षोडश वर्ग फलित ज्योतिष का महत्वपूर्ण अंग

shodash varg falit jyotish ka mahatvapurn ang  

Views : 6171 | February 2006

prashna: falit jyotish men shodash varg ka kya mahatva hai? uttara: janm patrika ka sukshm adhyayan karne ke lie shodash varg vishesh sahayak hote hain. in vargon ke adhyayan ke bina janm kundli ka vishleshan adhura hai kyonki janm kundli se keval jatak ke sharir, uski sanrchna evan svasthya ke bare men vistrit adhyayan kiya jata hai jabki shodash varg ka pratyek varg jatak ke jivan ke ek vishisht karakatva ya ghatna ke adhyayan ke lie sahayak hota hai.

prashna: bina shodash varg adhyayan ke vishleshan adhura kaise? uttara: jatak ke jivan ke jis pahlu ke bare men ham janna chahte hain us pahlu ke varg ka jab tak ham adhyayan nahin karen to vishleshan adhura hi rahta hai. jaise ham jatak ki sanpatti-sanpannata ke vishay men janna chahte hain to jaruri hai ki hora varg ka adhyayan karen ya kisi ke vyavsay ke bare men janna hai to dashmansh ka adhyayan karna chahie. jatak ke jivan ke vibhinn pahluon ko janne ke lie kisi vishesh varg ka adhyayan kiye bina falit chuk sakta hai.

prashna: shodash varg ke bhinna-bhinn vargon se jatak ke kin-kin pahluon ka gyan hota hai? uttara: shodash varg men solah varg hain jo jatak ke vibhinn pahluon ki jankari dete hain. jaise: hora se sanpatti v samriddhi, dreshkan se bhai-bahan, parakram, chaturthansh se bhagya, chal evan achal sanpatti, saptansh se santan, navansh se vaivahik jivan v jivan sathi, dashmansh se vyavsay v jivan men upalabdhiyan, dvadshansh se mata-pita, shodshansh se savari evan samanya khushiyan, vinshansh se puja-upasna aur ashirvad, chaturvinshansh se vidya, shiksha, diksha, gyan adi, saptavinshansh se bal evan durbalata, trinshansh se duahkh, taklif, durghatana, anisht, khavedansh se shubh ya ashubh falon ka vivechan, akshavedansh se jatak ka charitra, shashtyansh se jivan ke samanya shubh-ashubh fal adi anek pahluon ka sukshm adhyayan kiya jata hai.

prashna: shodash varg men kaun se varg adhik mahatvapurn hain? uttara: yun to sabhi varg mahatvapurn hain lekin aj ke yug men jatak dhan, parakram, bhai-bahnon se vad-vivad, rog, santan, vaivahik jivan, sajhedari, vyavsay, mata-pita aur jivan men ane vale sankton ke bare men adhik prashn karta hai. in prashnon ke vishleshan ke lie hora, dreshkan, saptansh, navansh, dashmansh, dvadshansh aur trinshansh kafi hanai kyonki aj ka manav inhin se sanbandhit adhik prashn karta hai.

prashna: kya shodash varg ke atirikt bhi aur varg hote hain? uttara: shodash varg men solah varg lie gae hain lekin iske atirikt bhi aur char varg panchmansh, shashtansh, ashtamansh aur ekadshansh hanai. panchmansh jatak ki adhyatmik pravritti, purva janmon ke punya evan sanchit karmon ki jankari deta hai. shashtansh se jatak ke svasthya, rog ke prati avrodhak shakti, rin, jhagre adi ki vivechna ki jati hai. ekdshansh jatak ki bina prayas dhan prapti ko darshata hai. yah varg paitrik sanpatti, sheyar, satte ke dvara sthayi dhan prapti ki jankari deta hai. ashtamansh se jatak ki ayu evan ayurday ke vishay men jankari milti hai.

prashna: shodash varg par kitna dhyan dena chahie? uttara: jab kisi vishay vishesh ka bahut hi sukshm adhyayan karna ho tab shodash varg par purn dhyan dena chahie. prashna: kya sabhi varg kundliyon ka har prashn ke lie vichar karna chahie ya kisi ek prashn ke lie? uttara: varg kundliyon men ek varg se har prashn par vichar nahin hota hai. kisi vishesh vishay ke lie sanbandhit varg par vichar karna chahie. prashna: shodash varg men bhi kya alg-alag bhav alg-alag pahluon ko darshate hain? uttara: shodash varg men alg-alag bhav alag pahluon ko nahin darshate hain. varg kundli men varg ke lagn aur usmen baithe grahon ka hi mahatva hai. prashna: yadi koi grah vargottam hai aur nich hai to kaise fal dega? uttara: vargottam grah nich ho to fal kamjor hi hoga. fal grah ke balabal par nirbhar karta hai, bhale hi vah nich ka ho.

