ईशान कोण का कटना, घर से सुख एवं समृद्धि का हटना

ishan kon ka katna, ghar se sukh evan samriddhi ka hatna  

Ank ke aur Lekh | Sambandhit Lekh | Views : 7161 |  
ishan kon ka katna, ghar se sukh evan samriddhi ka hatna pan. gopal sharma (bi.i.) kuch din purva pandit ji ek sarkari afasar ke ghar vastu parikshan ke liye gaye jo ki relve aufis men ek varishth pad par karya karte hain. unke koi aulad nahin thi aur unhonne apne bhai ki beti ko god le rakha tha. unhonne bataya ki patni ka svasthya thik nahin rahta hai aur unke pet ka do bar aupreshan bhi ho chuka hai. vah svayan bhutal par rahte hain tatha unka bhai upar ki manjil par rahta hai. uske ek beta v ek beti hai. parantu uska beta kafi bimar rahta hai aur bimari par kafi kharcha hota rahta hai. vastu parikshan karne par pae gae vastu dosh : unke ghar ka uttar purva kona kata hua tha jo ki ek ganbhir vastu dosh hai jo ki ghar ki sukh samriddhi evan ghar ke bachchon ke svasthya ke lie hanikarak tatha parivar ki vanshvriddhi men badhak hota hai. dakshin-pashchim men shauchalay bana tha jisse ghar ke malik ke anchahe kharche hote rahte hain aur unhen mansik tanav rahta hai. ghar ke uttar men sidhiyan bani thin jo ki brahmasthan tak a rahi thin jisse arthik hani hoti hai tatha kendra men sirhi ane se pet sanbandhi pareshaniyan ati hain. uttar men rasoighar bana tha jisse ghar men rah rahe sadasyon men vaicharik matbhed rahta hai tatha kharcha adhik hota hai. sidhiyon ke niche stor bana tha jo ki vikas men badhak hota hai. sidhiyon ka niche se band hona ghar ki larkiyon (bua, bahan beti) ke lie ati hanikarak hota hai. dakshin men mukhay dvar ke samne vithishul ban raha tha jo ki ghar ke sadasyon ke svasthya evan vikas ke lie ashubh hota hai. sujhav : uttara-purva ke kone ko thik karne ki salah di gai. tatkalik labh ke liye unhen kaha gaya ki uttar tatha purva ki divar par shisha laga den taki is dosh ka prabhav kuch kam ho. dakshin-pashchim men bane shauchalay ko kone se hata kar dakshin men banane ko kaha gaya tatha shauchalay ki jagah stor banane ki salah di gai. sidhiyon ko uttara-pashchim ya pashchim men banane ko kaha gaya. sidhiyon ke niche ke hisse ko turant kholne ko kaha gaya. rasoighar ko dakshin-purva men banane ko kaha gaya jisse ghar men sabhi sadasyon ka svasthya thik rahe. ghar ke mukhay dvar par kanvaiks mirar (pakua) lagane ke kaha gaya. darvaje par maihrun kalar karne ki salah di gai tatha us par svastik chinh lagaya gaya. jisse ghar men nakaratmak urja pravesh n kar sake. dvar ke as-pas bare-bare paudhe rakhne ki bhi salah di gai tatha darvaje ke niche dahlij banvai gai. vigat do dashkon ke anubhav ke adhar par pandit ji ne unhen vishvas dilaya ki sabhi sujhavon ko karyanvit karne ke pashchat unki samasyaen kafi had tak avashya kam ho jaengi.
Kya aapko lekh pasand aaya? Subscribe
Kya aapko lekh pasand aaya? Subscribe


muhurt visheshank  June 2011

jivan ki mahatvapurn karyon jaise-vivah, grih pravesh, naya pad ya nai yojna ke kriyanvayan ke lie shubh muhurt nikalakar karya karne se saflta prapt hoti hai aur jivan sukhamay banta hai v bina muhurt ke karya karne par nishfalata dekhi hai. is visheshank me bataya gaya hai

Subscribe

Apne vichar vyakt karein

blog comments powered by Disqus
.