बृहस्पति का प्रिय केसर

brihaspati ka priya kesr  

Ank ke aur Lekh | Sambandhit Lekh | Views : 12973 |  
hamari prakriti ne hamen kai aise masale aur jadi-butiyan di hain jo hamare lie kam faydemand nahin hai. kesar ka masalon men vishisht sthan hai. kesar sabse kimti masala hai jise angreji men saifron kahte hain. sadharntah ise urdu aur arbi men jafran kahte hain. kesar bhartiya rasoi ghar ka pramukh masala hai. ise masalon ka raja kahen to jyada behatar hoga. ismen karishmai gun samae hain. iska vaigyanik nam krokas saitibas hai. kesar ke ful men chamkta hua stigma paya jata hai. stigma ko jab achchi tarah sukhaya jata hai tab jakar kesar prapt hota hai. ye ful jade men hath se tode jate hain. stigma ek kepsul ki tarah hota hai. jaisa ki kesar ke bare men kaha jata hai ki yah satvin sadi men chin pahuncha aur madhyakal men yurop men iska prachar hua. yah morakko aur turki men prachur matra men paya jata hai. jyotish ke anusar kesar ka upyog karne se satvik gunon aur sadachar ki bhavna badhti hai. kesar paudar aur thred ke rupon men upyog men laya jata hai. kesar ka sugandh pane ke lie ise pani men bhigona padta hai. kesar ka sabse jyada ayat iran aur spen se hota hai kyonki yahan ke kesar ki kvaliti kafi achchi hoti hai. bharat men kashmir men iski kheti hoti hai. jis prakar brihaspati grah ka ratn pukhraj hai usi prakar kesar ka pratinidhi grah brihaspati hai. brihaspati jo grahon men sabse mahan hain apni sthiti se akash men uchch star par hanai. brihaspati ka margi hona, vakri hona, uchch rashi athva nich rashigat hona yah sab jivan par prabhav dalte hain. agar brihaspati margi ho to buddhi sucharu rup se sahi disha milti hai. kintu vakri hone par man-mastishk men bhram aur vivad paida karte hain. brihaspati grah gyan, vidya ka grah hai. adhyayan men ruchi badhane ke lie brihaspati ka balvan hona jaruri hai. brihaspati ya guru sharir men charbi, livar, dimag se sanbandhit rogon ka karak hota hai. dharm ke adhishthata brihaspati ko manglik karyon ka karak grah mana gaya hai. ghar se kisi manglik karya ke lie niklen to iska tilak kar sakte hain. vivah men rukavat ke lie brihaspati ka kamjor hona mana gaya hai. kesar ka istemal ham kisi aur tarah se kar sakte hain. kesar ka istemal, kesar dudh, kesar vale chaval, thandai se lekar masale tak mane kesar ka vibhinn rupon men prayog kiya jata hai. kesar vali khirni, guruvar ko khud khayen aur kisi guru ko khilaen to brihaspati sakaratmak fal deta hai. iski thodi si matra kisi bhi dish ko khushbudar bana deti hai. dhyan rahe jyada matra men lene par dimag, bhari ho jata hai aur nind ane lagti hai. kesar ka upyog dharmik karyon men bhi kiya jata hai. brihaspativar ke din kesar ka tilak karen. kesar dudh ya kesar vali khirni, chote chaval vali khir, dan karen. yadi kisi guru ko sevan karne ko den to isse brihaspati sakaratmak fal deta hai. vaivahik jivan men santulan banae rakhne ke lie brihaspati ka achcha hona bahut jaruri hai. jyotish vidya vishvas nahin vigyan hai. satya ko parkhne ke lie ham prayog karke dekh sakte hain.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  June 2013

fyuchar samachar patrika ke paravidya visheshank men shani jayanti, vivah, vivah men vilanb ke karan v nivaran, kundli men panchmhapurush yog evan ratn chayan, tabadla ek jyotishiya vishleshan, shukra ki dasha ka fal, shani chandra ka vish yog, ungli aur ungliyon ke duri ka fal, dakshinavarti shankh, brihaspati ka priya kesar, dah sanskar-antim sanskar, parvej musharraf ke sitare gardish men, chand ne duboya taitenik ko, ank jyotish ke rahasya, vibhinn bhavon men mangal ka fal, svargiya jagdanba prasad ki jivan katha, mahotkat vinayak ki pauranik katha ke atirikt, kal sarp dosh se mukti ke lie lal kitab ke achuk upay, vastu prashnottari, yantra samiksha/mantra gyan, helth kaipsul, prakritik urja santulan, vivadit vastu, vishisht mahatva hai kashi ke kal bhairav ka tatha hastarekha dvara janmakundli nirman ki vidhiyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.