ko mangl ka jyeshtha nakshatra men akar pushya nakshatra ko vedhne lagna khand ke bajar men mande ka vatavaran utpann karega. shukravar 22 disanbar ko chandra darshana hona manda hi darshata hai. 24 disanbr ko budh ka dhanu rashi men pravesh kar surya v shukra ke sath rashi sanbandh banana bajar ko mande ki taraf hi le jaega. isi din budh ka mula nakshatra men akr punarvasu nakshatra ko vedhna bhi khand men manda hi darshata hai. 27 disanbar ko shukra uttarasharha nakshatra men pravesh kar mrigshira nakshatra ko vedhega. yah yog chal rahi mande ki lahar ko banae rakhega. 29 disanbar ko surya ka purvasharha nakshatra men akar adrra nakshatra ko vedhne lagna gur men teji ka suchak hai. 30 disanbar ko shukra ka makar rashi men pravesh gur v khand men teji darshata hai. anaj tatha dalvan: masaranbh men 2 disanbar ko mangal ka anuradha nakshatra men akar ashlesha nakshatra ko vedhna gehun, jau, chana, chaval ityadi anajon men teji ke sanket deta hai. isi din surya ka bhi jyeshtha nakshatra men akr pushya nakshatra ko vedhna mung, mauth, urad, arahar ityadi dalvan men bhi teji hi darshata hai. 4 disanbar ko budh ka vrishchik rashi men pravesh kar surya, mangal, guru v shukra ke sath milakar panchagrahi yog banana bajaron men teji ka suchk hai. isi din guru ka uday hona bhi teji ki chamak ko aur barhaega. 6 disanbar ko budh ka anuradha nakshatra men pravesh kar ashlesha nakshatra ko vedhne lagna gehun,, jau, jvar ityadi anajon men chal rahi teji ko aur barhaega. isi din shukra ka dhanu rashi men pravesh hona tatha mul nakshatra men akar punarvasu nakshatra ko vedhna mung, mauth ityadi dalvan men teji ka karak banega. 6 disanbar ko hi shani ka vakri gati men ana urad ityadi dalon men manda laega. 13 disanbar ko ketu ka purva falguni nakshatra men baithakar pushya nakshatra ko vedhna bhi bajar ki teji ko barkrar rakhega. 14 disanbar ko budh grah ast ho raha hai jo anajon men chal rahi teji men badlav lakar mande ki taraf le jaega. 15 disanbar ko budh ka jyeshtha nakshatra men akar pushya nakshatra ko vedhna dalvan ki teji ki lahar men badlav lakar mande ke rukh men le jane vala yog hai. 16 disanbar ko surya ka dhanu rashi men pravesh kar shukra ke sath rashi sanbandh banana tatha isi din shukra ka purvasharha nakshatra men akar adrra nakshatra ko vedhna ye sare yog anajon v dalon men kuch teji ki sthiti utpann karenge. lekin isi din mangal ka bhi uday hona bajar ko bad men teji ke vatavrn men hi le ja sakta hai. 21 disanbr ko mangal ka jyeshtha nakshatra men pravesh kar pushya nakshatra ko vedhna bhi teji ka hi suchak hai. 24 disanbar ko budh ka mula nakshatra men pravesh kar punarvasu nakshatra ko vedhne lagna anajon men teji ka vatavaran banae rakhega. lekin dhanu men surya v budh ka sanbandh dalvan men manda hi banaega. 27 disanbar ko shukra ka uttarasharha nakshatra men pravesh kar mrigshira nakshatra ko vedhna bajar men mande ka suchak hai. 29 disanbar ko surya ka uttarasharha nakshatra men pravesh kar adrra nakshatra ko vedhne lagna bajar men mande ka mahaul banaega. 30 disanbar ko shukra ka makar rashi men pravesh anaj v dalvan ke bajar ko teji ke vatavaran men le jaega. ghi v telvan: masaranbh men 2 disanbr ko mangal ka anuradha nakshatra men pravesh kar ashlesha nakshatra ko vedhna telon men teji darshata hai. isi din surya ka jyeshtha nakshatra men baithakar ashvini, pushya v svati ko vedhne lagna ghi men mande ki sanbhavna ka suchak hai. 4 disanbr ko budh ka vrishchik rashi men pravesh kar surya, mangal, guru v shukra ke sath rashi sanbandh banana tel, telvan va ghi ke bajar men teji ka karak hai. isi din guru ka uday hona bhi teji hi banae rakhega. 6 disanbar ko shukra ka dhanu rashi men pravesh karna tatha mula men baithakar punarvasu ko vedhna ghi men manda hi banaega. isi din budh ka anuradha nakshatra men akr ashlesha ko vedhna telon ki teji ko barkrar rakhega. 13 disanbar ko ketu purva falguni nakshatra ke chaithe charan men pravesh kar ashvini nakshatra ko vedhna shuru karega. yah yog tel, telvan v ghi men tejidayak hai. 15 disanbr ko budh ka jyeshtha nakshatra men akr pushya nakshatra ko vedhna bhi ghi men teji ki lahar banaega. 16 disanbar ko surya ka shukra ke sath rashi sanbandh banana ghi ke bajar ki teji ko aur barhaega. isi din mangal ka uday hona tatha surya ka mula nakshatra men baithakar punarvasu nakshatra ko vedhne lagna telon ke bajar men kuch badlav la sakta hai. fir bhi bajar ki vartaman sthiti ko vishesh rup se dhyan men rakhen. 21 disanbar ko mangal jyeshtha nakshatra men akar pushya nakshatra ko vedhne lagega, jo tel v telvan padarthon men tejidayak hai. 22 disanbar ko shukra ka purvasharha nakshatra men akar adrra nakshatra ko vedhne lagna telon v ghi men manda banaega. 23 disanbar ko budh ka mula nakshatra men akar punarvasu nakshatra ko vedhne lagna ghi men chal rahi mande ki lahar ko aur age barhaega. 27 disanbar ko shukra ka uttarasharha nakshatra men pravesh kar mrigshira nakshatra ko vedhna ghi ke sath-sath telon men bhi manda la sakta hai. 29 disanbar ko surya ka purvasharha nakshatra men pravesh kar adrra nakshatra ko vedhna telon men punah teji ka rukh banaega. 30 disanbar ko shukra ka makar rashi men pravesh karna tatha shani se shadashtak yog men ana ghi men punah teji ka suchak hai. uparyukt faladesh puri tarah grah sthiti par adharit hai. pathkon ka behatar margadarshan hi iska mukhya uddeshya hai. koi nirnay lene se pahle niveshak ko un anya sanbhavit karnon par bhi dhyan dena chahie, jo bajar ko prabhavit karte hain. kripya yad rakhen ki vyapari ki satte ki pravritti aur nirnay lene ki shakti men kami tatha bhagyahinta ke karan hone vale nuksan ke lie lekhak, sanpadak evan prakashak jimmevar nahin hain.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  December 2006

shri lakshmi narayan vrat nutan grih pravesh muhurt vichar dilli men siling : vastu evan jyotishiya vishleshan bhavan nirman purva avashyak hai bhumi parikshn

Subscribe

Apne vichar vyakt karein

blog comments powered by Disqus
.