विवाहादि शुभ मुहूर्त : महत्व, साधन एवं दोष परिहार

vivahadi shubh muhurt : mahatva, sadhan evan dosh parihar  

Ank ke aur Lekh | Sambandhit Lekh | Views : 4390 |  
vivahadi shubh muhurt : mahatva, sadhan evan dosh parihar pan. em. si. bhatt vibhinn muhurto ka ullekh muhurt granthon men vibhinn shubh yogon sahit upalabdh hai. tathapi kuch jankariyan avashya hi mahatvapurn hoti hain jinka dhyan rakha jana chahie. vivah melapak aur muhurt sadhan jaise kathin karya men atyadhik savdhani aur sajgta ki avashyakta rahti hai. choti si asavdhani anek prakar ke doshon ka srijan karti hai. vidvan lekhak ne yahan par un sabhi doshon ka vistar se ullekh karne ke sath-sath unke parihar ki vidhi bhi vistarpurvak batai hai. bhartiya jyotish men kisi karya vishesh ko praranbh evan sanpadit karne hetu ek nirdisht shubh samay hota hai, jise muhurt kahte hain. shubh muhurt men karya praranbh karne se karya nirvighn tatha yathashighra safal hota hai. muhurt shastro men panchang (tithi, var, nakshatra, yog, karn) ganna ke adhar par shubh aur ashubh muhurton ka nirdharan kiya jata hai. pratyek karya ke anusar muhurt ka prarup bhi bhinn hota hai. bhartiya sanskriti ke mukhay pratik shodash sanskaron ke muhurton ka varnan bhi muhurtt shastra men prithak rup se kiya gaya hai. sath hi ninv muhurt, grih pravesh, yatra aranbh tatha jalashay nirman praranbh ke muhurt ka varnan bhi muhurt granthon men upalabdh hai. iske atirikt tithi, var, nakshatra adi ke sanyog se bhi katipay muhurt bante hain, jinmen sanskar evan vishisht karyon ke atirikt anya karya kiye ja sakte hain. aise muhurt 'shubh yog' kahlate hain. muhurt shastra men mukhay rup se 'shubh yog' nimnalikhit hain :- siddhi yog, amritsiddhi yog, sarvarthasiddhi yog, ravipushya yog, gurupushya yog, pushkar yog, dvi-tripushkar yog, raj yog, ravi yog tatha kumar yog. muhurt sanbandhi kuch jankariyan : 1. amavasya tithi men manglik karyon ko praranbh nahin karna chahiye. 2. rikta tithiyon (chaturthi, navmi, chaturdashi) men ajivika sanbandhi kisi bhi karya ko praranbh nahin karna chahiye. 3. nanda tithiyon (pratipda, shashthi, ekadshi) men kisi bhi yojna ko parit athva kriyanvit nahin karen. 4. ravivar, manglvar, evan shanivar ko mel-milap evan sandhi ke karya n karen. 5. koi bhi grah jis din apni rashi parivartit karen, us tithi aur nakshatra men kisi bhi karya ki ruprekha nahin banayen aur n hi koi karya praranbh karen. 6. jis din nakshatra evan tithi ka yog 13 aye, us din parivarik athva samajik utsav athva karya ka ayojan nahin karen. 7. jab bhi koi grah uday ya ast ho, to usse tin din purva aur bad tak bhi apne kisi vishesh karya ki shuruat nahin karen. 8. apni janm rashi ka aur janm nakshatra ka svami jab ast ho, vakri ho athva shatru grahon ke madhya ho, us samay men bhi niji jivan se jure aur ay sanbandhi kshetron ka vistar athva yojnaon ka kriyanvayan nahin karen. budh grah ko ast -dosh kam lagta hai. 9. tithi, nakshatra evan lagn ki samapti ho rahi ho, us samay jivan, mrityu aur ay se jure kisi karya ko anjam nahin dena chahiye. 10. kshay tithi ko bhi tyagna chahiye. 