शनि-चंद्र का विष योग

shani-chandra ka vish yog  

Ank ke aur Lekh | Sambandhit Lekh | Views : 18437 |  
faldipika’ granth ke anusar ‘‘ayu, mrityu, bhay, dukh, apman, rog, daridrata, dasta, badnami, vipatti, nindit karya, nich logon se sahayta, alas, karj, loha, krishi upakaran tatha bandhan ka vichar shani grah se hota hai. ‘‘apne ashubh karakatva ke karan shani grah ko papi tatha ashubh grah kaha jata hai. parantu yah purnataya satya nahin hai. vrish, tula, makar aur kunbh lagn vale jatak ke lie shani aishvaryaprad, dhanu v min lagn men shubhkari tatha anya lagnon men vah mishrit ya ashubh fal deta hai. shani purvajanm men kiye gaye karmon ka fal is janm men apni bhav sthiti dvara deta hai. vah 3, 6, 10 tatha 11 bhav men shubh fal deta hai. 1, 2, 5, 7 tatha 9 bhav men ashubh faldayak aur 4, 8 tatha 12 bhav men arisht karak hota hai. balvan shani shubh fal tatha nirbal shani ashubh fal deta hai. yah 36ven varsh se vishesh faldai hota hai. shani ki vinshottari dasha 19 varsh ki hoti hai. atah kundli men shani ashubh sthit hone par iski dasha men jatak ko lanbe samay tak kasht bhogna padta hai. shani sab se dhimi gati se gochar karne vala grah hai. vah ek rashi ke gochar men lagabhag dhai varsh ka samay leta hai. chandrama se dvadash, chandrama par, aur chandrama se agle bhav men shani ka gochar sadhe-sati kahlata hai. vrish, tula, makar aur kunbh lagn valon ke atirikt anya lagnon men prayah yah samay kashtakari hota hai. shani ek shaktishali grah hone se apni yuti athva drishti dvara dusre grahon ke faladesh men nyunta lata hai. saptam drishti ke atirikt uski tisre v dasven bhav par purn drishti hoti hai. shani ke viprit chandrama ek shubh parantu nirbal grah hai. chandrama ek rashi ka sankraman keval 2( se 2) din men pura kar leta hai. chandrama ke karakatva men man ki sthiti, mata ka sukh, samman, sukh-sadhan, mithe fal, sugandhit ful, krishi, yash, moti, kansa, chandi, chini, dudh, komal vastra, taral padarth, stri ka sukh, adi ate hain. janm samay chandrama balvan, shubh bhavagat, shubh rashigat, aisi manyata hai ki shani aur chandrama ki yuti jatak dvara pichle janm men kisi stri ko diye gaye kasht ko darshati hai. vah jatak se badla lene ke lie is janm men uski man banti hai. mata ka shubhatva prabal hone par vah putra ko dukh, daridrya tatha dhan nash dete hue dirghakal tak jivit rahti hai. yadi putra ka shubhatva prabal ho to janm ke bad mata ki mrityu ho jati hai athva navjat ki shighra mrityu ho jati hai. iski sanbhavna 14ven varsh tak rahti hai. darshati hai, jiska ashubh prabhav madhya avastha tak rahta hai. shani ke chandrama se adhik ansh ya agli rashi men hone par jatak apayash ka bhagi hota hai. sabhi jyotish granthon men shani-chandra ki yuti ka fal ashubh kaha hai. ‘‘jatak bharanam’ ne iska fal ‘‘parjat, nindit, durachari, purusharthahin’’ kaha hai. ‘brihadjatk’ tatha ‘faldipika’ ne iska fal ‘‘parpurush se utpann, adi’’ bataya hai. ashubh faladesh ke karan is yuti ko ‘‘vish yog’’ ki sangya di gai hai. ‘vish yog’ ka ashubh fal jatak ko chandrama aur shani ki dasha men unke balanusar adhik milta hai. kantak shani, ashtam shani tatha sadhesati kasht badhati hai. aisi manyata hai ki shani aur chandrama ki yuti jatak dvara pichle janm men kisi stri ko diye gaye kasht ko darshati hai. vah jatak se badla lene ke lie is janm men uski man banti hai. mata ka shubhatva prabal hone par vah putra ko dukh, daridrya tatha dhan nash dete hue dirghakal tak jivit rahti hai. yadi putra ka shubhatva prabal ho to janm ke bad mata ki mrityu ho jati hai athva navjat ki shighra mrityu ho jati hai. iski sanbhavna 14ven varsh tak rahti hai. kundli men jis bhav men ‘vish yog’ sthit hota hai us bhav sanbandhi kasht milte hain. najdiki parivarajan svayan dukhi rahakar vishvasghat karte hain. jatak ko dirghakalin rog hote hain aur vah arthik tangi ke karan karj se daba rahta hai. jivan men sukh nahin milta. jatak ke man men sansar se virakti ka bhav jagrit hota hai aur vah adhyatm ki or agrasar hota hai. vibhinn bhavon men ‘vish yog’ ka fal pratham bhav (lagna) is yog ke karan mata ke bimar rahne ya uski mrityu se kisi anya stri (bua athva mausi) dvara uska bachapan men paln-poshan hota hai. use sir aur snayu men dard rahta hai. sharir rogi tatha chehra nistej rahta hai. jatak nirutsahi, vahmi evan shankalu pravritti ka hota hai. arthik sanpannata nahin hoti. naukri men padonnati deri se hoti hai. vivah der se hota hai. danpatya jivan sukhi nahin rahta. is prakar jivan men kathinaiyan bharpur hoti hain. dvitiya bhav ghar ke mukhiya ki bimari ya mrityu ke karan bachapan arthik kathinai men vyatit hota hai. paitrik sanpatti milne men badha ati hai. jatak ki vani men katuta rahti hai. vah kanjus hota hai. dhan kamane ke lie use kathin parishram karna padta hai. jivan