महोत्कट विनायक

mahotkat vinayk  

Ank ke aur Lekh | Sambandhit Lekh | Views : 1707 |  
ek bar ki bat hai. sangitvisharad haha, huhu aur tumbaru namak gandharva pitanbar dharan kiye, gopichandan ka tilak lagaye, vinapur madhur svaron men harigun gate kailash ki yatra karte hue maharshi kashyap ke ashram par pahunche. muni ne unka svagat kiya aur unse bhojan grahan karne ki prarthana ki. tinon atithiyon ne snan kar devi parvati, shiv, vishnu, vinayak aur surya ki puja ki aur fir apne isht ka dhyan karne lage. usi samay mahotkat bahar se khelakar aye. unki drishti panchdevon ke vigrah par padi to usne dhire se unhen uthakar fenk diya. netra khulne par devtaon ki pratima n dekh gandharva vyakul ho gaye. unhonne yah bat maharshi kashyap se kahi. maharshi kashyap chakit aur chintit the. sammanit atithiyon ki dev-pratimaen dhundhne ke liye ve charon or daud-dhup kar rahe the. unhen apne chanchal putra mahotkat par sandeh hua. unhonne hath men chadi lekar krodh se kanpte hue vinayak se pucha - ‘atithiyon ki pratimaen kya huin? ‘main to bahar balkon ke sath khel raha tha.’ bhasmaliptang mahotkatane bhay ki mudra men uttar diya. ‘tu shighra hi murti la de, nahin to tujhe buri tarah pitunga.’ kupit kashyapne punah kaha. ‘mainne murti nahin li hai.’ mahotkat rone laga. rote-rote vah prithvi par let gaya. mata aditi bhi vahan pahunch gayin. ‘yadi mainne murti kha li hai to mere munh men dekh lo.’ mahotkatane apna mukharvind khol diya. atyant ashcharya ! mata aditi mucharichat ho gayin. maharshi kashyap aur haribhaktiprayan gandharvatray ne ashcharyachkit hokar dekha- balak mahotkat ke chote se mukhabj men kailash, shiv, baikunth sahit vishnu, satyalok, amravti sahit sahasraksh, parvaton, vanon, samudron saritaon, yakshon, pangon evan vrikshon sahit sanpurn prithvi, chaidah bhuvan, samast lokpal, patal, dason dishaen tatha adbhut srishti dikh rahi thi. sachet hone par mata aditi ne turant balak mahotkat ko ank men utha liya aur use stanapan karane lagin. maharshi kashyapne man-hi-man kaha- ‘are ! yah to akhileshvar prabhu ne hi mere putrarup men janm liya hai. mainne inhen dand dene ka vichar kar badi bhul ki.’ ‘main to is balak ko dand de nahin sakta. ab ap log jaisa uchit samjhen, vaisa karen.’ kashyap ne gandharvon se spasht kah diya. ‘dev-pratimaon ke mile bina hamlog apka ann, fal aur kand-mul adi kuch bhi grahan nahin karenge.’ atyant dukhi hokar gandharvon ne maharshi kashyap se itna kaha hi tha ki unhonne mahotkat ke sthan par devi parvati, shiv, vishnu, vinayak aur surya ka pratyaksh darshan kiya. vahi balak kshana-kshan men panchdev ke rup men dikh raha tha. fir to haha, huhu aur tumburu ne mahotkat ke charnon men pranam kiya aur ve maharshi kashyap-pradatt annadi ko prempurvak grahan karne lage. us samay unhonne mahotkat men anek rupon ke darshan kiye. vah ek kshan mahotkat evan dusre hi kshan panchdevon ke rup men dikhne lagta. kshan men atyant bhayanak dikhta to dusre kshan vishvarup men uska darshan hota. is prakar paramaprabhu ke achintya, akthniya svarupon ka darshan kar gandharvon ne apna jivn-janm evan kashyapashram men agaman safal samjha. gandharvon ko mahotkat vinayak ke tatva ka sakshatkar ho gaya. unhonne paramaprabhu vinayak ki shraddha-bhaktipurn hriday se stuti ki aur bar-bar unke charnon men pranam kar unka smaran karte hue kailash ke liye prasthan kiya.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  June 2013

fyuchar samachar patrika ke paravidya visheshank men shani jayanti, vivah, vivah men vilanb ke karan v nivaran, kundli men panchmhapurush yog evan ratn chayan, tabadla ek jyotishiya vishleshan, shukra ki dasha ka fal, shani chandra ka vish yog, ungli aur ungliyon ke duri ka fal, dakshinavarti shankh, brihaspati ka priya kesar, dah sanskar-antim sanskar, parvej musharraf ke sitare gardish men, chand ne duboya taitenik ko, ank jyotish ke rahasya, vibhinn bhavon men mangal ka fal, svargiya jagdanba prasad ki jivan katha, mahotkat vinayak ki pauranik katha ke atirikt, kal sarp dosh se mukti ke lie lal kitab ke achuk upay, vastu prashnottari, yantra samiksha/mantra gyan, helth kaipsul, prakritik urja santulan, vivadit vastu, vishisht mahatva hai kashi ke kal bhairav ka tatha hastarekha dvara janmakundli nirman ki vidhiyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.