jyotishiya drishtikon se kundli milani chahie ya nahin. aise kuch prashn aj hamare samne hain jinhen lekar ham tatha samaj dukhi hai aisa kyon? aie karan dhunrhte hain. kundli milan karne ke pashchat shadi ki tarikh pakki ki jati hai. ek to jyadatar shadi ki tarikh ham apni marji se tay karna chahte hain yah galat paranpra hai jo din tarikh shubh ho aur shadi ka samay arthat lama fere ka samay ho use hi chunna chahie. adhikatar dekha gaya hai pandit ji din tarikh v shadi feron ka samay nishchit kar dete hain aur samne vala jatak bhi shadi muhurt se santusht ho ghar a kar taiyariyan karni shuru kar dete hain.
shadi ka din a jata hai aur dulha dulhan byuti parlar ke yahan ja kar sajne sanvrne baith jate hain aur unhen yah dhyan nahin rahta ki mata-pita ne shadi muhurt men samay fiks kar dakha hai hamen vahan samay par upasthit rahna chahie. bachche hamesha deri karte hain aur shadi muhurt nika jata hai ashubh samay men fere dalte hain aur arisht utpann ho jata hai yah pahli galti hai. shadi hone ke bad ghar se doli vida hone ka bhi muhurt hota hai uska palan to bilkul nahin hota. chalie man lete hain yah sanbhav nahin hai kyonki paristhiti dusron ke hath men hati hai.
pratyek larki vala chahta hai ki jaldi se jaldi larki vida ho aur is karya ko samapt kiya jae. parantu larki ka pratham bar apne pati ke ghar men grih pravesh to hamare hath men hai. grih pravesh hamesha pratahkal ya sanykal taron ki chaya men hota hai. brahm muhurt ya godhuli bela ka samay is karya ke lie uÿam hota hai. islie is niyam ka palan kiya ja sakta hai. yadi larki ki doli din men ati hai to unhen kahin raste men dharm sthan ya apne najdiki ke ghar par parivar ke ist mitron ke sath kuch ghanton ke lie thahraya ja sakta hai.
parantu aisa nahin hota hai aur kisi bhi taim par vadhu ke sath grih pravesh kar lete hain aur arisht paida kar lete hain yah dusri galti hui. jab shadi ka samay a jata hai aur ek saptah pahle hi shadi ki rasm ada karna shuru ho jata hai. ham shadi se pahle apne ghar men apne mitron ko devtaon ko apne isht dev ko amantrit karte hain. yahan tak ki sabse pahla shadi ka nimantran ganesh ji, mata vaishno devi ya jismen hamari shraddha hai use dalte hain aur ghar men akar shadi men shamil hone tatha vivah karya ko achchi tarah se pura hone ke lie prarthana karte hain.
parantu jab shadi ho jati hai aur nav vadhu ghar men a jati hai us samay bhi hamen apne devtaon ke pas ek rat gujarni parti hai. mata beta-bahu ko apne pas devtaon ke samne jamin par sulati hai aur prarthana karti hai - he devtaon, donon bachche apki sharan men hain ap ghar men maujud hain inhen aisa ashirvad do ki inki jori hamesha sukhi rahe. aur pratah kal fir devtaon ko vidhi purvak hamen vida karte hain aur shubh var vela muhurt men donon bachchon ko milne dete hain.
is niyam ka kaun kitna palan karta hai. yah hamari tisri sabse bari galti hui. hamne devtaon ko bulaya jarur parantu unhen adar purvak vida nahin kiya. shadi ke bad ham bhul jate hain ki hamne devtaon ko bhi bulaya tha unhen adar sahit vapas apne apne lok ko bhejna hai. yah sabse bari galti hoti hai. devta hamen shap dekar jate hain aur shadi ke kuch din bad hi apas men jhagra shuru ho jata hai. ismen kasur kiska hai? ajakal ek sabse bari galti ham karte hain ki muhurt hi nahin dekhte.
apni marji se suvidhanusar shadi kar lete hain. ve prem vivah ki vajah ho ya anya karan parantu jab samay thik dekha mitron ke sath kisi mandir men ya hotal men shadi kar lete hain. yah sabse bari galti karte hain. yadi muhurt ki jarurat hi nahin heai to hamare rishiyon ne shastron ka nimarn kyon kiya. ved men pratyek hindu dharm ko manne vale ki shraddha hai. ham unka samman karte hain parantu yadi ham sab kuch apni marji se karenge to dharm ved ka apman hoga aur hamen arisht se gujrna parega.
hamen apne riti-rivaj, dharm, mata-pita ki kur paranpra ka samman karnachahie ham yadi apni marji se kabhi bhi shadi karenge to sabse pahle mata-pita ka shap ka samna karta parega. yadi mata-pita kisi karan ijajat bhi dete hain to shastron ke apman ka samna karna parega. apne mitron ke shap ka samna karna parega
is tarah hamne sabse bari panchvi galti aur dampatya sukh se hath dhona para. ab ap khud sochie yadi hamare bachchon men apas men nahin banti hai ya parivar ke sath nav danpÿia putra vadhu ki nahin banti hai to hamne apne purvajon ke dvara die gae riti rivajon ka kitna palan kiya. ham apne riti rivajon ka pura palan nahin karte hain isilie hamen talak ya anya kasht ka samna karna parta hai.