कृष्ण जन्माष्टमी (17-8-2014)

krishn janmashtami (17-8-2014)  

Ank ke aur Lekh | Sambandhit Lekh | Views : 1210 |  
bhagvan shrikrishn ke janm par manaya jane vala pavan parva janmashtami bharat bhumi par manaya jane vala aisa tyauhar hai jise ab sirf bharat hi nahin balki videshon men kai sthanon par bahut dhumdham se manaya jata hai. bhagvan krishn ke bhagavad gita ke updesh anadi kal se janmanas ke lie jivan darshan prastut karte rahe hain. hin‍duon ka yah t‍yauhar shravan mas (amuman julai ya agas‍ta) ke krish‍n paksh ki ash‍tami ke din manaya jata hai. hindu pauranik katha ke anusar krish‍n ka jan‍m, mathura ke raja kans ka ant karne ke lie hua tha. kans shrikrishn ki mata devki ka saga bhai tha. masi bhadrapde'shtamyan nishithe krishnapakshake, shashanke vrishrashisthe rikshe rohini sangyake.. yoge'sminvasudevaddhi devki mamjijanat kevlopvasen tasminjanmadine mam saptajanmakritatpapanmuchyate natra sanshyah.. bhagvan krishn ka janm bhadrapad mas ke krishn paksh ki ashtami, din budhvar, rohini nakshatra evan vrishrashisth chandrama men hua tha. atah is din janmashtami vrat rakhne ka vidhan hai. is vrat ko bal, yuva, vriddh sabhi kar sakte hain. yah vrat bharat varsh ke kuch pranton men surya uday kalin ashtami tithi ko tatha kuch jaghon par tatkal vyapini arthat arddharatri men parne vali ashtami tithi ko kiya jata hai. siddhant rup se yah adhik manya hai. krishn janmashtami vrat vidhi janmashtami ka vrat sabhi ichchaen purn karne vala mana jata hai. upvas ki purva ratri ko halka bhojan karen aur brahmacharya ka palan karen. upvas ke din pratahkal snanadi nityakarmon se nivritt ho jaen aur uske bad surya, som, yam, kal, sandhi, bhut, pavan, dikpati, bhumi, akash, khechar, amar aur brahmadi ko namaskar kar purva ya uttar mukh baithen. iske bad jal, fal, kush aur gandh lekar sankalp karen- mamkhilpapaprashmnpurvak sarvabhisht siddhaye shrikrishn janmashtami vratmhan karishye.. ab madhyahn ke samay kale tilon ke jal se snan kar devki ji ke lie ‘sutika grih’ niyat karen. iske bad shrikrishn ki murti ko sthapit karna chahie. iske bad vidhi-vidhan se pujan karen. pujan men devki, vasudev, baldev, nand, yashoda aur lakshmi in sabka nam kramshah nirdisht karna chahie. fir nimn mantra se pushpanjli arpan karen- ‘pranme dev janni tvaya jatastu vaman.. vasudevat tatha krishno namastubhyan namo namah.. suputrarghyan pradattan men grihaneman namo'stu te..’ ant men janmashtami ki rat ko prasad vitaran karna chahie. kaha jata hai jo vyakti janmashtami ke vrat ko karta hai vah aishvarya aur mukti ko prapt karta hai.
Kya aapko lekh pasand aaya? Subscribe
Kya aapko lekh pasand aaya? Subscribe


sharirik hav bhav evan lakshan visheshank  August 2014

srishti ke arambh se hi pratyek manushya ki ye utkat abhilasha rahi hai ki vah kisi prakar se apna bhut, vartaman evan bhavishya jan sake. bhavishya kathan vigyan ki anek shakhaen prachlit hain jinmen jyotish, ankshastra, hast rekha shastra, sharirik hav-bhav evan lakshan shastra pramukh hain. hal ke varshon men sharirik hav-bhav evan ang lakshanon se bhavishyavani karne ka prachalan barha hai. vartaman ank men sharirik hav-bhav evan ang lakshanon se bhavishyavani kaise ki jati hai, iska vistrit vivaran vibhinn lekhon ke madhyam se samjhaya gaya hai.

Subscribe

Apne vichar vyakt karein

blog comments powered by Disqus
.