पंच पक्षी की गतिविधिया

panch pakshi ki gatividhiya  

Ank ke aur Lekh | Sambandhit Lekh | Views : 4583 |  
panch pakshi ki kriyavidhi ke vishay men purva ke alekhon men kafi charcha ki ja chuki hai. panch pakshi shastra kafi satik evan vaigyanik hai tatha prachin samay se hi dakshin bharat men ati prachlit raha hai. panch pakshi ki gatividhiyon ko drishtigat rakhakar yadi kisi karya ke lie uchit samay ka nirdharan kiya jay tatha karya sanpadit kiye jayen to vah karya nishchit rup se safal hota hai aisa anubhav siddh hai. purva ke alekhon men har vyakti ke panch pakshi ke nirdharan ki paddhati ka saral evan vistrit vivechan kiya ja chuka hai. panch pakshi din evan ratri ke vibhinn yam kal men anyanya gatividhiyan sanpann karte hain. shukla paksh evan krishn paksh men unki gatividhiyon ke kram men parivartan ata rahta hai. yadi din evan rat ki avdhi ko ausat rup se 12 ghante ka man liya jay to is prakar 2 ghante 24 minat ki avdhi ka ek yam hoga tatha is prakar din ke 5 yam tatha ratri ke 5 yam honge. din tatha rat ke in 5-5 yamon ki avdhi men pratyek pakshi tatvik spandan ke adhar par apni alg-alag gatividhiyon men sanlagn rahenge. inki gatividhiyon men sabse shaktishali gatividhi hai- shasan karna. iske uprant ghatti hui shakti ke kram men anya gatividhiyan hain- khana, ghumna, sona evan marna. jis kal men apka janm pakshi shasan karne ki gatividhi men sanlagn ho tatha iske mitra pakshi ki gatividhi bhi shasan karne ki hi ho to aise kal men kie gae har karya ki saflta nishchit samjhni chahie. isi prakar kram se saflta ka star kam hota chala jaega. jis kal men janmapakshi ‘marna’ gatividhi men sanlagn ho us kal men karya sanpadit karna asflta ka suchak hai, atah purnatah tyajya hai. ek kal men koi bhi do pakshi saman gatividhiyon men sanlagn nahin rahte. ek pakshi jo karya us samay kar raha hota hai baki ke pakshi kram se char anya gatividhiyon men vyast hote hain. kisi vyakti ka janm pakshi yadi sarvadhik shaktishali gatividhi men sanlagn ho to us samyavdhi men kie gae har karya men use saflta hasil hogi tatha vah apne pratidvandvi par vijyi hoga. use is samyavdhi men naukri ke lie die gae intaravyu men saflta milegi, vah apne premi/premika ka dil jitne men saksham hoga, yadi bimar hai to is samyavdhi men ilaj shuru karne se jaldi thik ho jaega. arthat yah samyavdhi chahunmukhi saflta ka dyotak hai. is kal men yadi kisi kanya ko pratham rajodarshan hote hain to vah pure jivan bhar sukhi rahti hai tatha uchch jivan shaili kayam rakhti hai. ise jivan ki har paristhiti evan har kshetra men lagu kiya ja sakta hai jaise khelkud, udyog, sheyar market ityadi. isi prakar se yatra ka praranbh karne, apne baes se milne jane, vivah karne, shiksharanbh karne, naukri aranbh karne, shapath grahan karne adi ke lie bhi apne janmapakshi ke adhar par shaktishali samay ka nirdharan kiya ja sakta hai kyonki ismen saflta shat pratishat nishchit hai. atah yah purnarupen saflta ki kunji hai yadi iska buddhimattapurvak evan savdhani purvak prayog kiya jay. pratyek pakshi ko vibhinn karakatva bhi pradan kie gae hain jaise- disha, rang, grah, sankhya, manav sharir ke ang ityadi. inka anuprayog khas paristhitiyon men labh prapt karne ke uddeshya se kiya jata hai. har prakar ki gatividhi ki samyavdhi ko ‘yam’ kaha jata hai jiska kal 2 ghante evan 24 minat hote hain. panch yam kal din ke 12 ghante evan isi prakar panch yam kal rat ke 12 ghante ka pratinidhitva karte hain. har mukhya gatividhi ke antargat 5 upgtividhiyan choete antral ke lie ati hain. udaharan ke lie man len ki apka janmapakshi shasan karne ki gatividhi men sanlagn hai to vibhinn pakshiyon ki upgtividhiyon ka kram is prakar hoga- shasan men shasan, shasan men khana, shasan men ghumna, shasan men sona tatha shasan men marna. isi prakar ka kram char anya mukhya gatividhiyon ke lie bhi hoga. is prakar ‘shasan men shasn’ sarvadhik shaktishali tatha saflta ka dyotak to dusri or ‘marna men marna’ sarvadhik kamjor tatha asflta ka suchak hai. ise is prakar bhi samjha ja sakta hai ki ‘shasan men shasn’, ‘shasan men khana’ ‘khana men shasn’ evan ‘khana men khana’ gatividhiyan sadaiv anukul evan shaktishali avrohi kram se sabit honge tatha in samyantaralon ka labhaprad upyog jivan ke vibhinn kshetron men saflta ke nihitarth kiya ja sakta hai. jab ek pakshi kisi mukhya gatividhi men sanlagn heata hai to dusre char pakshi kram se anya char upgtividhiyon men sanlagn rahte hain. in char pakshiyon ka mukhya gatividhi men sanlagn pakshi ke sath mitrata athva shatruta ka sanbandh hota hai. atah upgtividhin jo svayan hi gatividhi ke svabhavagat lakshan se shubh athva ashubh hota hai, vah pakshiyon ke apsi sanbandh se aur bhi behatar athva aur bhi kharab ho sakta hai. udaharan svarup man len ki apka janm pakshi ‘kaua’ mukhya gatividhi ‘shasn’ men sanlagn hai tatha iska kattar shatru ‘mayur’ upgtividhi ‘khana’ sanpadit kar raha hai to samanya rup men iska fal achcha hi mana jaega kyonki ‘shasan men khana’ achchi samyavdhi hai. kintu upgtividhi sanpann karne vala pakshi ‘mayur’ mukhya gatividhi men sanlagn pakshi ‘kaua’ ka kattar shatru hai atah yah samyavdhi bahut achcha to sabit nahin hoga yah ausat faldayi hoga. isi tarah ka kram evan kriyavidhi donon pakshon men chalte hain. har din/rat ke lie evan shukla paksh tatha krishn paksh ke lie panchon pakshiyon ki gatividhin har yam kal ke lie nishchit ki gai hain. agle alekh men inka vivaran prastut kar inki vyakhya ki jaegi.
Kya aapko lekh pasand aaya? Subscribe
Kya aapko lekh pasand aaya? Subscribe


