द्वादशांश से अनिष्ट का सटीक निर्धारण

dvadshansh se anisht ka satik nirdharn  

Ank ke aur Lekh | Sambandhit Lekh | Views : 2320 |  
srishti ke rachyita brahma ji ne jab se is sansar ki rachna ki hai tabhi se jivan men pratyek nashvar agmon ko chahe ve sajiv hon athva nirjiv, unhen vibhinn avasthaon se gujrna padta hai. jivan ki is yatra men sabon ko achche evan bure samay ka svad chakhna padta hai tatha donon paristhitiyon se hokar gujrna padta hai. yadi hamara adhyatm evan paravidyaon men vishvas hai to inke anusar janm se mrityuparyant manushya ke jivan ki har ghatna grahon, nakshatron evan dashaon adi dvara purnarupen nirdeshit hoti hai. inke sammilit prabhav jivan men ghatit hone vali har ghatna ko prabhavit karte hain. adhunik bhautikvadi vishva men pratyek manushya dhani, sukhi evan har prakar se sanpann jivan jine ki kalpana karta hai tatha uski yah akanksha hoti hai ki use ve sabhi vilasitapurn sukh-suvidhaen prapt hon jinki use akanksha hai. kintu yah hamare hath men nahin hai. ham sirf karm kar sakte hain, fal ka nirdharan hamari janm kundli men sthit grah karte hain jo hamare janm lene ke sath hamari kundli men avtrit hote hain. janm lene ke uprant yah avashyanbhavi ho jata hai ki hamen nirantar sukh evan dukh ke chakra se gujrna hai. ab kiske bhagya men vidhata ne kya sukh athva dukh likhe hain iska vivechan jyotishi apne daiviya gyan, jyotish ke gahan ev gudh siddhanton ke gyan ke adhar par karte hain tatha logon ko paramarsh dekar unka margadarshan karte hain ki uske jivan ka amuk samay sukh ka hai athva ane vala samay dukh ka hoga, atah bhavi pareshaniyon athva asann sankat ke prati savdhan ho jayen. yadi bure samay ka gyan purva men hi ho jay tatha samuchit margadarshan mil jay to vyakti ane vale bure samay ke prati sachet ho sakta hai, mansik rup se taiyar ho sakta hai athva daiviya upayon dvara tatha apne krityon dvara ishvar pradatt is pida ko kamatar karne men, iski tivrata evan vibhishika ko nyun karne men avashya safal ho sakta hai. yadyapi ki jyotish men anisht ke nirdharan evan unki bhavishyavani ke anek gyat evan agyat sutra maujud hain, kintu ek ati mahatvapurn, vyavhrit evan siddh taknik dvadshansh chakra ke dvara anisht ke nirdharan ka hai jismen rahu ka gochar dekhakar kafi satik bhavishyavani ki ja sakti hai. yah taknik varshon ke shodh evan paryavekshan ke parinamasvarup prakash men ayi hai tatha shat-pratishat sahi fal dene men saksham hai. niyam 1: charan 1: lagn kundli ka ashtamesh dekhen. charan 2: lagn kundli ke ashtamesh ki dvadshansh men sthiti dekhen. charan 3: rahu ka gochar dekhen. jab bhi dvadshansh men lagn kundli ke ashtamesh ko rahu gochar dvara prabhavit karega, vah samay kafi ghatak athva samasya dene vala hoga. niyam 2: yadi lagn kundli ka ashtamesh shani ho to vaisi sthiti men niyam men thoda sa parivartan hai. aisi sthiti men dekhen ki dvadshansh men shani kahan avasthit hai. jab kabhi bhi rahu ki sthiti gochar men shani se tritiya athva dasham bhav men hogi, vah samay jatak ke lie bura, kashtadayak athva ghatak hoga. nimnankit udaharan is siddhant ki satyata ke parichayak evan iski vishvasniyata ko siddh karne men sahayak honge. lekin jyotirvidon ko yah dhyan rakhna ati avashyak hai ki is siddhant ke anusar rahu har sadhe sat varsh ke uprant sanvednshil bindu par gochar karega. atah falakathan karte vakt hamesha ise drishtigat rakhakar savdhani bartni avashyak hai. hamesha hi yah mrityu dene vala tatha atighatak nahin hoga. kintu itna to hai ki jatak ko buri paristhitiyon ka samna avashya karna hi padega chahe iski matra kam ya adhik ho. udaharan 1: indira gandhi 19-11-1917, 23:11,ilahabad mrityu: 31-10-1984 udaharan kundli 1 indira gandhi ki hai. is kundli men niyam 2 lagu hota hai. kyonki inki lagn kundli ka ashtamesh shani hai. dvadshansh kundli men shani min rashi men avasthit hai. durbhagyapurn sthiti men inki hatya 31-10-1984 ko kar di