ke uttararddh men arthik sthiti thik rahti hai. dant, gala evan kan men bimari ki sanbhavna rahti hai. tritiya bhav jatak ki shiksha apurn rahti hai. vah naukri se dhan kamata hai. bhai-bahnon ke sath sanbandh men katuta ati hai. naukar vishvasghat karte hain. yatra men vighn ate hain. shvans ke rog hone ki sanbhavna rahti hai. chaturth bhav mata ke sukh men kami, athva mata se vivad rahta hai. janm sthan chodna padta hai. madhyam ayu men ay kuch thik rahti hai, parantu antim samay men fir se dhan ki kami ho jati hai. svayan dukhi daridra hokar dirgh ayu pata hai. uske mrityoprant hi uski santan ka bhagyoday hota hai. purushon ko hriday rog tatha mahilaon ko stan rog ki sanbhavna rahti hai. pancham bhav vish yog hone se shiksha prapti men badha ati hai. vaivahik sukh alp rahta hai. santan deri se hoti hai, ya santan mandbuddhi hoti hai. stri rashi men kanyayen adhik hoti hain. santan se koi sukh nahin milta. shashth bhav jatak ko dirghakalin rog hote hain. nanihal paksh se sahayta nahin milti. vyavsay men pratiddhandi hani karte hain. ghar men chori ki sanbhavna rahti hai. saptam bhav stri ki kundli men vish yog hone se pahla vivah der se hokar tutta hai, aur vah dusra vivah karti hai. purush ki kundli men yah yuti vivah men adhik vilanb karti hai. patni adhik umra ki ya vidhva hoti hai. santan prapti men badha ati hai. danpatya jivan men katuta aur vivad ke karan vaivahik sukh nahin milta. sajhedari ke vyavsay men ghata hota hai. sasural ki or se koi sahayta nahin milti. ashtam bhav dirghakalin sharirik kasht aur gupt rog hote hain. tang men chot athva kasht hota hai. jivan men koi vishesh saflta nahin milti. umra lanbi rahti hai. ant samay kashtakari hota hai. navam bhav bhagyoday men rukavat ati hai. karyon men vilanb se saflta milti hai. yatra men hani hoti hai. ishvar men astha kam hoti hai. kamar v pair men kasht rahta hai. jivan asthir rahta hai. bhai-bahan se sanbandh achche nahin rahte. dasham bhav pita se sanbandh achche nahin rahte. naukri men pareshani tatha vyavsay men ghata hota hai. paitrik sanpatti milne men kathinai ati hai. arthik sthiti achchi nahin rahti. vaivahik jivan bhi sukhi nahin rahta. ekadash bhav bure doston ka sath rahta hai. kisi bhi karya mane labh nahin milta. 1 santan se sukh nahin milta. jatak ka antim samay bura gujrta hai. balvan shani sukhkarak hota hai. dvadash sthan jatak nirash rahta hai. uski bimariyon ke ilaj men adhik samay lagta hai. jatak vyasni banakar dhan ka nash karta hai. apne kashton ke karan vah kai bar atmahatya tak karne ki sochta hai. maharshi parashar ne do grahon ki ek rashi men yuti ko sabse kam balvan mana hai. sabse balvan yog grahon ke rashi parivartan se banta hai tatha dusre nanbar par grahon ka drishti yog hota hai. atah shani-chandra ki yuti se bana ‘vish yog’ sabse kam balvan hota hai. inke rashi parivartan athva paraspar drishti sanbandh hone par ‘vish yog’ sanbandhi prabal prabhav jatak ko prapt hote hain. iske atirikt shani ki tisri, satvin ya dasvin drishti jis sthan par ho aur vahan janmakundli men chandrama sthit hone par ‘vish yog’ ke saman hi fal jatak ko prapt hote hain. upay shivji shanidev ke guru hain aur chandrama ko apne sir par dharan karte hain. atah ‘vishyog’ ke dushprabhav ko kam karne ke lie devon ke dev mahadev shiv ki aradhna v upasna karni chahie. subah snan karke pratidin thoda sarson ka tel v kale til ke kuch dane milakar shivling ka jalabhishek karte huye ‘un namah shivay’ ka uchcharan karna chahie. uske bad kam se kam ek mala ‘mahamrityunjay mantra’ ka jap karna chahie. shanivar ko shani dev ka sandhya samay telabhishek karne ke bad garib, anath evan vriddhon ko urad ki dal aur chaval se bani khichdi ka dan karna chahie. aise vyakti ko rat ke samay dudh v chaval ka upyog nahin karna chahie kyonki isse chandrama aur nirbal ho jata hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  June 2013

fyuchar samachar patrika ke paravidya visheshank men shani jayanti, vivah, vivah men vilanb ke karan v nivaran, kundli men panchmhapurush yog evan ratn chayan, tabadla ek jyotishiya vishleshan, shukra ki dasha ka fal, shani chandra ka vish yog, ungli aur ungliyon ke duri ka fal, dakshinavarti shankh, brihaspati ka priya kesar, dah sanskar-antim sanskar, parvej musharraf ke sitare gardish men, chand ne duboya taitenik ko, ank jyotish ke rahasya, vibhinn bhavon men mangal ka fal, svargiya jagdanba prasad ki jivan katha, mahotkat vinayak ki pauranik katha ke atirikt, kal sarp dosh se mukti ke lie lal kitab ke achuk upay, vastu prashnottari, yantra samiksha/mantra gyan, helth kaipsul, prakritik urja santulan, vivadit vastu, vishisht mahatva hai kashi ke kal bhairav ka tatha hastarekha dvara janmakundli nirman ki vidhiyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.