श्री शनि जयंती 8 जून 2013

shri shani jayanti 8 jun 2013  

Ank ke aur Lekh | Sambandhit Lekh | Views : 3093 |  
is sansar men koi bhi aisa vyakti nahin hai jo shani ke prabhav se achuta ho. shanidev ka nam sunte hi janta men bhay utpann ho jata hai. shani grah utne ashubh nahin jitna inhen samjha jata hai. vyakti ko adhyatm aur moksh dilane vale keval shani grah hi hain. shani grah hath men bich vali ungli ke niche hote han. shani adhyatm, dhan, jyotish, danton ke rog, gupt vidya, gun-dosh nikalne ki kala, naukri, satvik vichar adi se sanbandh rakhte han. shanidev ki utpatti pauranik katha ke anusar sampurn jagat men shri brahma, shri vishnu, shri mahesh tridev ke nam se vikhyat hain. shri brahmaji srishti ke rachnakar, shri vishnu palnhar evan bhagvan shankar sanharak ke pad ko sanbhalakar karyarat ho gaye. surya putra yam tatha shanidev men apne rajpat ko lekar vivad ho gaya, is vivad ke nirakaran ke liye ve donon bhagvan shankar ke samip gaye tatha apni chinta prakat ki. un donon ke vachnon ko sunakar bhagvan shankar ne yamraj ko mrityu ke devta ka pad diya evan pratyek jiv ko unke karmon ke adhar par dand ya fal dene ka karya arthat dandadhikari ka pad shanidev ko pradan kiya tatha shanidev ko vardan diya ki tumhari drishti ke prabhav se devta bhi nahin bach payenge tatha kaliyug men tumhara atyadhik mahatva hoga. tabhi se shanidev ki utpatti sampurn jagat men hai. shani jayanti v shani amavasya shastron ke adhar par jyeshth krishn amavasya ko shanidev ka janmotsav manane ka vidhan hai. yah amavasya sat varon men kisi bhi var ko a sakti hai. isliye yah amavasya shani jayanti ki amavasya kahlati hai. shani amavasya ke sanbandh men yah niyam hai ki varshabhar men jo amavasya keval shanivar ko hoti hai use shani amavasya ka yog kahte hain. shani amavasya ka yog varshabhar men prayah do ya tin bar ata hai. yadi shani jayanti ka yog arthat jyeshth krishn amavasya shanivar ko ati hai to shani jayanti v shani amavasya ka vishesh maha sanyog banta hai. shani jayanti v shani amavasya ka ek sath vishesh maha sanyog is varsh 8 jun 2013, shanivar ko jyeshth krishn amavasya arthat shani jayanti ka yog ban raha hai. shani jayanti ki amavasya shanivar ko ane se shani amavasya ka yog bhi ban raha hai. ataev is din shani jayanti v shani amavasya ka ek sath vishesh mahasanyog ban raha hai. arthat pure varsh men shani amavasya ka keval yahi ekmatra yog aya hai. ataev shanidev ko prasann karne hetu yah shani jayanti v shani amavasya ko vishesh sanyog ka labh lekar shanidev ka pujn-archana-aradhna karne se samast shani bhakton ko shanidev ka ashirvad prapt karna chahiye. shanidev ke in parva utsavon par shanidev ka pujn-archana-aradhna vishisht faldayi, shani pida v dosh nivarak, shani shanti karak, shani kripa, prasad-prasannata pradayak, parivar kalyan karak hota hai tatha sadhesati v dhaiya jaise-bhayankar mahadosh ki pida se mukti dilati hai. vartaman men kanya, tula v vrishchik rashiyon par sadhesati tatha kark v min rashi par dhaiya chal raha hai. hanumanji ki aradhna se shani ki pida ki shanti hanumanji evan shanidev ke sanbandh men yah katha hai ki jab hanuman ji ravan ki lanka ka dahan karke lanka ke karavas pahunche to unhonne vahan shanidev ko ulta latka hua ke liye sadaiv rini rahunga tatha main yah vachan deta hun ki apke bhakton par mera prabhav kam rahega. uske bad lanka par shanidev ki drishti padte hi lanka ki sundrta koyle ke saman kali ho gayi. shani upasna ke sadhan bhartiya sanskriti men navagrah upasna ka utna hi mahatva hai jitna ki kisi bhi