नैर्ऋत्य के दुष्परिणाम

nairritya ke dushparinam  

Ank ke aur Lekh | Sambandhit Lekh | Views : 1220 |  
kuch din pahle pandit ji sangrur ke shri shyam garg ji ke ghar ka nirikshan karne gaye. vahan par shri garg ji ne unhen bataya ki is ghar ko banane se pahle sab kuch thik chal raha tha lekin jab se ise banaya hai rojana koi n koi samasya khari rahti hai. do bar durghatana men chot lagte-lagte rah chuki hai. unhonne bataya ki ek vastushastri ke sujhav se hamne dakshina/dakshin-pashchimi bhag ke farsh ko uncha bhi karvaya tha parantu lagta hai ab bhi kuch vastu sudhar avashyak hai. pandit ji dvara batae gaye sujhav: pandit ji ne nirikshan ke pashchat bataya ki ghar ka mukhya dvar dakshin-pashchim men tha jiske karan ghar ka malik jyadatar ghar se bahar rahta hai dhan-hani evan asvasthata hoti hai. rasoi men chulha dakshin-pashchim men tha jiske karan ghar men rahne vali striyon ka svasthya kharab hone ki sanbhavna bani rahti hai. khula porch (is sthan par chat n hona) hone se ya to yah mana jaega ki pashchim kshetra kat gaya hai ya dakshin men rasoi tatha dakshini pashchimi kshetra men draing rum ka hissa barh gaya hai. in doshon se bimari, anavashyak kharche, apsi manmnutav ho jate hain. dakshin-pashchimi kshetra men age laen men boring hona bhi ek mukhya vastu dosh tha. isse eksident, bimari v har kam men rukavat paida hoti rahti hai. pandit ji ne mukhya dvar ke dosh ko kam karne ke liye raimp banvaya tatha ek inch vale 9 pile piramir dahlij ke niche chandi ki patti ke sath dabvayen. raimp ke upri farsh ka rang bhi pile rang ka karvaya. rasoi ke age balkni ko bara banakar use ek kone se dakshini divar v dusre kone se pashchimi chardivari par pilr/paip khare kar ke milva diya. rasaighar men chulhe ki disha ko badalakar grihini ka mukh khana pakate samay purva ki taraf karvaya gaya. dakshin-pashchim se boring ko hatakar piche laen men lagvaya gaya. purva men piche shauchalay bahar nikla hua hai parantu purva men shauchalay bhi ho sakta hai tatha vistar bhi svikarya hai. pandit ji ne vishvas dilaya ki in sab sujhavon ko kriyanvit karne se jivan ke pratyek kshetra men ashcharyajanak sudhar hoga. prashna: pandit ji ham arthik samasyaon se kafi pareshan hain jisse ghar men mansik tanav bana rahta hai. kripya naksha dekhakar margadarshan karen. shri manish gupta, dilli uttara: apke ghar ke dakshin- pashchim men mukhya dvar hai jisse anavashyak kharche hote rahte hain aur ghar ke malik ka ghar men man nahin lagta arthat ghar se dur rahta hai. iske nakaratmak dosh ko kam karne ke lie mukhya dva ar par dahlij banaen aur uske niche chandi ki patti v nau chote piramir dabaen. dahlij lakri ya marabal ki bana sakte hain. dahlij par pila pent karna aur bhi labhdayak hoga. ghar ke mukhya dvar par svastik lagaen aur dvar ke upar bahar ki taraf pakua shisha lagaen. apke ghar men uttara-purva ke kone men rakhe palang ko divar se kuch age karen jisse vah kona band n ho. uttar purva men sir karke sone se svasthya kharab hota hai mukhyatah mansik pareshaniyan bani rahti hain. sir dakshin, dakshin-pashchim ki taraf karke soen. shauchalay ke bahar dakshin-pashchim ki divar par vaesh besin par lage shishe ko hatana bhi labhdayak hoga.
Kya aapko lekh pasand aaya? Subscribe
Kya aapko lekh pasand aaya? Subscribe


sharirik hav bhav evan lakshan visheshank  August 2014

srishti ke arambh se hi pratyek manushya ki ye utkat abhilasha rahi hai ki vah kisi prakar se apna bhut, vartaman evan bhavishya jan sake. bhavishya kathan vigyan ki anek shakhaen prachlit hain jinmen jyotish, ankshastra, hast rekha shastra, sharirik hav-bhav evan lakshan shastra pramukh hain. hal ke varshon men sharirik hav-bhav evan ang lakshanon se bhavishyavani karne ka prachalan barha hai. vartaman ank men sharirik hav-bhav evan ang lakshanon se bhavishyavani kaise ki jati hai, iska vistrit vivaran vibhinn lekhon ke madhyam se samjhaya gaya hai.

Subscribe

Apne vichar vyakt karein

blog comments powered by Disqus
.