तबादला: एक ज्योतिषीय विश्लेषण

tabadla: ek jyotishiya vishleshn  

Ank ke aur Lekh | Sambandhit Lekh | Views : 5137 |  
naukri men tabadla ek niyamit prakriya hai. kuch varsh ek hi sthan par karyarat rahne ke uprant niyojit vyakti ka sthanantaran hona ek svabhavik prakriya hai. kai bar yah tabadla athva sthanantaran apni ichcha ke anurup hota hai to kai bar logon ko apna ghar-parivar chodakar anichcha se naye sthan par jakar yogdan dena padta hai. ye tabadla padonnati ke sath kuch arthik labh ke sath bhi ho sakta hai athva saman pad par rahte hue bina arthik labh ke bhi unhen sthanantrit kiya ja sakta hai. aie dekhen ki vibhinn paristhitiyon men sthanantaran ke kya jyotishiya mapdand hain jinke karan ichcha-anichcha se tabadla hota hai. jyotishiya mapdand (pairamitarsa): 1. pramukh bhav (house): 3h, 4h, 10h, 12h 2. sahayak bhav: 6h 3. grah: 3l,4l, evan 10l, 12l 4. dasha: mahadsha/antardasha/ pratyantardasha svami ka sanbandh pramukh bhavon tatha bhaveshon ke sath hona chahie. 5. gochr: (i) dasha svamiyon ka sanbandh gochar men 4h/3h evan unke bhaveshon ke sath sthapit hona chahie. (ii) yadi inka sahacharya/sanbandh 12h se sthapit ho jata hai to tabadla nishchit hai. 6. kark: shani (naukri ke lie) 7. varg kundliyan: d1,d4,d9 evan d10 3h evan 12h ki tabadle men bhumika: naukri man tabadla pramukhtah tritiya evan dvadash bhavon tatha unke bhaveshon ke bich antarsanbandh sthapit hone ke karan hota hai. yahan dhyan rakhna avashyak hai ki: (i)tritiya bhav sukh sthan (4h) se 12van bhav hai jo grih visthapan nirdeshit karta hai. (ii)dvadash bhav lagn se 12van bhav hai jo svayan ka apni jagah se visthapan nirdeshit karta hai. agli posting ka sthan dvadash bhav hai kyonki yah karmasthan yani dasham bhav se tritiya hai tatha bhagyasthan (navam bhav) se chaturth bhav hai jo lanbi yatra ko ingit karta hai. sath hi yah parakram bhav (3h) se dasham hai jo yatra ka bhi sanket deta hai. in donon bhavon ke bich jitna najdiki sanbandh banega tabadla hone ki ganjaish utni hi badhegi. kuch ati mahatvapurn evan dhyatavya tathya: 1. yadi 4h prabhavit hota hai to nivas men parivartan hota hai (3h, 4h evan 12h). 2. yadi 10h prabhavit hota hai to naukri men parivartan ka sanket hai (3h,10h evan 12h) . 3. yadi tabadla sukhdayi hai to ismen lagn ki bhi sanlagnata hogi. (dasham bhav se chaturtha). 4. yadi tabadla se lokapriyata hasil hoti hai to usmen 4h bhi sanlagn hoga (dasham bhav se saptama). 5. yadi tabadla se padonnati hoti hai to usmen 7h bhi sanlagn hoga (dasham bhav se dashm). 6. yadi tabadla se arthik labh hota hai to usmen 2h/11h ki bhumika anivarya hai. udaharan 1 yah jatak ek bahurashtriya kanpni men vi vibhag men karyarat hai. jatak ka lagn kark hai jo guru ke nakshatra men hai. guru 3h men 4l shukra ke sath baithe hain. guru 6l evan 9l hai. lagn par mangal ki drishti hai jo purn yogkarak (panchmesh evan dashmesh) hokar uchch avastha men saptam bhav men sthit hai. lagnesh chandrama dvadash bhav men sthit hai. saptamesh evan dashmesh ka rashi parivartan hai. sath hi anek mahatvapurn yog is kundli men vidyaman hain. pahla tabadla: 01-01-1995; dasha: shani/guru/chandra mahadshanath shani lagn kundli men saptamesh hokar dasham bhav men, navansh evan chaturthansh kundli men lagn men virajman hokar dasham bhav ko drishti pradan kar rahe hain. antardashanath guru lagn evan navansh kundli men shashthesh evan navmesh hokar tritiya bhav men baithe hain aur vargom hain. tritiya bhav se guru