prashna: kya vargottam hona keval navansh se hi dekhna chahie? uttara: vargottam navansh se hi nahin balki aur vargo se bhi dekhna chahie kyonki jis vishay vishesh ka adhyayan karna ho usse sanbandhit varg men bhi yadi grah lagn kundli ki rashi men hai to vargottam mana jaega.

prashna: shodash varg ka upyog jyotish men aur kahan milta hai? uttara: shodash varg ka upyog shadbal aur vinshopak bal men balon ko sadhne men kiya gaya hai.

prashna: kya shodash vargo men uchcha-nichasth grahon adi ko bhi lagn kundli ki tarah dekhna chahie? uttara: shodash vargon men uchch, nich, svagrahi adi ka vichar karna chahie. vrihat parashar hora shastra ke anusar ‘‘svochch mulatrikonasvabhvnadhipteah tatha. svarudhat kendra nathanan vargan grahyaah sudhimta.. astangta grahjita nichga durbalasthata. shaynadigtadustha utpanna yog nashkaah.. arthat apne uchch, mulatrikon, svabhavan vale lagn kendradhiptiyon ke varg shubh hote hain. astangat, parajit, nichagat, balhin, shaynadi avastha men sthit grahon ke varg ashubh faldayak aur shubh falon ke nashkarak hote hain.

prashna: shodash varg men vargon ke devta adi ka varnan hota hai. unke fal kathan kaise kie jaen? uttara: shodash varg men grah ansh ke anusar rashi ganna ki jati hai aur sath hi adhidev ka spashtikaran kiya jata hai. devta ki prakriti ke anusar hi falakathan karna chahie. lekin samanya rup se rashi ke svami ke anusar hi fal kathan kiya jata hai.

prashna: jatak ke dhan sanbandhit pahlu ki jankari ke lie hora kis tarah se dekhni chahie? uttara: janm kundli ki pratyek rashi ke do saman bhag kar siddhantanusar jo varg banta hai, hora kahlata hai. isse jatak ke dhan sanbandhit pahlu ka adhyayan kiya jata hai. hora men do hi lagn hote hain, surya ka arthat sinh ya chandra ka arthat kark. grah ya to chandra hora men rahte hain ya surya hora men. vrihat parashar horashastra ke anusar guru, surya evan mangal surya ki hora men jatak ko achcha fal dete hain. chandra, shukra evan shani chandra ki hora men achcha fal dete hain. budh donon horaon men faldayak hai. yadi sabhi grah apni shubh fal vali hora men honge to jatak ko dhan sanbandhi samasyaen nahin aengi, jatak dhani hoga. yadi kuch grah shubh hora men aur kuch ashubh hora men honge to fal madhyam rahega. yadi sabhi grah ashubh hora men honge to jatak nirdhan hota hai.

prashna: derashkan jatak ke jivan ke kis pahlu ke vishleshan men mahatvapurn bhumika nibhata hai? uttara: dreshkan jatak ke bhai-bahnon se sukh, paraspar sanbandh, parakram ke bare men jankari ke lie mahatvapurn hai. iske atirikt isse jatak ki mrityu ka svarup bhi malum kiya jata hai.

prashna: dreshkan se falit karte samay kin baton par dhyan rakhna chahie? uttara: dreshkan se falit karte samay hamen kundli ke tisre bhav ke svami, tisre bhav ka karak mangal evan mangal se tisre sthit grah ki sthiti aur uske bal ka dhyan rakhna chahie. yadi dreshkan kundli men sanbandhit grah apne shubh sthan par sthit hain to jatak ko bhai-bahnon se vishesh labh hoga aur uske parakram men vriddhi hogi. age chal kar jatak ka ant samay bhi sukhi hoga. iske viprit yadi sanbandhit grah apne ashubh sthan arthat dreshkan men honge to jatak ko apne bhai-bahnon se kisi prakar ka sahyog prapt nahin hoga. aisi bhi sanbhavna ho sakti hai ki jatak apne man-bap ki akeli hi santan ho.

prashna: saptansh varg se santan sukh ka vishleshan kaise karte hain? uttara: janm kundli men pancham bhav santan ka mana gaya hai, islie pancham bhav ka svami, pancham ka karak grah guru, guru se pancham sthit grah aur uske bal ka dhyan rakhna chahie. saptansh men sanbandhit grah apne uchch ya shubh sthan par ho to shubh fal prapt hota hai arthat santan ka sukh prapt hota hai. iske viprit ashubh aur nichasth grah jatak ko santanhin banata hai ya santan hone par bhi sukh nahin prapt hota. saptansh lagn aur janm lagn donon ke svamiyon men paraspar mitrata (naisargik aur tatkalik) honi avashyak hai.

