सामान्य अंकों की गणना

samanya ankon ki ganna  

Ank ke aur Lekh | Sambandhit Lekh | Views : 3010 |  
vishisht ankon ke alava bhi kuch ank hote hain jinhen paithagoriyan ank jyotish men samanya ankon ki sangya di jati hai. ye ank jaisa ki nam se hi spasht hai vishisht ankon ki tarah mahatvapurn to nahin hote fir bhi inke mahatva ko nakara nahin ja sakta. ye ank ek sanshodhak ki bhumika nibhate hain tatha mahatvapurn sthanon par upasthit vishisht ankon ke sath milakar unhen sakaratmak athva nakaratmak rup se prabhavit karte hain. inki ganna tatha vishisht ankon ke sath inka samakraman ek sahi tasvir pesh karne men saksham hota hai jisse falakathan ke dauran ek sahi nishkarsh tak pahunchne men asani hoti hai. purva ke ankon men vishisht ankon ki ganna ki vidhi tatha uski vyakhya arthapurn evan tarkasangat rup se kaise ki jati hai, ise sodaharan vistar se samjhaya gaya. paithagoriyan ank jyotish men ye vishisht ank ati mahatvapurn hote hain tatha falakathan men in sabka tatha samanya ankan ka sammilit yogdan hota hai. samanya ankon ki shreni men janmank, namank, adat ank, nam ka pahla akshar tatha nam ka pahla svar varn mahatvapurn hain jinki ganna ki vidhi tatha unki vyakhya is ank men udaharan ke sath apki suvidha evan sahayta ke lie prastut kar rahe hain taki ap labhanvit ho saken. janmank samanya ankon ki shreni men sabse mahatvapurn ank janmank ko mana jata hai. ank jyotish ki anya paddhatiyon men to ise sabse mahatvapurn ank mana jata hai. jaise: kiro dvara pratipadit ank jyotish athva vaidik ank jyotish men yah sarvapramukh ank mana jata hai. kintu paithagoriyan ank jyotish men sabse mahatvapurn ank yogyata ank hai jiski charcha purva men kai bar ki ja chuki hai. janmank ki ganna gregoriyan kailendar ke anusar jis tithi ko vyakti ka janm hota hai use hi janmank kaha jata hai. niyam vahi hai, yadi janm 9 tarikh ke uprant hua ho to use ekal ank men parivartit karen, vahi apka janmank hoga. udaharan ke lie, kriketar virat kohli ka janm navanbar 5, 1988 ko hua tha. atah unka janmank unke janm ki tithi yani 5 hoga. isi prakar man len ki kisi vyakti ka janm 25 tarikh ko hua hai to uska janmank = 25 = 2+5 = 7 hoga. 1, 10, 19 tatha 28 tarikh ko paida hue vyaktiyon ka janmank saman yani 1 hoga. to ab prashn uthta hai ki kya in sabhi vyaktiyon men ek saman tivrata ke sath hi 1 ke gunon ka samavesh hoga? uttar hai nahin, 1 ke mahatvapurn gun hain dridh ichchashakti, vaiyaktikta, sutrapat, netritva adi. atah in tithiyon ko paida hue vyaktiyon men in gunon ka samavesh to hoga kintu inki matra badhte hue kram men parilakshit hogi. 19 tarikh ko paida hue vyaktiyon ko ichchit parinam prapt karne ke pahle kuch kathinaiyon evan badhaon ka samna karna padega kyonki 19 ek karmik ank hai. isi prakar 2, 11, 20 athva 29 tarikh ko paida hue vyakti sanvednshil, sahyogi evan kutnitigya 2 se 29 tak ke badhte hue kram man honge. 11 evan 29 chunki karmik ank hain, atah 11 evan 29 tarikh ko paida hue vyakti sanki athva ati dharmik hote hain kintu tanavagrast rahte hain. vyavsay men inhen adhik saflta nahin mil pati. yadi ye ank kisi vishisht ank ke rup men bhi prakat hote hain to inki tivrata aur badh jati hai. isi prakar se samanya ankon ka samakraman kiya jata hai. namank nam ke pahle hisse ke ankik manon ki ganna kar use ekal ank men parivartit karne par jo ank prapt hota hai use namank kahte hain. namank bhi vishisht ankon ko bal pradan kar uski kshamata men sakaratmak athva nakaratmak rup se vriddhi karta hai. yah utprerak ki bhumika nibhata hai. namank ki ganna udaharan men