टैरो के विभिन्न कार्ड्स

tairo ke vibhinn kards  

Ank ke aur Lekh | Sambandhit Lekh | Views : 1328 |  
tairo men 78 kard hote hain jismen 22 kard mejar arkana v 56 karda mainar arkana hote hain. arkana laitin bhasha ke shabd arkans se nikla hai. arkans ka arth hota hai- rahasyamyi. 56 mainar kard men se 16 kard raeyal arkana ya korta kard kahlate hain jaise king, kvin, nait v pej. 22 mejar arkana kardon par vibhinna chitra ankit hain jo jivan se juri ghatnaon, antrik shaktiyon, rahasyon v upalabdhiyon ki or sanket karte hain. mainar arkana kards ko char samuhon men vibhajit kiya jata hai, jo char prakritik tatvon prithvi, jal, agni tatha vayu se sanbandhit hain. in kardon ko nimn prakar se samjha ja sakta hai: 1. (vanaidsa): vainds kard urja, atmavishvas, jokhim, ichchashakti, takat, srijnshilta v rachnatmakata ko abhivyakt karta hai. 2. kapsa: kaps kard kamnaon, ichchaon, vaivahik jivan, prem, manviyata, adhyatmikta ko vyakta karta hai. 3. svordsa: svords kard ghrina, shatruta, gati, tark, yoddha, nyay va mansik spashtata ko vyakt karte hain. pentakalsa: pentakals karda vyapar, naukri, vitt, udyog, svasthya, sanpatti v rachnatmakata ko vyakt karte hain. is prakar tairo kards agni, jal, vayu, prithvi adi tatvon ke prakritik santulan ko ingit karte hain. mainr arkana manav ki urja se sanchalit hote hain. manushya kis disha ki or agrasar hai, in kardon se spasht hota hai. kort kards pej, nait, kvin aur king jivan men ane vali ghatnaon, vyaktiyon v paristhitiyon ko ingit karte hain. jab kards bichae jate hain to ye prashnakarta ke sath hone vali ghatnaon aur sanbhavnaon ki or sanket karte hain. koi ghatna kab hogi? iska nirdharan kardon ke sanket tatha tairo ridar ke antarman ke abhas par nirbhara karta hai. tairo ridar prashnakarta ki samasya ka samadhan karte hain, uske bhut, vartaman v bhavishya ko batate hain. unke samajik jivan, sajhedari, prem, shadi, yatra, parhai, naukri, vyavsay sahit, nam, shoharat va vitt sanbandhi prashnon ke uttar dete hain. kard riding ke samay kards ko bichane men prakritik vastuon ka prayog karna chahie- asn bichakar bhumi par baithane, lakri ke farnichar ka prayog karen, faibar, lohe ya plastik ka nahin. bichane ka kapra suti ya reshmi hona chahie, sinthetik nahin. indradhnushi rangon men se koi bhi ek rang hona chahie jo ki hamare 7 chakron ka bhi hota hai. rang savdhani se chuna jata hai kyonki rang apni urjaen svayan sabit karte hain. jyadatar ridar kala, gahra nila tatha jamuni rang istemal karte hain. kardon ko sadaiv kisi kes ya dibbe en rakhna chahie. is savdhani se unki urja unhin men kayam rahti hai. yah kes ya avaran lakri, patthar, sip ya kisi prakritik vastra ka ho sakta hai. tairo kards ko ek daivi-sandesh ka vahak samjhna v unke prati puri shraddha aur samman ka bhav rakhna anivarya hai. yahan kard sabko sahi sandesh denge. is paddhati men shraddha aur samman ki utni hi jarurat hoti hai jitni puja men apne isht ka dhyan karte samay. atah chetna puri tarah jagrit hone par kardon ke sandesh ko sahi prakar se aur asani se grahn kiya ja sakta hai. kard satra praranbh karne ke purva manah sthiti par gaur karna jaruri hota hai. man shant aur dimag kendrit hone par hi karda riding karni chahie. bhitri mahaul ke alava as-pas ka bhi prabhav parta hai. adarsh sthal vahi hai jahan shanti ho, shor-sharaba n ho aur mastishk bhi jyada vyavasthit aur kendrit ho. andar tatha bahar donon taraf ek pujya bhav hona chahie. ek kaksh surakshit kar lena chahie. bar-bar ek hi jagah kard pathn karne se us kaksh men svatah hi ek divyata ka samavesh ho jata hai. is jagah yadi dhyan aur puja path bhi niyamit rup se hota hai to daivi sandeshon ko grahan karte hain tatha ek shubh vatavaran svayan hi srijit hota jata hai. tairo kard jiske pas rahta hai vah uski svayan ki urja tatha charitra se prabhavit hota hai islie karda ridar ko apne kadrs ko sada apne pas hi rakhna chahie kyonki ye kards hi hanai jo avyakt ko vyakt karne men sahayak hote hain tatha kisi ke man ko bhed kar uske rahasya janne ka karya karte hain. isse kard ek vyaktigat tadatmya sthapit karte hain. aisa karne se kadars ka