svapan, shakun evan totke visheshank  June 2014

fyuchar samachar ke svapan, shakun evan totke visheshank men anek rochak aur gyanavardhak alekh hain jaise- shayan evan svapnah ek vaigyanik mimansa, svapnotpatti vishayak vibhinn siddhant, svapn aur fal, kya svapn sach hote hain?, shakun vichar, yatraah shakun apshkun, jivan men shakun ki mahatta, kala jadu jyotish ki najar men, vivah hetu achuk totke, svapn aur fal, dhan-sampatti prapt karne ke svapn, shakun-apshkun kya hain?, sukh-samriddhi ke totke shamil hain. iske atirikt janmakundali se janen kab hogi apki shadi?, shreshthatam jyotishi banne ke grah yog, satyaktha, nirjala ekadshi vrat, janen ang lakshan se vyakti vishesh ke bare men, panch pakshi ki gatividhiyan, hailth kaipsul, bhagavat katha, simantonnayan sanskar, living rum v vastu, vastu prashnottari, piramid vastu, jyotish vishay men uchch shiksha yog, pavan sthal, vastu paramarsh, sheyar bajar, grah sthiti evan vyapar, ap aur apka pars adi alekh bhi sammilit hain.

Subscribe

Apne vichar vyakt karein

blog comments powered by Disqus
.