नाग पंचमी का महात्मय

nag panchmi ka mahatmy  

Ank ke aur Lekh | Sambandhit Lekh | Views : 3346 |  
bhavishya puran ka mat hai ki shravan mas ke shukla paksh men panchmi tithi ko darvaje ke donon taraf gobar se vishdhari (vish ko uglne vale) nagon ki murti khinch kar, dugdh se snan kara kar, dadhi, durva, kusha, gandh, akshat, pushp, modak, malpua adi padarthon se pujan karen, ya brahmanon ko bula kar pujan karaven tatha brahmanon ko mishtannadi padarthon se tript karen, dravya dakshina den tatha ekbhukt vrat rakhen, to ghar men sarpon ka bhay nahin hota hai. skand puran ke nagar khand ke anusar chamatkarpur men rahne vale nagon ka pujan karne se manokamna purn hoti hai. narad puran men sarp ke dasne se bachav hetu kartik shukla paksh chaturthi ko nag vrat karne ka vidhan bataya gaya hai. punah sarp dansh se surakshit rahne ke lie bhado krishn panchmi ko bhi nagon ko dudh pilane ki bat kahi gayi hai. parantu vichar kar dekha jae, to varsha ritu hi sarpon ke niklne ka samay hota hai, kyonki bilon men jal bhar jane ke karan nag bahar a jate hain. sharad ritu men nagon ke darshan nahin hote. garmi men bhi yadakda nagon ke darshan ho jate hain. isi karan sarpon ke namanurup shravan mas ke shukla paksh men hi nagon ka pujan vishesh labhkari hai. is din ‘¬ kurukulye hun fat svaha’ ke adhikadhik jap karen, to sarp vish dur hota hai. janmakundli men banne vale ‘anant, karkotak, vasuki, shankhpal, padm, mahapadm, takshak, kulik, shankhnad, patak, vishakt evan sheshnag namak kal sarp dosh ki shanti bhi is tithi men nagon ke pujan se hoti hai. purvi bangal, chota-nagpur tatha anya pranton men ‘sarparagyai’ mansa devi ki puja ki jati hai. maisur rajya men komti samuday ki striyan putra prapti ki abhilasha se nagon ki murti ki puja karti hain. ‘di sarpent lor’ namak pustak men bogel ka kathan hai ki pashchimi aur dakshini bharat men santan prapti ki kamna se vivahit striyan sarp pujan karti hain. gauri pujan ke prasang men hindu mahilaen banjhapan dur karne ke lie nagon ko pujti hain. nag pujan se bhagvan shiv prasann hote hain aur ayushya pradan karte hain. panchmi nagon ki tithi hai evan, jyotish shastra ke anusar, panchmi tithi ke svami nag hain. agni puran men bhi likha haiah sheshadinan fanishanan panchamyan pujnan bhavet’. sarparajon ka pujan panchmi ko hona chahie. jo nit nirantar pratyek mas ki donon pakshon ki panchmi ko nagon ka pujan karte hain, unhen nagon ka bhay to hota hi nahin, varan nag lok ka sanpurn aishvarya bhi prapt hota hai. is tithi men nagon ko dudh bhi pilana chahie, sugandhit pushp samarpit karne chahie. sapere nagon ka khel bhi dikhate hain, jiske dvara ve jivan yapan karte hain. isse bachchon ka manoranjan hota hai. nag pujan ke sanbandh men ek prachin dant katha hai: prachin kal men kisi brahman ki sat putravdhuen thin. shravan mas lagte hi chah putravdhuen to apne-apne bhaiyon ke sath mayke chali gayin, parantu abhagi satvin ka koi bhai hi n tha. atah vah sasural men hi rah gayi. tab us duahkhiyari ne karunapurvak prithvi ko dharan karne vale sheshnag ko bhai ke rup men yad kiya. art pukar sunakar sheshnag vriddh brahman ke rup men aye aur use liva kar chal diye. thori dur pahunch kar hi unhonne apna asli rup dharan kar liya evan apni munh boli dharm bahan ko fan par bitha kar nag lok (patal) le gaye. vahan vah nishnichat hokar rahne lagi. patal lok men jab vah nivas kar rahi thi, usi samay shesh ji ki kul paranpra men nagon ke bahut se bachchon ne janm liya. un nag bachchon ko sarvatra vicharan karte dekh shesh nag ki rani ne us devi ko pital ka ek dipak diya tatha bataya ki iske prakash se tum andhere men bhi sab kuch dekh sakogi. ek din achanak tahlte hue uske hath se vah dipak, vicharan karne vale nag bachchon ke upar gir gaya. parinamasvarup un sab ki thori-thori panuch kat gayi. ukt ghatnachakra ke kuch samay bad vah bahan sasural bhej di gayi. punah shravan mas aya, to vah vadhu divar par nagon ka chitra khinch kar unki vidhivt puja tatha mangal kamna karne lagi. idhar krodhit nag balak, mataon se apni punch katne ka karan jan kar is vadhu se badla lene ke lie aye hue the, parantu ashcharya ki bat ki apni hi puja men shraddhavan use dekh kar nag balak bahut prasann hue aur unka krodh shant ho gaya. bahan svarup us vadhu ke hath se prasad rup men un nagon ne dudh piya tatha chaval bhi khaye. nagon ne use sarp kul se nirbhay hone ka vardan diya tatha uphar men maniyon ki mala aur bahut si vastuen din. unhonne yah bhi bataya ki shravan mas ke shukla paksh ki panchmi men jo hamen bhai rup men pujega, uski ham sada raksha karte rahenge. svayan bhagvan narayan kshir sagar men sheshnag par shayan karte hain. nag kal ka svarup hai aur jo nagon ka pujan karta hai, vah kal par vijay prapt karta hai. atah nishkarsh yahi niklta hai ki nagon ka pujan lok evan parlok donon ke lie kalyankari evan shubh falapradata hai.
Kya aapko lekh pasand aaya? Subscribe
Kya aapko lekh pasand aaya? Subscribe


sharirik hav bhav evan lakshan visheshank  August 2014

srishti ke arambh se hi pratyek manushya ki ye utkat abhilasha rahi hai ki vah kisi prakar se apna bhut, vartaman evan bhavishya jan sake. bhavishya kathan vigyan ki anek shakhaen prachlit hain jinmen jyotish, ankshastra, hast rekha shastra, sharirik hav-bhav evan lakshan shastra pramukh hain. hal ke varshon men sharirik hav-bhav evan ang lakshanon se bhavishyavani karne ka prachalan barha hai. vartaman ank men sharirik hav-bhav evan ang lakshanon se bhavishyavani kaise ki jati hai, iska vistrit vivaran vibhinn lekhon ke madhyam se samjhaya gaya hai.

Subscribe

Apne vichar vyakt karein

blog comments powered by Disqus
.