devi ya devta ki upasna ka hota hai. navagrahon ki upasna ke liye puja-sadhna hamare shastron men jap, tap, vrat, dan in char prakar ke sadhnon ke madhyam se di gai hai. yadi sadhak purn shraddha-astha-vishvaspurvak ye upasna sampann karta hai to sadhak ko abhisht fal ki prapti hoti hai. pratyek upasna, shuddhata ke sath guru smaran, ganesh smaran evan panchamrit upchar adi karke sankalp, viniyog, nyaspurvak upchar sahit yatha sthan par arti, kshama prarthana ke sath sampann karna chahiye. navagrahon men shanidev ko bhi jap, tap, vrat v dan in char prakar ke sadhnon ke madhyam se prasann karen to ve jivan men khushhali pradan karte hain. jinke janmakal men, gochar men, dasha men, mahadsha men, 27 antardashaon men athva lagn, dvitiya, chaturth, ashtam, dvadash sthan men shani ho un jatkon ko nimn upay avashya hi karna chahiye. shanidev se sanbandhit jap, tap, vrat v dan vidhan nimn prakar hain: shani jap vidhan shanidev ke mantra ka nishchit jap sankhya ke adhar par rudraksh mala ke dvara karna chahiye. pratidin niyat sankhya men mala jap karna chahiye. jap purn hone ke pashchat jap ka dashansh havan, havan ka dashansh tarpan, tarpan ka dashansh marjan evan marjan ka dashansh brahman bhojan ka vidhan hai. shani ke vibhinn mantron men se kisi bhi ek mantra ka jap vibhinn jap sankhya ke adhar par karne se shani ki pida v dosh ka nivaran hota hai. shani tap vidhan shani tap vidhan ke antargat shanidev ke vibhinn stroton, kavach adi ka path kiya jata hai. yah upay anushthanik karm ke adhar par 11 din, 21 din, 31 din, 51 din, 108 din tak kiya jata hai. kavach v stotra ke path se shanidev ki sadhesati v dhaiya dosh ko shant kiya ja sakta hai. shani ki patniyon ke namon ka path dhvajini, dhamini chaiv kankali kalahapriya kalhi kantki chaiv jvalamukhi sulochna shani patnyashch namani pratrutthay yah pathet. tasya shanaishchari pida kadapi n bhavishyati. shani vrat vidhan shanivar ka vrat shani grah ki shanti ke liye kiya jata hai. yah vrat rog, shok, bhay v badha ko dur karta hai tatha mashinri, gadi, grih nirman v bhumi ityadi ka labh deta hai. sadhesati v dhaiya dosh nivaran ke liye yah vrat kisi bhi mah ke shukla paksh ke shanivar ko praranbh dekha. shanidev atyant karun svar men bhagvan shankar ka smaran kar rahe the. yah drishya dekhakar hanuman ji ne daya svarup bhagvan shanidev ko bandhnon se mukt kiya. bandhan mukt hokar shanidev ne hanuman ji se kaha ki pavnputra hanuman main apke is karya kiya jata hai. yah vrat shani grah ke liye kam se kam 51 shanivar ko karna chahiye. is vrat men ek samay upvas rakhakar kale padarthon ka sevan karen. pratahkal snan karne ke pashchat sanbandhit vrat ke shani yantra ka pujan karen. shanivar vrat katha padhen tatha vrat vale din kale rang ya nile rang ki vastuon ka adhik se adhik upyog karen. shani dan vidhan shani grah ki anukulta prapt karne ke liye shani grah se sanbandhit vastra men bandhakar shanigrah ke sammukh dan karne v tel chadhane se shanidev ki anukulta prapt hoti hai. shanigrah ki dan ki ye prakriya 7 shanivar, 11 shanivar, 21 shanivar adi ke kram men lagatar karna chahiye. shani dan samagri kala vastra, udad sabut, tel, kali tilli, loha, koyla, kala fal, kala kanbal, nariyal, dakshina, supari, shanivar vrat katha ki pustak. shani yagya (havn) shani grah se sanbandhit dosh v pida ki sampurn shanti hetu shani shanti yagya ka vidhan hai. yagya men apurva shakti hoti hai. yagya ke dvara purn vatavaran shuddh ho jata hai. havan ka karm purn shuddhata ke dvara yagyaon ke niyamon ke anukul karna chahiye. shani