11. samipavarti grahan jis nakshatra men hua ho, us nakshatra ko agle grahanaparyant shubh karyon se dur rakha jata hai. 12. janm rashi se chauthi, athvin, aur barhvin rashi par jab chandrama ho, us samay praranbh kiye gaye karya nasht ho jate hain. 13. shubh karyon ke praranbh men bhadrakal se bachna chahiye. 14. chandrama jab kunbh athva min rashi men ho, us samay ghar men agni sanbandhi vastuen jaise indhan, gais silendar, petrol, astra-shastra, naye bartan, bijli ka saman athva mashinri nahin lani chahiye. 15. vivah ke liye manglvar ko kanya ka aur somvar ko var ka varan nahin karna chahiye. 16. janmavar evan janm nakshatra men naye kapre pahnna achcha hota hai. 17. pushya nakshatra keval vivah ko chorakar anya sabhi karyon men shubh hota hai. 18. devashayan avdhi men balak ko skul men dakhila nahin dilana chahiye. 19. char (gatishil, yatra sanbandhi) karyon hetu char lagn (mesh, kark, tula makr), sthir karyon (vivah evan bhavan nirman) ke liye sthir lagn (vrishabh, sinh, vrishchik, kunbh) tatha dvisvabhav rashiyon ka purvardh sthir karyon ke liye prayog kiya ja sakta hai. 20. ghar ke kisi bujurg ka shraddh divas ho athva mrityu tithi ho, us din bhi kisi naye karya ki shuruat nahin karni chahiye. 21. sakshatkar lene aur dene athva pariksha farm bharne men nanda aur jaya tithiyan shubh mani jati hai. 22. surya jab budh aur guru ki rashiyon men ho, to us samay naye bhavan men pravesh nahin karna chahiye. 23. manglvar ko dhan udhar nahin lena chahiye aur budhvar ko dena nahin chahiye. 24. manglvar ko rin chukana aur budhvar ko dhan sangrah karna shubh hota hai. 25. somvar aur shanivar ko purva disha men, guruvar ko dakshin disha men, ravivar aur shukravar ko pashchim disha men, manglvar aur budhvar ko uttar disha men vyavsayik athva parivarik karya hetu yatra nahin karni chahiye. kisi bhi vyakti ke jivan star ko uthane ke liye muhurt ek sashakt madhyam hai. jin vyaktiyon ki janmapatrikayen nahin hoti, unka bhavishya dekhne ke liye shubh muhurt vardan siddh hote hain. muhurt ki kundli ke adhar par danpatti ke bhavi jivan ka ghatnakram bataya ja sakta hai. vivah, mundan, griharanbhadi shubh karyon men mas, tithi, nakshatra, yogadi ki shuddhi ke sath vivah lagn ki shuddhi ko vishesh mahatva evan pradhanta di gai hai. tithi ko sharir, chandrama ko man, yog - nakshatra adi ko sharir ke ang tatha lagn ko atma mana gaya hai. yatha : tithiah shariran man induvirya vilagnamatma'vyvastu- bhadyaah lagn bal ke bina jo kuch bhi shubh karya kiya jata hai, uska fal vaise hi vyarth ho jata hai, jaise grishmakal men bina jal ke nadi. lagnavirya bina yatra yatkarm kriyate budhaiah. tatfalan vilyan yati grishme kusrita yatha॥ sabhi shubh karyon men lagn shuddhi ka vishesh mahattva hai. vivah lagn ka nishchay karna ho, to trivikram sanhitanusar, lagn sthan men chandra tatha surya, shani, mangal, rahu, ketu adi krur grah n hon, lagn se chathe sthan men shukra, v chandra v lagnesh n ho tatha athven sthan men chandra, mangal, budh, guru, shukra v lagnesh nahin hone chahiye tatha saptam sthan men koi bhi grah nahin hona chahiye. satven chandra aur guru samafal karte hain. arthat chandra, guru ka danadi karne se shanti ho jati hai. tyajya lagne'bdayo mandah shashthe shukrendulagnapaah. randhre chandraday panch, sarve'bjaguru samau॥ parihar svarup 12ven shani, tisre shukra, chaturth men rahu, dasham bhav men mangal ka dosh yathochit danadi karne se shanti ho jati hai. vivah men grahya shubh lagn : muhurtt granthon ke anusar vivah lagn kal men 3, 6, 8, 11 ven surya tatha inhin sthanon (3, 6, 11) men rahu, ketu aur shani bhi shubh hain. 3, 6 v 11 siddhi yog, amritsiddhi yog, sarvarthasiddhi yog, ravipushya yog, gurupushya yog, pushkar yog, dvi-tripushkar yog, raj yog, ravi yog tatha kumar yog jaise shubh yogon men sanskar evan vishisht karyon ke atirikt anya sabhi karya kiye ja sakte hain. pushya nakshatra keval vivah ko chorakar anya sabhi karyon men shubh hota hai. janm rashi se chauthi, athvin aur barhvin rashi men jab chandrama ho us samay praranbh kiye gaye karya nasht ho jate hain. man, yog - nakshatra adi ko sharir ke ang tatha lagn ko atma mana gaya hai. yatha : tithiah shariran man induvirya vilagnamatma'vyvastu- bhadyaah lagn bal ke bina jo kuch bhi shubh karya kiya jata hai, uska fal vaise hi vyarth ho jata hai, jaise grishmakal men bina jal ke nadi. lagnavirya bina yatra yatkarm kriyate budhaiah. tatfalan vilyan yati grishme kusrita yatha॥ sabhi shubh karyon men lagn shuddhi ka vishesh mahattva hai. vivah lagn ka nishchay karna ho, to trivikram sanhitanusar, lagn sthan men chandra tatha surya, shani, mangal, rahu, ketu adi krur grah n hon, lagn se chathe sthan men shukra, v chandra v lagnesh n ho tatha athven sthan men chandra, mangal, budh, guru, shukra v lagnesh nahin hone chahiye tatha saptam sthan men koi bhi grah nahin hona chahiye. satven chandra aur guru samafal karte hain. arthat chandra, guru ka danadi karne se shanti ho jati hai. tyajya lagne'bdayo mandah shashthe shukrendulagnapaah. randhre chandraday panch, sarve'bjaguru samau॥ parihar svarup 12ven shani, tisre shukra, chaturth men rahu, dasham bhav men mangal ka dosh yathochit danadi karne se shanti ho jati hai. vivah men grahya shubh lagn : muhurtt granthon ke anusar vivah lagn kal men 3, 6, 8, 11 ven surya tatha inhin sthanon (3, 6, 11) men rahu, ketu aur shani bhi shubh hain. 3, 6 v 11 ven mangal 2, 3, 11 ven chandrama, 3, 6, 7 shubh aur 8ven bhav ko chor anya bhavon men sthit shukra shubh hota hai. gyarhven bhav men surya tatha kendra trikon men guru lagnagat anek doshon ka parihar karte hain. lagne vargottame vendau dyunathe labhge'thva. kendra kone gurau dosha nashyanti sakla'pi॥ janm rashi se ashtamasth lagn : var kanya ki janm rashi ya lagn se chaturth, ashtam tatha barhvin rashisth lagn ashubh kahe gaye hain. yathoktam : sukhaghnan turmamudvahe dvadash vittanash krit. janm bhat janm lagnachch mrityudalagnamashtamam॥ parantu parihar svarup janm rashi ya lagn rashi ka svami tatha vivah lagn ka svami grah saman ho, athva mitra kshetri ho, athva ashtamasth lagn rashi ka svami kendra sthit ho athva gurvadi shubh grah se drisht ho to ashtam lagn ka dosh dur hota hai. karttari dosh : lagn men papi grah margi hokar 12 ven bhav men tatha krur athva papi grah vakri hokar dusre bhav men ho, to papakartri dosh hota hai. yah yog daridray, shok v mrityu tulya kashtakari hota hai. parihar : papakartari doshkarak grah nich, shatru kshetri, athva