पंच पक्षी की विशेषतायें एवं स्वभावगत लक्षण-2

panch pakshi ki visheshtayen evan svabhavagat lakshana-2  

Ank ke aur Lekh | Sambandhit Lekh | Views : 10859 |  
sanpurn manav samuday ke lie panch bhinn pakshiyan nirupit ki gai hain. pakshi ka nirdharan janm nakshatra evan shukla paksha/krishn paksh men janm ke adhar par kiya jata hai. in panchon pakshiyon ki apni visheshtayen evan svabhavagat lakshan hote hain. hamara svabhav hamare nirupit pakshi ke anusar hi hota hai tatha logon se hamare achche-bure sanbandh hamare pakshi evan dusron ke pakshi ke apsi sanbandhon ke anurup hi hote hain. murga apka vyaktitva apka janm pakshi yah nirdisht karta hai ki ap ganbhir svabhav ke vyakti hain tatha apke vyavhar men ganbhirya sadaiv jhalkta hai. apke vyavhar ki pramukh khasiyat yah hai ki ap thik se kisi chij ka vishleshan karne ke uprant hi nishkarsh par pahunchte hain tatha nirnay lete hain. atah apke vicharon evan nirnayon men apka gyan, buddhi evan paripakvata parilakshit hota hai. apke batchit karne ke tarike men thora dikhavtipan bhi pradarshit hota hai. yadi kisi vyakti ka koi vyavhar apko bura lag jay to ap udvign ho jate hain tatha uske prati ghrina ka bhav apke man men ghar karne lagta hai. apka svabhav chirchira tatha shighra krodhit ho jane vala hai aur yah apke svasthya ke drishtikon se hitakar nahin hai. atah apko apne vyavhar ko sanymit karna chahie tatha gusse par kabu pana chahie. dae. manoj kumar iske alava apke lie yah bhi avashyak hai ki ap dusron ke prati bhi sochen tatha achchi bhavna rakhen. apko khatte khadya padarth ruchikar lagte hain tatha atyadhik sona evan aram karna apko pasand hai. apka svasthya apka janm pakshi apke sir evan gardan ke hisse ka pratinidhitva karta hai. atah apke lie salah hai ki ap apne sharir ke in angon ki behatar dekhbhal karen anyatha ye apko kasht de sakte hain. krodh evan ghrina do aise mahatvapurn tatva hain jinapar kabu pana apke lie avashyak hai anyatha ye bhi svasthya sanbandhi samasyaen paida karne men aham ho sakte hain. apki bhagyashali disha apke lie sabse bhagyashali disha uttar hai. ap apne adhikansh karya isi disha men abhimukh hokar karen kyonki yah apke lie anukul hoga. yadi ap apne har mahatvapurn nirnay bhi is disha ko drishtigat rakhakar len to shubh sabit hoga. ap apne aefis men isi disha men abhimukh hokar baithen, isse apki karyakshamata evan yogyata men vriddhi hogi. apka bhagyashali rang apka bhagyashali rang hara hai. atah ap apne dainik jivan men adhikanshtah isi rang ka prayog karen. is rang ka pramukhta se prayog karne par apke bhagya men vriddhi hogi tatha ap mansik evan sharirik rup se svasth rahenge. har mahatvapurn avasar par evan karya ke dauran hare rang ka hi vastra pahnen, isse apko sakaratmak parinam milenge. apke shubh devta apke isht dev bhagvan ganesh hain. yadi ap purn samarpan bhav ke sath shri ganesh ki aradhna karen to apka krodh bhi niyantrit ho jaega aur saflta bhi prapt hogi, nakaratmakata apki buddhi par havi nahin ho paegi tatha apko mansik shanti bhi prapt hogi. bhagvan ganesh apke jivan ki samasyaon evan kathinaiyon ko kam karenge tatha apke ruke hue sabhi karya safltapurvak sanpann honge. mayur apka vyaktitva apki adat apne nirnay par drirh rahne ki hai. ap apne vyavhar men santulan banae