gayi. is samay inka rahu vrish rashi men gochar kar raha tha jo ki dvadshansh ke min rashi se tritiya bhav hai jahan shani avasthit hai. udaharan 2: morarji desai 29-2-1896, 13:38, bhadeli (gujrat) mrityu: 10-4-1995 udaharan kundli 2 morarji desai ki hai. inki kundli men bhi niyam 2 hi lagu hota hai kyonki inki lagnakundli ka ashtamesh bhi shani hi hai. inki dvadshansh kundli men shani sinh rashi men avasthit hai. morarji desai ki mrityu 10 aprail 1995 ko hui. is din rahu tula rashi men gochar kar raha tha jo ki dvadshansh men avasthit shani ki rashi sinh se tritiya hai. udaharan 3: bi. vi. raman 8-8-1912, 19:40, bangluru mrityu: 20-12-1998 udaharan kundli 3 vikhyat jyotishi da. bi. vi. raman ki hai. inki lagn kundli ke ashtamesh budh hain. dvadshansh men budh makar rashi men avasthit hai. inki mrityu ke din 20 disanbar 1998 ko rahu kark rashi men gochar kar raha tha tatha dvadshansh men makar rashi men sthit budh par uski purn drishti thi. udaharan 4: stiv jabs 24 farvri 1955, 16:15, sain fransisko mrityu: 5-10-2011 udaharan kundli 4 eppal ke sansthapak evan si. i. o. stiv jaebs ki hai. inki lagn kundli ke ashtamesh bhi shani hain atah yahan bhi niyam 2 hi lagu hoga. inki dvadshansh kundli men shani kanya rashi men sthit hai. 5 aktubar 2011 ko jis din inki mrityu hui, rahu vrishchik rashi men gochar kar raha tha jo unke dvadshansh men sthit shani se tritiya bhav hai. udaharan 5: amitabh bachchan 11-10-1942, 16:00, ilahabad ganbhir rup se ghayl- 26-7-1982 udaharan kundli 5 amitabh bachchan ki hai. jaisa ki ham sabhi jante hain ki ‘kuli’ film ki shuting ke dauran 26 julai 1982 ko ye atyant ganbhir rup se ghayal ho gaye the. inki lagnakundli ka ashtamesh budh hai jo dvadshansh kundli men mithun rashi men sthit hai. is durghatana ke din rahu mithun rashi men hi gochar kar raha tha jahan dvadshansh men lagn kundli ka ashtamesh avasthit hai. udaharan 6: rajiv gandhi 20-8-1944, 8:11, munbai mrityu: 21-5-1991 udaharan kundli 6 bharat ke purva pradhanmantri rajiv gandhi ki hai. inka lagn sinh evan lagn kundli ka ashtamesh brihaspati hai. dvadshansh men brihaspati dhanu rashi men sthit hai. inki nrisansh hatya 21 mai 1991 ko manav bam ke dvara kar di gai. is din rahu dhanu rashi men gochar kar raha tha tatha dvadshansh men sthit brihaspati ko purn rup se prabhavit kar raha tha jo ki lagn kundli ka ashtamesh hai. udaharan 7: aditi sinh 22-11-1975, 1:10, bareli mrityu: 27-8-2012 udaharan kundli 7 ek mahila jatika ki hai jo bilkul svasth thin tatha achanak inki hridyaghat ke karan mrityu ho gai. inki lagn kundli ke ashtamesh guru hain jo dvadshansh men vrishchik rashi men sthit hain. 27 agast 2012 yani inki mrityu ke din rahu vrishchik rashi men hi gochar kar raha tha aur dvadshansh men vrishchik rashi men sthit brihaspati ko purnarupen prabhavit kar raha tha. is prakar ham pate hain ki ye niyam har udaharan kundli par shat pratishat lagu hote hain. kintu ab prashn yah uthta hai ki chunki rahu har sadhe sat varsh men in sanvednshil binduon se gochar karta hai to kya yahi parinam hamesha dekhne ko milenge. uttar hai nahin. kintu itna to nishchit hai ki jatak ko is dedh varsh ki avdhi men bure samay se do-char hona padega chahe pida ki tivrata kam ho ya adhik. sthiti ki ganbhirta kundli men avasthit anya grahon evan yogon par bhi bahut kuch nirbhar karte hain. atah pathkon evan jyotish bandhuon se yah nivedan hai ki in niyamon ka andhanukaran n karen tatha falakathan men hamesha mrityu athva mrityutulya kasht ki bhavishyavani bina tathyon ko achchi tarah parkhe bagair n karen. is vishay par age aur shodh ki avashyakta hai. atah ap svayan in niyamon ko anya kundliyon men bhi ajma kar dekhen tatha apni sakaratmak athva nakaratmak pratikriya se hamen avagat karaen.
Kya aapko lekh pasand aaya? Subscribe
Kya aapko lekh pasand aaya? Subscribe


  July 2013

Apne vichar vyakt karein

blog comments powered by Disqus
.