pathn-pathan karte samy anubhav kafi abhibhut karne vale hote hain. tairo paddhati v bhartiya jyotish ka sanbandh bahut hi gahra hai. bhartiya jyotish men lagn kundli ka sarvadhik mahatva hai, jismen manushya ke janm ke samay akashiya grahon ki sthiti ki vyakhya ki jati hai. in grahon ka manav jivan par sthayi prabhav parta hai. iske alava gochar grahon ya chalayman grahon ka bhi prabhav manv jivan par parta hai. isi tarah tairo paddhati bhi grahon ke prabhav se achuti nahin hai jaise ki mejar arkana ke sabhi kards kisi n kisi grah se prabhavit hain jaise maijishiyan ya jadugar budh grah se impres ya maharani shukra grah se, d tavar ya minar mangal grah se, is prakar mejr arkana ki tulna lagn kundli se ki ja sakti hai. mainair arkana ko urja ke pravah se jora gaya hai. iski tulna gochar ke grahon se ki ja sakti hai. yah prashnakarta ki vartaman urja se sanbandhit hai arthat uske vichar, bhavnaen v dharnaen adi. mainr arkana ke char samuhon men se pratyek men 14-14 kards hain tatha ye agni jal, vayu v prithvi ko ingit karte hain. bhartiya jyotish men bhi in tatvon ka atyadhik mahatva hai. manviya urja ko santulit karne men in tatvon ka yogdan hai. bhartiya jyotish ki sabhi rashiyan inmen se kisi na kisi tatva se prabhavit hoti hain. ise nimnalikhit chart dvara samjha ja sakta hai: tatva tairo samuh prabhavit rashi agni vainds mesh, sinh, dhanu prithvi pentakals vrish, kanya, makr jal kaps kark, min, vrishchik vayu svords mithun, tula, kunbh atah bhartiya jyotish ki rashiyan evan mainar arkana kadars ke samuh donon hi agni, jal, vayu v prithvi tatva se prabhavit hain. tairo kards se prashn ka hal jante samay kuch kards ulte bhi a jate hain arthat prashnakarta ya tairo kardsa ridar jab kuch kard satra ke dauran nikalte hain to vo ulte ate hain ya ho jate hain isse kard ke batae arth se ulte kardon ka arth viprit hota hai jaise ki di chairiyat- agar sidha ata hai to vijay va atmavishvas ko dikhata hai parantu yadi ulta ata hai to vijay men deri ya parajay ya atmavishvas ki kami batata hai. ulte kardon ki tulna janmapatrika ke vakri grahon se ki ja sakti hai. prithvi ki gati ki tulna men jab koi grah mand gati se chalte hain to ve viprit disha men chalte hue pratit hote hain us avastha ko vakri avastha kahte hain. kintu vakri grah manav jivan par sadaiv viprit prabhav nahin dalte jaisa ki janm ke samy vakri brihaspati vale jatak adhiktr un kamon men saflta pate hain jinmen dusre log asafal hote hain. vakri nepachyun ya ketu ke prabhav men gurh vidyaon men maharat hasil hoti hai tatha sabhi kards ke ulta hone par sadaiv viprit prabhav nahin parta hai. yah prashnakarta ki mansik sthiti par nirbhar karta hai. is prakar bhartiya jyotish evan tairo paddhati men kuch samantaen hone par bhi donon paddhatiyan puri tarah se saman nahin hanai. tairo paddhati pichle kuch varshon se bahut adhik prachalan men hai. tairo ek gurh darshanik vidya hai, sahi tairo ridar prashnakarta ke jivan path ka rasta khushiyon se bhar sahi va saf rasta dikhata hai tatha bikhre hue jivan ko ek tar men jorta hai aur jivan ko paripurn bana deta hai aur ye sab sanbhav hota hai tairo se.
Kya aapko lekh pasand aaya? Subscribe
Kya aapko lekh pasand aaya? Subscribe


totke visheshank  February 2015

fyuchar samachar patrika ke totke visheshank men vibhinn karyon ke safal hone hetu sahjta tatha sulbhta se kiye jane vale totke diye gaye hain. ye totke am logon ke dvara asani se kiye ja sakte hain. in totkon ko karne se santan sukh, svasthya sukh, ajivika, vaivahik sukh prapt hota hai tatha anisht ka nivaran hota hai. is visheshank men totkon par bahut sare lekh sammilit kiye gaye hain. ye lekh hain: tone-totke kya hain tatha ye kitne karagar hain?, totka vigyan andhvishvas nahin hai, totke tantra ki vishishtata v sutra, santan, svasthya, ajivika evan vaivahik sukh ke lie totke, totkon ka adbhut sansar, janmapatrika ke anishtakari yog evan anisht nivarak totke adi hain. totkon ke alava is visheshank ke masik stambh, samyik charcha, astha, jyotish evan vastu par lekh ullekhniya hain.

Subscribe

Apne vichar vyakt karein

blog comments powered by Disqus
.