prashna: navansh kya hai aur is varg ka jyotish men kya mahatva hai? uttara: rashiyon ko nau saman bhagon men vibhakt kar taiyar varg navansh kahlata hai. yah bahut hi mahatvapurn varg hai. sabhi vargon men is varg ki charcha sabse adhik hoti hai. is varg ko janm kundli ka purak bhi samjha jata hai. amtaur par navansh ke bina falit nahin kiya jata. yah grahon ke balabal aur jivan ke utar-charhav ko darshata hai. mukhya rup se yah varg vivah, vaivahik jivan men khushiyan evan dukh ko darshata hai. lagn kundli men jo grah ashubh sthiti men ho aur navansh men vah shubh ho to grah ko shubh faldayi ya hani n pahunchane vala mana jata hai. yadi grah lagn aur navansh donon men ek hi rashi par ho to grah ko vargottam mana jata hai arthat vishesh shubh faldayi grah ho jata hai. lagnesh aur navanshesh donon ka apsi sanbandh lagn aur navansh kundli men shubh ho to jatak ke jivan men vishesh khushiyon ko lata hai, vaivahik jivan sukhamay hota hai, jatak har prakar ke sukhon ko bhogta hua jivan vyatit karta hai. var-vadhu ke kundli milan men bhi navansh mahatvapurn hai. yadi lagn kundliyan apas men n milen lekin navansh varg mil jaen to vivah uttam mana jata hai aur grihasth jivan anandamay rahta hai.

prashna: kya navansh varg men drishtiyan bhi karya karti hain? uttara: navansh varg hi kyon, kisi bhi varg men drishti ko nahin dekha jata. sirf lagn kundli men hi drishti ka mahatva hai, anya kisi varg men drishti nahin hoti. prashna: yadi navansh varg lagn varg ka purak hai to kya sirf navansh se hi falit kiya ja sakta hai? uttara: purak hone ka yah arth nahin ki ham mul ko bhul jaen. bina lagn kundli ke navansh varg hi nahin kisi bhi varg se akele falit nahin kiya ja sakta.

prashna: yadi navansh varg men grahon ki sthiti ekadam kharab ho aur lagn kundli men bahut hi achchi ho to jatak ko kaisa fal prapt hoga? uttara: lagn kundli men jatak ko raj yog hote hue bhi raj yog ka fal prapt nahin hoga. yadi navansh varg men grahon ki sthiti viprit rahti hai to dekhne men jatak sanpann avashya nazar aega lekin andar se khokhla hoga, stri se pareshan rahega, jivan men sangharsh karta hua jivan bitaega.

prashna: vyavsay ke vishay men sukshm jankari ke lie kaun sa varg dekhna chahie aur kaise? uttara: vyavsay ke lie dashmansh varg ki sahayta li jati hai. dashmansh arthat rashi ke das saman bhag kar jo varg banta hai. vaise dekha jae to janm kundli ka dasham bhav jatak ka karm kshetra hai jise dekh kar yah anuman lagaya jata hai ki jatak ka vyavsay kaisa rahega arthat jatak apne vyavsay men bina kisi rukavat ke karya karta rahega ya nahin. lekin vyavsay kaisa hona chahie aur vyavsay men sthirta ki jankari ke lie dashmansh varg sahayak hota hai. yadi dashmesh aur dasham bhav men sthit grah dashmansh varg men bal prapt karte hain to jatak ko vyavsay men vishesh saflta prapt hoti hai.

prashna: jatak vyapar karega ya naukri, yah dashmansh se kaise malum hoga? uttara: jatak ki kundli men dasham bhav men sthit grah yadi dashmansh kundli men sthir rashi men hai aur shubh grah se yukt hai to jatak vyapar men saflta pata hai. dashmansh ke lagn ka svami aur lagnesh donon ek hi tatva rashi ke hon to bhi jatak vyapar karta hai. iske viprit yadi dasham bhav sthit grah dashmansh kundli men char rashi men sthit ho aur ashubh grah se yukt ho to jatak naukri karta hai. dashmansh varg lagn svami aur lagnesh men paraspar shatruta jatak ko vyavsay men asthirta deti hai. aise kai yog dekhne ke bad vyavsay ke vishay men sukshmata se jana ja sakta hai.