astagat ho, to is dosh ka parihar ho jata hai. iske atirikt guru, shukra, budh inmen se koi shubh grah kendra, trikon men athva 2ren ya 12 ven bhavasth guru ho to bhi kartari dosh nivaran ho jata hai. ashtam bhaum ka parihar : mangal astangat, nich rashi ka (karka) ya shatru rashi (mithun evan kanya) ka hokar ashtam sthan men ho, to doshkarak nahin, parantu lagnesh hokar ashtagat nahin hona chahie. astagate nichge bhaume shatrukshetragte'pi va. kujashtamodrbhavo dosho n kinchidapi vidyate॥ chathe, barhven chandra ka parihar, nich rashi, shatru rashi ya nich rashigat chandrama 6 ya 12ven sthanasth hona doshpurn nahin mana gaya. jaise - vrishchik, mithun, kanya rashi 3, 6 nichrashigte chandre nichanshgte'pi va, chandre shashthari rishfasthe dosho nasti n sashanyah. parantu lagnesh hokar chandra chathe, athven nahin hona chahiye. lagnasth chandra ka parihar- ''karkigosthah purno vidhustanau'' vratabandhokt anusar vrish, kark evan purn chandrama ya shubhagrah se drisht ho to lagn men doshkarak nahin hota. shashthashtamasth shukrapvad : nich evan shatru rashigat shukra chathe, athven ho to doshkarak nahin, parantu lagnesh hokar in bhavon men n ho. jaise nich rashigte shukre shatru kshetragte'pi va. bhrigu shatkotithto dosho nasti tatra n sanshyah॥ saptam bhavasth chandra guru - saptam bhav men yadyapi sabhi grah varjit kahe hain parantu chandra guru ka parihar hai. ''chandra chandri shukrajiva yamitre shubhkarkaah.' 'muhurttaganapati' anusar vivahadi shubh karya ke lagn men, kendra, trikon men guru, shukra evan budh evan gyarhven bhav men chandra ya surya athva saptamesh ho, to anek doshon ka nash ho jata hai. vedh dosh parihar : panchshlaka chakranusar vivah nakshatra ka krur grah dvara vedh ho jane par vivahit nakshatra sarvatha tyajya mana jata hai. parantu guru, budh adi saumya grahon ka charan vedh (pahle v chauthe charan ke madhya tatha dusre v tisre charan ke madhya) hi ashubh mana hai. yutidosh parihar : pap evan krur grah ki yuti tyajya mani jati hai. parantu yadi chandrama uchchasth, svakshetri ya mitrakshetri (vrish, kark, mithun, sinh evan kanya) rashi ka ho to yutidosh avicharniya hota hai. yatha : svakshetragah svochchago v mitrakshetragto vidhuah. yuti doshay n bhavet dampatyoah shreysetda॥ dagdha tithi parihar : vivah lagn samay kendra trikonagat guru ho evan ekadash (11van) bhav shubh grah se yukt ya drisht ho, to dagdhatithi ka dosh nahin rahta. kashyaparvi anusar : lagn se kendra, trikon men guru, shukra ya budhadi saumya grah ho, to samast doshon ka aise parihar ho jata hai, jaise bhagvan vishnu ke smaran matra se papon ka nash ho jata hai. kavyo guru varg saumyo va yada kendra trikongaah. nashayanti akhilan doshan papani v harismritiah॥
Kya aapko lekh pasand aaya? Subscribe
Kya aapko lekh pasand aaya? Subscribe


muhurt visheshank  June 2011

jivan ki mahatvapurn karyon jaise-vivah, grih pravesh, naya pad ya nai yojna ke kriyanvayan ke lie shubh muhurt nikalakar karya karne se saflta prapt hoti hai aur jivan sukhamay banta hai v bina muhurt ke karya karne par nishfalata dekhi hai. is visheshank me bataya gaya hai

Subscribe

Apne vichar vyakt karein

blog comments powered by Disqus
.