shanti yagya shubh muhurt men panchag men agnivas dekhakar ved mantron ke dvara sampann karna chahiye. is vidhan ke antargat havan se sanbandhit devi ya devta ke alg-alag pith ya mandal vibhinn dhanyon ke dvara banaye jate hain. in pithon men shri ganesh, anbika pith, kalash sthapna, punyahvachan, rudra kalash, shodash matrika, saptaghrit matrika, navagrah mandal, sarvatobhadra mandal, vastu mandal, chatuahshashtiyoginipith, kshetrapal adi yagya karm ke anusar sanbandhit pith v mandal banaye njate hain. guru ka dhyan karke shani kripa, prasad, prasannata, ashirvad prapti ka sankalp karke shri ganesh anbika ka pujan karke sanbandhit pithon ka pujan kiya jata hai. yagya vidhan ke anusar havnkund ka nirman karke agni sthapan, panchbhu sanskar adi karya karke shuddh ghi, shuddh havan samagri evan mantron ke dvara ganesh v anbika ki ahuti pradan karen. tatpashchat grahshanti havan karke sanbandhit pith v mandal ke devi-devtaon ki mantrapurvak ahuti pradan karke khir-haluve ki ahuti dvara lakshmi hom karna chahiye. iske bad kshetrapal pujan, bali vidhan karke havan purnahuti v varsodhara ki prakriya sanpann hoti hai. shani shanti yagya men shani ki lakdi shami samidha dvara vishesh ahutiyan adhik se adhik sankhya men pradan karna chahiye. shanidev ki arti karke mantra pushpanjli evan kshamaprarthana karna chahiye. shani shanti ke anya upay shanidev se khushhali pane ke kuch aise saral upay hain jinhen sadhak svayan kar sakta hai jo nimnalikhit hain:- - prati shanivar shani ke 108 namon ka path v shani chalisa ka path karna chahiye. - prati shanivar shani mandir men jakar shanidev se sanbandhit dan, tel, udad, shanidev ko arpan karke shani darshan lena labhaprad hai. - kisi vidvan jyotishi ya guru ke paramarsh anusar shani ratn nilam ya uparatn dharan karen. - puja ghar men shaniyantra ko pratishthit karke pratidin pujan karna hitakar hota hai - shanidev se sanbandhit satmukhi rudraksh ya shani kavach dharan karen. - sadhak lohe ka patra lakar usmen tel dalakar apni chaya dekhakar tel chaya dan kisi nirdhan ko de to shani pida ka nivaran hota hai. - kale ghode ke nal ki anguthi shanivar ko shani mantra dvara madhyama men pahnen. - shanidev ki anukulta ki prapti hetu hanuman ji ki puja-archana-aradhna shreshthatam hai. - shanivar ko n to loha khariden aur n hi bechen apitu lohe ki vastuen dan karen. - pipal tatha shami vriksh ki seva karen v dipak jalaen. - shiv aradhna v bhairav upasna dvara bhi shanidev ki pida ko shant kiya ja sakta hai - shanidev se sanbandhit aushdhiyon ke snan se bhi shanidev ke kop se mukti milti hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  June 2013

fyuchar samachar patrika ke paravidya visheshank men shani jayanti, vivah, vivah men vilanb ke karan v nivaran, kundli men panchmhapurush yog evan ratn chayan, tabadla ek jyotishiya vishleshan, shukra ki dasha ka fal, shani chandra ka vish yog, ungli aur ungliyon ke duri ka fal, dakshinavarti shankh, brihaspati ka priya kesar, dah sanskar-antim sanskar, parvej musharraf ke sitare gardish men, chand ne duboya taitenik ko, ank jyotish ke rahasya, vibhinn bhavon men mangal ka fal, svargiya jagdanba prasad ki jivan katha, mahotkat vinayak ki pauranik katha ke atirikt, kal sarp dosh se mukti ke lie lal kitab ke achuk upay, vastu prashnottari, yantra samiksha/mantra gyan, helth kaipsul, prakritik urja santulan, vivadit vastu, vishisht mahatva hai kashi ke kal bhairav ka tatha hastarekha dvara janmakundli nirman ki vidhiyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.