prashna: vyapar men koi bahut bare vyapar men hota hai, koi chote men aur naukri men koi bahut unche pad par aur koi nimn pad par, kya yah bhi dashmansh se jana ja sakta hai? uttara: dashmansh har tarah se vyavsay ke sanbandh men sahayta karta hai. dashmansh men grah vishesh shubh hai aur kundli men bhi grah shubh hai ya shubh yogon men hai to jatak naukri men ho ya vyapar men, uchchakoti ka kam hi karta hai. ek ai.e.es. adhikari ki kundli men naukri se sanbandhit grah uchch koti ke honge tabhi vah is pad par pahunchta hai. vyapari ki kundli men vyapar se sanbandhit grah dashmansh aur kundli donon men hi shubh aur uchch koti ke hone se ek bara vyapari banta hai.

prashna: kaise dvadshansh varg se janen ki mata-pita se jatak ko kitna sukh hai? uttara: lagnesh aur dvadshansh lagnesh in donon men apsi mitrata is bat ka sanket karti hai ki jatak aur uske mata-pita men apsi sanbandh achche rahenge. iske viprit grah sthiti se apsi sanbandh bigrenge. iske sath hi lagn kundli ke chaturth aur dasham bhav ke svamiyon ki dvadshanash varg men sthiti mitra rashi men honi chahie. isse jatak ko mata-pita ka purn sukh prapt hota hai. yadi grah sthitiyan viprit rahengi to jatak ko sukh ki ichcha nahin karni chahie.

prashna: kai bar aisa dekhne ko milta hai ki man se to jatak ki bahut banti hai par pita se dushmani, aisi sthiti men dvadshansh mane kya grah sthitiyan hoti hain? uttara: yadi chaturthesh dvadshansh men ashubh grahon se yukt ho gaya to mata se nahin banegi aur dashmesh yadi shubh grahon se yukt ho aur shubh sthit ho to jatak ki pita se banegi. iske atirikt surya aur shani ki yuti pita-putra men apsi vaimanasya paida karti hai. isi tarah chandra aur shani ki yuti mata-putra men apsi duriyan paida karti hai.

prashna: jatak ke jivan men arisht karya hote rahenge, yah kaise jana jaega? uttara: trinshansh varg men yadi sukh pradan karne vale grah shatru kshetri ya ashubh sthiti men hane to jatak ke jivan men arisht karya hote rahenge.

prashna: durghatana kab hogi, kya yah bhi trinshansh varg se jana ja sakta hai? uttara: yah bat grah-dasha par nirbhar karti hai. jo grah lagn kundli men sukh dene vala hai aur trinshansh men ashubh hai to usi grah ki dasha men jatak ko kasht hoga. sanbandhit grah ki gochar sthiti par bhi ghatna nirbhar karti hai.

prashna: khagolshastra ke anusar shodash varg kya darshata hai? uttara: khagol shastra ke anusar rashi chakra ko barah rashiyon aur 27 nakshatron men banta gaya hai. mand gati ke grah rashiyon aur nakshatron men kafi samay tak rahte hain atah uske age vibhag karne ke lie shodash varg ki sahayta li gai hai jismen ek rashi adhik se adhik 60 bhagon men bant kar pure rashi chakra ko 720 bhagon men vibhakt kiya gaya hai. isse sukshm falakathan men sahayta milti hai. prashna: kya shodash varg se grah shanti ke upay bhi batae ja sakte hain? uttara: grah shanti us grah ki hoti hai jo kundli men anishtakari ho. yadi shodash varg men kisi varg men grah nirbal hai aur lagn kundli ashubh faldayi nahin hai to uska upay kiya ja sakta hai. samanyatah lagn kundli aur chalit se hi upay karna chahie.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

ratn visheshank  February 2006

hamare rishi maharshiyon ne mukhyatya tin prakar ke upayon ki anushansa ki hai yatha tantra, mantra evan yantra. in tinon men se tisra upay sarvadhik ullekhniya evan karne men sahaj hai. isi men se ek upay hai ratn dharan karna. aisa mana jata hai ki koi n koi ratn har grah se sambandhit hai tatha yadi koi vyakti vah ratn dharan karta hai to us grah ke dvara srijit ashubhatva men kafi kami ati hai. fyuchar samachar ke is visheshank men anek mahatvapurn alekhon ko samavisht kiya gaya hai jismen se pramukh hain- chairasi ratn evan unka prabhav, vibhinn lagnon men ratn chayan, jyotish ke chah mahadosh evan ratn chayan, rog bhagaen ratn, ratnon ka shuddhikaran evan pran-pratishtha, kitne din men asar dikhate hain ratn, lajavart mani-ek nam anek kam ityadi. iske atirikt sthayi stambhon ke bhi mahatvapurn alekh vidyaman hain.

Subscribe


.