saptam, navam evan ekadash bhav ko drishti pradan kar rahe hain. pratyantardashanath chandra lagnesh (d1 evan d9) hokar dvadash bhav men baithe hain aur vargonm hain. chandrama ne lagnesh hokar dvadash bhav men apni upasthiti darj karake apni pratyantar dasha men tabadla ko anjam de diya. dusra tabadla: 01-12-1996; dasha: budh/budh/surya mahadsha evan antardashanath budh svayan tritiyesh evan dvadshesh hain (lagn evan navansh donon kundliyon men). sath hi budh sthanantaran dene men svayan saksham hain. pratyantardashanath surya dvitiyesh hokar chaturth bhav men sthit hain. dashmansh: budh saptamesh hokar bhagya sthan (navam bhav) men sthit hain tatha pratyantardashanath surya shashthesh hokar dvadash bhav men dashmesh guru ke sath avasthit hain. yah yog darshata hai ki karm (dasham bhav) evan pratiyogita (chatha bhav) ne milakar budh ki sahayta ki tatha jatak ko sukh (4h) evan pad (7l) pradan kiya. tisra tabadla: 01-05-1999; dasha: budh/ketu/budh budh ki charcha upar ki ja chuki hai. antardashanath ketu labh sthan (dvitiya bhav) men ay sthan (ekadash bhav) ke svami shukra ke nakshatra men sthit hain. yah sthiti arthik labh darshata hai. chaturthansh: chaturthansh men budh dvadshesh hokar chaturth bhav men sthit hai tatha inka chaturthesh shukra ke sath rashi parivartan yog hai. budh ki drishti dasham bhav par hai. chaturthesh shukra bhagyesh guru ke sath sthit hai jo tabadla se sukh evan harsh ka dyotak hai. ketu ka shukra ki rashi man ay bhav men avasthit hona arthik labh milne ki bhi pushti karta hai. chaitha tabadla: 01-05-2003; dasha: budh/chandra/rahu mahadshanath budh evan antardashanath chandra ki charcha upar ki ja chuki hai. pratyantardashanath rahu lagn kundli men ashtam bhav se dvadshesh, tritiyesh budh evan dvitiyesh surya ko drishti pradan kar rahe hain. navansh men rahu ay bhav men sthit hokar dvadshesh evan tritiyesh budh ko pancham bhav men drishti pradan kar rahe hain. is prakar upyukt dashaon ne sahayak gochar ke sath milakar tabadle men mukhya bhumika nibhayi tatha jatak ko har prakar ka sukh pradan kiya. jatak ko padonnati, uchch pad evan arthik labh sab kuch prapt hua. min lagn ki is kundli men lagnesh guru dvadashasth hain jo chaturth, shashth evan ashtam bhav ko drishti pradan kar rahe hain. dasham bhav men surya evan budh digbali hokar dasham bhav ko bal pradan kar rahe hain. surya shashthesh tatha budh tritiyesh evan saptamesh hokar chaturth bhav ko drishti evan bal pradan kar rahe hain. shashthesh ka dasham bhav men jana jatak ko naukri men hamesha dusron ke sath pratiyogita karte hue age badhna darshata hai. ay bhav men uchch ka mangal jo labhesh evan bhagyesh hai tritiyesh evan ashtamesh shukra ke sath yuti kar raha hai tatha shani saptam bhav men sthit hokar bhagya bhav, lagn tatha chaturth bhav ko drishti pradan kar rahe hain tatha ye ekadshesh evan dvadshesh bhi hain. chandra lagn se yadi samiksha karen to dasham bhav kark hai jo chandrama ki svarashi hai tatha is par shukra v mangal ki drishti hai. surya 11l tatha budh 9l tatha 12l hokar 3h men hain. mangal 7l tatha 2l hokar 7h, 10h, tatha 11bh ko drishti de rahe hain. shukra lagnesh tatha ashtamesh hokar chaturth bhav men hain. guru 6l tatha 3l hokar 5h men hain tatha inki drishti 9h,11h tatha lagn par hai. atah yahan bhi 3,10,11,12 bhavon ka sambandh spasht hai jo tabadla darshate hain. 4 tatha 7 ka sambandh padonnati evan sukh ko ingit karte hain. navansh ka lagn janm kundali ka dasham bhav hai