ham virat kohli ko hi is alekh men lete hain. virat kohli 49912 26839 25/7 28/1 = 8 bhagyank namank = 25 = 2+5 = 7 namank 7 vale vyakti jujharu, akarshak, buddhiman, visheshagya, jimmevar evan pratishtha sanpann hote hain tatha apne chunbkiya vyaktitva se dusron par apni amit chap chodte hain. fir bhi ye antarmukhi evan chuninda hote hain tatha dusron ke dvara inhen galat samjha ja sakta hai jabatak ki inhen achchi tarah se jana nahin jay. virat kohli man nissandeh ye gun maujud han tatha apne in gunon ka avlokan kriket ke maidan men aksar ye hamen karvate rahte hain. adat ank ;bhnipaj chanauimataddh samanya ankon ke kram men agla ank hai, adat ank jiski ganna nam men shamil kul aksharon ko ginakar ki jati hai. yah ank varshon men bani huyi hamari adton ko darshata hai tatha vishisht ankon ke sath milakar sakaratmak athva nakaratmak sanshodhak ke rup men karya karta hai. virat kohli 5 5 = 10/1 adat ank udaharan men virat kohli ke nam ke pahle hisse virat men kul 5 akshar hain tatha dusre hiss kohli men bhi utne hi arthat 5 akshar hi hain. atah virat kohli ka adat ank = 5+5 = 10/1 hoga. isi prakar se adat ank ki ganna ki jati hai. adat ank 1 ka tatparya yah hai ki virat kohli men netritva kshamata kut-kutakar bhari hui hai tatha hamesha ye apna varchasva sthapit karna chahte hain tatha lidar ke rup men inhen apni bhumika akramak hokar nibhana pasand hai. bharat ke upakaptan ke rup men, rayal chailenjars ke kaptan ke rup men tatha ek khiladi ke rup men unke akramak pradarshan evan vyavhar ne sabka dhyan akrisht kiya hai. abhi hal men ai. pi. el. ke ek maich ke dauran gautam ganbhir se maidan par unki bahas bhi unke akramak ravaiye ka hi parichayak hai. nam ka pahla akshar nam ka pahla akshar vyakti ke bhautikvadi drishtikon ko darshata hai. angreji varnamala ke sabhi 26 varnon ke paithagoriyan ank jyotish men vishesh arth hote hain. sthanabhav ke karan unki charcha yahan sanbhav nahin hai. virat kohli ke nam ka pahla akshar v hai. akshar v atyadhik karya evan mehanat ke dvara mahatvapurn pariyojnaon men saflta ko nirdisht karta hai. nam ka pahla svar varn (vowel) nam men maujud pahla svar varn (vowel) vyakti ke antrik athva adhyatmik drishtikon ko pradarshit karta hai. nam ka pahla akshar tatha nam men maujud pahla svar varn do aise sanshodhak hain jo chupchap vishisht ankon ki jarurton ko pura karne ke lie karyarat rahte hain. virat kohli ke nam men maujud pahla svar varn i hai. i uchch sanvedna evan bhavukta ko darshata hai. aise vyakti lok kalyankari evan manvtavadi karyon men abhiruchi lene vale hote hain.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  July 2013

fyuchar samachar patrika ke paravidya visheshank men shiksha ke kshetra men saflta/asflta ke yog, mansik vedna, vivah ke lie guru, shukra evan mangal ka mahatva, ishvar evan devtaon ke avtar, vastu dosh v atmahatya, shriyantra ka adhyatmik svarup, pitrimoksh dham ka mahatirth brahm kapal, falit jyotish men mangal ki bhumika, prem ka pratik firoja, stri rogon ko jyotish v vastu dvara akalan, hriday rog ke jyotishiya karan, kya hai puja men arti ka mahatva, rajyog tatha viprit rajyog, chaturmas ka mahatmya ityadi rochak v gyanavardhak alekhon ke atirikt dakshinamurti stotra, ank jyotish ke rahasya, sima ka vaham namak satyaktha, arjun ki shakti upasna namak pauranik katha, kalasarp dosh se mukti ke lie lalkitab ke achuk upay, bhagvan shri ganesh aur unka mul mantra tatha jiyopaithik stres v anya nakaratmak urjaon adi vishyon par bhi vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.