चांद ने डुबोया टाइटेनिक को

chand ne duboya taitenik ko  

Ank ke aur Lekh | Sambandhit Lekh | Views : 3942 |  
10 aprail 1912 ko duniya ka sabse bada jahaj ‘‘d taitenik’’ sauthempatan inglaind se nyuyark shahar ki or chal pada. iske bare men aisa mana jata tha ki yah ab tak ka sarvadhik surakshit aur vishalkay jahaj tha. yah itna vishal tha ki iske bare men aisa mana jata tha ki yadi yah dub jae to iska ek hissa samandar ke upar hi rah jaega. is jahaj men khatre ki sthiti men yatriyon ke lie raksha naukaen thin jinmen is jahaj men ane vale yatriyon ki kul sankhya ke adhon ko hi jagah mil sakti thi. is kami par adhik dhyan nahin chand ne duboya taitenik ko yashakaran sharma, fyuchar paeint diya gaya kyonki sabka yah dridh vishvas tha ki taitenik to kabhi dub hi nahin sakta. yatra shuru hone ke char din bad 14 aprail ko din men 11 bajakar 40 minat par yah barf ki ek bahut badi chattan se takra gaya. is takrav se taitenik men ched ho gae aur pani shighrata se is jahaj men bharne laga. jaldi hi yah bat spasht ho gai ki bahut se logon ko raksha naukaon men jagah nahin mil sakegi. jab jahaj ka agla hissa pani men khub gahra dub gaya to log pichle bhag men jama ho gae. vishal jahaj takkar ke 2 ghanta 40 minat pashchat pani ki satah ke niche chala gaya. agli subah raksha naukaon men surakshit bache 705 logon ko bacha liya gaya jabki 1522 yatri aur jahajakarmi apni jan ganva baithe. 2012 men taitenik durghatana ki sauvin varshaganth purn hone ke ek saptah purva vaigyanikon ne iske dubne ke karan ko purnataya navin thyuri ke sath prastut kar uska vishleshan kiya. is thyuri ke anusar surya, purnima ke chand aur prithvi ki atidurlabh alainment ke karan yah hadsa hua. vaigyanikon ke anusar vishal taitenik jis barfili chattan se takrane ke karan duba vah iske raste men lagabhag sadhe tin mahine pahle 4 janvri 1912 ki isi durlabhatam ghatna ‘altrareyar alainment’ v suprmun ke karan ai. jis prakar se prithvi surya ke charon or andakar vritt men chakkar lagati hai usi prakar chandrama bhi prithvi ke chakkar andakar vritt men hi lagata hai. vah prati mah prithvi ke pas a jata hai aur fir dur bhi chala jata hai. lekin yahi pas ane ka kam yadi purnima ya amavasya ke samay hota hai to use suprmun kahte hain. is samay vah aur bada dikhai deta hai. khagol shastra ke anusar jab bhi surya, chandra aur prithvi ek rekha men a jate hain (jaise purnima ya amavasya ko) aur chandrama apni bhu-samipak (perigee) ke 90 pratishat ke andar a jata hai to use suprmun kahte hain. yah kriya lagabhag 18 varsh pashchat punah hoti hai evan lagabhag disanbr-janvri mah men hi hoti hai kyonki is samay surya bhi prithvi ke najdik hota hai. surya aur prithvi ke gurutvakarshan bal chandrama ko prithvi ki or khinch lete hain aur suprmun ki sthiti ban jati hai. vaigyanikon ke anusar 795 i. ke bad 4 janvri 1912 ko chand prithvi ke sarvadhik nikat tha. is kism ka prithvi se nikatasth chand 2257 i. tak punah drishtigochar nahin hoga. varsh 1912 ke purvarddh ke shuruati mahine barfili chattanon ke lie kharab the. olsan namak vaigyanik ka manna hai ki barf ki chattanon men ekaek atyadhik vriddhi suprmun ke karan hui kyonki is prakriya men chand adhik bada ho jata hai aur iske gurutvakarshan bal men bhi atyadhik vriddhi ho jati hai. yah to sabhi jante hain ki chandrama ke karan hi samandar men jvar bhata utpann hota hai. chand ki is durlabh sthiti aur altrarear alainment ke karan prithvi par gurutvakarshan bal ke badh jane se samudri jvar bhate men apratyashit teji a gai jiske falasvarup barfili chattanon ne apna marg badal liya aur ve dusri dishaon men jane ki bajay taitenik ki rah men a gain aur vishal taitenik isse takrakar kshatigrast ho gaya. is prakar chand ne vishalkay taitenik ko dubo diya.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  June 2013

fyuchar samachar patrika ke paravidya visheshank men shani jayanti, vivah, vivah men vilanb ke karan v nivaran, kundli men panchmhapurush yog evan ratn chayan, tabadla ek jyotishiya vishleshan, shukra ki dasha ka fal, shani chandra ka vish yog, ungli aur ungliyon ke duri ka fal, dakshinavarti shankh, brihaspati ka priya kesar, dah sanskar-antim sanskar, parvej musharraf ke sitare gardish men, chand ne duboya taitenik ko, ank jyotish ke rahasya, vibhinn bhavon men mangal ka fal, svargiya jagdanba prasad ki jivan katha, mahotkat vinayak ki pauranik katha ke atirikt, kal sarp dosh se mukti ke lie lal kitab ke achuk upay, vastu prashnottari, yantra samiksha/mantra gyan, helth kaipsul, prakritik urja santulan, vivadit vastu, vishisht mahatva hai kashi ke kal bhairav ka tatha hastarekha dvara janmakundli nirman ki vidhiyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.