atah jatak karmashil hai. lagnesh dvitiya bhav men shukra ke sath sthit hain tatha inka shani se rashi parivartan hai. shani dvitiyesh evan tritiyesh hain. shukra shashthesh evan ekadshesh hokar guru ke sath hain. mangal dva adshesh hokar ashtam bhav men nichasth hain tatha viprit rajyog ka srijan kar rahe hain. mangal ki drishti ekadash bhav, dvitiya bhav tatha tritiya bhav par hai. shani 6h,10h evan lagn ko dekh rahe hain. guru ki drishti 6h,8h tatha 10h par hai. surya v budh ka uttam rajyogkarak parivartan yog hai jismen saptam, navam evan dasham bhav shamil hain. yah mahabhagya yog bhi hai. yahan punah 3,10,7,11,12 ka antarsambandh padaprapti, padonnati evan tabadla ka spasht parichayak hai. isi prakar ki sthiti dashmansh evan chaturthansh kundliyon men bhi spasht parilakshit hote hain tatha in donon kundliyon men bhi 3,10,11,12 ke sath 7 ka antarsambandh padonnati ke sath tabadla ko spasht karta hai. atah jivan men jab kabhi bhi jatak ko dasha evan anukul gochar ka samarthan mila tab jatak ko padonnati ke sath tabadla ka avasar prapt hua. pahla tabadla: shani/surya/surya (1 janvri, 1983) lagn kundli men shani ekadshesh evan dvadshesh hokar saptam bhav se navam, lagn tatha chaturth bhav ko drishti pradan kar rahe hain. guru v mangal ki drishti bhi chathe bhav par hai, guru dashmesh evan mangal navmesh tatha dvitiyesh hokar uchch avastha men ay bhav men sthit hain. surya shashthesh hokar svayan dasham bhav men hain. is samay gochar bhi anukul tha atah inka tabadla hua. navansh kundli men shani v surya ka sam saptak hona tatha chaturth evan dasham bhav ko spasht rup se prabhavit karne ke sath chathe bhav ko prabhavit karna sath hi guru ka surya ko dekhna, mangal ka 12l hokar 11h, 2h ko dekhna tatha guru ke sath uttam nich bhang rajyog banana, guru v shani ki chathe bhav par drishti tatha 7l budh ka 9l ke sath parivartan yog banana padonnati ke sath tabadla darshata hai. dashmansh kundali men shani ka navmesh evan dashmesh hokar chathe bhav evan dasham bhav ko dekhna tatha surya ka chaturthesh hokar dvitiya bhav men hona tatha mangal ka chathe evan satven bhav ko dekhna padonnati ke sath tabadla darshata hai. chaturthansh kundali men bhi isi tarah ki sthiti ban rahi hai atah jatak ka padonnati ke sath tabadla hua. anukul gochar ne bhi ismen mahti bhumika nibhayi. dusra tabadla- 2 disanbar 1983-shani/chandra/chandra pathakagan dusre tabadle ki samiksha svayan karen kyonki sthan evan samay ki badhyata ke karan iska vishleshan nahin kiya ja saka.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  June 2013

fyuchar samachar patrika ke paravidya visheshank men shani jayanti, vivah, vivah men vilanb ke karan v nivaran, kundli men panchmhapurush yog evan ratn chayan, tabadla ek jyotishiya vishleshan, shukra ki dasha ka fal, shani chandra ka vish yog, ungli aur ungliyon ke duri ka fal, dakshinavarti shankh, brihaspati ka priya kesar, dah sanskar-antim sanskar, parvej musharraf ke sitare gardish men, chand ne duboya taitenik ko, ank jyotish ke rahasya, vibhinn bhavon men mangal ka fal, svargiya jagdanba prasad ki jivan katha, mahotkat vinayak ki pauranik katha ke atirikt, kal sarp dosh se mukti ke lie lal kitab ke achuk upay, vastu prashnottari, yantra samiksha/mantra gyan, helth kaipsul, prakritik urja santulan, vivadit vastu, vishisht mahatva hai kashi ke kal bhairav ka tatha hastarekha dvara janmakundli nirman ki vidhiyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.