rakhte hain tatha krodh ko apne upar havi nahin hone dete. kintu ap men atm vishvas ki kami parilakshit hoti hai tatha ap kisi se bhi bat karte vakt ghabra jate hain. apni biti hui baton ko yad karke kai bar ap bhavuk ho uthte hain jo ki apke lie achcha nahin hai. apke lie yah salah hai ki ap baton ko dil se n lagaen tatha jivan path par nirantar age barhte rahen. choti-choti baton par ghar tatha bahar sanbandhon men darar n ane den. apke vyaktitva ka sabse bara gun yah hai ki ap shant svabhav ke hain tatha shighra krodhit nahin hote. ap adhik bhavuk bhi nahin hain. apko jangal ke prakritik vatavaran adhik bhate hain. apka achcha svabhav viprit ling ke sathiyon ko barabas apki or akarshit karte hain. apka svasthya apka janmapakshi apke hriday evan sharir ko prabhavit karta hai. apke janm pakshi ke adhar par apke lie shreyaskar hoga ki ap apne mansik tanav ko darkinar karen tatha apne upar havi n hone den. ap mastishk ke svasth rahne ke upay karte rahen anyatha apki yaddasht kamjor hoti chali jaegi. apko samy-samay par sharir ke alg-alag hisson jaise- hath, kandhe evan guptangon men bhi samasyaen ho sakti hain. atah yadi in angon men thori bhi pareshani mahsus ho to yathashighra is par dhyan dekar chikitsakiya salah len. apki bhagyashali disha apki bhagyashali disha har disha ka madhya bindu arthat vidisha hai. ghar men ya karyasthal par bhi vidisha (uttara-purva, uttara-pashchim, dakshin-pashchim, dakshin-purva) apke lie ati shubh hai. apne jivan tatha kariyar se sanbandhit har mahatvapurn karya ko sanpann karne ke lie in dishaon ka dhyan rakhen. apne sabhi dastavej ap inhin dishaon men rakhen to apke lie shubh sabit hoga. isse apke sabhi karya safal honge tatha parinam apke paksh men aenge. apka bhagyashali rang apka bhagyashali rang kala hai. is rang ka adhikatam prayog ap dainik jivan men karen. har mahatvapurn avasar par tatha avashyak karya ke nishpadan ke dauran kale vastra hi pahnen to uttam hoga. apke shubh devta samanyatah apke lie sabhi devi-devta shubh hain. atah ap yadi shuddh hriday evan samarpan bhav se inki aradhna karen to apki har manokamna purn hogi. isse apka manobal bhi drirh hoga tatha ap kathin paristhitiyon se nijat pane men bhi saksham ho paenge. ishvar bhakti se apka atmavishvas barhega tatha pareshaniyan kam hongi.
Kya aapko lekh pasand aaya? Subscribe
Kya aapko lekh pasand aaya? Subscribe


ratn evan rudraksh visheshank  May 2014

fyuchar samachar ke ratn evan rudraksh visheshank men anek rochak aur gyanavardhak alekh hain jaise- rudraksh ki aitihasik prishth bhumi, rudraksh ki utpatti, rudraksh ek vardan, rudraksh dharan karne ke niyam, jyotish men ratnon ka mahatva, ratn dharan ka samuchit adhar, ratn dharan se rogon ka nidan, uparatn, lagnanusar ratn nirdharan, ratnon ka mahatva aur svasthya adi. iske atirikt panch pakshi ke rahasya, vat savitri vrat, akshay tritiya evan apki rashi, grah aur vakalat, ek sabhya samaj ke nirman ki prakriya, agla pradhanmantri kaun, kundali ke vibhinn bhavon men ketu ka fal, satya katha, punsavan sanskar, hailth kaipsul, shankh therepi, jyotish aur mahilaen tatha vastu prashnottari v vastu paramarsh jaise anya rochak alekh bhi sammilit kiye gaye hain.

Subscribe

Apne vichar vyakt karein

blog comments powered by Disqus
.