gat janvri men jaypur ke ek prasiddh hotal ki malkin ke hotal ki bagal men ban rahe ghar ka vastu parikshan kiya gaya. malkin ka kahna tha ki vah bahut dinon se makan banane ki koshish kar rahi thin, kintu apratyashit rup se koi n koi samasya ati rahi hai.
hotal achcha chal raha hai, aur uske vikas ke lie bainkat tatha vyaparik sangoshthi hetu atirikt nimarn karne ka prayas kafi samay se chal raha hai. kintu is disha men koi n koi rukavat a hi jati hai. vahin, sarkar se anapatti praman-patra bhi nahin mil pa raha tha. is bich arkitekt /dijainar do bar badlne pare.
vastu parikshan karne par nimnalikhit dosh pae gae:
1. uttara-pashchim men do boring thin. yah ek ganbhir dosh hai. iske falasvarup kam karne valon se sahyog nahin milta aur sarkari kamon men pareshaniyan ati hain.
2. dakshin-pashchim men dvar tha. is sthan par dvar ka hona malik ke mansik tanav, har kam men deri evan anchahe kharchon ka karan hota hai.
3. dakshin men tarntal tha. is disha men tarntal ka hona arthik samasyaon evan svasthya hani ka mukhya karan hota hai.
4. hotal ke uttar bane kamre men kafi bara jenretar rakha tha. jenretar ki is sthiti ke falasvarup bhari kharch hota hai evan vicharon men matbhed rahta hai.
5. makan uttara-purva men ban raha tha aur dakshin-pashchim ki or kafi khula sthan tha. yah bhi kam men vilanb evan vibhinn pareshaniyon ka karan hota hai.
6. hotal evan ban rahe ghar ke bich men lage tar ki jagah tin fut ki kankrit ki divar banane ki salah di gai. divar banne ke bad ghar vale hisse ke dakshin-pashchim ke dvar ko band karne aur us hisse men dakshin evan pashchim ke khulepan ko kam karne ke lie tin fut unchi ek aur divar ghar ke nikat banane ki salah di gai aur ane jane ke lie sirhiyan banane ko kaha gaya.
sujhav :
1. divar banane se ek boring pashchim men a jaegi. dusri boring ko uttara-purva men karane ko kaha gaya.
2. dakshin-pashchim men bane dvar ko band karne ko kaha gaya aur ane jane ke lie hotal vale plaet ke uttara-pashchim ki taraf pashchim men dvar banane ki salah di gai.
3. jenretar ko hotal ke uttar ke kamre se hatakar khule men hotal ke hisse ke uttara-pashchim men men rakhne ko kaha gaya.
4. kyonki tarntal ko sthanantrit karna kafi kathin tha islie use dusre charan men sthanantrit karne ki salah di gai aur bhavishya men use purva men banane ke lie kaha gaya.
jivan men jarurat hai jyotishiya margadarshan ki? abhi bat karen fyuchar point jyotishiyon se!